Dagblaðið Vísir - DV - 12.01.2011, Blaðsíða 4

4 | Fréttir 12. janúar 2011 Miðvikudagur
Bótasjóðsfélagið komið til bankans:
Glitnir yfirtók Vafning
Opið virka daga kl. 9 -18
og á laugardögum kl. 11 - 16
Rakatæki frá
AIR-O-SWISS
• Auka gæði loftsins
• Hljóðlát og sparneytin
• Auðveld í notkun
• Fást einnig í hvítum lit
Hefur hlotið reddot
hönnunarverðlaunin
Stórhöfða 25 • Sími 569 3100 • eirberg.is
Skilanefnd Glitnis hefur yfirtekið eign-
arhaldsfélagið Földung, áður Vafn-
ing, vegna skulda þess við bankann.
Tilkynning þess efnis barst ríkisskatt-
stjóra í byrjun árs 2010. Stjórnarmaður
Földungs í dag er Eiríkur S. Jóhanns-
son, starfsmaður skilanefndar Glitnis.
Vafningur var eignarhaldsfélag
sem stofnað var til að endurfjármagna
lán sem eignarhaldsfélög í eigu þeirra
bræðra Karls og Steingríms Werners-
sona og Benedikts og Einars Sveins-
sona áttu í sameiningu. Földungur
skuldaði tæplega 33 milljarða króna
samkvæmt ársreikningi félagsins fyrir
árið 2008. Reikna má með því að bróð-
urpartur þessara skulda sé við Glitni.
Ársreikningur Földungs fyrir árið 2009
liggur ekki fyrir.
Líkt og DV hefur greint frá veð-
setti Bjarni Benediktsson, þáver-
andi þingmaður Sjálfstæðisflokksins
og núverandi formaður hans, hluta-
bréfin í Vafningi vegna láns frá Glitni
fyrir hönd föður síns Benedikts og
frænda síns Einars. Félög í eigu Ein-
ars og Benedikts, BNT, Hrómundur
og Hafsilfur, voru hluthafar í Vafningi
ásamt eigendum Milestone, Karli
og Steingrími Wernerssonum.
Bjarni var jafnframt stjórnar-
formaður BNT á þessum tíma.
Veðsetning Bjarna tengd-
ist endurfjármögnun á láni
frá fjárfestingarbankanum
Morgan Stanley sem not-
að var til að fjármagna
kaup annars eignar-
haldsfélags, Þátt-
ar Internation-
al, sem þeir
Sveins- og
Wernerssynir áttu saman. Inni í Vafn-
ingsfléttunni voru einnig lán frá trygg-
ingafélaginu Sjóvá sem áttu þátt í að
rýra eignasafn félagsins það mikið að
félagið gat ekki staðið við vátrygging-
arskuldbindingar sínar. Íslenska ríkið
þurfti að bjarga Sjóvá frá þroti með því
að leggja því til eignir upp á um
12 milljarða króna.
ingi@dv.is
Komið til Glitnis
Glitnir hefur yfirtekið
eignarhaldsfélagið
Vafning vegna rúmlega 30
milljarða skulda þess
við bankann. Karl
Wernersson var
einn af eigendum
Vafnings.
Olíuforstjóri keypti
bústað á gjafverði
Hermann Guðmundsson, forstjóri
N1, festi nýverið kaup á sumarhöll
sem stendur í vesturhlíðum Búrfells.
Þurfti hann að reiða fram tuttugu
milljónir króna fyrir höllina. Bústað-
urinn er skráður á eiginkonu Her-
manns, Elínu Guðmundsdóttur. Öðr-
um áhugasömum kaupendum, sem
voru tilbúnir að greiða meira en tvö-
falt það verð sem Hermann og frú
greiddu fyrir höllina, var hafnað. Sum-
arhúsið var selt út úr Landsbankanum
en það var fasteignasalan Árborgir
sem sá um sölu hússins fyrir bankann.
„Við seljum aldrei fasteignir sjálf, fast-
eignasalar sjá um það,“ segir Krist-
ján Kristjánsson, upplýsingafulltrúi
Landsbankans, aðspurður um málið
en bætir svo við: „Við samþykkjum svo
kaupverðið eðlilega.“
40 milljóna brunabótamat
Samkvæmt Fasteignaskrá Íslands er
brunabótamat hússins, að meðtöldu
brunabótamati gesthússins sem því
fylgir, rúmlega 41,5 milljónir króna.
Það er tvöfalt það verð sem bústaður-
inn seldist á. Stærð aðalhússins er 106
fermetrar og stærð gesthússins tæpir
38 fermetrar. Þar að auki er gríðarlega
stór pallur og heitur pottur. Einka-
vegur er upp að húsinu. Samkvæmt
heimildum DV tóku fyrri eigendur
mikið af húsbúnaði og innréttingum
með sér þegar húsið var yfirtekið af
bankanum og mun það hafa lækkað
verðmat hússins. Fasteignasalar mátu
húsið á um 24 milljónir, sem er rétt
yfir fasteignamati hússins. Samkvæmt
heimildum DV var þó til staðar kaup-
andi sem tilbúinn var að greiða fjöru-
tíu og fimm milljónir fyrir eignina.
Hermann vill sjálfur ekkert tjá sig
um málið, ekki einu sinni um innrétt-
ingarnar sem fyrri eigendur rifu út.
„Ég er ekki að fara að ræða þetta hús
neitt við þig. Þetta er bara mitt einka-
mál. Það er bara svoleiðis,“ segir hann.
Sex ára gamalt
Húsið var byggt árið 2005. Síðan þá
hefur það skipt um eigendur þríveg-
is en það var Fjári fasteignafélag sem
átti húsið þegar Landsbankinn tók
það yfir. Maðurinn á bak við það fé-
lag er Grímur Arnarson, eigandi og
framkvæmdastjóri HP kökugerðar
á Selfossi, og Sigurður Fannar Guð-
mundsson. Eignin var tekin af þeim í
skuldauppgjöri við bankann í fyrra.
Sumarhúsið sjálft skiptist í tvö
svefnherbergi, stofu, eldhús, baðher-
bergi auk forstofu. Ýmist eru flísar
eða plankaparket á gólfi en hitalagn-
ir eru í gólfinu. Í gesthúsinu er auk lít-
ils svefnherbergis og baðherbergis að
finna blautgufuklefa. Í fasteignaaug-
lýsingu fyrir bústaðinn frá því í októb-
er í fyrra segir að húsið standi hátt og
að útsýni sé því mjög gott. 12.500 fer-
metra lóð fylgir húsinu.
Milljarða skuldir
Ekki er að búast við því að Hermann
hafi þurft að safna sér lengi fyrir hús-
inu en hann fær tugmilljónir í launa-
greiðslur á ári frá olíufélaginu N1.
Hann hefur verið í forystu í því félagi
frá því að Olíufélagið hf. var samein-
að Bílanausti árið 2006, þar sem Her-
mann var áður forstjóri. N1, og móð-
urfélag þess BNT, er stórskuldugt en
olíufélagið er í sjálfskuldarábyrgð fyrir
móðurfélagið upp á marga tugi millj-
arða króna. Undanfarið hefur olíu-
félagið verið í eins konar gjörgæslu
hjá Íslandsbanka vegna skulda þess
sem eru metnar á um þrjátíu millj-
arða króna. Samkvæmt skýrslu rann-
sóknarnefndar Alþingis var BNT tólfti
stærsti skuldari Glitnis banka með
rúmlega þrjátíu milljarða króna skuld-
ir við bankann eftir efnahagshrunið
sem varð árið 2008.
n Skilanefnd Landsbankans seldi sumarhús á tugmilljóna króna afslætti n Forstjóri
N1 fékk húsið á gjafverði n Sumarhúsið er á besta stað í vesturhlíðum Búrfells
Aðalsteinn Kjartansson
blaðamaður skrifar adalsteinn@dv.is
„Ég er ekki að fara
að ræða þetta
hús neitt við þig. Þetta er
bara mitt einkamál.
Ekki lengi að safna Hermann hefur
ekki safnað sér lengi fyrir húsinu en hann
hefur undanfarin ár verið með rúmar tuttugu
milljónir króna í árslaun.
Sumarhöll Ekki er hægt að
segja annað en að sumar-
bústaðurinn sé sannkölluð
sumarhöll. SKjáSKotSMyNd aF LoG.iS
Kofinn tómur Samkvæmt heimildum DV rifu fyrri
eigendur sumarhallarinnar allt út úr henni áður en
Landsbankinn tók hana yfir.
Sló konu í andlitið
Talsverður erill var hjá lögreglunni
í Vestmannaeyjum um liðna helgi.
Líkamsárás var kærð til lögreglu
en um var að ræða karlmann
sem sló konu í andlitið með þeim
afleiðingum að brotnaði upp úr
tönn og fylling í annarri tönn losn-
aði. Konan, sem varð fyrir högg-
inu, hafði verið að stilla til friðar.
Þá voru tvenn eignaspjöll tilkynnt
til lögreglu og snéru önnur þeirra
að skemmdum á listaverki á
skemmtistaðnum Volcano.
Einn fékk að gista fanga-
geymslur lögreglu en það var
karlmaður sem gerði sér að leik að
hanga í landfestum Álseyjar VE og
kom þannig sér í talsverða hættu.
Hann var ölvaður.
Kínverjar
kaupa Elkem
Kínverska fyrirtækið China National
Bluestar hefur gengið frá kaupum á
norska stóriðjufyrirtækinu Elkem fyrir
12 milljarða norskra króna, jafngildi
tæplega 230 milljarða íslenskra króna.
Járnblendiverksmiðjan á Grundar-
tanga er því komin í eigu Kínverja.
Kaupverðið er í takt við væntingar
sérfræðinga samkvæmt norskum
fjölmiðlum. Ekki er búist við að kaup
kínverska fyrirtækisins hafi áhrif á
starfsemina á Grundartanga.
Þurfa að segja
upp 170 manns
ÍAV, verktakahluti Íslenskra að-
alverktaka, þarf að segja upp 170
starfsmönnum um næstu mánaða-
mót. Þetta er um helmingur starfs-
manna fyrirtækisins. ÍAV mun klára
byggingu tónlistarhússins Hörpunn-
ar í maí en að því loknu tekur fátt
við. Karl Þráinsson, forstjóri ÍAV,
sagði í kvöldfréttum Stöðvar 2 á
þriðjudag að fyrirtækið hefði bund-
ið vonir við að stórar virkjanafram-
kvæmdir færu af stað. Það hefði ekki
orðið að veruleika og mjög slæm
verkefnastaða væri í byggingariðn-
aðinum á Íslandi. Því hefði fyrirtæk-
ið ekki átt neinna kosta völ.