Dagblaðið Vísir - DV - 01.09.2010, Blaðsíða 18

SKULDAFEN ÁRNA
n Árni Sigfússon, bæjarstjóri
Reykjanesbæjar, á ekki sjö dag-
ana sæla um þessar myndir. Allt er
steinstopp við
framkvæmd-
ir í Helguvík og
slikja hneyksl-
ismála er yfir
sölunni á Hita-
veitu Suður-
nesja án þess
að sannað sé að
rangt hafi verið
haft við. Ofan á allt þetta bætist að
1.800 milljóna króna erlent lán er
gjaldfallið og í vanskilum. Það er
því verulega heitt undir Árna. Hann
mun þó vera í algjörri afneitun hvað
varðar sök á því skuldafeni sem
bærinn er að sökkva í.
SÉRSTAKUR ÁRANGUR
n Þótt Sigurður Einarsson, fyrr-
verandi útrásarvíkingur, og Ólafur
Stephensen, ritstjóri Fréttablaðsins,
hafi ekki riðið
feitum hesti frá
drottningarvið-
tali helgarinnar
standa þó eftir
áleitnar spurn-
ingar. Sigurður
benti á þá stað-
reynd að bákn
sérstaks sak-
sóknara virðist ekki hafa árangur
sem erfiði. Víst er að á næstu mán-
uðum mun krafan um sýnilegan
árangur Ólafs Þórs Haukssonar og
hans fólks verða háværari.
ÞÖGN MOGGANS
n Mikill orðrómur hefur verið um að
Arion-banki hafi gert samkomulag
við Framtakssjóð lífeyrissjóðanna
um að kaupa
Bónus, Hagkaup
og aðra hluta
Haga. Sagan
segir að þannig
eigi að tryggja að
Jóhannes Jóns-
son úr Bónus
nái ekki keðj-
unni aftur. Þögn
Moggans um Baugsfeðga undan-
farið þykir vera vísbending um að
þetta sé rétt. Blaðið hafði áður eytt
mikilli prentsvertu í Jóhannes í Bón-
us og son hans, Jón Ásgeir. Það mun
koma á daginn á næstu vikum hvort
lífeyrir landsmanna er notaður í
valdatafl með þessum hætti.
VERÐLAUN SKÚRKSINS
n Mikil umræða hefur verið um
svokölluð Frelsisverðlaun Kjart-
ans Gunnarssonar sem InDefence
þáði um helg-
ina. Í rauninni
er uppákoman
sprenghlægileg
því InDefence ,
sem hefur
stundum ver-
ið uppnefnt
Kampavíns-
klúbbur-
inn, barðist gegn greiðslu á Icesave-
reikningum Landsbankans. Einn
helsti sökudólgurinn hvað varðar
IceSave er einmitt Kjartan Gunnars-
son sem var varaformaður banka-
ráðs á þeim tíma þegar bankinn var
að soga til sín sparifé útlendinga.
Það er því skúrkurinn sem í raun
veitir verðlaun.
Myndin er alltaf að verða skýrari og skýrari í huga Svarthöfða. Í ljósi tíð-inda liðinna daga verður
að viðurkennast að Árni Sigfússon,
bæjarstjóri Reykjanesbæjar, hefur
unnið nánast ótrúlegt afrek í bænum
í stjórnartíð sinni. Árna hefur tekist,
á einungis nokkrum árum, að gefa
bænum duglega andlitslyftingu á
yfirborðinu á sama tíma og hann
hefur keyrt hann í þrot með hverri
vafasamri ákvörðuninni á eftir ann-
arri. Reykjanesbær er því bæði meira
aðlaðandi en hann var áður en Árni
tók við en á sama tíma er hann líka
gjaldþrota.
Árni er auðvitað maðurinn á bak við einkennistákn bæjarins, Hollywood-skilt-ið með nafni Reykjanesbæj-
ar sem blasir við þegar keyrt er inn
í bæinn, hringtorgin óteljandi sem
taka við þegar inn í hann er
komið og svo Vík-
ingaheima sem
taka við eftir að
hringtorgunum
sleppir á Hafn-
argötunni.
Helsti sýn-
ingargripur-
inn þar er
víkingaskip
sem Árni
keypti fyrir
formúu.
Upplif-un-in af þess-
ari andlitslyft-
ingu sem Árni
veitti bænum með
öllum þessum
mannvirkjum
minnir nokkuð
á þá tilfinningu
sem hlýtur
að koma yfir
menn þegar
þeir keyra í
gegnum ýmsa
ameríska
smábæi sem
líta út eins
leiktjöld og
allir íbúarn-
ir brosa sínu
breiðasta.
Allt virðist
svo fínt á
yfirborðinu
en undir niðri
er allt í ólestri og ýmsar meinsemd-
ir hafa grafið um sig í samfélaginu.
Reykjanesbær er að verða eins og
smáþorp sem er klippt út úr banda-
rískum veruleika þar sem ímyndin
er allt.
Að þessu leyti má einnig líkja Árna og Reykjanesbæ við Ít-alíu Silvios Berlusconis enda er ýmislegt fleira líkt með
stjórnunarháttum þeirra félaganna.
Báðir eru þeir táknmenni og hugsa
meira um ímynd en inntak. Þeg-
ar Reykjanesbær
rambar á barmi
gjaldþrots,
örvæntingar
og atvinnu-
leysis heldur
Árni Sigfús-
son létta
Ljósanótt og
byggir hringtorg við aðalgötu bæj-
arins eða kaupir listaverk af frænda
sínum til að lífga upp á nær gjaldþrota
bæinn. Þegar óánægjuraddirnar með
Berlusconi verða óþolandi háværar á
Ítalíu ræður hann íðilfagurt nærfata-
módel í embætti jafnréttisráðherra,
lætur sjónvarpsstöðvar sínar búa til
nýjan sjónvarpsþátt með léttklædd-
um dömum sem sýndur er á föstu-
dögum eða leyfir AC Milan að kaupa
nýjan framherja til að trylla lýðinn.
Svarthöfði telur að kenna megi báða þessa stjórnmálamenn við lýðskrum þar sem stjórn-málin snúast um blekking-
ar og leiki með tilfinningar fólks og
tilraunir til að vefja því um fingur sér
með sjónhverfingum og gylliboðum.
Báðir líta þeir alltaf út eins og ekkert
sé að í umdæmum þeirra og þeir séu
með stjórn á öllu og því ná þeir alltaf
að halda völdum sínum þrátt
fyrir að staðreyndirnar
tali öðru máli og kalli
á breytingar. Báðir
byggja þeir loftkast-
ala og skýjaborg-
ir sem hrynja og
komast alltaf upp
með það því það
er eitthvað við þá
sem lætur fólkið
elska þá og kjósa
þá aftur trekk í
trekk. Efst í skýja-
borgunum sitja Árni
og Berlusconi og brosa
og dást að handverki
sínu í andlitslyftingunni
á meðan óánægju-
raddirnar drynja
allt í kring-
um þá.
ÁRNI OG BERLUSCONI
„Nei, það hefur
ekkert komið til
tals að ég yrði
það,“ segir
RANDVER
ÞORLÁKSSON,
fyrrverandi
Spaugstofumað-
ur. Hann vildi sem
minnst ræða um
það hvort hann
myndi hafa einhverja aðkomu af
Spaugstofunni í vetur. Tilkynnt var á
þriðjudag að Spaugstofan yrði sýnd á
Stöð 2 næsta vetur, en fjórmenning-
arnir héldu blaðamannafund í tilefni
þess í Þjóðmenningarhúsinu.
VERÐUR ÞÚ Í SPAUG-
STOFUNNI Í VETUR?
„Það er sérstök
tilfinning að
þurfa að kveðja
Bónus og ég segði ósatt ef
ég segðist ánægður með
þá stöðu.“
n Jóhannes Jónsson, oftast kenndur við Bónus,
hefur látið af störfum hjá Högum hf. - DV.is
„Búinn að vera
ótrúlega
heimskur og
leiðinlegur,
röflandi um eitthvað sem
skiptir ekki máli. Einbeit-
ingarlaus og pirraður.“
n Jón Gnarr, borgarstjóri í dagbók sinni á
samskiptavefnum Facebook en Jón berst við að
losna undan nikótínfíkninni. - Facebook
„Við urðum að vinna
þennan leik til að vera
áfram inni í myndinni.“
n Knattspyrnumaðurinn Freyr Bjarnason, varnarmaður
hjá FH, eftir sigur liðsins á KR í vikunni. - mbl.is
„Það hefur nú ekki komið
til greina að leita til eftirlits-
nefndar um þetta mál.“
n Árni Sigfússon, bæjarstjóri Reykjanesbæjar,
um bága fjárhagsstöðu bæjarins. - Stöð 2
„Þetta er bara svona
challenge að vinna með
nýju fólki við nýjar
aðstæður, þetta yngir okk-
ur bara upp ef eitthvað er.“
n Spaugstofumaðurinn Sigurður Sigurjóns-
son en Spaugstofan verður sýnd í læstri dagskrá
á Stöðv 2 í vetur. - DV.is
Aflokun Steingríms J.
Í stjórnarsáttmálanum kveður á um að sótt verði um aðild að Evrópusamband-inu. Nú vilja nokkrir þingmenn stjórn-arflokkanna skyndilega hætta við það.
Ríkisstjórnin hét því að fara fyrningarleið
með kvótakerfið. Nú virðist líka hafa verið
hætt við það.
Næsta skref hjá ríkisstjórninni er að
minnka samkeppni á matvörumarkaði með
tollum og refsingum gegn þeim sem dirf-
ast að framleiða mjólk. Landbúnaðarráð-
herrann styður verðsamráð bænda. Vindar
breytinga víkja fyrir stækju stöðnunar.
Steingríms J. Sigfússonar verður helst
minnst fyrir að hækka skatta og hrósa svo
happi yfir hruni krónunnar, sem gerði að-
lögun efnahagslífsins að verri stöðu auðveld-
ari. En það sem gerðist í raun var að laun al-
mennings hröpuðu og lánin hækkuðu, ekki
síst með hjálp verðtryggingarinnar sem Jó-
hanna Sigurðardóttir marglofaði að afnema.
Það var því almenningur sem tók skellinn af
leið Steingríms J. Og hann mun gera það aft-
ur, því með krónunni er almenningur notað-
ur sem stuðpúði.
Steingrímur J. er ánægður með að lífeyr-
issjóðir eignist ýmis þjónustufyrirtæki, þótt
þau séu ekki auglýst til sölu eins og reglur
kveða á um. Haft var eftir honum í hádeg-
isfréttum Ríkisútvarpsins 22. ágúst síðast-
liðinn að honum þætti ánægjulegt að fyrir-
tækin hefðu ekki verið seld útlendingum.
Um er að ræða fyrirtækin Icelandic Group,
Húsasmiðjuna, Plastprent og Teymi, sem
rekur Vodafone. Um allan heim keppast rík-
isstjórnir við að laða að erlenda fjárfesta. Á Ís-
landi mega „útlendingar“ helst ekki eignast
farsímaþjónustu og byggingavöruverslun .
Svarið við efnahagshruni er ekki að loka
landið af. Það er beinlínis sögulegur lær-
dómur sem þekktur er frá kreppunni miklu
og af ýmsum fordæmum. Steingrímur J. Sig-
fússon er orðinn yfirlýstur andstæðingur er-
lendrar fjárfestingar. Það er orðin gild spurn-
ing hvort efnahagslegri framtíð Íslands stafi
hætta af andstöðu hans við alþjóðavæðingu
og frjálst markaðshagkerfi.
Óttinn við hið erlenda er nú ráðandi í ís-
lenskum stjórnmálum. Það gleymist fljótt að
helstu andstæðingar þjóðarinnar eru ekki
hið erlenda, heldur innlenda klíku- og kunn-
ingjaveldið. Það er yfirleitt auðvelt á erfiðum
tímum að mæla fyrir ótta við hið utanað-
komandi. Nú ættum við hins vegar að óttast
umfram allt óttann.
Valið um framtíð Íslands er í grófum
dráttum milli aflokunar eða opnunar.
Skurðpunkturinn liggur í gegnum ríkis-
stjórnina miðja. Hún hangir enn saman á
sundurtættum vilja um norrænt velferðar-
samfélag, sem er farinn að afmyndast í vilja
um austrænt aflokunarsamfélag.
JÓN TRAUSTI REYNISSON RITSTJÓRI SKRIFAR. Á Íslandi mega „útlendingar“ helst ekki eignast farsímaþjónustu og byggingavöruverslun.
SANDKORN
TRYGGVAGÖTU 11, 101 REYKJAVÍK
ÚTGÁFUFÉLAG: DV ehf.
STJÓRNARFORMAÐUR:
Lilja Skaftadóttir
FRAMKVÆMDASTJÓRI:
Bogi Örn Emilsson
RITSTJÓRAR:
Jón Trausti Reynisson, jontrausti@dv.is
Reynir Traustason, rt@dv.is
FRÉTTASTJÓRI:
Ingi Freyr Vilhjálmsson, ingi@dv.is
UMSJÓN HELGARBLAÐS:
Ásgeir Jónsson, asgeir@dv.is
Ingibjörg Dögg Kjartansdóttir, ingibjorg@dv.is
DV Á NETINU: DV.IS
AÐALNÚMER: 512 7000, RITSTJÓRN: 512 7010,
ÁSKRIFTARSÍMI: 512 7080, AUGLÝSINGAR: 512 7050.
SMÁAUGLÝSINGAR: 515 5550.
Umbrot: DV. Prentvinnsla: Landsprent. Dreifing: Árvakur.
DV áskilur sér rétt til að birta aðsent efni blaðsins
á stafrænu formi og í gagnabönkum án endurgjalds.
Öll viðtöl blaðsins eru hljóðrituð.
LEIÐARI
SPURNINGIN
SVARTHÖFÐI
BÓKSTAFLEGA
18 UMRÆÐA 1. september 2010 MIÐVIKUDAGUR