Dagblaðið Vísir - DV - 19.08.2009, Blaðsíða 12

12 miðvikudagur 19. ágúst 2009 fréttir
Á vefsíðu New York Post er að finna
frásögn af atburði sem ekki gæti átt
sér stað annars staðar en í landi hinna
hugrökku og frjálsu.
Tíu ára stúlka var sektuð um 50 dali
af eftirlitsmönnum í Riverside-garði í
New York fyrir að setja upp límonaði-
sölustand á laugardaginn, en án leyfis.
Sér til halds og trausts hafði stúlkan,
Clementine Lee, Richard föður sinn.
Á laugardaginn mun hafa verið
verulega heitt í veðri og Clementine
hafði dreymt um að opna sölustand
síðan á síðasta ári og ákvað að nýta
góða veðrið. „Það var svo heitt í veðri
að ég hugði að fólk vildi fá sér sval-
andi drykk,“ sagði Clementine í við-
tali við New York Post. Fyrstu tuttugu
mínúturnar blómstruðu viðskiptin og
um tíu glös seldust auk smákakna sem
feðginin höfðu bakað. En brátt skyggði
á gleði Clemtine því fyrr en varði dreif
þar að eftirlitsfulltrúa sem kröfðust
þess að sjá leyfi hennar og voru þeir að
sögn föður hennar nokkuð fjandsam-
legir. Þrátt fyrir að hafa fengið stuðn-
ing nokkurra vegfarenda sem fullyrtu
meðal annars að Clementine hefði
rétt til að nýta borgaraleg réttindi sín
neyddust feðginin til að pakka saman.
Áður en þau héldu heim á leið hafði
þeim verið afhent stefna fyrir að hafa
selt matvæli án leyfis.
Eftir að New York Post hafði sam-
band við yfirmann garða borgarinnar,
Adrian Benepe, var sektin felld nið-
ur. Benepe sagði að fulltrúarnir hefðu
sýnt „slæma dómgreind“ og myndu
fá endurmenntun í reglugerðum og
færðir um vik í starfi. Benepe sagðist
einnig hlakka til að kaupa límonaði af
Clementine ef tækifæri byðist.
Ungar stúlkur við sölustörf Framtakssemi Clementine fór fyrir brjóstið á eftirlits-
fulltrúum. Mynd: photos.coM
Lítill sveigjanleiki eftirlitsfulltrúa Riverside-garðs í New York:
10 ára stúlka sektuð fyrir límonaðisöluÍranar rétta fram
sáttahönd
Að sögn háttsetts embættis-
manns í Teheran í Íran eru
stjórnvöld landsins reiðubúin
til viðræðna við Vesturlönd um
kjarnorkuáætlun landsins verði
viðræðurnar byggðar á gagn-
kvæmri virðingu og án skilyrða.
Þetta er ekki í fyrsta sinn sem
slík yfirlýsing kemur frá írönsk-
um stjórnvöldum, en að sögn
skýrenda hafa vonir um sam-
komulag við Vesturlönd dvínað
í kjölfar umdeildra kosninga í
Íran.
Stjórnvöld í Bandaríkjunum
hafa gefið Írönum frest til sept-
ember til að sjá villu síns vegar
og njóta í samræmi við það. Ef
Íranar sjá ekki að sér mega þeir
vænta hertra þvingana.
Átta sjóræn-
ingjar í haldi
Samkvæmt rússneskum frétta-
stofum hafa Rússar handtekið
átta manns sem rændu vöru-
flutningaskipinu Arctic Sea.
Þetta mun vera haft eftir Anatoly
Serdyukov, varnarmálaráðherra
landsins.
Hvarf Arctic Sea vakti furðu
stjórnvalda víða í Evrópu um
tveggja vikna skeið en það hvarf
af radar undir lok júlí. Meðal
annars var talið að skipið hefði
lent í höndum sjóræningja eða
orðið bitbein mafíunnar. Sagði
Serdyukov að á meðal ræningja
skipsins væru einstaklingar frá
Rússlandi, Eistlandi og Lett-
landi.
Hrossakaup á
báða bóga
Fréttastofa BBC telur sig hafa
fundið sannanir fyrir svindli og
spillingu í forsetakosningunum
í Afganistan. Að sögn BBC hafa
þúsundir kosningaspjalda geng-
ið kaupum og sölum og þús-
undir Bandaríkjadala hafa verið
boðnar í mútur fyrir atkvæði.
Einnig hefur kjörnefnd lands-
ins verið sökuð um að gera ekki
nóg til að koma í veg fyrir brotin.
Opinberir starfsmenn, sem
eiga að vera hlutlausir, hafa ver-
ið virkir í að draga ólöglega taum
frambjóðenda.
Að mati vestrænna embættis-
manna er ekki talið að hrossa-
kaupin hafi áhrif á úrslitin því
þau séu stunduð af svo mörgum
frambjóðendum.
Mynd: AFp
Mynd AFp
Mynd: AFp
Sharon Keller, yfirdómari áfrýjun-
ardómstóls Texas-ríkis, mætti fyr-
ir dóm á mánudaginn og stend-
ur frammi fyrir ásökunum um
vanrækslu í starfi. Sharon Keller neit-
aði að taka við beiðni um að fresta, á
síðustu mínútu, aftöku dauðadæmds
manns.
Réttarfarsnefnd ríkisins hefur
kært Keller fyrir að hafa farið í bága
við ferli réttarins með tilliti til aftöku-
dags í máli Michaels Wayne Richard,
sem var á dauðadeild, neita honum
um aðgang að opnum dómstól og
virða ekki rétt hans til áheyrnar.
Efasemdir um eitursprautu
Forsögu málsins má rekja aftur til
25. september 2007, en að morgni
þess dags hafði hæstiréttur Banda-
ríkjanna viðrað efasemdir um hvort
notkun eitursprautna samrýmdist
stjórnarskrá landsins. Sú aðferð er
notuð í aftökum Texas-ríkis og hafði
verið samþykkt í hæstarétti að úr-
skurða um hvort um væri að ræða
grimmilega og óvanalega refsingu.
Í ljósi þess hófu lögmenn Michaels
Wayne Richard kapphlaup við tím-
ann til að leggja fram beiðni um frest-
un á aftöku hans sem stóð fyrir dyrum
það kvöld. En lögfræðingarnir lentu í
vandræðum vegna tölvumistaka.
Þess má geta að í júní 2008 stað-
festi hæstiréttur Bandaríkjanna rétt-
mæti notkunar eitursprautu við af-
töku og úrskurðaði að aðferðin væri
réttmæt og mannúðleg.
Lokað klukkan fimm
Klukkan 20 mínútur í fimm þenn-
an örlagaríka dag höfðu lögfræðing-
ar samband við ritara réttarins og
spurðu hvort mögulegt væri að hafa
opið fram yfir klukkan fimm því þeir
ættu í tölvuvandræðum og hugsan-
lega yrðu þeir seinir fyrir með nauð-
synlega pappíra.
Aðstoðarritarinn hafði samband
við yfirmann sinn, Edward Marty,
sem hafði samband við Sharon Kell-
er sem þá var komin heim til sín til
að ræða við mann vegna viðgerða á
heimili hennar.
Samkvæmt umkvörtun réttarfar-
snefndarinnar neitaði Sharon Kell-
er að verða við þeirri beiðni og var
Michael Wayne Richards tekinn af
lífi sama kvöld.
Ber af sér sakir
Í svörum sínum hélt Sharon Kell-
er því fram að hún hafi verið spurð
hvort skrifstofa ritara væri opin fram
yfir klukkan fimm og að hún hafi
„sagt nei í samræmi við langa hefð“.
Lögfræðingar Richards hafa gefið
í skyn að Keller dómari hafi af ásettu
ráði fyrirskipað að dómshúsinu yrði
lokað klukkan fimm þrátt fyrir að
hún vissi af þeirri áfrýjun sem reynt
var að koma í gegn á síðustu stundu.
David Berchelmann yngri um-
dæmisdómari var skipaður yfir rétt-
arhöldin og getur réttarfarsnefnd
fylkisins gripið til aðgerða sem byggj-
ast á niðurstöðum hans, allt frá frá-
vísun ákæra gegn Sharon Keller til
brottreksturs hennar.
dýrkeyptar 20 mínútur
„Þessi aftaka fór fram vegna þess að
æðsti glæpadómstóllinn mátti ekki
vera að því að hafa opið í 20 mínútur
aukalega á aftökudag,“ sagði Andrea
Keilen, framkvæmdastjóri verjenda-
þjónustu Texas í viðtali við frétta-
stofu ABC í október 2007.
Tveir dómarar við áfrýjunardóm-
stólinn sögðu í sama mánuði að þeir
hefðu verið reiðubúnir til að vinna
lengur umræddan dag og hefðu ekki
verið meðvitaðir um að Sharon Kell-
er hefði neitað að láta áfrýjunar-
beiðnina ganga fram.
Sem fyrr segir hafði hæstiréttur
landsins viðrað, þann dag, efasemdir
um réttmæti notkunar eitursprautu
við aftökur og sagði annar dómar-
anna, Paul Womack, að um hefði
verið að ræða mikilvægt mál og hann
hefði viljað vera viðstaddur ef ýjað
yrði að efasemdum hæstaréttar.
Kæra án fordæmis
Það eru nánast engin fordæmi þess
að landssamband verjenda í glæpa-
málum í Bandaríkjunum leggi fram
kæru vegna máls af þessum toga en
sú varð raunin í október 2007 þeg-
ar kæra var lögð fram við réttarfars-
nefnd Texas-fylkis.
Þáverandi forseti landssam-
bandsins, Carmen Hernandez, var á
þeim tíma ómyrk í máli vegna máls-
ins. „Aðeins nálvæm og heilstæð
rannsókn á þessu máli mun nægja,“
sagði Carmen og bætti við að með-
ferð máls Richards og dauði hans
yrðu áfram óásættanleg.
harka gegn glæpum
Sharon Keller dómari er þekkt fyr-
ir staðfasta afstöðu þegar kemur að
réttlæti og hafa gagnrýnendur henn-
ar gefið henni nafnið „Sharon Killer“,
en um helmingur allra dauðarefsinga
í Bandaríkjunum á síðasta ári átti sér
stað í Texas.
Sharon rifjaði upp, í svörum sín-
um vegna málsins, mál Michaels Wa-
yne Richard. Hann var dæmdur fyrir
kynferðislega árás og morð á konu
árið 1986, nokkrum mánuðum eftir
að hann losnaði úr fangelsi.
Sharon Keller tiltók að þegar
hann var tekinn af lífi hafði hann
fengið tvenn réttarhöld og mál hans
endurskoðað þrisvar sinnum. Að
mati Sharon Keller byggjast fullyrð-
ingar um að Richards hafi ekki feng-
ið „aðgang að opnum dómsölum eða
meinuð áheyrn samkvæmt lögum“
ekki á staðreyndum.
dómarinn (t.v.) og sá dauðadæmdi Sharon Keller er sökuð um að hafa brotið á
rétti Michaels Wayne Richard. Mynd: AFp
Fyrir dómstóli í Texas í Bandaríkjunu hófst á mánudaginn mál sem á sér nánast
engin fordæmi. Þar hefur sharon Keller, yfirdómari áfrýjunardómstóls Texas-fylk-
is, verið ákærð í fimm liðum fyrir vanrækslu í starfi í máli dauðadæmds manns sem
síðan var tekinn af lífi.
Dómari fyrir rétt
„Þessi aftaka fór fram
vegna þess að æðsti
glæpadómstóllinn mátti
ekki vera að því að hafa
opið í 20 mínútur auka-
lega á aftökudag.“
KoLBEinn þorstEinsson
blaðamaður skrifar: kolbeinn@dv.is
aftökur í Bandaríkjunum frá 1976
Tíu afkastamestu fylkin
Alls hefur 1.171 aftaka farið fram í Bandaríkjunum frá 1976, þar af 439
aftökur í Texas. (Heimild: deathpenaltyinfo.org)
aftökur á heimsvísu 2008
10 afkastamestu ríkin
(Heimild: Hands Off Cain)
Texas – 439
Virginía – 103
Oklahóma – 91
Flórída – 67
Missouri – 67
Georgía – 45
Norður-Karólína – 43
Alabama – 43
Suður-Karólína – 42
Ohio – 31
Kína – að minnsta kosti 5.000
Íran – að minnsta kosti 346
Sádi-Arabía – að minnsta kosti 102
Norður-Kórea – 63
Bandaríkin – 37
Pakistan – að minnsta kosti 36
Írak – að minnsta kosti 34
Víetnam – að minnsta kosti 19
Afganistan – að minnsta kosti 17
Japan – 15