Dagblaðið Vísir - DV - 11.08.2010, Blaðsíða 23
XXX xxx LÍFSSTÍLL 23
KERLINGABÆKUR
UM FEGRUN
Húðin á þér mun eldast á
sama hátt og hjá móður þinni
Þetta er ekki rétt. Erfðir ákveða húðlit þinn, áferð og stærð
svitahola en lífsstíllinn leikur stærra hlutverk þegar kemur
að því að berjast við Elli kerlingu. Drykkja, reykingar, stress
og sólarljós hafa mun meira að segja. Ef þú forðast þessa hluti
ættirðu að vera í góðum málum. Þar að auki er gott að drekka
mikið vatn og fá nægan svefn.
Bótox getur valdið lömun í andliti
Nei. Þótt bótox valdi lítilsháttar, tímabundnum lömunaráhrifum í andlitsvöðvum, þá þyrfti að sprauta þig með fáránlega stór-
um skammti í einu til þess að valda lömun í andlitinu. Bótox slakar á vöðvunum sem valda hrukkum og hverfur úr líkamanum
innan sex mánaða. Það ætti að sjálfsögðu aðeins að gangast undir slíka meðferð hjá fagmönnum.
Að sitja með kross-
lagða fætur veldur
háræðasliti
Að sitja á stól með krosslagða fætur mun ekki
valda háræðasliti. Hins vegar eru meiri líkur á því að
það myndist meðan þú stendur. Æðaberir einstaklingar
eru yfirleitt þannig vegna erfða eða starfa sem krefjast
kyrrstöðu til langs tíma, segja læknar. Að standa lengi kyrr er
erfitt fyrir blóðrásina sem þarf að pumpa blóðinu upp fótleggina
til hjartans. Meðganga getur líka valdið auknu álagi á blóðrásina og
þannig valdið æðasliti. Einnig getur lítið högg, eins og til dæmis að
reka bílhurð harkalega í fótinn á sér, haft áhrif þar á.
Þú getur
losnað
við app-
elsínu-
húðina
Æi, væri það ekki
gaman? Það er
ekkert sem útrýmir
appelsínuhúð, því miður,
og allra grennstu konur fá
hana líka. Fitusog losar þig ekki við
hana heldur, þar sem fitan í appelsínuhúðinni myndast
ofar en hægt er að sjúga í burtu. Erfðir hafa mikið að
segja um það hver fær appelsínuhúð og hver ekki og
það skiptir engu máli hversu grönn eða feit þú ert. Þú
getur samt gert hana minna áberandi, til dæmis með
stinningarkremum sem innihalda koffín. Þau slétta efsta
lag húðarinnar örlítið auk þess sem brúnkukrem felur
appelsínuhúðina vel.
Hár-
in á
fótleggj-
unum vaxa
aftur dekkri
og grófari eftir
rakstur
Hár sem hefur ekki verið klippt
vex í odda. Þannig er það
þykkast neðst við rótina og
mjórra við endann. Þegar þú
rakar hár, þá skerðu það við
rótina. Þegar það vex aftur,
þá virðist það þykkara því
neðsti hlutinn, rótin, vex út.
En rakstur breytir ekki þykkt,
áferð eða lit á hári.
Að borða súkkulaði
og fitandi mat
veldur bólum
Endilega hámaðu í þig. Það er
ekkert í súkkulaðistykkinu, eða
pepperónípítsunni sem fær
graftarkýli til að blómstra
á enninu á þér – nema
þá kannski að þú nuddir
pítsunni yfir andlitið á
þér nokkra daga í röð. Einu
matartegundirnar sem gætu
mögulega haft áhrif á útbrot og
bólumyndun eru sushi, skelfiskur
og soyasósa þar sem þessar tegund-
ir innihalda mikið joð sem hefur
verið tengt við slæma húð.
Það að bera
vaselín á and-
litið á þér á
nóttunni mun
koma í veg fyrir
hrukkur
Marilyn Monroe var sögð hafa
makað á sig vaselíni á kvöld-
in til þess að halda unglegu
útliti sínu en það þýðir ekki
að þú ættir að gera það.
Vaselín er sterkasta rakakrem
í heimi því það þröngvar olíum
inn í húðina og kemur í veg
fyrir að þær gufi upp. Þegar húðin
eldist tapar hún eiginleika sínum
til þess að halda raka og þurr húð
virðist eldri. Vaselín getur þannig látið
hrukkur virðast minni með því að
veita henni meiri raka, en það kemur
sannarlega ekki í veg fyrir hrukkur.
Vaselínið er líka svo feitt að það getur
valdið öðrum húðvandamálum, eins
og bólum.