Dagblaðið Vísir - DV - 19.08.2009, Blaðsíða 18

Miðvikudagur 19. ágúst 200918 heilsa
I
Opnar manneskjur eru fimmtíu pró-
sent ólíklegri til að þróa með sér elli-
glöp samkvæmt nýlegri rannsókn
sem gerð var af vísindamönnum á
Karólínska sjúkrahúsinu í Stokk-
hólmi. Þátttakendur í rannsókninni
voru fimm hundruð talsins, af báð-
um kynjum, allir 78 ára að aldri. Þátt-
takendur lýstu sér einnig sem mann-
eskjum sem ekki urðu stressaðar
mjög auðveldlega.
II
Ef þú hleypur að meðaltali fjörutíu
mínútur á dag í hverri viku lifurðu
lengur og ert betur á þig kominn
líkamlega og andlega eftir því sem
þú eldist. Þetta er niðurstaða rann-
sóknar sem vísindamenn í Kaliforn-
íu gerðu þar sem bæði var fylgst með
fólki sem hljóp reglulega og fólki sem
aldrei hljóp yfir rúmlega tuttugu ára
tímabil.
III
Rifsber geta lengt líf fólks. Hljóm-
ar undarlega en er satt! Ástæðan er
að rifsber eru trefjarík en trefjar geta
minnkað líkurnar á hjartaáfalli. Hol-
lensk rannsókn sýndi fram á að ef þú
borðar í kringum fimmtán grömm af
trefjum á dag, og eykur neysluna um
tíu grömm á hverjum degi, minnka
líkurnar á banvænu hjartaáfalli um
sautján prósent.
IV
Ef þér finnst þú vera nokkuð yngri en
þú ert í raun eru meiri líkur á því að
þú fyllir öld í aldri. Hljómar kannski
eins og það segi sig sjálft, en núna
hefur þetta allavega verið staðfest í
könnun sálfræðinga við University of
Michigan þar sem þátttakendur voru
fimm hundruð karlar og konur, sjötíu
ára og eldri.
V
Lærðu að nota Facebook og Skype og
haltu þannig heilasellunum og ung-
um og heilbrigðum. Þeir af eldri kyn-
slóðinni sem óttast ekki tækninýj-
ungar tölvualdarinnar lifa nefnilega
lengur. Margir allra elstu ellilífeyr-
isþegarnir í Bandaríkjunum
nota tölvur að jafnaði, hvort
sem er í að senda tölvupósta
eða leita gamalla vina með
hjálp Google.
VI
Konur sem byrjuðu á breyt-
ingaskeiðinu eftir 52 ára ald-
ur lifa gjarnan lengur en aðr-
ar konur. Minni líkur þar af
leiðandi á hjartasjúkdómum
er meginástæðan.
VII
Hér er reyndar ein vísbend-
ing sem hljómar eins og álíka
sjálfsögð sannindi og að vatn
er blautt. Þeir sem halda dag-
legum kaloríuskammti sín-
um í 1400 til 2000 kaloríum
halda að líkindum hjartanu
í sér í fúnksjón á við mann-
eskju sem er fimmtán árum
yngri. Með öðrum orðum,
innbyrtu kaloríur í afar hæfi-
legu magni og þú lifir lengur.
Rannsakendurnir við Wash-
ington University School of
Medicine, sem komu fram
með þennan fróðleik, bættu
reyndar við að þetta snúist
ekki eingöngu um að borða
minna heldur að fá sem
mesta næringu úr hverri
kaloríu.
VIII
Kona sem eignast barn eftir náttúru-
legum leiðum eftir 44 ára aldur er um
það bil fimmtán prósentum ólíklegri
til að gefa upp öndina dag frá degi
heldur en kona sem ekki er svona
ástatt um. Rökfærslan fyrir þessu hjá
rannsakendunum við University of
Utah er að ef eggjastokkarnir í konu
eru það heilbrigðir á þessum aldri er
það vísbending um að hún sé með
gen sem stuðli að langlífi.
IX
Ef hjartað í þér slær fimmtán sinn-
um á fimmtán sekúndum í hvíld, eða
sextíu sinnum á mínútu, ertu á góðri
leið með að ná þriggja stafa tölu í
aldri. Flestir hafa hvíldarpúls á bilinu
sextíu til hundrað en því lægri sem
hann er, þeim mun heilsuhraustari
ertu.
X
Ef þú hrýtur muntu að líkindum lifa
styttra en sá sem ekki hrýtur. Hrot-
ur benda til þess að þú þjáist af kæfi-
svefni en til lengri tíma litið getur
hann orsakað háan blóðþrýsting,
minnisglöp, þyngdaraukningu og
þunglyndi.
XI
Konur sem eru full gildar um mið-
hlutann eru fimmtungi líklegri til að
deyja á undan jafnöldrum sínum
sem státa af flötum maga. Þá gildir
einu hvort kjörþyngdin sé á réttu róli
eður ei.
XII
Sá sem lætur athuga D-vítamín
magnið í blóði sínu við og við er á
réttri braut í að fylla tugina tíu. Nægi-
legt magn D-vítamíns í líkamanum
minnkar líkurnar á alls kyns óskunda
eins og krabbameini, hjartasjúkdóm-
um og hvers kyns sýkingum.
Byggt á greininni „12 surprising
signs you’ll live to 100“ eftir Söndru
Gordon sem birtist á á msnbc.com 14.
ágúst síðastliðinn.
Ef þig langar til að
verða 100 ára ...
Langar þig að lifa þangað til þú verður hundrað ára? Hér eru
tólf vísbendingar sem benda til þess að svo gæti orðið.
Vísbendingar sem gætu komið þér á óvart.
Haust á fjöllum
Grill- og haustlitaferð í Bása
Leyndardómar Kerlingarfjalla
- jeppaferð
Hellar við Miklafell og Hverfisfljót
Skráning í síma
562 1000
Heilsuhraust Af útliti þessarar
konu að dæma gæti hún lifað
til hundrað ára aldurs.
„Ég er búinn að vera með opið í rúm-
an mánuð núna,“ segir Guðmund-
ur Erlendsson matreiðlsumaður á
matarvagninum Grænt og grillað á
Selfossi. Guðmundur hefur verið á
miklu flakki frá því að hann opnaði
en hefur nú loksins fengið góða stað-
setningu á hinu svokallaða hallær-
isplani. „Nú er bara farið að ganga
mjög vel og viðskiptin eru vaxandi.
Fólk tekur mér vel og þetta er góð
viðbót við matarmenninguna hér á
Selfossi.“ Í fyrstu var Guðmundur við
sundlaugina en hann segir þá stað-
setningu hafa verið afleita. Hann var
þá færður á móts við Landsbankann
við Tryggvaskála en fékk svo á end-
anum draumastaðinn. Hægt er að
fylgjast með Grænt og grillað á Face-
book en vagninn er með sína eig-
in síðu þar sem er að finna nýjustu
matseðlana, myndir af Guðmundi
og hans fólki og matnum sem hann
matreiðir.
Það er tilvalið fyrir ferðalanga
og heimamenn að stoppa hjá Guð-
mundi og fá sér hollan bita til til-
breytingar.
asgeir@dv.is
Heilsusamlegur matarvagn á Selfossi.
Grænt og grillað
Guðmundur Erlendsson matreiðlsumaður Ásamt dóttur sinni við matar-
vagninn Grænt og grillað á Selfossi.