Dagblaðið Vísir - DV - 08.01.2010, Blaðsíða 46

5 ÁSTÆÐUR FYRIR AÐ ÞÚ LÉTTIST EKKI
n Mörg okkar tengja mat við fjörugt félagslíf.
n Skammtar veitingahúsanna hafa stækkað.
n Við hreyfum okkur minna en við gerðum.
n Við leyfum okkur aldrei að finna til hungurs.
n Við gleymum öllum millimálunum sem við stingum upp í okkur og höldum
að við borðum minna en við gerum.
„Við tökum okkur ekki of hátíðlega,
það er alveg satt, enda verður maður
að taka lífinu létt,“ segir Arnar Grant
líkamsræktarkonungur en hann og
útvarpsmaðurinn Ívar Guðmunds-
son voru staddir í Sundhöll Reykja-
víkur við tökur á auglýsingu fyrir
prótínstykkið Styrk þegar ljósmynd-
ara blaðsins bar að. „Þeir sem borða
Styrk munu líta út eins og við,“ segir
Arnar hlæjandi en bætir við að það
sé mikil vakning fyrir heilbrigðum
lífsstíl, bæði vegna nýs árs og kreppu.
„Það er heilmikil vakning, enda verð-
ur heilsan að vera í lagi svo við get-
um notið lífsins,“ segir hann en
Styrkur með súkkulaðibragði kem-
ur í verslanir um miðjan mánuðinn.
„Við mælum með að þeir sem ætla
að létta sig noti Styrk sem millimál
en þeir sem þurfa að þyngja sig ættu
að borða hann eftir máltíð. Við fór-
um út í þessa framleiðslu því okk-
ur fannst vanta íslenskt á móti öllu
þessu innflutta. Að okkar mati henta
þessi útlensku stykki ekki íslenskum
markaði því í þau hefur yfirleitt verið
troðið fullt af aukefnum, vítamínum
og steinefnum, sem við þurfum ekki
á að halda því við borðum fjölbreytt-
an mat hér,“ segir Arnar.
Aðspurður hvor þeirra, hann eða
Ívar, séu í betra formi nefnir hann
sjálfan sig. „Ég er miklu sterkari,“
segir hann hlæjandi. „Nei, nei, við
bætum hvor annan upp, enda ekkert
líkir. Við höfum báðir náð langt í fitn-
ess og þegar líkamsræktin var sem
vinsælust stóðum við báðir í fremstu
víglínu.“
Arnar Grant og Ívar Guðmundsson bjuggu til auglýsingu í Sundhöll Reykjavíkur:
ARNAR GRANT ER STERKARI EN ÍVAR
UMSJÓN: INDÍANA ÁSA HREINSDÓTTIR, indiana@dv.is
9 MIKILVÆG
VÍTAMÍN
n A-vítamín – Mikilvægt fyrir
sjón og húð.
Gulrætur, lifur, egg, smjör, mjólk,
grænt grænmeti og lýsi.  
n B1, þíamín – Tekur þátt í efna-
skiptum kolvetna.  Nauðsynlegt
fyrir starfsemi taugakerfis.
Heilhveitibrauð og aðrar korn-
vörur og magurt kjöt.  
n B2, ríbóflavín – Tekur þátt í
efnaskiptum kolvetna og prótína.
Mjólk, léttmjólk, ostur og egg.  
n B3, Níasín – Nauðsynlegt fyr-
ir orkuefnaskipti og starfsemi
taugakerfis.
Fiskur, kjöt, mjólk og léttmjólk.  
n B6 – Tekur þátt í efnaskiptum
prótíns og myndun taugaboð-
efna.
Fiskur, kjöt og kornvörur.  
n Fólat – Nauðsynlegt við mynd-
un rauðra blóðkorna.
Grænt grænmeti, rófur, appel-
sínur, bananar og fleiri ávextir.  
n B12 – Nauðsynlegt við mynd-
un rauðra blóðkorna og starf-
semi taugakerfis.
Mjólk, ostur, kjöt, fiskur og egg.  
n C-vítamín – Hjálpar til við að
græða sár, nauðsynlegt fyrir vöxt
og viðhald bandvefs, t.d. í tann-
holdi og æðaveggjum. Tekur þátt
í vörnum líkamans gegn sýking-
um.
Appelsínur, blómkál, hvítkál, ber
og fleiri ávextir.  
n D-vítamín – Nauðsynlegt fyrir
vöxt og viðhald beina.
Síld og lýsi.  
n E-vítamín –  Vinnur á
móti eyðileggingu á frumuhimn-
unum.
Jurtaolía, grænmeti og hveitikím.
Heimild: thjalfun.is
HOLLUSTA
LENGIR LÍFIÐ
Niðurstöður breskrar rann-
sóknar gefa til kynna að lífið
geti lengst um 14 ár ef við hug-
um að fjórum atriðum, hæfi-
lega mikilli neyslu á mat, lítilli
neyslu áfengis, mikilli neyslu á
ávöxtum og grænmeti og loks
reykleysi. Í rannsókninni, sem
var framkvæmd í Háskólanum
í Cambrigde, var yfir 20 þúsund
manns, á aldrinum frá 45 til 79
ára, fylgt eftir í meira en áratug.
Þeir sem stóðu sig ekki vel í þess-
um fjórum flokkum voru líklegri
til að veikjast eða deyja mun
fyrr en þeir sem stóðu sig vel í
öllum flokkum. Í rannsókninni
kom einnig fram að félagsstaða
og BMI-líkamsstuðull höfðu lítil
áhrif á langlífi.
Dagmar Heiða Reynisdóttir og Guðrún Lovísa Ólafsdóttir bjóða barnshafandi kon-
um og nýbökuðum mæðrum upp á leikfimi við hæfi. Þær segjast taka eftir að konur
sem hafa verið uppteknar í vinnu síðastliðin ár en hafi ekki vinnu í dag noti tækifærið
og drífi í barneignum í kreppunni.
46 FÖSTUDAGUR 8. janúar 2010 LÍFSSTÍLL
Hreyfing á meðgöngu
gegn þunglyndi
Flottir Arnar lofar því að þeir sem borði
Styrk líti svona út. MYND SIGTRYGGUR ARI
„Lokaverkefni okkar fjallaði um lík-
amsrækt á meðgöngu en við vor-
um ófrískar á sama tíma og vildum
halda okkur í formi en fundum ekki
neina líkamsrækt við hæfi,“ seg-
ir Dagmar Heiða Reynisdóttir en
hún og Guðrún Lovísa Ólafsdótt-
ir reka fyrirtækið Fullfrísk þar sem
þær bjóða barnshafandi konum og
nýbökuðum mæðrum upp á leik-
fimi við hæfi. Þegar þær stöllur út-
skrifuðust sem hjúkrunarfræðingar
ákváðu þær að bæta við sig þolfimi-
kennara- og síðar einkaþjálfararétt-
indum. Við öfluðum okkur þekk-
ingar og reynslu og fundum góðar
amerískar leiðbeiningar um leik-
fimi fyrir barnshafandi konur. „Þessi
fræði hafa breyst mjög mikið en fyrir
aðeins 15 árum voru læknar og sér-
fræðingar sammála um að ófrískar
konur ættu að hafa sem hægast um
sig. Í dag ráðleggja þeir hins vegar
ófrískum konum, líkt og öllum öðr-
um, að hreyfa sig að minnsta kosti
í hálftíma þrjá til fimm daga vik-
unnar þótt alltaf verði að taka tillit
til ástands hverrar og einnar,“ segir
Dagmar.
Hægðatregða og æðahnútar
Dagmar Heiða og Guðrún Lovísa
segja leikfimi og líkamsrækt gera
heilmikið fyrir barnshafandi konur.
„Hreyfing á meðgöngu og eftir fæð-
ingu getur komið í veg fyrir þvaglek-
ann sem hrjáir margar konur, getur
lagað verki í baki og grind, unnið á
vöðvabólgu, komið í veg fyrir hægða-
tregðu, gyllinæð, æðahnúta og bjúg
og aðra miður skemmtilega fylgi-
kvilla sem flestir vilja vera án. Hreyf-
ing minnkar einnig líkur á svefn-
truflunum og bætir almennt andlega
heilsu kvenna. Ein af hverjum tíu
konum þjást af meðgönguþunglyndi
og fær jafnvel fæðingarþunglyndi en
með líkamsrækt getum við spyrnt á
móti slíku,“ segir Guðrún.
Mætti með verki
Þær stöllur segja mikla viðhorfs-
breytingu hafa orðið varðandi
heilsurækt. „Strax í fyrra varð rosa-
leg aukning og við tókum sérstak-
lega eftir því að þær konur sem hafa
verið uppteknar í vinnunni síðustu
árin eru að vinna minna í dag og
nota því tækifærið og drífa í barn-
eignum. Eins eru konur farnar að
gefa sér meiri tíma fyrir sjálfar sig
og hugsa betur um sig,“ segja þær og
bæta við að sumar konur mæti í leik-
fimi þótt þær séu gengnar fram yfir.
„Ein sem mætti um daginn var kom-
in með samdráttarverki en nennti
ekki að sitja heima og bíða en hún
fæddi barnið daginn eftir. Þær dug-
legustu eru líka fljótastar að koma
sér af stað aftur og margar þeirra eru
mættar í leikfimina fjórum vikum
eftir fæðingu,“ segir Dagmar og bætir
aðspurð við að líkamsrækt hafi ekki
áhrif á móðurmjólkina.
Þreyta hefur áhrif á mjólkina
„Við höfum ekki orðið varar við að
mjólkin minnki hjá konum sem æfa
en þær þurfa að sjálfsögðu að hugsa
vel um sig, s.s. að drekka vel og borða
hollan mat reglulega. Ef konur huga
ekki að þessum þáttum getur mjólk-
in minnkað óháð því hvort þær séu
að stunda líkamsrækt eða ekki. Jafn-
framt leggjum við áherslu á að konur
hvíli sig með barninu þegar tækifæri
gefst því þreyta hefur neikvæð áhrif
á mjólkina. Við mælum tvímælalaust
með leikfimi fyrir nýbakaðar mæð-
ur því með hreyfingu komast kon-
ur fljótar í fyrri þyngd auk þess sem
félagsskapurinn er frábær. Það er
ofsalega mikilvægt við konur í fæð-
ingarorlofi að komast út úr húsi og
hitta annað fólk svo ávinningurinn
er mikill.“ Hægt er að lesa meira um
Fullfrísk á fullfrisk.is.
indiana@dv.is
„Ein sem mætti um dag-
inn var komin með sam-
dráttarverki en nennti
ekki að sitja heima og
bíða en hún fæddi barn-
ið daginn eftir.“
Hjúkrunarfræðingar
Dagmar Heiða og Guðrún
Lovísa voru ófrískar á
sama tíma og vildu halda
áfram að hreyfa sig en
fundu enga viðeigandi
líkamsrækt. Því stofnuð
þær sitt eigið fyrirtæki og
bjóða nú barnshafandi
konum upp á leikfimi við
hæfi. MYND RAKEL ÓSK