Dagblaðið Vísir - DV - 01.09.2010, Blaðsíða 10

10 fréttir 1. september 2010 miðvikudagur
Veruleg uppstokkun verður innan
ríkisstjórnarinnar fyrir lok þessar-
ar viku. Samkvæmt heimildum DV
flytjast ráðuneyti milli stjórnarflokka,
ráðherrum fækkar úr 12 í 10, nýir
ráðherrar koma inn í ríkisstjórn og
aðrir hverfa á braut. Ópólitísku fagr-
áðherrarnir, Ragna Árnadóttir dóms-
mála- og mannréttindaráðherra og
Gylfi Magnússon efnahags- og við-
skiptaráðherra láta af ráðherradómi.
Gert er ráð fyrir því að einn og sami
ráðherrann fari eftirleiðis með þau
ráðuneyti sem síðar verða formlega
sameinuð í innanríkisráðuneyti, það
er dómsmála- og mannréttindaráðu-
neyti og samgönguráðuneyti sem fer
meðal annars með sveitarstjórnar-
mál.
Ögmundur inn
Samkvæmt heimildum DV er ráðgert
að Ögmundur Jónasson, þingmaður
VG, taki við þeim ráðuneytum sem
síðar verða sameinuð í innanríkis-
ráðuneyti, eins og áður segir. Þetta
merkir að Kristján L. Möller víkur úr
sæti samgönguráðherra.
Með líku sniði er ætlunin að sam-
eina félagsmálaráðuneyti og heil-
brigðisráðuneyti í velferðarráðu-
neyti. Heimildir eru fyrir því að
Jóhanna Sigurðardóttir forsætisráð-
herra hyggist fela Guðbjarti Hannes-
syni, þingmanni Samfylkingarinnar,
embætti velferðarráðherra. Við þetta
hverfa úr ráðuneytum sínum bæði
Álfheiður Ingadóttir heilbrigðisráð-
herra og Árni Páll Árnason félags- og
tryggingamálaráðherra. Mögulegt er
að Árni Páll taki við efnahags- og við-
skiptaráðuneytinu af Gylfa Magnús-
syni þess í stað.
Margs að gæta
Flokkarnir fara eftir sem áður með
sex ráðuneyti hvor þótt ráðherrarn-
ir verði fimm frá hvorum flokki. Ekki
er gert ráð fyrir sameiningu iðnað-
ar-, sjávarútvegs- og landbúnaðar-
mála undir atvinnuvegaráðuneyti
að sinni. Sameining ráðuneytanna
hefur sætt gagnrýni „órólegu deild-
arinnar“ innan VG og Jón Bjarna-
son hefur farið þar fremstur í flokki.
Stuðningsmenn hans, eins og Atli
Gíslason, þingmaður VG, hafa fullyrt
í DV að sameiningu ráðuneytanna
hafi jafnvel átt að nota til þess að
koma honum frá. Eftir því sem næst
verður komist er þó engan veginn
ætlun ríkisstjórnarinnar að leggja til
hliðar áform um sameinað atvinnu-
vegaráðuneyti. Miklu fremur má bú-
ast við að með formlegum breyting-
um á stjórnarráðinu í samræmi við
áform ríkisstjórnarinnar verði iðn-
aðar-, sjávarútvegs- og landbúnað-
arráðuneytin sameinuð undir einum
hatti, hugsanlega um næstu áramót.
Þar með verða ráðuneytin níu eins
og stefnt er að og ráðherrum fækk-
að enn.
Athygli vekur að Oddný G. Harð-
ardóttir er talin eiga möguleika á að
setjast í ráðherrastól, en hún var fyrst
kjörin á þing fyrir Samfylkinguna í
Suðurkjördæmi í apríl 2009. Þessu
ráða meðal annars rök um jafnræði
kynja innan ríkisstjórnarinnar. Taki
hún sæti yrðu konur jafnmargar körl-
um í ríkisstjórninni.
Oddný er með MA-próf í uppeld-
is- og menntunarfræðum. Hún hefur
verið skólameistari Fjölbrautaskóla
Suðurnesja og sveitarstjóri í Garði
svo eitthvað sé nefnt.
Sárt að víkja
Jafnframt þykir hagsmunum lands-
byggðar gagnvart þéttbýli borgið
með því að taka Guðbjart Hannesson
inn í ríkisstjórnina, en hann er þing-
maður Norðvesturkjördæmis. Taki
hann einnig sæti í ríkisstjórninni er
ljóst að Kristján L. Möller og Árni Páll
Árnason víkja báðir úr henni. Ekki er
ljóst hvort slíkar breytingar ná fram
að ganga að þessu sinni enda ekki
sársaukalausar. Árni Páll hefur átt á
brattann að sækja vegna embættis-
veitinga. Viðlíka mótbyr hefur ekki
mætt Kristjáni L. Möller í embætti að
undanförnu. Innan tíðar verða Héð-
insfjarðargöng tekin formlega í notk-
un sem og Bolungarvíkurgöngin og
ljóst að Kristján gæti vel hugsað sér
að taka að minnsta kosti þau fyrr-
nefndu formlega í notkun sem sam-
gönguráðherra.
Mikil fundahöld
Miðað við ráðherralistann, sem hér er
miðað við, er gert ráð fyrir því að Álf-
heiður Ingadóttir víki fyrir Ögmundi,
en hann sagði af sér embætti heil-
brigðisráðherra í lok september í fyrra
eftir átök um stefnu ríkisstjórnarinn-
ar í Icesave-málinu. Þessi breyting er
heldur ekki sársaukalaus og ekki gef-
ið að öldur lægi innan VG með því að
fórna henni fyrir Ögmund.
Mikil fundahöld voru um málið í
gær og fram á kvöld. Jóhanna Sigurð-
ardóttir forsætisráðherra og formaður
Samfylkingarinnar kynnti ráðherrum
hugmyndir sínar og sat á rökstólum
með þeim fram á kvöld.
Til Bessastaða
Alþingi kemur saman á morgun
fimmtudag. Þingið er framhald vor-
þings og lýkur um miðjan septemb-
er. Nýtt löggjafarþing verður svo sett í
byrjun október.
Talið er hugsanlegt að búið verði
að ganga frá breytingum innan rík-
isstjórnarinnar áður en þing kemur
saman á morgun og að breytingarn-
ar verði staðfestar á ríkisráðsfundi á
Bessastöðum fyrir þann tíma.
Ekki var endanlega búið að ganga
frá breytingunum þegar DV fór í
prentun í gærkvöldi. Ljóst er einnig að
frekari breytingar verða á ríkisstjórn-
inni þegar lög um fækkun ráðuneyta
taka gildi, meðal annars um samein-
ingu málefna atvinnuveganna í eitt
ráðuneyti.
Ráðherralistinn gæti litið út eitthvað á þessa leið:
n Jóhanna Sigurðardóttir, forsætisráðherra (S)
n Steingrímur J. Sigfússon, fjármálaráðherra (VG)
n Össur Skarphéðinsson, utanríkisráðherra (S)
n Svandís Svavarsdóttir, umhverfisráðherra (VG)
n Jón Bjarnason, sjávarútvegs- og landbúnaðarráðherra (VG)
n Katrín Júlíusdóttir, iðnaðarráðherra (S)
n Katrín Jakobsdóttir, menntamálaráðherra (VG)
n Oddný Harðardóttir, heilbrigðis- og félagsmálaráðherra (S)
n Guðbjartur Hannesson eða Árni Páll Árnason, efnahags- og viðskiptaráðherra (S)
n Ögmundur Jónasson dómsmála-, mannréttinda- og samgönguráðherra (VG)
breytingar á ríkisstjórn
jóhann haukSSon
blaðamaður skrifar: johannh@dv.is
Ekki er ljóst hvort slíkar breyting-
ar ná fram að ganga að
þessu sinni enda ekki
sársaukalausar.
ögmundur snýr
aftur í stjórnina
Gylfi Magnússon og Ragna Árnadóttir munu víkja sem ráðherrar í ríkisstjórn Samfylkingar og Vinstri
grænna á næstunni. Líklegt þykir að Álfheiður Ingadóttir muni einnig víkja en nokkur styr hefur staðið
um hana. Líklegt þykir að Ögmundur jónasson og Guðbjartur hannesson komi inn í stjórnina.
Á útleið Ópólitísku ráðherrarnir, Gylfi Magnússon og Ragna Árnadóttir, eru á útleið
um leið og ráðherrum verður fækkað úr tólf í tíu.
af biðlistanum
Endurkomu Ögmundar
Jónassonar er ætlað að
styrkja ríkisstjórnina
í erfiðum málum
og efla samstöðu
stjórnarflokkanna. Það
er þó ekki með öllu
átakalaust.