Dagblaðið Vísir - DV - 12.01.2011, Blaðsíða 26

26 | Fólk 12. janúar 2011 Miðvikudagur
„Kemur vel á vondan“
Forkeppni Eurovision 2011:
S
öngvarinn Böðvar Reynisson, eða Böddi í
Dalton, syngur eitt laganna í Söngvakeppni
Sjónvarpsins. Hljómsveitin sem leikur undir í
laginu er hins vegar JJ Soul Band en ekki Dalt-
on svo að tímabundið kallast flytjendurnir Böddi og JJ
Soul Band. Um bakrödd sér Bríet Sunna en þau Böddi
hafa komið fram sem dúett og sungu saman lagið So
Simple sem var nokkuð vinsælt í útvarpi í fyrra. Lagið
sem þau flytja í söngvakeppninni nefnist Lagið þitt og
er eftir Ingva Þór Kormáksson, meðlim JJ Soul Band.
Þetta er í fimmta sinn sem hann tekur þátt í keppn-
inni og muna eflaust margir eftir laginu Í nótt sem Ei-
vör Pálsdóttir söng árið 2003. Ingvi vann til Gadda-
kylfunnar árið 2009, en það eru verðlaun sem veitt eru
fyrir bestu glæpasmásöguna. Hann sendi á síðasta ári
frá sér smásagnasafnið Raddir úr fjarlægð sem bóka-
forlagið Sögur gefur út, en í bókinni má einmitt finna
sögu þar sem lýst er þátttöku söngvara nokkurs og
fylgdarliðs hans í Eurovision. „Það er skemmtileg
tilviljun að ég skuli vera með lag í keppninni núna
rétt eftir útgáfu þessarar  bókar,“ segir Ingvi Þór,
„kemur raunar vel á vondan.“ Hann er þó ekki bú-
inn að snúa sér frá músík að skriftum því að með
vorinu er í bígerð að taka upp plötu með söngkon-
unum Guðrúnu Gunnars og Írisi Guðmundsdótt-
ur og kannski fleirum. „En stundum situr maður
uppi með lög sem hvergi eiga heima og passa ekki
í neitt plötukonsept og þá getur verið sniðugt að
senda þau í svona keppni og gá hvernig þau pluma
sig.“ Þetta er í annað skiptið sem þeir Ingvi og Böddi
leiða saman hesta sína en síðastliðið sumar varð lag
þeirra Alltaf, alltaf í öðru sæti í Sönglagakeppni Vest-
fjarða, en diskur með lögunum úr þeirri keppni kom
út rétt fyrir jól. Margverðlaunaður Ingvi Þór hefur
samið verðlaunalög og verðlaunasögu.
Dúett Bríet Sunna og Böddi
í Dalton, nú JJ Soul Band.
Frumsýningarspenna
í Hallgrími
„Ég er kominn með „firðing“ í magann eins
og börnin segja,“ segir Hallgrímur Helgason
hlæjandi, enda styttist í frumsýningu
kvikmyndarinnar Roklands, sem gerð er
eftir sögu Hallgríms. Leikstjóri er Marteinn
Þórsson en Ólafur Darri Ólafsson fer
með aðalhlutverkið. Búið er að setja upp
sérstaka vefsíðu fyrir myndina, rokland.is,
en þar er ýmislegt skemmtilegt að finna,
eins og stiklu úr myndinni, söguþráðinn,
upplýsingar um leikstjórann og síðast en
ekki síst viðtöl við leikara og aðra aðstand-
endur myndarinnar. Myndin var forsýnd í
Sauðárkróksbíói 29. desember síðastliðinn
við góðar undirtektir, en frumsýningin
verður 14. janúar.
Allt á fullu fyrir
Ford-keppnina
Undirbúningur stendur nú sem hæst
fyrir Ford-keppnina, en fimmtán
stórglæsilegar fyrirsætur keppa um að
verða Ford-módel Íslands 2011.
Keppnin fer fram í Hafnarhúsinu 4.
febrúar og Skjár einn sýnir svo frá
keppninni í tvennu lagi, fyrst 3. febrúar
og svo aftur 10. febrúar. Níu hönnuðir
frá Kiosk hanna fatnað á stúlkurnar, en
teymið sem stendur á bak við keppnina
ásamt Eskimo Models er Alda B. stílisti,
Karl Berndsen hágreiðslumeistari með
meiru, Fríða María förðunarfræðingur,
Tinna Bergs fyrirsæta og Ásgrímur
Már fatahönnuður. Sigurvegarinn mun
keppa í hinni alþjóðlegu Super Model of
the World í sumar.
E
iríkur Jónsson, blaðamaður og fyrrverandi ritstjóri Séð og heyrt, dvaldi um jólin í
sumarhúsabyggð Óla Laufdal í Grímsnesinu, sem hann segir að sé eins og hjá JR
og Sue Ellen á Southfork í Dallas.
„Þetta er rándýrt,“ segir Eiríkur, „enda ofboðslega flott. Það eru þarna níu hús,
þar af eitt veitingahús með matseðil af Grillinu og Hamborgarabúllunni í bland. Þá eru
á svæðinu tvær litlar tískuvöruverslanir með merkjavöru því Óli segir túristana alltaf vilja
kaupa eitthvað. Þetta er auðvitað hugsað fyrir erlenda auðkýfinga,“ segir Eiríkur, sem vill þó
ekki meina að hann sé innlendur auðkýfingur. „Þegar ég var þarna voru þrenn frönsk hjón í
næsta húsi með fullt af börnum. Þau voru í morgunmat á veitingastaðnum á aðfangadag og
svo í jólamat um kvöldið. Ólafur flaggaði franska fánanum við húsið þeirra, allt í anda South-
fork. Svo þegar vantaði jólasvein fyrir börnin var hann ekki sóttur á Selfoss heldur fór Óli sjálfur
í jólasveinabúning og skemmti börnunum fram eftir kvöldi. Hann kann ekki orð í frönsku en sló
gjörsamlega í gegn og allir voru yfir sig ánægðir.“
Eiríkur segist ekki hafa verið á veitingastaðnum á aðfangadagskvöld. „Þarna er stærsta eld-
hús sem við höfum eldað í, hvert hús er um 300 fermetrar. Þetta er svo flott að sonur okkar
um tvítugt sem ætlaði að skreppa til okkar á aðfangadagskvöld og fara svo í bæinn að hitta
vinina fór ekki fyrr en við fórum heim. Hann tímdi ekki að fara.“
Eiríkur á ekki orð til að lýsa flottheitunum, meðal annars sé Óli búinn að búa til gatna-
kerfi við bústaðina með ljósastaurum og gangstéttum.
„Óli er með þessu að brjóta blað í íslenskri ferðaþjónustu,“ segir Eiríkur, en gefur ekki
upp hvað hann greiddi fyrir lúxusdvölina um jólin.
Eiríkur Jónsson blaðamaður:
Á „Southfork“
í Grímsnesinu
um jólin
Eins og í Dallas Sumir vilja meina
að svipur sé með Eiríki og JR.
Glæsihýsi Óli Laufdal býður upp á lúxusgistingu í Grímsnesinu. MynD bJörn blönDal