Dagblaðið Vísir - DV - 18.11.2009, Page 2

2 miðvikudagur 18. nóvember 2009 fréttir
Fjárfestingafélag Jóns Helga Guð-
mundssonar og barna hans, Straum-
borg, tapaði tæplega átta milljörðum
króna á síðasta ári. Til samanburðar
var hagnaður félagsins tæplega 2,4
milljarðar árið á undan. Viðsnúning-
urinn á milli ára er því rúmir 10 millj-
arðar króna. Þetta kemur fram í árs-
reikningi félagsins sem var skilað til
ríkisskattstjóra 5. nóvember síðast-
liðinn.
Jón Helgi er eigandi Norvikur-
samstæðunnar sem meðal annars
á Krónuna, Nóatún, Elko, Byko og
Húsgagnahöllina. Hann er stjórnar-
formaður Straumborgar og stærsti
hluthafinn með tæplega 50 prósenta
eignarhluta. Straumborg er útrásar-
armurinn í veldi Jóns Helga, ef svo
má segja, og heldur utan um eignir
hans í útlöndum.
Hulduauðmaður
Tiltölulega lítið hefur farið fyrir Jóni
Helga í umræðunni á Íslandi fyrir og
eftir efnahagshrunið. Þetta er merki-
leg staðreynd þar sem Jón Helgi er
einn umsvifamesti fjárfestir á Íslandi.
Sennilega er Jón Helgi sá næststærsti
í smásölu í landinu á eftir Baugsveldi
Jóns Ásgeirs og fjölskyldu, sem hrikt-
ir í svo um munar nú um stundir.
Umsvif Jóns Helga sjást meðal ann-
ars á því að eignir Straumborgar eru
metnar á rúma 42 milljarða króna
samkvæmt ársreikningnum. Þá á vit-
anlega eftir að taka með allar aðrar
eignir Jóns Helga.
Ein skýring á því hversu lítið hef-
ur verið rætt um Jón Helga kann
að vera sú að hann hefur ekki tekið
neinn þátt í því gjálífi útrásarinnar
sem svo mikið hefur verið sagt frá í
fjölmiðlum á liðnum árum heldur
hefur hann haldið sig frá kastljósinu
að mestu. Engum blöðum er þó um
það að fletta að Jón Helgi tók þátt í ís-
lensku útrásinni - og gerir enn ólíkt
langflestum öðrum íslenskum auð-
mönnum, líkt og starfsemi Straum-
borgar sýnir. Útrás Jóns Helga kann
því að vera sú síðasta sem enn stend-
ur yfir á vegum íslenskra auðmanna.
Átti stóran hlut í Kaupþingi
Ein helsta ástæðan fyrir tapi félags-
ins á árinu 2008 er sú að Straumborg
og dótturfélag þess, Ares fjárfesting-
arfélag ehf., áttu hlutabréf í Kaup-
þingi sem yfirtekinn var af Fjármála-
eftirlitinu í október 2008, samkvæmt
ársreikningnum. Eignir Straumborg-
ar í skráðum hlutabréfum á íslenska
markaðnum, meðal annars bréfin í
Kaupþingi, voru metnar á ríflega 22
milljarða króna í árslok 2007. Í árs-
lok 2008 er eignin skráð sem 0 krón-
ur. Tap félagsins af þessum hluta-
bréfafjárfestingum nemur rúmlega
14 milljörðum króna samkvæmt árs-
reikningnum.
Um þennan þátt í starfsemi Stra-
umborgar segir í ársreikningnum:
„Á meðal fjárfestinga félagsins eru
eignir í bankageiranum og hefur
verðmæti þessara eigna rýrnað á ár-
inu út af fjármálakreppunni. Félagið
átti verulega eign í Kaupþingi sem
hrundi á árinu og var yfirtekið af ís-
lensku ríkisstjórninni. Út af þessum
aðstæðum skilar félagið tapi á árinu.“
JÓN HELGI TAPAÐI ÁTTA MILLJÖRÐUM
IngI F. VIlHjÁlmsson
blaðamaður skrifar ingi@dv.is
Risinn sem læðist Fjárfestingafélag
Jóns Helga Guðmundssonar var stór
hluthafi í Kaupþingi og á banka í
Rússlandi og Lettlandi. Jón er einn stór-
tækasti fjárfestir landsins en hefur verið
lítið í umræðunni fyrir og eftir hrunið.
Fjárfestingafélag hans Straumborg á
í erfiðleikum með að standa í skilum
samkvæmt ársreikningi félagsins.