Dagblaðið Vísir - DV - 18.08.2010, Síða 8

8 fréttir 18. júní 2010 miðvikudagur
Þrír ungir menn, Atli Hilmar Skúla-
son (24), Páll Zophonias Pálsson (24)
og Jóhann Páll Hreinsson (22) luku
33 daga gönguferð sinni yfir landið á
Reykjanestá fyrir helgina. Gangan yfir
landið tók 28 daga en félagarnir hvíld-
ust og skoðuðu sig um í nokkra daga
að auki.
Ferð þeirra hófst þann 11. júlí þeg-
ar þeir létu aka sér út Langanesið eins
langt og hægt var. „Bílstjórinn treysti
sér ekki til þess að aka síðustu 10 kíló-
metrana yst út á Langanesið, þannig
að við urðum að ganga þann spöl og
svo aftur til baka,“ segir Atli Hilmar.
„Við vorum að vísu 4 í upphafi. Auk
okkar þriggja var félagi okkar Hrafn
Þráinsson með í för. Hann átti við
hnémeiðsl að stríða en gekk þó með
okkur þrjá fyrstu dagana. Það voru
okkur öllum vonbrigði að hann skyldi
ekki geta tekið slaginn með okkur.“
Steingrímsstígur - garpastígur
Atli Hilmar, Páll og Jóhann Páll gengu
leiðina sem nú er farið að kalla Stein-
grímsstíginn efir Steingrími J. Sigfús-
syni sem gekk einn síns liðs lengstu
leið yfir landið fyrir nokkrum árum.
„Við gengum áreiðanlega ekki sömu
leið og hann og gætum því kallað
okkar leið Garpastíg. Við höfðum
ekki kort af leið Steingríms þegar við
vorum að undirbúa ferðina. Reynd-
um aðeins að merkja inn leið sem
okkur þótti vera einna beinust.“
Félagarnir einsettu sér að ganga
um það bil 25 kílómetra á dag. Fyrir-
fram var ákveðið að þeir fengju á
vissum stöðum vikuskammt af mat.
Hver og einn var með sinn svefnpoka
og tjald og vikuskammt af mat í bak-
poka. „Að þessu leyti var þetta eins
og hver önnur fjallaferð með bak-
poka. Við ákváðum að bera hver sitt
tjald því við þolum ekki táfýluna hver
af öðrum,“ segir Atli.
Ekki er hlaupið að því að fara
yfir straumþung jökulvötn, eins og
Jökuls á á Fjöllum, Skjálfandafljót,
Þjórsá og Hvítá og því miðaðist leið-
in við að fara yfir brýr umræddra fall-
vatna. Þannig héldu þeir yfir Jökulsá á
Fjöllum um þjóðveg 1, til Mývatns þar
sem þeir áðu í sólarhring og skoðuðu
sig um. Síðan héldu þeir upp með
Skjálfandafljóti að brú sem er yfir það
norðan Tungnafellsjökuls á Gæsa-
vatnaleið. „Við vissum af heitri laug
austan fljótsins um það bil 5 kílómetr-
um neðan við brúna. Það var mikið
tilhlökkunarefni að komast í heitt bað
eftir langa og stranga göngu. Við fór-
um úr öllu og létum eins og við ætt-
um heiminn. En þá birtust tvær fjöl-
skyldur á jeppum. Við görguðum að
við værum naktir í lauginni sem varð
til þess að þau biðu átekta með börn-
in meðan við lukum okkur af. Það var
dálítið súrt að geta ekki notið þess að
baða sig í fjallakyrrðinni aleinir.“
Náttúruverndarsinnar
Atli, Jóhann og Páll fóru einu sinni
upp á jökul ofan Þjórsárvera sem
þeim þótti afar tilkomumikil. „Þjórs-
árver eru stórbrotin, töfrandi og fjöl-
breytileg. Ég hugsa til þess með hryll-
ingi að virkjunarsinnar vilji leggja
Þjórsárver undir uppistöðulón að
einhverju leyti, eins og ætlunin er
með Norðlingaölduveitu. Við klifum
upp á Arnarfell og horfðum yfir þessi
undur náttúrunnar. Fyrr skal ég dauð-
ur liggja en að láta það viðgangast að
þetta verði lagt undir virkjunarfram-
kvæmdir,“ segir Atli.
Þríeykið þurfti lítið að kvarta yfir
veðrinu eða vætusömu sumri og seg-
ir ferðina hafa í heildina gengið mjög
vel.
„Ætli við höfum ekki ráðist í þetta
vegna þess að við teljum okkur vera
náttúruverndarsinna. Mér finnst nú
sem ég hafi meiri efni á að tala máli
ósnortinnar náttúru eftir að hafa
gengið lengstu leið yfir landið. Okk-
ur finnst þetta líka vera eins konar
manndómsraun. Einhvern veginn
er maður betri maður eftir að hafa
undirbúið þetta, lagt af stað og klárað
dæmið.“
Atli Hilmar segir móttökur hvar
sem þeir komu hafa verið óviðjafn-
anlegar. „Íslendingar eru gríðarlega
gestrisnir. Fyrir það erum við þakk-
látir.“
Þrír ungir menn gengu lengstu leið yfir landið á 28 dögum og luku
manndómsraun sinni fyrir helgi. „Ég hugsa til þess með hryllingi
að virkjunarsinnar vilji leggja Þjórsárver undir uppistöðulón
að einhverju leyti, eins og ætlunin er með Norðlingaölduveitu,“
segir Atli Hilmar Skúlason, einn göngugarpanna við lok ferðar á
Reykjanestá.
GENGU 700
KÍLÓMETRA
jóHANN HAukSSoN
blaðamaður skrifar: johannh@dv.is
„klára dæmið“ JóhannPállHreins-
son(t.v.),PállZophoniasPálssonog
AtliHilmarSkúlason(t.h.)gengu
lengstuleiðyfirlandiðá28dögum.
myNd Sigtryggur Ari jóHANNSSoN
www.birkiaska.is
Birkilauf (Betulic) hefur góð áhrif á bæði
vökvajafnvægi líkamans og húð, örvar
starfsemi nýrna og þvagfæra. Hraðar
efnaskiptum og losar vatn úr líkamanum,
dregur úr bólgum og afeitrar líkamann (detox).
Birkilaufstöflur
www.birkiaska.is
Minnistöflur
Bætir skammtímaminnið. Nýtist
fólki sem er undir álagi og fæst
við flókin verkefni. Hentar vel
fyrir eldri borgara, lesblinda og
nemendur í prófum. Dregur úr
streitu, eykur ró og bætir skap.