Dagblaðið Vísir - DV - 19.08.2009, Síða 16

Miðvikudagur 19. ágúst 200916 heilsa
„Í grunninn eru þetta bara jógastöð-
ur í upphituðum sal,“ segir Jóhanna
Karlsdóttir, jógakennari hjá Sport-
húsinu í Kópavogi. Þó að fræðin á
bak við Hot Yoga hljómi einföld við
fyrstu útskýringu Jóhönnu þá ligg-
ur mun meira þar að baki. „Hitinn í
salnum gerir manni það auðveldara
að komast í vissar stöður og líkaminn
verður betur undirbúinn, liðleikinn
verður meiri í vöðvunum og liðirnir
betur í stakk búnir.“
Hot Yoga, eða Fire Yoga eins og
það er einnig kallað, er fundið upp
af Indverjanum Bikram Choudhury.
Bikram hefur þróað þetta æfingaferli
sitt í mörg ár og er þetta orðið frægt
líkamsræktarform um allan heim.
„Bikram byrjaði sjálfur í jóga þegar
hann var þriggja ára gamall en þegar
hann var 17 ára slasaðist hann mjög
illa á hné þegar hann var að keppa
í ólympískum lyftingum,“ segir Jó-
hanna en Bikram var greint frá því
að hann myndi sennilega ekki geta
gengið aftur eftir slysið. „Hann leit-
aði þá til jógameistara síns sem lét
hann gera sérstakar æfingar í upp-
hituðum sal.“ Jóhanna segir Bikram
svo hafa byrjað sjálfan að þróa þessar
jógaæfingar þegar hann var tvítugur
og fluttist til Bandaríkjanna.
Í dag samanstendur Hot Yoga-
tími af 26 sérvöldum jógastöðum
eða -æfingum og tveimur öndunar-
æfingum. Hver tími er 90 mínútur á
lengd en hann fer fram í sal sem er
hitaður upp í 37 til 40°C og með raka-
stig í kringum 40 prósent. Rakinn og
hitinn eiga að hita upp líkamann, liði
hans og vöðva, sem gerir fólki kleift
að komast dýpra og betur í þær stöð-
ur sem verið er að vinna með hverju
sinni. Jóhanna segir það kerfi sem
Bikram þróaði ná til allra vöðvahópa
líkamans. „Þetta miðast allt út frá
hryggnum og að styrkja líkamann út
frá honum.“
Það var á ferðum sínum um Taí-
land sem Jóhanna kynntist Hot Yoga
en hún hefur komið þangað tæplega
tíu sinnum og henni þykir vænt um
land og þjóð. „Það er einstaklega
bjart og fallegt land þar sem fólk er
brosandi allan daginn. Ég dvaldi
þarna í þrjá mánuði þar sem ég fór
í tvo Hot Yoga-tíma á dag.“ Jóhanna
segir að brennslan við æfingarnar
komi mjög á óvart og að ein átta kíló
hafi runnið af henni þessa þrjá mán-
uði sem hún dvaldi úti. „Þessar æf-
ingar vinna líka í því að opna liðamót
líkamans betur og það eykur blóð-
og orkuflæði til muna sem skilar sér
strax í betri líðan.“
Jóhanna var mikið í fimleikum
þegar hún var yngri en hún fór meðal
annars til Bandaríkjanna á skólastyrk
þar sem hún keppti með háskólalið-
inu. „Grunnurinn úr fimleikunum
hjálpar mér mikið í þessu og ég áttaði
mig á því þegar ég fór að læra þetta
að ég hafði verið að gera margar af
þessum æfingum á jafnvægisslánni
þegar ég var yngri,“ en Jóhanna end-
aði meðal annars í öðru sæti í fylkja-
keppni með háskólaliði sínu. Hægt
er að nálgast allar frekar upplýsingar
á sporthusid.is
asgeir@dv.is
Jóhanna Karlsdóttir kennir svokallað Hot Yoga í Sporthúsinu. Búið er að koma upp sérstaklega upphituðum sal í
Sporthúsinu en Jóhanna dvaldi í Taílandi í þrjá mánuði til þess að læra fræðin á bak við þessa sérstöku tegund jóga.
Jóga í upphituðum sal
„Á mánudag voru 4.132 manns búnir að skrá sig í hlaupið en það er
fimm prósenta auking frá því á sama tíma í fyrra,“ segir Frímann A.
Ferdinandsson, framkvæmdastjóri Íþróttabandalags Reykjavíkur sem
sér um skipulagningu Reykjavíkurmaraþons Íslandsbanka. Alls tóku
11.265 manns þátt í hlaupinu í fyrra en haldist sú aukning sem fram
kom á mánudag má gera ráð fyrir því að þátttakendur verði um það bil
11.830.
„Við gerum ráð fyrir því að þátttakendur verði örlítið fleiri í ár. Við
reiknum með því í bolakaupum og í medalíum og númerum.“ Frímann
segir að almennt hafi verið aukning í hlaupum innanlands í sumar og
því við því að búast að fleiri skrái sig til leiks í ár. „Það virðist almennt
vera hlaupavakning á landinu.“
Þetta er í 16. skipti sem Reykjavíkurmaraþonið er haldið en eins og
venja er er keppt í þremur vegalengdum. Maraþoni, hálfmaraþoni og
í tíu kílómetra hlaupi. Nýjung er í tíu kílómetra hlaupinu en að þessu
sinni verða sérstakir hlaupastjórar merktir með litum sem hlaupa
hringinn á ákveðnum tíma.
„Við erum svo með þriggja kílómetra skemmtiskokk og svo Latabæj-
arhlaupin fyrir krakkana sem eru tveir kílómetrar, einn og hálfur og sjö
hundruð metrar.“ Skráningu á netinu lýkur í dag en hægt er að ská sig í
Laugardalshöllinni á föstudaginn milli tíu og sjö. asgeir@dv.is
Reykjarvíkurmaraþonið fer fram um helgina:
5 prósenta aukning í skráningu
Reykjavíkurmaraþonið
Fer fram á laugardaginn.
Mynd HalldóR Kolbeins
Jóhanna Karlsdóttir Lærði Hot
Yoga í þrjá mánuði í Taílandi.
Upphitaður salur Sérstökum sal
hefur verið komið upp í Sporthúsinu.