Dagblaðið Vísir - DV - 11.08.2010, Blaðsíða 6
6 FRÉTTIR 11. ágúst 2010 MIÐVIKUDAGUR
Heimsmeistaramótið í handbolta
karla sem fram fer á næsta ári verð-
ur ekki sýnt í Ríkissjónvarpinu eins
og venjulega. Mótið verður sent út
á Stöð 2 Sport sem er áskriftarsjón-
varpsstöð. Handboltaáhugamenn
sem hafa þegar talið sig hafa greitt
nefskatt til þess að sjá leiki strákanna
okkar þurfa því að borga um 5.500
krónur fyrir mánaðaráskrift að Stöð
2 Sport.
Mótið hefur verið sýnt í Ríkissjón-
varpinu undanfarin ár og er afar vin-
sælt sjónvarpsefni meðal Íslendinga.
Íslenska landsliðið keppir á mótinu
og eru miklar vonir bundnar við liðið
en það vann til silfurverðlauna á Ól-
ympíuleikunum í Peking fyrir tveim-
ur árum og til bronsverðlauna á Evr-
ópumeistaramótinu sem fram fór í í
byrjun ársins.
Ekki hefur enn verið tekin ákvörð-
un um hvort einhverjir leikir verði
sendir út í opinni dagskrá. Páll Magn-
ússon útvarpsstjóri var ekki bjart-
sýnn á það í Síðdegisútvarpi Rásar 2
en hann er gamall starfsmaður sam-
steypunnar. Hann sagði að hagnað-
arsjónarmið hlytu að ráða.
Katrín Jakobsdóttir menntamála-
ráðherra hefur sagt að það verði
skoðað í ráðuneytinu hvort rétt sé að
skylda Stöð 2 Sport til að sýna ein-
hverja leiki á mótinu í opinni dag-
skrá. Það hefur verið gert víða í Evr-
ópu en slíkt hefur ekki verið gert áður
hér á landi.
Í gær var einnig tilkynnt um að
Spaugstofan yrði ekki á dagskrá Sjón-
varpsins næsta vetur en ástæðan fyr-
ir því var sögð krafa um níu prósenta
niðurskurð Ríkisútvarpsins. Spurn-
ing er hvort heimsmeistaramótið sé
einnig blóðtaka sem rekja megi til
niðurskurðar. Páll hefur þó ekki gefið
neitt uppi um það og segir 365 miðla
einfaldlega hafa boðið hærra.
adalsteinn@dv.is
HM í handbolta 2011 verður sent út á Stöð 2 Sport:
Þjóðaríþrótt á lokaðri rás
Þjóðaríþrótt Handbolti er nokkurs konar þjóðaríþrótt Íslendinga en nú verður HM í
greininni ekki sýnt í sjónvarpi landsmanna.
Endurskoðun AGS
í sjónmáli
Jóhanna Sigurðardóttir forsætis-
ráðherra segir að ríkisstjórnin sé að
ná samkomulagi við Alþjóðagjald-
eyrissjóðinn um þriðju endurskoð-
un efnahagsáætlunar sjóðsins fyrir
Ísland. Jóhanna segir að styrking
krónunnar og lækkun verðbólgu
gæfu fyrirheit um jákvæðar horfur í
efnahagsmálum. „Við erum líklega
að ná samkomulagi við Alþjóða-
gjaldeyrissjóðinn um þriðju endur-
skoðunina þannig að þetta virðist
allt vera á réttri leið,” sagði Jóhanna í
samtali við fjölmiðla.
Lögreglan fékk
myndavélar að gjöf
Tryggingafélagið Sjóvá hefur gefið
lögreglunni á höfuðborgarsvæðinu
sex myndavélar að gjöf. Myndavél-
arnar eiga að nýtast við umferðar-
löggæslu. Gjöfin er veitt í tilefni af
fimmtíu ára afmæli umferðardeildar
lögreglunnar. Lárus Ásgeirsson, for-
stjóri Sjóvár, afhenti myndavélarnar
í sérstöku hófi sem haldið var í höf-
uðstöðvum lögreglunnar í síðustu
viku. Þá sagði hann meðal annars að
það væru sameiginlegir hagsmunir
okkar allra að lögreglan gæti unnið
störf sín af nákvæmni og nýtt nýj-
ustu tækni hverju sinni.
Sameinuðust fyrir
samkeppnislög
Hagkaup og Bónus sameinuðust
áður en samkeppnislög tóku gildi.
Þar af leiðandi gat Samkeppnis-
eftirlitið ekkert aðhafst vegna sam-
runans. Þetta kemur fram í pistli á
vef Samkeppniseftirlitsins. „Sér-
staklega hefur því verið haldið fram
að samkeppnisyfirvöld hafi látið
hjá líða að koma í veg fyrir sam-
runa Bónuss og Hagkaups og síðar
samruna Baugs (nú Haga) og 10-
11 verslananna. Hvoru tveggja er
rangt,“ segir í pistlinum.
Sendi greiðslu-
áskorun á banka
Viðskiptavinur Íslandsbanka skil-
aði á þriðjudag inn greiðsluáskor-
un til bankans. Maðurinn, sem ekki
vill láta nafn síns getið, segir að
með þessu reyni á það hvort dóm-
ur Hæstaréttar um ólögleg geng-
istryggð lán standi. Þeir sem tóku
gengistryggt bílalán gætu samkvæmt
þessu átt kröfu á lánveitendur, vegna
ofgreiddra afborgana af bílalánum.
Aron Pálmi Ágústsson, fyrrverandi refsifangi í Texas í Bandaríkjunum, er til rann-
sóknar hjá lögreglunni á höfuðborgarsvæðinu. Þrjú hótel í borginni hafa kært hann
fyrir að greiða ekki fyrir veitingar, þjónustu og gistingu sem hann þáði.
HÓTEL KÆRA
ARON PÁLMA
Þrjú hótel á höfuðborgarsvæðinu
hafa kært Aron Pálma Ágústsson,
fyrrverandi refsifanga í Texas í
Bandaríkjunum, til lögreglu. Hon-
um er gert að sök að hafa gist á
hótelunum án þess að greiða fyrir
þá þjónustu sem hann þáði.
Samkvæmt heimildum DV
eru hótelin sem um ræðir Hótel
Borg, Hótel Holt og Plaza hótelið,
öll í miðborg Reykjavíkur. Hótel-
in hafa öll formlega tilkynnt Aron
Pálma til lögreglunnar á höfuð-
borgarsvæðinu sem nú rannskar
háttarlag hans og ásakanir gisti-
staðanna. Eftir því sem DV kemst
næst eru málin þrjú keimlík að því
leyti að hann á að hafa bókað sig
inn á hótelin í júlímánuði síðast-
liðnum, nýtt sé þær veitingar sem
í boði voru á hótelherbergjunum
og haldið síðan á vit ævintýranna.
Lögregla rannsakar nú hvort Aron
Pálmi hafi daginn eftir yfirgef-
ið gististaðina án þess að greiða
reikninginn.
Þrjár kærur
Ómar Smári Ármannsson, að-
stoðaryfirlögregluþjónn hjá lög-
reglunni á höfuðborgarsvæðinu,
staðfestir að þrjár kærur á hendur
Aroni Pálma séu nú til rannsókn-
ar. Aðspurður segir hann kærurn-
ar snúa að grunsemdum um að
Aron Pálmi hafi ekki greitt hót-
elreikninga sína en að öðru leyti
vill hann ekki tjá sig um efnisat-
riði málanna.
Snorri Valsson, móttökustjóri
Hótel Holts, staðfestir að Aron
Pálmi hafi þegið ýmsa þjónustu
á hótelinu án þess að greiða fyr-
ir. Hann kannast við svipaðar frá-
sagnir annarra hótela. „Ég veit til
þess í gegnum samskipti okkar
við önnur hótel að viðkomandi
hefur farið á mörg önnur hótel.
Þegar við áttuðum okkur á þessu
mynstri höfðum við samráð með
okkur til að sjá til þess að þetta
gerðist ekki aftur. Það eiga allir
að sjálfsögðu að greiða fyrir þjón-
ustuna og sem betur fer er þetta
sjaldgæft. Þegar svona kemur
upp er það tekið föstum tökum.
Þetta er meira en við getum sætt
okkur við án þess að tilkynna það
til lögreglu,“ segir Snorri.
Samfylking og Idol
Lítið hefur frést af ferðum Ar-
ons Pálma undanfarin misseri og
minna fjallað um hann í fjölmiðlum
undanfarið í samanburði við fyrir
þremur árum síðan er hann var lát-
inn laus úr fangelsi í Texas. Þar var
hann þrettán ára gamall dæmdur til
refsivistar fyrir kynferðisbrot gegn
ungum dreng ári áður.
Í fjölmiðlum var síðast fjallað
um Aron Pálma sem harðan stuðn-
ingsmann Samfylkingarinnar. Þar
áður vakti þátttaka hans í undan-
keppni íslensku Idol-söngkeppn-
innar þjóðarathygli þar sem hann
var meðal þeirra áttatíu þátttak-
enda sem komust í fyrstu umferð
áheyrnarprufa sem fóru fram í jan-
úar á síðasta ári.
Við vinnslu fréttarinnar var
reynt að leita viðbragða hjá Ar-
oni Pálma en án árangurs. Krist-
ófer Oliversson, hótelstjóri Plaza
hótels, vildi ekki tjá sig um málið
þegar eftir því var leitað. Hann bar
fyrir sig trúnað við viðskiptavini
hótelsins.
TRAUSTI HAFSTEINSSON
blaðamaður skrifar: trausti@dv.is
Þegar svona kemur upp
er það tekið föstum
tökum .
Þrjár kærur Lögreglan á höfuðborgarsvæðinu rannsakar þrjú mál á hendur Aroni Pálma sem snúa öll að því að hann hafi
ekki borgað hótelreikninga í sumar.