Dagblaðið Vísir - DV - 17.05.2010, Blaðsíða 24

FC Bayern sannaði svo um munaði
að það er besta lið Þýskalands um
helgina þegar það valtaði yfir Werder
Bremen, 4-0, í bikarúrslitaleiknum.
Leikurinn fór fram á Ólympíuvellin-
um í Berlín. Bæjarar náðu forystunni
með vítaspyrnu Arjens Robben á 35.
mínútu en í seinni hálfleik bættu
Ivica Olic, Franck Ribery og Basti-
an Schweinsteiger allir við mörkum.
Besti leikmaður Brimarborgara, Tor-
stein Frings, fékk rautt spjald á 75.
mínútu í stöðunni 3-0.
Louis van Gaal hefur því held-
ur betur snúið blaðinu við hjá Bay-
ern-liðinu sem gekk lítið sem ekkert
í fyrra og rétt skreið inn í Meistara-
deildina. En hvað varðar Meistara-
deildina á Bayern leik gegn Inter
í úrslitum hennar á laugardaginn
kemur. Hafi Bayern sigur í þeim leik
vinnur það hina mögnuðu þrennu
sem aðeins Manchester United hef-
ur tekist að vinna.
„Við spiluðum alveg ótrúlega
vel, úrslitin gefa alveg rétta mynd
af leiknum. Það á engin roð í okkur
þegar við spilum svona,“ segir Ivica
Olic, framherji Bayern, en Króatinn
hefur farið á kostum í Meistaradeild-
inni. „Það væri auðvitað draum-
ur að vinna Meistaradeildina. Enn
betra væri að skora í úrslitaleiknum
en mér er alveg sama svo lengi sem
við vinnum. Ég tel okkur eiga góðan
möguleika gegn Inter,“ segir Olic.
Fyrirliði Bayern, Mark van
Bommel, var sáttur með sína menn.
„Ef við spilum svona á laugardag-
inn kemur vinnum við þrennuna.
Það væri auðvitað stórkostlegt að
vinna alla þrjá stærstu titlana. En
við verðum að halda okkur á jörð-
inni og undirbúa okkur vel. Inter
er vel mannað og skipulagt lið en
það erum við líka,“ segir Mark van
Bommel.
tomas@dv.is
FC Bayern rúllaði yfir Bremen í bikarnum:
Þrennan bíður Bæjara
TORRES NÁLGAST CHELSEA Enska blaðið Mirror segir Chelsea vera nálægt
því að landa spænsku markamaskínunni Fernando Torres frá Liverpool en forsvarsmenn Chelsea
telja afar líklegt að samningar muni nást. Roman Bramovich, eigandi Chelsea, hefur lofað að opna
veskið í sumar vegna frábærs árangurs liðsins en hans heitasti draumur, að vinna Meistaradeildina,
er enn óuppfylltur. Talið er að Chelsea muni duga að bjóða 40 milljónir punda í Torres sem skoraði
átján mörk í úrvalsdeildinni í ár þrátt fyrir að spila aðeins tuttugu leiki. Liverpool mun lítið geta
gert til þess að halda Spánverjanum því hvorki getur það boðið jafnmikinn pening og Chel-
sea né Meistaradeildina.
UMSJÓN: TÓMAS ÞÓR ÞÓRÐARSON, tomas@dv.is
24 MÁNUDAGUR 17. maí 2010
MOLAR
BUFFON GEFUR
EKKERT UPP
n Einn albesti markvörður heims,
Ítalinn Gianluigi Buffon, gefur ekk-
ert upp um það hvar hann muni
spila á næsta
tímabili. Hann
fór út af meiddur
gegn AC Milan
um helgina en
þau meiðsli segir
hann ekki alvar-
leg. „Ég veit ekk-
ert hvar ég mun
spila. Það væri
bara heimskulegt af mér að segja
eitthvað án þess að vita það,“ segir
Buffon. Markvörðurinn frábæri,
sem er samningsbundinn Juventus,
hefur verið á óskalista Manchester
City en það er sagt tilbúið að greiða
háar fjárhæðir fyrir kappann. Sjálf-
ur hefur hann ýjað að framtíð á
Englandi.
LEBRON EKKI TIL NY
n Charles Oakley, fyrrverandi
kraftframherji New York Knicks og
góðvinur LeBron James, segir hann
ekki eiga að fara
til New York eins
og líklegt þykir í
sumar. „Chi-
cago eða Miami
eru liðin sem
hann á að fara
til,“ segir Oakley.
„Hann vill fara
einhverstaðar
þar sem hann getur unnið deildina.
Hann er búinn að vera í deildinni
núna í sjö ár og það er kominn tími
á að hann vinni hana.“ LeBron er
kominn í sumarfrí með Cleveland
eftir að Boston Celtics vann einvígi
liðanna í undanúrslitum Austur-
deildarinnar, nokkuð óvænt, 4-2.
WILSON VERÐUR FRÁBÆR
n Samkvæmt framherjanum Na-
cho Novo er Liverpool á leiðinni
að landa frábærum ungum leik-
manni, Danny Wilson. Uppgangur
Wilsons hefur
verið mikill hjá
Rangers en hann
var lykilmaður
í sigurliði Rang-
ers í ár, aðeins
18 ára gam-
all. Talið er að
Liverpool klári
þriggja milljóna
punda kaup á honum í vikunni. „Ég
sé hann alveg sem fyrirliða skoska
landsliðsins í framtíðinni. Hann
verður alveg klárlega einn besti
miðvörður Evrópu áður en langt
um líður. Hann er frábær leikmað-
ur og frábær varnarmaður með
magnaðan vinstri fót,“ segir Novo
sem er samherji hans.
UNITED EYGIR TÁNING
n Manchester United horfir nú
hýru auga til hins nítján ára gamla
argentínska framherja, Funes Mori,
sem hefur leik-
ið frábærlega
með River Plate
í heimalandinu.
Hann er nú
þegar kominn
á óskalista Real
Madrid og Bar-
celona. Mori
fékk samning
hjá River Plate á nokkuð óvenju-
legan hátt en hann vann raunveru-
leikaþátt í sjónvarpi til þess. Hann
hefur nú þegar farið á reynslu til
Chelsea og er það einnig sagt hafa
áhuga á pilti. Mori skoraði þrennu
gegn Racing Club um síðustu helgi
og er almennt talinn eitt mesta efni
Evrópu.
Tvöfalt Franck Ribery skoraði
þriðja mark FC Bayern. MYND AFP
Chelsea er tvöfaldur meistari á Englandi eftir sigur á Portsmouth, 1-0, í ótrúlegum bik-
arúrslitaleik. Boltinn hreinlega virtist ekki ætla inn í markið fyrr en Didier Drogba
skoraði sitt þriðja mark í bikarúrslitaleik. Avram Grant er stoltur af sínum mönnum.
TORSÓTT TVENNA
„Auðvitað var ég farinn að hafa
áhyggjur,“ sagði Carlo Ancelotti,
knattspyrnustjóri Chelsea, eftir
1-0 sigur Chelsea í bikarúrslita-
leiknum á Englandi gegn Ports-
mouth. Áhyggjurnar stöfuðu af
því að Chelsea var búið að skjóta
boltanum fimm sinnum í tréverk-
ið áður en Didier Drogba skoraði
loks sigurmarkið beint úr auka-
spyrnu. Setti hann þá knöttinn
laglega í markmannshornið og
voru það mögulega einu mis-
tök David James í markinu hjá
Portsmouth en hann átti stórleik.
Chelsea er því tvöfaldur meistari
á Englandi og afrek Carlos Ance-
lotti orðið enn magnaðra.
Stoltur af sínum mönnum
Avram Grant, knattspyrnu-
stjóri Portsmouth, gat ekki ann-
að en hælt sínum mönnum fyr-
ir hetjulega baráttu í leiknum.
Þeir fengu tvö algjör dauðafæri
til þess að skora, meðal annars
brenndi Kevin-Prince Boateng
af víti. „Þetta var ekki sanngjarnt,
við verðskulduðum meira út úr
leiknum,“ sagði Grant eftir leik-
inn. „Við fengum víti akkúrat á
réttum tíma og önnur færi til þess
að skora.
Ég verð samt að segja að ég er
mjög stoltur í dag. Við vorum að
spila gegn besta liði deildarinn-
ar og við neyddum það til þess að
eyða tímanum síðustu tíu mínút-
urnar af leiknum. Chelsea er frá-
bært lið en ég held að allir sem
koma að þessu Portsmouth-liði
geti verið stoltir,“ sagði Grant.
Ísraelinn geðþekki er ekki viss
um framtíð sína en Portsmouth
er fallið úr úrvalsdeildinni og
mikið svartnætti gæti beðið liðs-
ins. „Framtíð mín er það síðasta
sem ég er að hugsa um núna.
Framtíð Portsmouth er það sem
skiptir máli. Ef einhver hefur ef-
ast um að það borgi sig að kaupa
þetta félag fékk sá hinn sami svar
í dag. Stuðningsmennirnir voru
frábærir, þeir rúlluðu yfir Chelsea
í stúkunni.“
Skorar alltaf á Wembley
Didier Drogba skoraði sigur-
markið í leiknum en þetta var
þriðja mark hans í þremur bikar-
úrslitaleikjum. Það sem meira er
var þetta annað sigurmark hans.
Drogba virðist elska að spila á
Wembley en hann hefur skor-
að í öllum sex leikjum sínum á
Wembley í bikar, deildarbikar og
leikjum um góðgerðarskjöldinn.
Hann var auðmjúkur í leikslok.
„Fyrir mér er aðalatriðið að
við unnum leikinn. Þetta er mitt
besta ár hjá Chelsea því við unn-
um tvennuna, það hefur allt-
af verið draumur. Það er frábært
að vera hluti af fyrsta liðinu hjá
Chelsea sem vinnur tvennuna,“
sagði Drogba.
Carlo Ancelotti, stjóri Chelsea,
var einnig eðlilega hæstánægð-
ur með tvennuna. „Þetta er frá-
bær sigur fyrir mig. Ég er mjög
ánægður með fyrsta árið mitt á
Englandi. Ég er heppinn af hafa
unnið alltaf með frábærum liðum
og andrúmsloftið hér hjá Chelsea
er alveg magnað. Nú mun ég fara
og fagna með leikmönnum mín-
um. Mun ég fá mér eitt vínglas?
Að sjálfsögðu, við eigum skilið að
fagna eftir svona tímabil,“ sagði
Ancelotti.
TÓMAS ÞÓR ÞÓRÐARSON
blaðamaður skrifar: tomas@dv.is
Langbestir Chelsea vann báða
stóru bikarana á tímabilinu.
Svona, svona Ancelotti reynir að
hugga kollega sinn.