Dagblaðið Vísir - DV - 17.05.2010, Blaðsíða 4

4 MÁNUDAGUR 17. maí 2010 FRÉTTIR
Hundurinn Keli, af fiðrildaætt,
drapst á Geirsnefi í síðustu viku
eftir að 8 mánaða gamall hundur
af Husky-ætt réðst á hann. Eigandi
Kela er Sunna Karen Sigurþórs-
dóttir. „Þetta er í annað skipti sem
ég missi hund á þennan hátt. Við
vildum þess vegna vekja athygli á
þessu. Nágrannakona mín stofn-
aði spjallþráð um drápið á Kela á
Barnalandi til þess að vekja um-
ræður um þessi mál,“ segir Sunna
Karen. „Ég held að þetta hafi ver-
ið annað eða þriðja tilfellið á einni
viku sem það gerist að stærri
hundur drap minni hund á Geirs-
nefi.“
Móðir hennar gekk með Kela á
Geirsnefi þegar hundur af Husky-
ætt kom aðvífandi og réðst á hann.
„Hann kom hlaupandi niður hól
og tætti Kela gjörsamlega í sig.“
Keli var fluttur á dýraspítala þar
sem hann drapst.
Sunna Karen er ósátt við við-
brögð eiganda Husky-hundsins.
„Hann bauð okkur að eiga Husky-
hvolpinn í staðinn fyrir Kela, sem
hann hafði drepið skömmu áður.“
Sunna Karen segir að tilfinn-
ingalega áfallið sé ekki eini skað-
inn þegar hreinræktaður hundur
drepst á þennan hátt. „Svona hund-
ar kosta á bilinu 200 til 250 þúsund
krónur. Seinast þegar við lentum í
að hundurinn okkar var drepinn,
var reikningurinn frá dýraspítalan-
um um 300 þúsund, en reikningur-
inn fyrir aðgerðina sem reynd var á
Kela er ekki ennþá kominn.“
„Eftir að hafa lent í þessu tvisv-
ar finnst mér mikilvægt að hunda-
eigendur viti af hættunni. Það verð-
ur að gera eitthvað á Geirsnefi, til
dæmis að skipta svæðinu svo að
stórir hundar séu ekki með litlum,“
segir Sunna Karen að lokum.
helgihrafn@dv.is
Keli „Hann kom hlaupandi niður hól og tætti
Kela gjörsamlega í sig,“ segir Sunna Karen.
Hundurinn Keli drapst eftir árás stærri hunds á Geirsnefi:
Tætti fiðrildahund í sig
Leiðrétting
Í síðasta blaði var sagt frá íslensk-
um starfsmönnum Banque Hav-
illand í Lúxemborg sem sendir
hafa verið í leyfi og birtur listi yfir
þá. Rangt var farið með stöðu
átta starfsmanna. Hildur Eiríks-
dóttir, Sigurður Kristinn Egilsson
og Sigurður Þórarinsson létu af
störfum í bankanum í nóvember
2009 og hafa því ekki verið send
í leyfi. Kristján Ágústsson, Lárus
Sigurðsson, Sölvi Sölvason, Þor-
lákur Runólfsson og Ólafur Gauti
Hilmarsson starfa fyrir Banque
Havilland og hafa ekki verið
sendir í leyfi.
Sigurður Einarsson, fyrrverandi
stjórnarformaður Kaupþings, bíð-
ur eftir næstu skrefum sérstaks sak-
sóknara, Ólafs Haukssonar, í íbúð
sinni í Chelsea-hverfinu í London.
Sigurður er eftirlýstur af Interpol eftir
að hann neitaði að koma heim til Ís-
lands í yfirheyrslu út af rannsókn sér-
staks saksóknara á meintum lögbrot-
um þeirra Kaupþingsmanna.
Sigurður reyndi að semja um að
hann yrði ekki handtekinn við komu
sína til Íslands og reyndi hann að
setja það sem skilyrði. Sérstakur sak-
sóknari varð ekki við þeirri beiðni
hans.
Pattstaða hefur verið á milli Sig-
urðar og Ólafs í allmarga daga og er
ómögulegt að fullyrða hvað muni
gerast næst í málinu. Scotland Yard
neitaði sem kunnugt er að hafa
milligöngu um handtöku Sigurðar
í London og hefur ekkert markvert
gerst síðan í málinu. Sigurður mun
verja nær öllum sínum tíma í íbúð-
inni í Chelsea.
Fjórir af næstráðendum Sigurðar
hjá Kaupþingi hafa verið handteknir
og yfirheyrðir út af rannsókn sér-
staks saksóknara á málefnum Kaup-
þings, meðal annars stórfelldri alls-
herjar markaðsmisnotkun bankans.
Gæsluvarðhaldið yfir Hreiðari Má
Sigurðssyni rennur út á þriðjudag-
inn og hefur ekki verið tekin ákvörð-
un um hvort farið verði fram á fram-
lengingu þess.
Ólafur Hauksson segir aðspurður
að hann geti ekki greint frá þeim úr-
ræðum sem embættið hefur til að ná
tali af Sigurði. Hann getur ekki greint
frá því hvað embættið hyggst gera til
að ná Sigurði í yfirheyrslu þar sem
slíkt geti spillt fyrir framgangi rann-
sóknarinnnar.
Bíður eftir Ólafi
Heimildir DV herma að Sigurður bíði
eiginlega eftir næsta skrefi Ólafs, bíði
eftir því hvort Ólafur muni koma út
til London til að yfirheyra hann. Eft-
ir því sem DV kemst næst telur Sig-
urður að sá möguleiki sé líklegastur í
stöðunni: Að Ólafur komi til London
og ræði við hann þar.
Ástæðan er sú að saksóknari þarf
að ræða við Sigurð út af rannsókn-
inni en stjórnarformaðurinn fyrr-
verandi hefur gefið það út að hann
muni ekki koma heim til Íslands
ótilneyddur því hann hræðist að
hann verði handtekinn og hnepptur
í gæsluvarðhald, líkt og Hreiðar Már
Sigurðsson og Magnús Guðmunds-
son í þar síðustu viku.
Sigurður mun enn sitja fastur við
sinn keip og bíður bara og bíður í
London eftir því sem verða vill. Sig-
urður mun ekki líta svo á að boltinn
sé hjá honum heldur hjá saksóknara.
Hann telur að saksóknari sé sá sem
komið geti hreyfingu á pattstöðuna
því Sigurður ætlar sér ekki að koma
til Íslands í yfirheyrslu hvað sem
á dynur. Sigurður mun líta svo á
að hann sé kominn það langt í
varnarstöðu sinni gegn saksóknara
að hann geti ekki snúið til baka til Ís-
lands úr þessu.
Ákæra annar möguleiki
Annar möguleiki sem Sigurður mun
velta fyrir sér er að saksóknari gefi
út ákæru á hendur honum á Íslandi.
Þá er það skylda lögreglunnar í Bret-
landi að handtaka Sigurð og senda
hann heim til Íslands. Þessi mögu-
leiki er hins vegar fjarlægur þar sem
ætla má að rannsókn saksóknara sé
ekki það langt komin að hann geti
ákært Sigurð án þess að yfirheyra
hann fyrst. Líkurnar á því að Sigurð-
ur verði sendur heim í handjárnum
eru því litlar eins og er.
Reikna má með að sérstakur sak-
sóknari þurfi að yfirheyra Sigurð
áður enn hann gefur út ákæru
á hendur honum. Sérstakur sak-
sóknari hefur enn sem komið er
ekki gefið út neina ákæru í þeim
málum sem hann er að rannsaka.
Boltinn er því hjá saksóknara og
bíður Sigurður eftir næsta skrefi
hans í 2 milljarða króna lúxusí-
búðinni sem hann býr í
í Chelsea-hverf-
inu í Lond-
on.
Erlendir fjölmiðlar hafa reynt
að ná tali af Sigurði síðustu daga
en breskir lögmenn hans hafa gef-
ið honum þær ráðleggingar að ræða
ekki um framgang rannsóknarinn-
ar við fjölmiðla. Afar ólíklegt er því
að Sigurður muni tjá sig frekar um
framgang rannsóknarinnar og áætl-
anir sínar við fjölmiðla. Bið Sigurðar
og annarra í þessu dramatíska máli
heldur því áfram enn um sinn.
SIGURÐUR
B ÐUR EFTIR
SAKS KNARA
Störukeppnin á milli Sigurðar Einarssonar og sérstaks
saksóknara er enn í fullum gangi. Sigurður ætlar ekki að
gefa sig og koma heim til Íslands í yfirheyrslu. Sigurði
mun þykja líklegt að saksóknari komi til London til að
ræða við Kaupþingsmanninn þar. Ákæra á hendur Sigurði
er annar möguleiki.
INGI F. VILHJÁLMSSON
fréttastjóri skrifar: ingi@dv.is
Eftir því sem DV kemst næst
telur Sigurður að sá
möguleiki sé líklegast-
ur í stöðunni: Að Ólafur
komi til London og ræði
við hann þar.
Störukeppnin enn í gangi
Störukeppnin á milli Sigurðar
Einarssonar og sérstaks
saksóknara er enn fullum í
gangi. Algerlega óvíst er hvað
gerist næst í stöðunni.
Fer Ólafur út til Sigurðar?
Heimildir DV herma að Sigurður telji
líklegast að Ólafur fari út til London
til að yfirheyra stjórnarformanninn
fyrrverandi.
Áfram eldgos
Gosvirknin í Eyjafjallajökli virð-
ist áfram nokkuð stöðug. Nokkrar
sveiflur hafa verið á gosmekkinum
frá degi til dags en hann hefur verið
hærri á sunnudag en dagana þar
áður. Óvenju margar eldingar hafa
mælst um helgina
Samkvæmt stöðuskýrslu Veður-
stofu Íslands er áætluð gjóskufram-
leiðsla um 150 til 200 tonn á sek-
úndu þegar mökkurinn liggur í 6-7
kílómetra upp í um 400 tonn á sek-
úndu þegar hann er hæstur. Mökk-
urinn er að jafnaði um 7-9 kílómetr-
ar samkvæmt veðurratsjá
Slys í Esjunni
Björgunarsveitir á höfuðborgar-
svæðinu og Akranesi voru kallaðar
út rétt fyrir klukkan þrjú á sunnu-
dag þegar maður hrapaði í klettum í
Heljaregg í Vesturbrún Esjunnar.
Um er að ræða vinsælt klifur-
svæði og var maðurinn þar við klifur
ásamt tveimur félögum sínum. Talið
er að fallið hafi verið um 6-8 metrar.
Einnig var Slökkvilið höfuðborg-
arsvæðisins og þyrla LHG kölluð út
og var maðurinn hífður um borð í
hana og fluttur á sjúkrahús í Reykja-
vík.
Sammála Jóni
Ögmundur Jónasson, fyrrver-
andi heilbrigðisráðherra, segir Jón
Bjarnason ekki standa einan varð-
andi afstöðu hans um sameiningu
og fækkun ráðuneyta. Ögmund-
ur segist þekkja afleiðingar þess að
gera skipulagsbreytingar með hraða.
„Sem formaður BSRB hef ég iðulega
komið að því að binda óhnýtta enda
eftir flaustursleg vinnubrögð við
skipulagsbreytingar. Reynslan sýnir
að hraði, hvað þá óvönduð vinnu-
brögð sem oft eru fylgifiskur hrað-
ans, leiða hvorki til hagræðingar né
sparnaðar, heldur hins gagnstæða,“
segir hann í pistli á heimasíðu sinni.