Dagblaðið Vísir - DV - 11.08.2010, Blaðsíða 13

MIÐVIKUDAGUR 11. ágúst 2010 FRÉTTIR 13
„Þessi þáttur höfðar ekki til mín. Ég hló
síðast að þessum þætti árið 1999, en ég
sé lítið skondið við þetta núna. Foreldrar
mínir eiga eflaust eftir að sakna þeirra.“
GYLFI REYNISSON
NÁMSMAÐUR
„Það er auðvitað ekki gott að missa
þá af skjánum. Ég held að pabbi minn
verði voðalega svekktur að missa þá af
skjánum þó svo að þetta höfði ekkert
sérstaklega til mín í dag.“
INGIBJÖRG GUÐMUNDSDÓTTIR
SVIÐSSTJÓRI KENNSLU VIÐ HÁSKÓLANN Í BIFRÖST
„Þeir mega alls ekki hætta. Ég vil hafa þá
áfram og það er afar slæmt að missa þá.
Sömuleiðis vil ég ekki missa Silfur Egils
af dagskrá Ríkissjónvarpið og yrði það
einnig mikil blóðtaka.“
SNÆBJÖRN PÁLSSON
FYRRVERANDI SLÖKKVILIÐSMAÐUR
„Mér líst ágætlega á að þeir verði ekki
á dagskrá á næsta ári. Það var svo sem
kominn tími til að hvíla þá.“
RÚNAR ÓLI KARLSSON
LEIÐSÖGUMAÐUR.
„Mér er eiginlega alveg sama því ég
horfi lítið á þessa þætti. Ég hugsa að
eldra fólk eigi þó eftir að sakna þeirra
sárt, en yngra fólkið ekki eins mikið.
KRISTRÚN ÖSP BARKARDÓTTIR
NEMI
HVAÐ FINNST ÞÉR UM ENDALOK SPAUGSTOFUNNAR?
„Ákvörðun sem gat ekki beðið“
„Þetta var óumflýjanlegt,“ seg-
ir Páll Magnússon útvarpsstjóri
um þá ákvörðun að slá Spaugstof-
una út af borðinu. „Boðaður nið-
urskurður stjórnvalda af tekjum
okkar er um níu prósent sem los-
ar 300 milljónir,“ segir Páll en um
er að ræða þriðju niðurskurðarað-
gerðirnar á skömmum tíma sem
RÚV þarf að ráðast í. Á undanförn-
um tveimur árum hefur um fimm-
tíu starfsmönnum verið sagt upp
störfum en Páll segir að fjöldaupp-
sagnir séu ekki inni í myndinni.
Ekki gengið lengra
„Við teljum að það verði ekki lengra
gengið í þeim efnum. Einhverjar
fjöldauppsagnir sem viðbrögð við
þessum boðaða niðurskurði eru
ekki inni í myndinni. Með einhverj-
um hætti verðum við að bregð-
ast við þessu og þetta er eitt af því
sem varð ofan á að gera. Við höfum
gengið mjög langt í því að fækka
starfsmönnum hjá fyrirtækinu.
Þeim hefur fækkað um fimmtíu á
tæpum tveimur árum.“
Spaugstofan stórt skip
Aðspurður hvort frekari aðgerðir
séu væntanlegar segir Páll að það
sé eitthvað sem er ekki tímabært
að segja frá. „Við erum að koma
saman vetrardagskrá sjónvarpsins
sem má segja að sé dýrasti breyti-
legi þátturinn hjá okkur fyrir utan
almenna reglubundna starfsemi
eins og rekstur fréttastofu. Þetta
var ákvörðun sem gat ekki beðið
því það tekur tíma að snúa svona
stóru skipi eins og Spaugstofunni;
margt starfsfólk sem kemur að
þessu og það þarf langan aðdrag-
anda að koma þessu af stað. Við
gátum ekki látið þessa aðgerð bíða
lengur. Við höfum þegar dregið
þessa ákvörðun eins lengi og við
töldum okkur unnt.“
einar@dv.is
Páll Magnússon útvarpsstjóri segir óumflýjanlegt að slá Spaugstofuna af:
„Jú, auðvitað mun ég sakna þess.
Þetta er skemmtileg vinna og ég
hef haft mikla ánægju af þessu öllu
saman. En einhvern tímann þarf að
hætta og byrja á einhverju öðru,“
segir Karl Ágúst Úlfsson leikari um
Spaugstofuna sem ekki verður á
dagskrá sjónvarpsins á komandi
vetri.
Karl sér ekki fyrir endann á sam-
starfinu þrátt fyrir að þættirnir verði
ekki í sjónvarpinu. „Við erum allt-
af Spaugstofan sama hvernig okkar
mál gagnvart sjónvarpinu standa,“
segir hann. „Ég held að við getum
ekki hætt að vinna saman.“
Samvinna félaganna í Spaug-
stofunni hefur verið meiri en bara
við gerð þáttanna. Til að mynda
unnu Karl, Örn og Sigurður saman
að gerð útvarpsþáttanna um Harrý
og Heimi sem á síðasta ári urðu að
leikriti á Stóra sviði Borgarleikhúss-
ins.
Um framtíðina segir Karl að
nóg sé af verkefnum og að þeir
muni halda áfram að vinna sam-
an. „Ég held að þetta sé orðið eins
og traust hjónaband. Við losnum
ekki hver við annan,“ segir hann.
Aðspurður vildi Karl Ágúst ekki tjá
sig um samningaviðræður á milli
Spaugstofunnar og sjónvarps-
stöðvarinnar Skjás eins sem sýnt
hefur áhuga á því að sýna þættina
næsta vetur.
„Auðvitað mun ég sakna þess“
Karl Ágúst Úlfsson segir Spaugstofuna eins og traust hjónaband:
Allt tekur enda „Við erum alltaf Spaugstofan sama hvernig okkar mál gagnvart
sjónvarpinu standa.“
Óumflýjanleg ákvörðun Páll
Magnússon útvarpsstjóri segir endalok
Spaugstofunnar hafa verið óumflýjanleg.
SPAUGSTOFAN KVEÐUR
hefur þetta kannski gengið svona
vel. Við erum ólíkir menn með ólík-
ar skoðanir en finnst nauðsynlegt
að tala tæpitungulaust um málin.
Við erum oftast sammála hversu
langt má ganga og viljum ekki vera
ósmekklegir, ódrengilegir né sparka
í liggjandi fólk.“ Annar eftirminni-
legur þáttur var árið 2007 þegar þeir
félagar tóku þjóðsöng Íslendinga og
breyttu textanum í ádeilu á stóriðju
og orkuver en bannað er með lög-
um að flytja eða birta þjóðsönginn
nema í sinni upprunalegu mynd og
því ljóst að Spaugstofumenn brutu
þar með lög.
Upphaflega fjórir þættir
Enginn annar íslenskur þáttur af
þessu tagi hefur hlotið meira áhorf
en Spaugstofan en yfir 200.000
manns hafa setið við skjáinn þeg-
ar best hefur látið. Eftir 21 ár er nú
komið að lokum en upphaflega átti
Spaugstofan að verða fjórir þættir.
„Þannig að við höfum alltaf samið
til eins árs og því hefur þetta allt-
af verið svona hliðarverkefni. Hlið-
arverkefni sem vatt upp á sig og er
orðið að ferli,“ sagði Pálmi í við-
talinu árið 2008.
Spaugstofan hefur runnið sitt
skeið á enda í sjónvarpi, í bili að
minnsta kosti. Víst er að fjölmargir
eiga eftir að sakna þeirra félaga og
sýnar þeirra á samfélagið.
Örn Árnason vill ekki líta á þetta sem endalokin á Spaugstofunni:
Tökum vonandi
upp þráðinn síðar
„Þetta var svolítið eins og menn
bjuggust við, eins og árferðið er orð-
ið,“ segir Örn Árnason um endalok
Spaugstofunnar en hann var stadd-
ur við berjatínslu í Aðaldal þegar
hann fékk þær fréttir að ekkert yrði af
framleiðslu Spaugstofunnar hjá Rík-
isútvarpinu í vetur. „Ég myndi nú líta
svo á að þetta væri nú bara í bili, ég
vona það allavega,“ segir Örn. „Fer
ekki landið að rísa og er ekki botnin-
um náð? Sagði Már það ekki?“ spyr
Örn og vitnar þar í orð seðlabanka-
stjórans Más Guðmundssonar sem
sagðist á þriðjudag sjá fyrir endann
á kreppunni.
„Við þurfum að taka botndýfu eins
og aðrir,“ segir Örn og bætir við að þeir
félagar í Spaugstofunni hafi ekki hist
vegna þessara endaloka. „Þetta verð-
ur örugglega ekki framleitt í ár en von-
andi síðar.“
Hann segist eiga eftir að sakna
Spaugstofunnar næsta vetur. „Það er
alltaf einhver eftirsjá af svona hlutum.
En þetta er eitthvað sem mátti bú-
ast við. Þetta er háð framboði og eft-
irspurn og að sjálfsögðu fjármagni,“
segir Örn sem er þó mjög sáttur við
berin sem hann tíndi á meðan sam-
talinu stóð. „Ég er búinn að tína hér
í hálfan dall og ætla að fá mér bláber
með rjóma á eftir til að fagna þess-
um vistaskiptum,“ segir Örn léttur í
bragði. „Við erum allir að sýsla í leik-
húsum og þá bara tekur það við. Við
finnum okkur alltaf eitthvað að gera.“
Hann segist ekki geta tilgreint
eitt sérstakt atriði sem stendur upp
úr eftir 21 árs feril með Spaugstof-
unni. „Gerð þessara þátta var mjög
skemmtileg, að öllu leyti, frá upphafi
til enda,“ segir Örn sem vill þó ekki
líta á þetta sem endalokin. „Vonandi
er þetta bara svona núna og þá tök-
um við upp þráðinn þegar betur árar.
Kannski í breyttri mynd. Mér finnst
að þáttur eins og við vorum með, sem
fjallar um líðandi stund, eigi rétt á sér.
Hvort sem hann heitir Spaugstofan
eða eitthvað annað.“
Ekki endalokin Örn Árnason vonar að
Spaugstofan fari aðeins í frí í bili.