Dagblaðið Vísir - DV - 17.05.2010, Blaðsíða 22

22 MÁNUDAGUR 17. maí 2010 ÚTTEKT
Sú þróun virðist nánast algild í poppheiminum vestra að þær söngkonur sem slái í gegn ungar skipti á end-
anum sakleysinu út fyrir kynþokkann. Margar af frægustu söngkonum heims hafa einmitt farið þá leið og
núna síðast Disney-stjarnan Miley Cyrus. DV tók saman yfirlit yfir nokkrar af þekktustu söngkonunum sem
hafa skipt algjörlega um ímynd.
KYNÞOKKI
SEM SÖLUVARA
MILEY CYRUS
Sautján ára gamla Disney-stjarnan hefur svo sannarlega skipt um ímynd. Hún var
meira að segja tvær góðar stelpur í einu. Miley og Hannah Montana. En það var
aðeins tímaspursmál hvenær kynþokkinn tæki alfarið yfir enda er langt síðan klúrar
farsímamyndir af henni láku á netið.
RIHANNA
Bomban frá Barbados var aðeins táning-
ur þegar hún sló fyrst í gegn árið 2005.
Stelpulegt útlit fékk þó fljótt að víkja og
verður Rihanna sífellt djarfari í útliti. Hún
er óhrædd við að sýna línurnar en einnig
hafa lekið klúrar myndir af henni á netið.
CHRISTINA AGUILERA
Barna- og Disney-stjarnan Christina var góðmennskan uppmáluð framan af. Árið
2002 söðlaði hún hins vegar algjörlega um þegar hún sendi frá sér myndbandið við
lagið Dirty. Nýjasta myndbandið hennar, Not Myself Tonight, þykir það klámfengn-
asta hingað til.
MARIAH CAREY
Til að byrja með var það stelpulegt
útlitið sem Carey lagði áherslu á. Enda
fór það vel saman við guðdómlega rödd
söngkonunnar. Með árunum fór Carey
hins vegar meira og meira að gera út á
kynþokkann og í dag fer hún varla í flík
sem ekki er þröng og flegin.
CARRIE UNDERWOOD
Trúaða og góðlega kántrístjarnan Carrie sló eftirminnilega í gegn í American Idol. En
góða stelpan selur ekki nóg og því fékk sveitalúkkið að fjúka.
BRITNEY SPEARS
Britney er sú sem hefur sennilega farið
lengst með þetta. Hún söng sig inn í
hug og hjörtu heimsbyggðarinnar sem
góðlega, hreina meyin. Ekki leið á löngu
þar til Britney var farin að klæða sig og
dansa eins og strippari. Síðan þá hefur
hún reynt að gera mikið út á kynþokk-
ann - þótt hann hafi oft á tíðum verið
fjarri góðu gamni.
HILARY DUFF
Eins og svo margar aðrar Disney-stjörnur
var Hilary ljúf, prúð og snoppufríð. En
eins og flestar þeirra varð Hilary þreytt á
því að vera alltaf góða stelpan. Það sýndi
hún í myndbandinu við lagið Reach Out.
JESSICA SIMPSON
Jessica varð þreytt á því að vera sílfellt í þriðja sæti á eftir Britney Spears og Christinu
Aguilera. Hún ákvað því að bæta aðeins í kynþokkann og sló í gegn með smellinum
og myndbandinu Irresistible.
LINDSAY LOHAN
Fáar hafa tekið þessa breytingu jafnalvarlega og Lindsay. Hún fór frá því að vera
heitasta unglingastjarna Bandaríkjanna í að vera mesti villingurinn af þeim öllum.
Djamm, dóp og nekt við fyrirsætustörf hafa verið hennar ær og kýr síðan.
AVRIL LAVIGNE
Var sennilega ólíklegust allra þeirra sem hér eru nefndar til þess að gera út á
kynþokkann. Hún var popppönkari og gerði aðallega út á það að vera töff. En síðan
þroskaðist hún og varð eldri. Ekki leið á löngu þar til hún fór að birtast fáklædd á
myndum.