Dagblaðið Vísir - DV - 12.02.2010, Page 53

HELGARBLAÐ 12. febrúar 2010 FÖSTUDAGUR 53
VONARSTJÖRNUR ÍSLANDS
Hjaltalín
Velgengni Hjaltalín virðist engan enda ætla að taka. Eftir frábært ár
2008 gekk sveitinni enn betur árið 2009. Platan þeirra Terminal fékk
frábærar móttökur og sveitinni hefur verið tekið frábærlega á erlendri
grundu. Flóknar en fallegar útsetningar sveitarinnar virðast höfða til
landsmanna á öllum aldri og er sveitin til alls líkleg á komandi árum.
Björgvin Páll Gústavsson
Nú þegar í hópi allra bestu markmanna
sem Ísland hefur átt og einnig þeirra sig
ursælustu. Björgvin
átti stóran þátt í silfurverðlaunum Ísland
s á Ólympíuleikunum 2008 og sömu sög
u er að segja um
bronsverðlaunin í Austurríki. Björgvin er
aðeins 25 ára og á sín bestu ár sem mar
kvörður eftir. Hann
spilar nú í Sviss en áður en langt um líðu
r mun hann eflaust spila með einhverjum
af bestu félagsliðum
heims. Haldi Björgvin áfram að bæta sig
kemst hann fljótt í hóp með bestu mark
vörðum heims.
Baltasar Kormákur
Baltasar er fyrir löngu búinn að sanna sig hér heima. Bæði sem leikstjóri og
leikari en tækifærin bíða hans nú í Hollywood. Baltasar er rísandi stjarna þar
og ef allt gengur upp með myndirnar Víkingr og endurgerðina af Reykjavík
- Rotterdam gæti allt gerst. Það er ekki hvaða leikstjóri sem er sem fær
tækifæri til að leikstýra heimsfrægri stjörnu eins og Mark Wahlberg.
Helga Margrét Þorsteinsdóttir
Skærasta vonarstjarna Íslands í frjálsum íþróttum.
Hún er sífellt að bæta sig en Helga rétt missti af
Evrópumeistaratitli í sjöþraut á Evrópumóti ung-
linga í fyrra. Hún varð fyrir því óhappi að meiðast
í langstökkskeppninni og þurfti að hætta keppni.
Helga var efst í sjöþrautinni áður en hún meiddist
og var við það að landa titlinum.
Gunnar Nelson
Árið 2009 var hreint út sagt ótrúlegt hjá Gunnari.
Hann vann til verðlauna á flestum sterkustu mótum
heims í brasilísku jiu jitsu. Þar af silfurverðlaun á
heimsmeistaramóti en Gunnar sagðist hafa tapað
úrslitaglímunni því að hann vildi vinna með meiri
stæl og tók því sénsa. Hann er einnig gríðarlega
efnilegur í blönduðum bardagalistum og stefnir á að
keppa í einni vinsælustu bardagakeppni heims, UFC.
Aron Pálmarsson
Heimurinn tók svo sannarlega eftir Aroni á EM í handbolta. Þar skaut hann
sig inn í hjarta þjóðarinnar með magnaðri frammistöðu. Flestir handbolta-
spekingar segja að hann eigi eftir að verða á meðal bestu handboltamanna
heims innan nokkurra ára og undir handleiðslu Alfreðs Gíslasonar hjá Kiel
er ljóst að Aron á eftir að verða nafn sem þjóðin elskar.
Ingólfur Þórarinsson
Þegar Ingó hefur upp raust sína syngur þjóðin með.
Virðist geta samið slagara eins og að drekka vatn.
Meira að segja samdi hann lag um Ívar Guðmunds-
son útvarpsmann sem flestir kunna. Hann samdi líka
lag um allar borgirnar sem Iceland Express flýgur til
og það varð vinsælt. Er nú þegar orðinn einn vinsæl-
asti poppari landsins og virðist eiga helling inni.
Gylfi Sigurðsson
Hefur heldur betur slegið í gegn á
þessu tímabili með Reading. Sýndi
stáltaugar gegn Liverpool þegar
hann jafnaði gegn þeim með marki
úr vítaspyrnu á lokasekúndum
leiksins. Verður bara betri og betri og
fer pottþétt til stærra og betra liðs.
Anita Briem
Nú þegar orðin heimsþekkt og hróður
hennar berst hratt um hæðir Hollywood.
Henni bjóðast sífellt betri hlutverk og hún
gæti orðið heimsfræg leikkona. Næst er hún
væntanleg í myndinni Dead Of Night ásamt
stórstjörnum eins og Brandon Routh, Taye
Diggs, Peter Stormare og Sam Huntington.
Guðlaugur Victor Pálsson og Kristján Gauti Emilsson
Liverpool-bræðurnir. Guðlaugur hefur verið fyrirliði á sama tíma og Steven Gerr
ard var inni á
vellinum. Það segir margt um hans hæfileika. Hefur verið að færast nær og nær
aðalliðinu og
hver veit nema hann og Gerrard myndi dínamískt dúó á miðjunni hjá Liverpool
. Kristján var
keyptur fyrir framtíðina en hefur þegar skorað í hinum margfræga rauða búnin
gi Liverpool.