Dagblaðið Vísir - DV - 17.05.2010, Blaðsíða 19

SILJA ÚLFARSDÓTTIR varð um
daginn fyrsta konan til að lesa
íþróttafréttir á Stöð 2 í áratug. Silja átti
ekki að byrja fyrr en í dag en Arnar
Björnsson var ákveðinn í að henda
henni strax út í djúpu laugina.
HELLTI Á SIG MÍNÚTU
FYRIR ÚTSENDINGU
Talsverðar umræður hafa spunnist
um Besta flokkinn upp á síðkastið.
Sumir segja að það að kjósa hann sé
að kasta atkvæði sínu á glæ, á meðan
aðrir hrósa honum fyrir að vera einn
allsherjar áfellisdómur á íslenska
flokkakerfið. Margir eru þó sammála
um að grínframboð megi ekki gagn-
rýna á hefðbundnum forsendum. En
kannski liggur mergurinn málsins
einmitt þar.
Það er oft einkenni góðs gríns að
erfitt er að vera viss um hvort verið
er að grínast eða ekki, og má nefna
hina vinsælu þætti The Office sem
dæmi. Grínið er ekki undirstrikað
með dósahlátri, heldur er fólki leyft
að lesa á milli línanna og verður
satíran þannig beittari. Það að geta
ekki verið viss um hvort verið sé að
grínast getur á hinn bóginn einnig
verið einkenni vonds gríns.
Konur og grín
Besti flokkurinn svigar þarna á milli.
Um daginn setti Jón Gnarr fram þá
hugmynd að koma með ísbjörn í
Húsdýragarðinn. Fannst mörgum
þetta ágætis hugmynd, betri lausn
heldur en þær óblíðu viðtökur sem
ísbirnir hafa oftast fengist hérlendis.
Jón Gnarr steig enda fram og sagði
að hugmyndin hefði ekki verið grín.
Í nýlegri grein í Fréttablaðinu seg-
ir Jón: „Á Arnarhóli stendur styttan af
Ingólfi Arnarsyni, til heiðurs því fólki
sem fyrst nam hér land. Það voru
bæði menn og konur. Ef engar kon-
ur hefðu verið með í för værum við
einfaldlega ekki til. Það er því krafa
Besta flokksins að hrinda í fram-
kvæmd þeim hugmyndum sem hafa
verið uppi, en ekki náð fram, að við
hlið styttunnar af Ingólfi Arnarsyni
rísi önnur og jafnstór stytta af Hall-
veigu Fróðadóttur, eiginkonu hans.“
Vafalaust hljómar það sem ágæt-
is hugmynd fyrir fleirum en mér að
skrifa konur aftur inn í söguna, hvort
sem það er gert með styttu á Arnar-
hól eða með öðrum hætti. Er Jón að
grínast hér eða ekki? Fyrr í greininni
segir hann: „Við hvetjum konur til að
vera með í Besta flokknum. Öllum
konum finnst gaman að punta sig og
gera fínt í kringum sig.”
Það að vilja punta sig hljómar
ekki sem góð meðmæli fyrir stjórn-
málamann. Ekki er því ljóst hér
hvort Jón sé í raun og veru að hvetja
til meiri þátttöku kvenna í stjórn-
málum, eða að gera grín að slíkum
hugmyndum.
Grín og góðar hugmyndir
Það sama gildir um flest stefnumál
flokksins. Það fyrsta hljóðar svo:
1. Hjálpa heimilunum í landinu
Fjölskyldan er það besta í samfé-
laginu. Stjórnvöld þurfa að mæta
þörfum og kröfum heimilana
(sic). Reisa þarf járnbenda skjald-
borg um heimilin í landinu. Ís-
lensk heimili eiga aðeins skilið það
besta.
Vissulega er hér verið að sækja
í orðagjálfur stjórnmálamanna. En
er þetta svo vitlaus hugmynd?
Næsta stefnumál er svo:
2. Bæta kjör þeirra sem minna
mega sín
Við viljum allt það besta fyrir svo-
leiðis lið og bjóðum því ókeypis í
strætó og sund þannig að maður
geti ferðast um Reykjavík og verið
hreinn þótt maður sé fátækur eða
eitthvað að manni.
Þrátt fyrir orðanotkunina er
þetta kannski ekki svo vitlaus hug-
mynd heldur. Á Akureyri hefur löng-
um verið ókeypis í strætó fyrir alla
með ágætis árangri. Líklega myndu
borgaryfirvöld spara ef fleiri tækju
strætó heldur en að mæta þeim
kostnaði sem einkabílum fylgir. Það
er fyrst með þriðja boðorðinu sem
grínið kemst upp á yfirborðið:
3. Stöðva spillingu
Við lofum að stöðva spillingu. Við
munum gera það með því að stunda
hana fyrir opnum tjöldum.“
Pönslæn sem kemur of seint
Ef til vill væri Besti flokkurinn betur
heppnað, það er að segja fyndnara
framboð, ef allt grínið væri í þessum
dúr. Brandarinn um spillta stjórn-
málamenn sem þykjast vera heið-
arlegir í spillingu sinni á erindi. Á
hinn bóginn átti hann líklega meira
erindi í síðustu kosningum árið
2006, þegar spillingin var alls staðar
en samt tók enginn eftir henni. Það
er einmitt hlutverk góðra grínista að
benda á það þegar keisarinn er ekki
í neinum fötum.
Núna sjá það hinsvegar flestir
aðstoðarlaust. Ekki er lengur þörf
á að benda á spillinguna með því
að gera grín að henni. Nú er kom-
inn tími til að taka til. Besti flokk-
urinn er því fjórum árum of seint
á ferð. Það kaldhæðnislega (ef ekki
endilega fyndna) er það að ef hann
hefði komið fram þegar þörfin var
mest hefði hann líklega fengið mun
minna fylgi en nú.
Margar hugmyndir Besta flokks-
ins, svo sem um beint lýðræði, jafn-
rétti og að draga menn til ábyrgðar
á gjörðum sínum, eru allrar athygli
verðar. Það er bara verst hvað það er
erfitt að taka þær alvarlega.
Er Besti flokkurinn nógu fyndinn?
UMRÆÐA 17. maí 2010 MÁNUDAGUR 19
1 SIGURÐUR VISSI UM BANKA-BRALLIÐ Sigurður Einarsson hafði
vitneskju um það sem var að gerast
hjá Kaupþingi.
2 BJÖRGÓLFUR: TÓK 70 MILLJARÐA Á RÚMU ÁRI Björgólfur Guðmunds-
son fékk lánaða tæpa 70 milljarða
króna hjá Landsbankanum.
3 STEVE JOBS: „FRELSI FRÁ KLÁMI“ Maðurinn á bak við Apple-tölvuris-
ann segir iPad veita fólki frelsi frá
klámi.
4 ÓLAFUR F. BOÐAR TIL MÓTMÆLA Ólafur F. Magnússon stóð fyrir mót-
mælum við Heilsuverndarstöðina á
Barónsstíg.
5 GOOGLE KRÆKTI SÉR Í PERSÓNU-UPPLÝSINGAR ÚR TÖLVUM NET-
NOTENDA Google á nú yfir höfði sér
hugsanlegt dómsmál eftir að hafa
krækt sér í persónuupplýsingar úr
tölvum notenda
6 BRITNEY VINSÆL Á TWITTER Britney Spears er komin mjög
nálægt Twitter kóngingum Ashton
Kutcher í vinsældum.
7 ÖGMUNDUR SAMMÁLA JÓNI BJARNASYNI Jón Bjarnason á
skoðanabróður varðandi fækkun
ráðuneyta. 
MEST LESIÐ á dv.is MYNDIN
Hver er konan? „Silja Úlfarsdóttir,
þjálfari og íþróttafréttamaður.“
Hvar ertu uppalin? „Setberginu í
Hafnarfirði. Mikill FH-ingur.“
Hvað drífur þig áfram? „Ég er bara
með svo mikið keppnisskap. Það kemur
manni langt.“
Hver er þín fyrsta minning úr æsku?
„Ætli það sé ekki sautjándi júní þegar
ég er fimm ára að lemja pabba með
íslenska fánanum. Ég fékk ekki að sjá
Brúðubílinn.“
Hvar vildirðu helst búa ef ekki á
Íslandi? „Hollandi! Ég elska Holland. Ef
maðurinn minn fengi vinnu þar myndi
ég flytja á morgun.“
Hver er uppáhaldsmaturinn þinn?
„Kjötbollur í brúnni sósu. Það hefur verið
í uppáhaldi í mörg ár.“
Hvernig var upplifunin af fyrstu
útsendingunni? „Bara rosa gaman.
Þetta var samt mjög fyndið. Einni mínútu
fyrir útsendingu hellti ég á bolinn minn
og sminkan þurfti að þurrka það með
hárblásara. Annars átti ég ekki að byrja
fyrir en á mánudaginn. Ég ætlaði bara að
fylgjast með einni íþróttavakt hjá Arnari
Björnssyni en hann var alveg staðráðinn í
því að ég myndi bara taka fréttatímann.“
Varstu stressuð? „Ég var alveg róleg,
þetta var meira spennandi en stressandi.
Ég verð ekkert auðveldlega stressuð.“
Hefur þig alltaf langað til að verða
íþróttafréttamaður? „Mér hefur alltaf
fundist þetta starf spennandi. Að fá
borgað fyrir að horfa á íþróttir er ekki
slæmt.“
Er einhver íþróttafréttamaður sem
þú lítur upp til? „Hrafnkell Kristjánsson
var alltaf í uppáhaldi. En þar á eftir verð
ég að segja Arnar Björnsson.“
Muntu reyna að koma frjálsum
íþróttum meira að? „Auðvitað verð ég
nú að koma þeim að. “
MAÐUR DAGSINS
KJALLARI
„Já, ég geri það. “
ARNAR SNÆR EGGERTSSON
21 ÁRS KOKKUR
„Nei ég held ekki, jú, örugglega. Ég veit
það bara ekki.“
HLYNUR FREYR ÞORGEIRSSON
20 ÁRA KOKKUR
„Já, maður neyðist til þess vegna
fákeppni.“
ÞORKELL GARÐARSSON
45 ÁRA MATREIÐSLUMEISTARI
„Því miður já.“
HALLUR DAN JOHANSEN
30 ÁRA VEITINGAMAÐUR
„Ég er nýbúin að taka þá afstöðu að
gera það ekki og reyni að sneiða hjá
því.“
INGUNN BJÖRNSDÓTTIR
45 ÁRA VINNUR HJÁ ICELANDAIR
VERSLAR ÞÚ AF ÚTRÁSARVÍKINGUM?
DÓMSTÓLL GÖTUNNAR
VALUR GUNNARSSON
rithöfundur skrifar
„Ekki er lengur
þörf á að benda á
spillinguna með
því að gera grín að
henni.“
Stuðningur úr annarri átt Ólafur F. Magnússon stóð fyrir mótmælum við Heilsuverndarstöðina á Barónsstíg á sunnudag. Einn
þeirra sem mættu á mótmælin var Hjálmar Sveinsson, frambjóðandi Samfylkingarinnar í Reykjavík. MYND/RÓBERT REYNISSON