Dagblaðið Vísir - DV - 06.09.2010, Síða 19

Í nýlegum þætti
af The Daily
Show með Jon
Stewart er fjallað
um fréttaflutn-
ing sjónvarps-
stöðvarinnar Fox
News. Sjónvarps-
stöðin lýsti því
yfir að stórhættu-
legur stuðnings-
maður hryðju-
verkastarfsemi
ýmiss konar væri
einn þeirra sem stæði á bak við bygg-
ingu moskunnar í grennd við svæð-
ið þar sem Tvíburaturnarnir stóðu í
New York.
Það fylgdi hins vegar ekki fréttinni
að þessi sami maður er einn helsti
eigandi Fox News og sé allt hættulegt
sem hann lætur pening í hlýtur það
þá að gilda um stöðina sjálfa. Stew-
art spurði að lokum tvo álitsgjafa
um málið. Annar þeirra sagði að
menn á Fox News væru það vitlaus-
ir að þeir hefðu ekki haft hugmynd
um þetta. Hinn sagði að þeir gætu
ekki verið það vitlausir, sem hlyti að
þýða að þeir væru það illa innrætt-
ir að þeir vildu koma höggi á mús-
líma, sama hvað, og létu því vera að
geta þess hvaða viðskipti maðurinn
annars stundaði. Sameiginleg niður-
staða var að þeir hlytu að vera ann-
aðhvort eða, aðrir möguleikar væru
ekki í boði.
Heimskan og illskan
Allt leiðir þetta okkur, eins og allt
hlýtur að gera, að Hruninu. Voru
þeir sem sátu í ríkisstjórn jafnt sem
í stjórn bankanna í góðærinu svo
vitlausir að þeir höfðu ekki minnstu
hugmynd um hvað þeir voru að gera
eða voru þeir hluti af úthugsuðu
plani um að rýja alþýðu Íslands inn
að skinni? Fljótt á litið virðast aðr-
ir möguleikar ekki koma til greina.
Nýjasta fléttan er síðan ófarir Orku-
veitunnar. Einn helsti kostur þess
að búa á Íslandi er sá að hér er auð-
velt að nálgast mikið magn af ódýru
rafmagni. Samt tókst stofnuninni
að skuldsetja sig svo svakalega með
vondum viðskiptum að almenning-
ur verður sem fyrri daginn að borga
brúsann.
Hver útrásarvíkingurinn sem og
stjórnmálamaðurinn á fætur öðr-
um hefur stigið fram og lýst yfir al-
gerri vanþekkingu sinni á nánast
öllu því sem gerðist á þeirra vakt.
„Fyrirgef oss, því við vissum ekki
hvað við gerðum,“ er viðkvæðið. En
er hægt að fyrirgefa þeim sem fara
með völdin og virðast ekki hafa hug-
mynd um hvað þeir eru að gera, með
þeim afleiðingum að öll þjóðin þarf
að súpa seyðið af? Slík fyrirgefning
er að minnsta kosti ekki sjálfsögð, og
ekki er hægt að veita hana nema að
undangenginni mikilli iðrun og yf-
irbót. Þjóðin hefur einfaldlega ekki
umboð til að fyrirgefa þeim sem ekki
kunna að iðrast. En hver er niður-
staðan? Voru þeir svona heimskir
eða voru þetta svona vondir menn
(og einstaka konur)? Ég vil trúa því
að heimskan sé þrátt fyrir allt öflugra
afl en illskan, því annað er nánast
óhugsandi.
Næstu 100 árin?
Þetta er ef til vill kjarni málsins, en
það má einnig orða þetta öðruvísi.
Í nýlegu eintaki tímaritsins News-
week er fjallað um rísandi efnahags-
kerfi á borð við Mexíkó, Indland,
Kína, Rússland og Indónesíu. Þrátt
fyrir að hagvöxtur sé þar mikill eiga
þau öll við vandamál að stríða. Fá-
menn og forrík auðmannastétt hef-
ur myndast þegar eigur ríkisins hafa
verið seldar á gjafverði. Samband
á milli stjórnmálamanna og auð-
manna er náið og valin fjölskyldu-
fyrirtæki fá hagstæð lán sem þau
nýta til að byggja upp veldi í útlönd-
um. Samkeppnishæfni þeirra eykst
erlendis, en með þeim afleiðing-
um að samkeppni er nánast útrýmt
á heimamarkaði og skuldsetning
ríkisins fer úr böndunum. Verðlag
hækkar og vonlaust er fyrir nýja að-
ila að koma inn á markað.
Fjölskyldufyrirtækin láta sér-
staklega til sín taka í fasteignakaup-
um, byggingarfyrirtækjum og við
orkuvinnslu. Millistéttirnar eru al-
mennt þjóðernissinnaðar, og láta
sér fátt um finnast á meðan hag-
vöxtur helst og stóru fjölskyldufyr-
irtækin eru innlend. En það kemur
að skuldadögum.
Blaðið endar greinina á því að
segja að besta leiðin til þess að eiga
við hringamyndun sé að brjóta auð-
hringina upp eða setja á þá sam-
keppnislög. Þetta er þrátt fyrir allt
það sem Bandaríkin gerðu fyrir 100
árum. Því má við bæta að verði slíkt
ekki gert nú er ólíklegt að hagkerfi
heimsins eigi önnur 100 ár eftir. Það
vitum við Íslendingar best.
HALLBERA GUÐNÝ GÍSLADÓTTIR
varð Íslandsmeistari í fótbolta með liði
sínu, Val, á laugardaginn. Valsstúlkur
hafa nú unnið Íslandsmeistaratitilinn
fimm ár í röð.
ALDREI ÞREYTT
Á AÐ VINNA
Stríðið gegn sannleikanum 1 EIÐUR SMÁRI ÆFIR EINNEiður Smári Guðjohnsen hefur æft upp á eigin spýtur fyrir leiktíðina með Stoke City.
2 KRÓKÓDÍLAMAÐURINN PAUL HOGAN FÆR AÐ SNÚA HEIM
Paul Hogan fékk leyfi frá áströlskum
yfirvöldum til þess að halda aftur til
Bandaríkjanna.
3 SELJA BECKINGHAM-HÖLLINA Beckham-hjónin hafa auglýst
stóreign sína til sölu.
4 FÓRNFÝSI OG ÞROSKI ÁLFHEIÐAR Meðal stjórnarliða eru margir þeirrar
skoðunar að Álfheiður Ingadóttir
hafi sýnt þroska með því að víkja.
5 MORÐVOPNIÐ ENN ÓFUNDIÐ Lögreglan leitaði enn að morð-
vopninu sem notað var til að myrða
Hannes Þór Helgason.
6 SAMBAND RÍKIS OG KIRKJU EKKI HEILAGT
Fyrir Þórhalli Heimissyni sóknar-
presti er samband ríkis og kirkju ekki
heilagt.
7 MIT-HÁSKÓLI HANNAR VÉLMENNI TIL OLÍUHREINSUNAR
Vísindamenn við MIT-háskólann í
Boston hafa hannað vélmenni sem
þrífur olíu af sjávaryfirborðinu.
MEST LESIÐ á dv.is MYNDIN
Hver er konan?
„Ég er Skagastelpa sem býr í Reykjavík og
spila fótbolta með Val.“
Hvar ertu uppalin?
„Ég er uppalin á Akranesi.“
Hvað drífur þig áfram?
„Að vilja alltaf gera betur.“
Hvar í heiminum myndi þig helst
langa að búa, ef ekki á Íslandi?
„Í Svíþjóð, því það er skemmtilegt land
og þar eru góðar búðir.“
Hvaða bíómynd sástu síðast?
„Það var stórmyndin The Human Centi-
pede. Ég veit samt ekki hvort maður eigi
að segja frá því, hún er mjög skrýtin.“
Hver er uppáhaldsmaturinn þinn?
„Á Austurlandahraðlestinni, þangað fer
ég þegar ég vil gera vel við mig.“
Bjóstu við því á laugardagsmorg-
uninn að verða Íslandsmeistari um
kvöldið?
„Nei, ég get ekki sagt það. Þetta voru
mjög óvænt úrslit og ég átti ekki von á
því að þetta myndi spilast þannig að við
myndum klára þetta.“
Hvernig var titlinum fagnað?
„Það var partí um kvöldið. Það var sko
búið að skipuleggja hitting hjá okkur,
þannig að hann breyttist óvænt í partí.“
Kom eitthvað annað til greina en að
verða Íslandsmeistari í ár?
„Nei, að sjálfsögðu ekki. Við ætluðum að
halda þessum titlum áfram á Hlíðarenda,
það er alltaf markmiðið.“
Fimm í röð, er þetta alltaf jafn
gaman?
„Jú, og þetta verður bara skemmtilegra
með hverju árinu. Þetta verður allavega
aldrei þreytt.“
Og er þá bara stefnt á þann sjötta
að ári?
„Já, þetta hlýtur að vera orðið eitthvert
met hjá okkur. Við ætlum auðvitað að
halda áfram að verja titlana okkar.“
MAÐUR DAGSINS
„Nei.“
PÁLMAR SIGURGEIRSSON
58 ÁRA DÓMVÖRÐUR Í HÉRAÐSDÓMI
REYKJAVÍKUR
„Já.“
DANÍEL PÁMASON
25 ÁRA LÖGMAÐUR
„Já, já, hvers vegna ekki?“
ÁSGEIR ERLINGSSON
51 ÁRS PÓSTBERI
„Hún er ekki verra en það sem nú er.“
GRÉTAR GUÐNI GUÐMUNDSSON
65 ÁRA SENDIBÍLSTJÓRI
„Nei, ég get það ekki.“
MIKAEL PÉTUR MÁTÉ
17 ÁRA NEMI Í MR
GETUR ÞÚ HUGSAÐ ÞÉR RÖGNU ÁRNADÓTTUR SEM NÆSTA FORSETA ÍSLANDS?
DÓMSTÓLL GÖTUNNAR
MÁNUDAGUR 6. september 2010 UMRÆÐA 19
Vondir menn eða vitlausir?
Ég vil trúa því að heimskan sé
þrátt fyrir allt öflugra
afl en illskan.
KJALLARI
VALUR
GUNNARSSON
rithöfundur skrifar
Biðröð Það er fátt vinsælla en að fá sér pylsu á Bæjarins bestu líkt og kom í ljós á sunnudaginn. Gífurlega löng röð myndaðist við
pysluvagninn sem er afar vinsæll áningarstaður ferðamanna jafnt sem íbúa höfuðborgarsvæðisins sem vita fátt betra en að fá sér
eina með öllu. MYND RÓBERT REYNISSON