Dagblaðið Vísir - DV - 18.11.2009, Síða 8

8 miðvikudagur 18. nóvember 2009 fréttir
Stímfeðgarnir Jakob Valgeir Flosason
og Flosi Valgeir Jakobsson, útgerðar-
menn frá Bolungarvík, eiga í miklum
rekstrarerfiðleikum með útgerðarfé-
lag sitt Jakob Valgeir ehf. þrátt fyrir
að hafa flutt línuskipið Þorlák og 40
prósent af kvóta skipsins af gömlu
kennitölunni yfir á aðra, kennitölu
útgerðarfélagsins Guðbjarts ehf., í
upphafi ársins. Tap félagsins á síð-
asta ári nam rúmum þremur millj-
örðum króna og skuldirnar nema
tæpum sex milljörðum króna. Þetta
kemur fram í ársreikningi félagsins
fyrir árið 2008.
Guðbjartur ehf. var í eigu þeirra
feðga og Ásgeirs Guðbjartssonar
skipstjóra, sem kenndur er við togar-
ann Gugguna frá Ísafirði. Jakob Val-
geir á tæp 44 prósent í félaginu og
Flosi Valgeir á tæp 33 prósent. Gamla
kennitalan er aftur á móti í félagi sem
heitir JV ehf. og sagði Jakob Valgeir
við DV í sumar að hann byggist við að
sú kennitala færi í þrot. Ársreikningi
JV. ehf fyrir árið 2008 hefur ekki verið
skilað og því er ekki hægt að átta sig
á stöðu félagsins sem feðgarnir tóku
eignirnar út úr.
Kennitöluflakkið hjá feðgun-
um var gert með samþykki við-
skiptabanka þeirra, Íslandsbanka og
Landsbankans. „Já, já, við fengum
bara samþykki frá bönkunum til að
færa þetta yfir á aðra kennitölu. Þeir
voru bara með í þessu,“ sagði Jakob
Valgeir í sumar en kennitölufærsl-
an er ein af mörgum sem sagt hefur
verið frá í fjölmiðlum eftir efnahags-
hrunið í fyrrahaust.
Feðgarnir eru kenndir við eign-
arhaldsfélagið Stím sem í nóvember
2007 keypti hlutabréf í Glitni og FL
Group fyrir tæpa 25 milljarða króna,
að mestu með kúluláni frá Glitni.
Þeir voru hluthafar í félaginu og
var Jakob Valgeir stjórnarformaður
þess. Kaup Stíms á hlutabréfunum
hafa verið til rannsóknar hjá Fjár-
málaeftirlitinu um langt skeið og er
talið að hugsanlega hafi verið um
markaðsmisnotkun að ræða sem
ætlað hafi verið að falsa eftirspurn
eftir hlutabréfum í félögunum og
hækka gengi þeirra. Málið verður
sent til sérstaks saksóknara innan
skamms.
Sex milljarða skuldir
Samkvæmt ársreikningi Jakobs Val-
geirs nema skuldir félagsins nú tæp-
lega sex milljörðum króna. Þar af er
skuldabréfalán upp á tæplega 5,5
milljarða króna sem er í svissnesk-
um frönkum. Afborganir félagsins af
þessu skuldabréfaláni nema rúmum
410 milljónum króna á ári á næstu
fimm árum. Þessi erfiða skuldastaða
félagsins er tilkomin að nokkru leyti
út af gengismun krónunnar á milli
ára en hækkunin á skuldum félags-
ins vegna þessa nemur rúmlega 3,1
milljarði á milli ára.
Um þetta segir í ársreikningnum:
„Á árinu 2008 lækkaði gengi íslensku
krónunnar verulega sem leiddi til
umtalsverðrar hækkunar á skuldum
félagsins, sem eru að stærstum hluta
tengdar erlendum gjaldmiðlum. Í lok
árs 2008 býr félagið við slæma eigin-
og veltufjárstöðu, eða 2.402 millj. kr
neikvæða eiginfjárstöðu og 306 millj.
kr. neikvæða veltufjárstöðu.“
Þó skal þess getið að kaup Jak-
obs Valgeirs á línuskipinu Þorláki af
JV. ehf og 40 prósentum af kvótanum
eru ekki með inni í útreikningunum
í ársreikningunum þar sem kaupin
áttu sér stað á þessu ári. 60 prósent af
kvóta Þorláks voru skráð á kennitölu
Guðbjarts ehf. áður en eignatilfærsl-
an átti sér stað. Í ársreikningnum
segir: „Í lok janúar 2009 keypti félag-
ið línuskipið Þorlák ÍS-15, sk.sk.nr.
2446 ásamt 1.461 þorskígildum fyrir
3.270 millj. kr.,“ en þá má reikna með
að skuldirnar vegna kaupa þeirra
sjálfra á eigin skipi bætist við þá tæp-
lega sex milljarða sem félagið skuld-
ar nú þegar.
Jakob Valgeir ehf. skuldar því
væntanlega rúmlega 9 milljarða í
dag, samkvæmt þessu, og staðfestir
Jakob Valgeir það í samtali við DV.
Rúmlega 700 milljóna kvóta-
rýrnun
Á sama tíma og lækkandi gengi krón-
unnar lék þá feðga grátt á árinu 2008
rýrnaði verðmæti kvóta félagsins
um rúmar 700 milljónir á milli ára.
Áætlað verðmæti kvóta félagsins fer
úr rúmlega 3.750 milljónum og nið-
ur í 720 milljónir króna. Inn í þessa
kvótarýrnun má svo bæta 40 pró-
sentunum af kvóta Þorláks sem færð-
ust frá JV ehf. og til Jakobs Valgeirs.
Ársreikningur félagsins sýnir því
fram á nokkuð erfiða stöðu enda seg-
ir í honum, þar sem rætt er um hrun
íslenska efnahagskerfisins og afleið-
ingar þess fyrir Jakob Valgeir ehf.:
„Ekki er fyrirséð hvaða áhrif þetta
ástand hefur á stöðu félagsins og
rekstur í framtíðinni og er því almenn
óvissa um rekstrarhæfi félagsins.“
Þrátt fyrir þetta segir í lok árs-
reikningsins að rekstur félagsins
fyrstu mánuði ársins 2009 hafi geng-
ið vel og að það hafi getað staðið í
skilum með skuldbindingar sínar.
Jakob Valgeir segir að félagið hafi
getað staðið í skilum, líkt og komi
fram í ársreikningnum. „Staðan hjá
okkur er allt í lagi. Við höfum getað
staðið í skilum. Þetta hefst alveg hjá
okkur þó félagið sé þétt skuldsett,“
segir Jakob Valgeir.
Ætlaði að selja gjaldeyri í
Hollandi
Jakob Valgeir segir aðspurður hvers
vegna félagið hafi stofnað dótturfé-
lagið Jakob Valgeir B.V. í Amsterdam
í Hollandi að það hafi verið gert því
þeir hafi hugsað sér að nota félagið
til gjaldeyrismiðlunar á milli landa.
Hann segir þó að félagið hafi aldrei
verið notað þar sem þeir hafi ekki
þorað því vegna gjaldeyrishaftalag-
anna sem sett voru hér á landi eftir
efnahagshrunið. Gjaldeyrishaftalög-
in fela meðal annars í sér að útflutn-
ingsfyrirtæki eigi að skila þeim gjald-
eyri sem þau eignast í útlöndum til
Íslands. „Við þorðum ekki að fara út
í það. Viðurlögin við þessu eru svo
ströng í dag... Við fluttum einhvern
gjaldeyri út en fluttum hann svo aftur
heim þegar við áttuðum okkur á því
að við gætum ekki farið út í þetta eft-
ir að hafa ráðfært okkur við lögfræð-
ingana okkar. Það er mjög auðvelt
fyrir okkur að sýna fram á að við höf-
um fært allan okkar gjaldeyri heim til
Íslands,“ segir Jakob Valgeir en mikið
hefur verið rætt um það eftir hrunið
að ýmis útflutningsfyrirtæki hafi far-
ið á svig við gjaldeyrishaftalögin með
því að skipta gjaldeyrinum sem þau
hafa fengið fyrir útflutningsvörur á
erlendum mörkuðum.
DV ræddi við endurskoðanda fé-
lagsins og sagði hann að Jakob Val-
geir ehf. hefði ekki skipt gjaldeyri á
aflandsmarkaði í gegnum félagið í
Hollandi.
Félagið í Hollandi ekki notað Jakob
Valgeir Flosason segir að félagið Jakob
Valgeir B.V., sem stofnað var í Hollandi,
hafi ekki verið notað í viðskiptum
útgerðarfélagsins vegna gjaldeyrishaft-
anna sem sett voru í landinu síðasta
vetur.
Félagið sem Stímfeðgar, Jakob Valgeir og Flosi Valgeir, færðu
eignir sínar yfir í skilaði 3 milljarða tapi á síðasta ári. Skuldir
félagsins nema rúmum 9 milljörðum króna í dag. Gamla félagið
hefur ekki skilað ársreikningi. Jakob Valgeir segir stöðu félags-
ins sæmilega og að það muni standa í skilum. Hollenskt dóttur-
félag Jakobs Valgeirs hefur ekki skipt gjaldeyri á aflandsmark-
aði að hans sögn.
SKULDA NÍU MILLJARÐA
EFTIR KENNITÖLUFLAKK
IngI F. VIlHJálmSSon
blaðamaður skrifar ingi@dv.is
„Við þorðum ekki að
fara út í það. Viður-
lögin við þessu eru svo
ströng í dag… “
Úr ársreikningi Jakobs Valgeirs fyrir árið 2008
þar sem fjallað er um rekstrarhæfi:
„Mjög óvenjulegar og sérstakar aðstæður hafa skapast á fjármálamarkaði, eins og
þeim er lýst í lögum nr. 125/2008 um heimild til fjárveitingar úr ríkissjóði vegna
sérstakra aðstæðna á fjármálamarkaði ofl. og þeirrar almennu óvssu sem nú
ríkir um áframhaldandi rekstur fjármálafyrirtækja landsins. Ekki er fyrirséð hvaða
áhrif þetta ástand hefur á stöðu félagsins og rekstur í framtíðinni og er því almenn
óvissa um rekstrarhæfi félagsins.
Á árinu 2008 lækkaði gengi íslensku krónunnar verulega sem leiddi til umtalsverðr-
ar hækkunar á skuldum félagsins, sem eru að stærstum hluta tengdar erlendum
gjaldmiðlum. Í lok árs 2008 býr félagið við slæma eigin- og veltufjárstöðu, eða 2.402
millj. kr neikvæða eiginfjárstöðu og 306 millj. kr. neikvæða veltufjárstöðu.
Rekstur félagsins fyrstu 4,5 mánuði ársins 2009 hefur gengið vel og hefur félaginu
tekist að vera í skilum með allar skuldir sínar. Áætlanir gera ráð fyrir áframhaldandi
góðum rekstri félagsins út árið 2009 og er reiknað með að félagið muni geta
staðið við skuldbindingar sínar á árinu.“
Þriggja milljarða Þorlákur
Línuskipið Þorlákur var fært, ásamt
kvóta, á kennitölu Jakobs Valgeir ehf.
fyrr á þessu ári, úr öðru félagi í eigu
Stím-feðga. Kaupverðið var rúmlega
3 milljarðar króna.