Dagblaðið Vísir - DV - 17.05.2010, Blaðsíða 2

2 MÁNUDAGUR 17. maí 2010 FRÉTTIR
Að minnsta kosti þrír lykilmenn,
sem náðu meirihlutavaldi í Spari-
sjóði Hafnarfjarðar með uppkaupum
á stofnfjárhlutum fyrir fimm árum,
fengu hver um sig greiddar um 100
milljónir króna inn á reikninga í Sviss
og Bretlandi.
Mennirnir eru Magnús Ægir Magn-
ússon, sem stýrði Sparisjóði Hafn-
arfjarðar eftir hallarbyltinguna svo-
nefndu sem gerð var árið 2005 í
sjóðnum, Jón Auðunn Jónsson, lög-
fræðingur sparisjóðsins á þeim tíma,
og Þorlákur Ómar Einarsson fasteigna-
sali. Þorlákur Ómar átti og rak meðal
annars fasteignasöluna Miðborg fram
til ársins 2007 ásamt lögfræðingun-
um Birni Þorra Viktorssyni og Karli
Georg Sigurbjörnssyni hjá Lögmönn-
um Laugardal ehf. Samkvæmt gögn-
um sem DV hefur undir
höndum voru það einmitt
Lögmenn Laugardals sem
inntu greiðslurnar af
hendi.
Tilraunirnar til valda-
töku í Sparisjóði Hafn-
arfjarðar voru að undir-
lagi eignarhaldsfélagsins
A-Holding. Stefán Hilm-
ar Hilmarson, fyrrver-
andi fjármálastjóri Baugs,
gegndi lykilhlutverki í fé-
laginu og tók samkvæmt
heimildum DV virk-
an þátt í að skipuleggja
valdatökuna með upp-
kaupum á stofnfjárbréf-
um. Stefán er nú fjár-
málastjóri 365 miðla.
Þess má geta að eign-
arhaldsfélagið A-Hold-
ing var stofnað af Baugi
Group, en í nafni þessa
félags buðu Baugsmenn
í bresku verslunarkeðj-
una Arcadia á árunum
2001 og 2002.
Greiðslukvittanir
Samkvæmt gögnum sem DV hef-
ur undir höndum greiddu Lögmenn
Laugardal ehf., umboðsmenn A-Hold-
ing, Magnúsi Ægi Magnússsyni,
886.671 þúsund pund inn á reikning í
Jyske bank í Zürich í Sviss 13.október
2005. Miðað var við 107 króna gengi
pundsins á þeim tíma eða sem nemur
95.210.732 krónum. Á núverandi gengi
pundsins nemur upphæðin hins veg-
ar nærri 170 milljónum króna. Kvittun
fyrir greiðslunni var send Karli Georg
hjá Lögmönnum Laugardal.
Magnús Ægir gaf engar skýringar á
greiðslunni þegar DV náði sambandi
við hann í skamma stund.
Sama dag greiddu Lögmenn Laug-
ardal ehf. Jóni Auðuni Jónssyni, lög-
fræðingi Sparisjóðs Hafnarfjarðar,
sömu upphæð inn á reikning í Jyske
Bank í Zürich í Sviss, það er 886.671
þúsund pund. Gengi pundsins var
ögn hærra þegar færslan fór fram en
þegar greitt var inn á reikning Magn-
úsar Ægis og því svaraði upphæð-
in sem greidd var Jóni Auðuni því
95.272.799 krónum.
Jón Auðunn segir að um lán hafi
verið að ræða sem hann hafi ætlað
að taka til kaupa á stofnfjárhlutum í
Sparisjóði Hafnarfjarðar. Af því hafi
ekki orðið í það skiptið og hann hafi í
raun aldrei fengið umrætt fé í hendur.
DV hefur hins vegar engar raun-
verulegar skýringar á því hvernig á því
stóð að Lögmenn Laugardal greiddu
umrædda upphæð inn á reikning Jóns
Auðuns í Sviss og hvort þeir höfðu
ástæðu til þess að lána honum svo
mikið fé.
Kannast ekki við neitt
Degi áður, eða 12. október 2005,
greiddu Lögmenn Laugardal inn á
reikning LLoyds bankans við Monu-
mentsstræti í London 709.337 þús-
und pund. Reikningurinn var í eigu
Landsbankans í Lúxemborg. Í kvitt-
un sem DV hefur undir höndum segir
að greiðslan sé vegna Þorláks Ómars
Einarssonar. Upphæðin samsvaraði
75.785.565 krónum eða 144 milljón-
um króna á gengi dagsins í dag.
Þegar samband var haft við Þorlák
Ómar kvaðst hann ekkert
geta hjálpað blaðamanni
DV. Hann kannaðist ekk-
ert við upphæðina og ekki
heldur að hafa unnið með
Magnúsi Ægi eða Jóni Auð-
uni í tengslum við söfnun
stofnfjárhluta í Sparisjóði
Hafnarfjarðar.
Greiðslurnar til Magn-
úsar Ægis, Jóns Auðuns og
Þorláks Ómars voru allar
skuldfærðar í útibúi Lands-
bankans á Laugavegi 77 í
Reykjavík dagana 12. og 13.
október 2005, löngu eftir að
nýr meirihluti hafði tekið
völdin í Sparisjóði Hafnar-
fjarðar.
DV hefur engar upp-
lýsingar um það hvernig
Magnús Ægir, Jón Auðunn
eða Þorlákur Ómar gerðu
grein fyrir ofangreindum
upphæðum í skattframtöl-
um sínum.
Misvísandi svör
Vegna mismunandi svara hlutaðeig-
andi manna er ekki unnt að fullyrða
um ástæður þess að þeim voru greidd-
ar inn á reikninga í Sviss og Bret-
landi samtals um 265 milljónir króna.
Heimildir eru hins vegar fyrir því að
umræddir menn hafi með einum
eða öðrum hætti komið nálægt söfn-
un stofnfjárbréfa í Sparisjóði Hafn-
arfjarðar fyrir A-Holding, en eignar-
haldsfélagið þurft að lágmarki 24 til
26 stofnfjárbréfi til þess að ná meiri-
hlutavaldi í sparisjóðnum eftir að við-
skipti með stofnfjárhluti í sparisjóðum
voru heimiluð árið 2005. Meðal þeirra
sem hagsmuna áttu að gæta var Árni
M. Mathiesen, þáverandi fjármálaráð-
herra, en hann gat eins og Matthías Á
Mathiesen, fyrrverandi ráðherra og
faðir Árna, selt sín stofnfjárbréf á 50
milljónir króna.
Hæstaréttardómurinn
Ýmsar skýringar á atburðarásinni í
„hallarbyltingunni“ í Sparisjóði Hafn-
arfjarðar árið 2005 er að finna í ný-
legum dómi Hæstaréttar. Saksóknari
höfðaði mál gegn Karli Georg Sigur-
björnssyni, lögfræðingi hjá Lögmönn-
um Laugardal ehf., og gaf honum að
sök að hafa talið Sigurði Þórðarsyni og
fleiri stofnfjáreigendum í Sparisjóði
Hafnarfjarðar trú um að þeir gætu
einungis fengið 50 en ekki 90 milljónir
króna hver fyrir stofnfjáreign sína. Karl
Georg lá undir grun um að hafa hagn-
ast sjálfur á því að bjóða 25 milljónir
króna í hvert einstakt stofnfjárbréf en
selja aftur á 45 milljónir króna.
Af gögnum Héraðsdóms Reykja-
víkur og Hæstaréttar má ráða að Karli
Georg og Lögfræðistofu hans, Lög-
mönnum Laugardal ehf., hafi verið
Samkvæmt gögnum sem DV hefur undir
höndum fengu þrír lykilmenn í yfirtöku
Sparisjóðs Hafnarfjarðar greiddar samtals
hátt í 300 milljónir króna inn á erlenda
reikninga árið 2005. Skýringar á greiðslun-
um eru óljósar, en margt bendir til þess að
um þóknun hafi verið að ræða fyrir að kaupa
upp nægjanlegan fjölda stofnfjárbréfa til
þess að ná undirtökum í sparisjóðnum.
FENGU 300 MILLJÓNIR
Á ERLENDA REIKNINGA
JÓHANN HAUKSSON
blaðamaður skrifar: johannh@dv.is
Lögfræðingur Sp. Hf. Jón Auðunn
Jónsson segir að um lán hafi verið að
ræða og kveðst aldrei hafa nýtt sér það.
Kannast ekki við neitt Þorlákur Ómar
Einarsson kannast ekkert við um 75
milljóna króna greiðslu vegna sín inn á
reikning í London og kveðst ekki hafa
komið nálægt yfirtökunni á sparisjóðnum.
Hann kannaðist ekk-ert við upphæðina og
ekki heldur að hafa unnið með
Magnúsi Ægi eða Jóni Auðuni í
tengslum við söfnun stofnfjár-
hluta í Sparisjóði Hafnarfjarðar.
Lykilmaður Baugsveldisins
Stefán Hilmar Hilmarsson fór fyrir
A-Holding, félagi í eigu Baugs, sem
vann að því að ná meirihlutavaldi í
Sparisjóði Hafnarfjarðar.
Greiðslukvittun Samkvæmt kvittuninni greiddu Lögmenn Laugardal liðlega 95 milljónir króna inn á reikning Magnúsar Ægis Magnússonar í Zürich 13. október 2005.