Dagblaðið Vísir - DV - 11.08.2010, Qupperneq 22

22 LÍFSSTÍLL 11. ágúst 2010 MIÐVIKUDAGUR
KERLINGABÆKUR
UM FEGRUN
Furðulegustu ráðleggingar frá mæðrum okkar, ömmum
og frænkum hafa smitað út frá sér og ákveðin fegrunarráð
sem eiga sér enga stoð í raunveruleikanum virðast glepja
sjálfsöruggustu konur. En hvað er satt í þeim? DV tók sam-
an helstu kerlingabækurnar um fegrun kvenna.
Þurr húð veldur hrukkum
Væri ekki frábært ef bara smárakakrem gæti komið í veg fyrir hrukkur. Því miður verða hrukkur
til þegar kollagen brotnar niður langt undir yfirborði húðarinnar (þar sem hún þornar). Raka-
krem geta fegrað yfirborð húðarinnar og þannig gert hrukkur minna áberandi en þau vinna alls
ekki á hrukkum þar sem þær verða til miklu neðar. Sólin er helsti óvinur þeirra sem vilja ekki fá
hrukkur svo ef þú vilt forðast hrukkur skaltu maka á þig sólarvörn í stórum stíl.
Kalt vatn minnkar svitaholur
Stærð svitahola þinna er komin frá mömmu og pabba og þú breytir þeim seint. Kalt vatn þrengir æðarnar þannig að
manni finnst húðin strekktari. En þú getur minnkað svitaholurnar með því að gæta þess að þær séu ekki fullar af jukki.
Þegar svitaholurnar stíflast með olíu og dauðum húðfrumum, sýnast þær stærri. Snyrtivörur sem innihalda salisílisýru
hreinsa svitaholurnar. Og að sjálfsögðu hefur sólin slæm áhrif á svitaholurnar, þegar húðin tapar teygjanleika sínum við
sólarskemmdir virðast þær stærri. Svo notaðu sólarvörn!