Dagblaðið Vísir - DV - 11.08.2010, Blaðsíða 18

BAKVAKTIR OG
BÓNDABÝLI
n Þorsteinn Jóhannesson, yfirlækn-
ir á Ísafirði, hefur búið við einstak-
lega góð kjör mörg undanfarin ár.
Komið er á dag-
inn að sjö millj-
óna launahækk-
un í fyrra ári má
rekja til þess að
félag Þorsteins,
Skurðlæknir-
inn ehf, hætti
að innheimta
fyrir bakvaktir
en Þorsteinn tók milljónirnar á eigin
kennitölu. Meðal þeirra eigna sem
félag hans stendur undir rekstri á er
sumaróðal læknisins á jörðinni Hatt-
ardal. Óljóst er þó hvað Skurðlæknir-
inn ehf. hefur yfirhöfuð með bónda-
býli að gera.
GÓÐÆRI EFTIR
ÞINGMENNSKU
n Guðmundur Hallvarðsson, fyrr-
verandi alþingismaður og formaður
Sjómannafélags Reykjavíkur, er ekki
á flæðiskeri staddur eftir að hann
hætti þingmennsku. Guðmundur
hefur verið ötull í starfi fyrir Hraf-
nistu og sjómannadagsráð. Greinilegt
er að stússið gefur vel af sér því hann
er með næstum tvær milljónir króna
í mánaðarlaun árið 2009. Reikna má
með að inni í þeirri tölu séu rífleg
eftir laun vegna þingmennskunnar.
OFURLAUN VERKA-
LÝÐSLEIÐTOGA
n Meðal þeirra verkalýðsleiðtoga
sem taka sér ofurlaun er Guðmundur
Gunnarsson, formaður Rafiðnaðar-
sambandsins.
Guðmundur er
með hartnær 1,5
milljón krónur
á mánuði sem
er væntanlega
víðsfjarri laun-
um umbjóðenda
hans. Guðmund-
ur var í viðtali við
Sigurð Þ. Ragnarsson þar sem hann
viðurkenndi að 200 þúsund krónur á
mánuði dygðu ekki fólki til fram-
færslu. Sjálfur þarf hann þó væntan-
lega engu að kvíða með ofurlaun sín
sem koma væntanlega að einhverju
leyti sem stjórnarlaun frá lífeyris-
sjóði. Sjálfur ber hann við að hluti sé
vegna séreignasparnaðar sem hann
tók út.
VEGUR FRIÐRIKS VEX
n Mikil umræða hefur verið um
skipan Jóns Ásbjörnssonar til að
veita Íslandsstofu forstöðu. Af tug-
um umsækjenda
ræddi stjórnin
aðeins við þrjá
og réði síðan Jón.
Meðal hinna
sniðgengnu er
Þórólfur Árna-
son, fyrrverandi
borgarstjóri. For-
maður stjórnar
Íslandsstofu er sá gamalkunni refur
Friðrik Pálsson. Hann varð þekktur
fyrir að nota félag sitt Góðráð ehf. til
að þiggja milljónir í ráðagjafalaun hjá
Landssímanum þar sem hann var
stjórnarformaður. Friðrik hraktist
í framhaldinu úr stóli sínum. Nú er
vegur hans að vaxa á ný og situr hann
meðal annars í stjórn Landsbankans.
Ekki er vitað hvort Góðráð koma enn
við sögu í störfum Friðriks.
Spaug er ekkert grín. Það kom á daginn í gærmorgun þeg-ar Páll Magnússon útvarps-stjóri tilkynnti aðstandendum
Spaugstofunnar að þeir mættu hypja
sig út á guð og gaddinn. Með ákvörð-
un Palla lauk áratuga samleið þjóð-
arinnar og Spaugstofunnar. Óljóst er
hvaða tilfinningar bærðust í brjósti
útvarpsstjórans þegar hann brá nið-
urskurðarhnífnum. En í tölvuskeyti
hans til starfsmanna er því lýst að um
sé að kenna niðurskurði ríkisins til
stofnunarinnar.
Palla er svo sem vorkunn. Hann hefur undan-farin misseri
skorið niður í gríð og
erg. Hann lagði af svæð-
isstöðvar Ríkisútvarps-
ins og jók miðstýring-
una. Hann hefur gætt
þess vandlega að reka
fólk sem skiptir máli til
að sýna fram á fárán-
leika niðurskurðarins.
Nú síðast lét hann
reka Kristin
Hrafnsson fréttamann
sem neitaði að koma
fram sem trúður í frétta-
tímanum. Auðvitað er
það sláandi að þurfa að
reka svona marga sem
skipta svo miklu máli.
Páll Magnússon hefur gætt þess vandlega að reka ekki hina óþörfu. Það hentar ekki baráttu hans við að sýna
fram á laskaða stofnun sína. Þannig
situr hann sjálfur sem fastast með
súperlaun og góðan jeppa. Niður-
skurðurinn beinist fyrst og fremst að
vöðvum og beinum en eftir stend-
ur fitan ein. Dugur Páls í að verja sín
eigin kjör vekur athygli og jafnvel
aðdáun annarra rekstrarskussa. Og
nokkrir úr hans nánustu hirð njóta
einnig friðhelgi fitunnar.
Það er auðvitað bráðsniðugt hjá Páli að stúta Spaugstof-unni. Þar á bæ hafa menn verið að stinga á kýlum sam-
félagsins með tilheyrandi subbuskap.
Slíkt er óþægilegt fyrir sjálftökulið og
hrægamma Íslands. Spaugstofan hef-
ur gengið svo langt oftar en einu sinni
að fjalla um sjálfan útvarpsstjórann,
jeppamálið og ofurlaunin. Þeir migu
þannig í sitt eigið bæli.
Nú er staðan sú að í laugar-dagsslotti Spaugstofunnar er að finna fyrirbæri sem heitir Popppunktur og var
fundinn upp á frístöð. Þar er um að
ræða þátt sem engan truflar og lætur
kýlin í friði. Auglýsingafígura Iceland
Express reytir af sér lítt skiljanlega
brandara og segir reglulega „uss“
með tilþrifum. Þetta er framtíðin hjá
RÚV. Enginn verður sár og enginn
reiður. Fréttastofan fjallar af alúð
um berjasprettu, grásleppuveið-
ar og veðurhorfur en sneiðir hjá
hneykslismálum. Fastir þættir
ganga út á innihaldsleysi. Palli situr
á friðarstóli með jeppann sinn og
launin.
SPAUG ER EKKERT GRÍN
„Nei, ég tel málinu lokið af minni hálfu.
Ég ákvað að taka þessu boði og þá er
mínu máli lokið,“ segir ÁSTA SIGRÚN
HELGADÓTTIR, sem tók við starfi
Umboðsmanns skuldara í byrjun
vikunnar. Árni Páll Árnason félags-
málaráðherra skipaði Ástu í
embættið eftir að
Runólfur
Ágústsson hætti
störfum í kjölfar
umræðu um
skuldamál hans.
Ásta hafði áður
starfað sem
forstöðumaður
Ráðgjafarstofu
um fjármál
heimilanna.
SKULDAR ÁRNI ÞÉR
NÁNARI SKÝRINGAR?
„Þessi launatala
er alveg út í hött.
Það blasir við
öllum sem vilja skoða
þetta af einhverju viti,“
n Guðmundur Gunnarsson, formaður
Rafiðnaðarsambands Íslands - Eyjan
„Er hægt að hafa
flugeldasýningu
svo að björgunar-
sveitin fái pening-
ana. Svarið er já. Við
munum leita leiða til að
finna aðila að flugelda-
sýningunni.“
n Einar Örn Benediktsson, borgarfulltrúi
-Vísir
„Ég taldi það því
rétt og eðlilegt
að staðfesta
ekki veru hans í
þessari nefnd,“
n segir Jóhanna Sigurðardóttir,
forsætisráðherra um það að hún neitaði að skipa
Svein Margeirsson í nefnd um Magma-málið
- Vísir.
„Einhvern
veginn virðist
ritstjórinn samt
ekki treysta
neinum nema
sjálfum sér til að skrifa
eigin eftirmæli.“
n Ólafur Arnarson á Pressunni.
Konungar verkalýðsins
Þegar Jóhanna Sigurðardóttir varð forsætisráðherra gaf hún út þá yfir-lýsingu að enginn ríkisstarfsmaður ætti að hafa hærri laun en forsætis-
ráðherrann. Það var djörf yfirlýsing um auk-
inn jöfnuð, sem ætlað var að sefa reiði fólks
eftir að ofurlaunaðir viðskiptamenn, seðla-
bankastjórar og eftirlitsmenn sameinuðust
um að leiða efnahagslegt hrun yfir venjulega
launþega. Nú er komið á daginn að meira að
segja formenn hagsmunasamtaka launþeg-
anna fá hærri laun en forsætisráðherrann.
Þeir tilheyra ekki þeim hópi sem þeir eiga að
gæta.
Kristinn Örn Jóhannesson, formaður VR,
tekur tæpar 860 þúsund krónur í laun. Hann
gætir hagsmuna afgreiðslufólks í verslun-
um. Formaður Kennarasambandsins fær
hátt í milljón. Gylfi Arnbjörnsson, forseti
Alþýðusambands Íslands, hefur rétt tæpa
milljón á mánuði. Guðmundur Gunnarsson,
formaður Rafiðnaðarsambandsins, hef-
ur eina milljón fjögur hundruð og fjörutíu
þúsund. Í harðri grein á Eyjunni gagnrýndi
hann „rætna fréttamennsku“ um laun hans
og sagði séreignarsparnað útskýra launin að
stórum hluta. Hann ýjar að því að laun hans
séu um 750 þúsund frá Rafiðnaðarsam-
bandinu.
Mest sláandi er tilfelli Kristjáns Gunn-
arssonar, formanns Starfsgreinasambands
Íslands, sem gætir hagsmuna verkafólks.
Hann halaði inn meira en 1,3 milljónir á
mánuði í fyrra, samkvæmt álagningar-
skránni. Það var hundrað þúsund krónum
meira en árið áður. Hann var stjórnarfor-
maður Sparisjóðs Keflavíkur, sem féll í fyrra
og kostaði lífeyrissjóðinn Festu 1,6 milljarð
króna. Kristján hafði líka verið í stjórn lífeyr-
issjóðsins. Í samtali við DV í maí síðastliðn-
um sagðist hann vinna mikið.
Lengi er hægt að togast á um nákvæmlega
hvernig tekjur konunga verkalýðsins verða
til. Hins vegar sýnir það gjá milli formanna
stéttarfélaganna og skjólstæðinga þeirra
þegar það er orðin reglan að þeir fyrrnefndu
eru í launaflokki með seðlabankastjórum.
Þetta minnir á umboðsmann skuldaranna,
sem gat sjálfur sloppið við hundruð milljóna
skuld, eða yfirlækninn, sem gat klónað sjálf-
an sig og fengið borgað bæði sem launamað-
ur og sem einkahlutafélag hjá sjúkrahúsinu,
með samtals 2,2 milljónir í laun.
Orð Jóhönnu gáfu til kynna yfirvofandi
breytingar í íslensku samfélagi. Mótstaðan
við þær er kerfislæg. Tregðulögmálið í jöfn-
un launa felst í því að þeir sem ráða eru í allt
öðrum launaflokki en skjólstæðingar þeirra
og setja yfirleitt sína eigin hagsmuni fremst.
Á endanum rísa svínin upp á afturfæturna
og klæða sig í föt.
JÓN TRAUSTI REYNISSON RITSTJÓRI SKRIFAR. Á endanum rísa svínin upp...
SANDKORN
TRYGGVAGÖTU 11, 101 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
FRAMKVÆMDASTJÓRI:
Bogi Örn Emilsson
RITSTJÓRAR:
Jón Trausti Reynisson, jontrausti@dv.is
og Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
LEIÐARI
SPURNINGIN
SVARTHÖFÐI
BÓKSTAFLEGA
18 UMRÆÐA 11. ágúst 2010 MIÐVIKUDAGUR