Dagblaðið Vísir - DV - 19.08.2009, Blaðsíða 8

8 miðvikudagur 19. ágúst 2009 fréttir
Umboðs- og söluaðili
Birkiaska ehf.
sími: 551 9239
www.birkiaska.is
Birkilauf Smáauglýsingasíminn er515 5550
smaar@dv.is
Bjarki Freyr Sigurgeirsson var í gær úrskurðaður í gæsluvarðhald vegna gruns um manndráp í Hafn-
arfirði. Hann á langan afbrotaferil að baki og braust hann meðal annars í þrígang inn til afa síns og
ömmu. Eiturlyfjaneysla Bjarka varð til þess að barnsmóðir hans fór frá honum með unga dóttur þeirra.
Nágrannar höfðu mikið ónæði af hávaða og öskrum frá íbúðinni.
MANNDRÁP Í
GLÆPAHREIÐRI
Bjarki Freyr Sigurgeirsson, síbrota-
maður sem verður 31 árs á sunnu-
dag, var í gær úrskurðaður í gæslu-
varðhald vegna gruns um að hafa
orðið manni að bana í iðnaðarhúsi
við Dalshraun í Hafnarfirði.
Innbrot á heimili afa síns og
ömmu er meðal þess sem Bjarki
hefur verið dæmdur fyrir á liðn-
um árum auk þess að brjótast
inn á hárgreiðslustofu afa síns. Í
dómi kemur fram að samkvæmt
lækni hjá Samtökum áhugafólks
um áfengis- og vímuefnavand-
ann megi að mestu rekja afbrota-
hegðun Bjarka til vímuefnaneyslu
hans.
Alblóðugur í
annarlegu ástandi
Bjarki er grunaður um að hafa
veitt fórnarlambinu þungt höfuð-
högg eftir að þeir neyttu fíkniefna
saman. Lögreglan rannsakar mál-
ið sem manndráp. Tilkynning um
málið barst lögreglu um klukkan
hálf tólf á mánudagskvöld. Íbúi
í húsinu við Dalshraun hringdi
á lögreglu eftir að hafa komið að
hinum látna. Þegar lögreglan kom
á staðinn var Bjarki handtekinn
fyrir utan húsið. Hann var alblóð-
ugur og segir lögregla hann hafa
verið í annarlegu ástandi. Ekki var
hægt að yfirheyra Bjarka á þeim
tíma, hann var færður á lögreglu-
stöðina þar sem hann var látinn
sofa úr sér vímuna og var hann yf-
irheyrður síðdegis í gær.
Látni maðurinn fannst í her-
bergi sem Bjarki leigði á efri hæð
hússins. Hann var með höfuð-
áverka sem taldir eru hafa dregið
hann til dauða. Rannsóknarlög-
reglumenn voru að störfum í hús-
inu í fyrrinótt og fram eftir degi.
Áhugalaus um barnið sitt
DV náði tali af barnsmóður Bjarna
en saman eiga þau fimm ára
stúlku. „Hún þekkir ekkert pabba
sinn. Hann hefur ekki séð barnið
sitt í fimm ár. Hann hefur bara ekki
haft áhuga á barninu,“ segir hún.
Þau Bjarki bjuggu saman um hríð
og segir hún að hann hafi þá tek-
ið sig virkilega á og reynt að vera
edrú. Það hafi hins vegar gengið
upp og ofan. Þegar hann var undir
áhrifum eiturlyfja varð hann bæði
afskaplega afbrýðisamur og jafn-
vel ofbeldishneigður. „Hann varð
mjög afbrýðisamur ef ég talaði við
stráka sem ég þekkti,“ segir hún.
Barnsmóðir Bjarka minnist
hluta meðgöngunnar með hryll-
ingi en hún segir hann þá hafa veist
að henni með ofbeldi. Stuttu eftir
að stúlkan fæddist yfirgaf móðirin
Bjarka þar sem hún gat ekki afbor-
ið hegðun hans og neyslu. „Ég sleit
þessu bara. Barnið mitt er meira
virði,“ segir hún.
Hún hefur engin samskipti haft
við Bjarka síðustu ár. Hún seg-
ist hins vegar hafa rekist á hann
í Mjóddinni í sumar og hann þá
sagst vera á flótta.
Heyrði öskur á kvöldin
Nokkur herbergi hafa verið leigð út
í húsinu að undanförnu. Nágrann-
ar sem DV ræddi við voru sammála
um að mikil óregla hafi verið í kring-
um húsið í Dalshrauni undanfarið.
Einn þeirra sem DV ræddi við hafði
ekki heyrt af manndrápinu, en
sagði að mikill hávaði hafi komið
frá húsinu undanfarin kvöld. „Það
hafa borist öskur þaðan þrjár næt-
ur í röð,“ segir nágranni sem búið
hefur í húsinu um vikutíma.
Annar nágranni, sem rekur fyr-
irtæki skammt frá húsinu, segist
lengi hafa haft grunsemdir um að
húsið væri dópgreni. Margsinnis
hafi verið vesen á íbúum í húsinu,
en lögreglan lítið aðhafst. „Þetta er
óþjóðalýður,“ segir hann um ná-
granna sína.
Hann telur að íbúar í húsinu
hafi fæstir verið í fastri vinnu, enda
oftast heima á daginn og nokkur
gestagangur í húsinu. Greinilegt er
að mikil óregla hafi verið á sumum
íbúum í húsinu.
Á bílaplaninu fyrir framan hús-
ið eru nokkrir númerslausir bíl-
ar og segir nágranninn að menn
hafi mikið verið að sýsla með þá og
varahluti úr þeim. Einnig hafi lok-
uð kerra á bílaplaninu vakið at-
hygli hans, hún hafi verið mikið í
notkun undanfarið og segist hann
gruna að hún hafi verið notuð til að
flytja þýfi.
Rændi lyfjum af
Landspítalanum
Bjarki á að baki langan sakafer-
il og var meðal annars dæmdur í
7 mánaða fangelsi fyrir margvís-
leg brot árið 2006. Þá hafði hann
stolið pakka af svæfingalyfinu Ket-
amín á Landspítalanum í Fossvogi
en lyfið var um tíma vinsælt meðal
fíkla sem ofskynjunarlyf. Þá braust
Bjarki einnig inn á hársnyrtistofu
afa síns þar sem hann stal 30 þús-
und krónum.
Haustið 2006 var hann dæmd-
ur í 30 daga fangelsi fyrir að hafa
stolið 14 þúsund krónum í reiðufé
og 5 bandaríkjadollurum á Land-
spítalanum. Þá hefur hann síðustu
10 ár oft gengist undir sættir vegna
fíkniefnalagabrota og margoft ver-
ið tekinn fyrir akstur undir áhrifum
fíkniefna.
vALGEIR ÖRN RAGNARSSON
OG ERLA HLyNSdóttIR
blaðamenn skrifa: valgeir@dv.is og erla@dv.is
„Hún þekkir
ekkert pabba
sinn. Hann
hefur ekki séð
barnið sitt í
fimm ár.“
Í varðhaldi Bjarki Freyr Sigurgeirsson var færð-
ur í Héraðsdóm Reykjavíkur í gær þar sem hann
var úrskurðaður í tveggja vikna gæsluvarðhald.
MyNd RAkEL óSk SIGuRðARdóttIR
Á vettvangi Lögreglan rannsakaði vettvang-
inn í gær. Hún telur Bjarka og hinn látna hafa
verið þar saman við fíkniefnaneyslu.
MyNd RóBERt REyNISSON
Leigði á efri hæðinni Bjarki
leigði herbergi á efri hæð hússins
þar sem maðurinn fannst látinn.
MyNd RóBERt REyNISSON