Dagblaðið Vísir - DV - 16.02.2011, Síða 6

6 | Fréttir 16. febrúar 2011 Miðvikudagur
Skerðing á kennslu í grunnskólum dregin til baka:
Útsvarið líklega hækkað
Það kemur í ljós á fimmtudag á fundi
borgarráðs hvort útsvar Reykvíkinga
verður hækkað. Menntaráð hefur
ákveðið að draga til baka skerðingu
á kennslu í grunnskólum sem átti að
koma til framkvæmda í haust. Til að
mæta kostnaði við þessa skerðingu
bendir flest til þess að hækka þurfi
útsvar borgarbúa.
„Það kemur til greina og mun
liggja fyrir á fimmtudag,“ segir Odd-
ný Sturludóttir, borgarfulltrúi og for-
maður menntaráðs, aðspurð hvort
útsvar Reykvíkinga verði hækkað.
„Mér finnst það vera sanngjarn-
asta leiðin en það er best að bíða
eftir borgarráði á fimmtudag,“ seg-
ir Oddný og bætir við að kostnaður
við draga skerðinguna til baka muni
nema allt að 200 milljónum króna.
„Þá erum við ekki bara að tala um að
draga til baka skerðingu á kennslu-
magni heldur líka í gæslu og forfalla-
kennslu,“ segir Oddný.
Hækkun útsvars mun ein og sér
ekki duga til að mæta kostnaði við
að hætta við kennsluskerðinguna
og segir Oddný að nú verði farið í
að skoða hvernig brúa megi það bil.
Hugmyndir um sameiningar leik- og
grunnskóla og aðra hagræðingu eru
enn til skoðunar.
„Það kemur í ljós núna, þeg-
ar verið er að hagræða í svona við-
kæmu kerfi þriðja árið í röð, að við
verðum að þora að fara í kjarkmiklar
breytingar á skóla- og frístundaum-
hverfi. Þess vegna erum við að skoða
í starfshópnum, sem ég leiði, sam-
einingar, annað skipulag stjórnun-
ar, að fela færri stjórnendum stærri
verkefni, nýta betur húsnæði, endur-
skipuleggja mötuneytin – allt svo við
þurfum ekki að ganga ár eftir ár þá
leið að hagræða í innra kerfinu. Það
viljum við auðvitað ekki gera,“ segir
Oddný.
einar@dv.is
Sími 412 2500 - sala@murbudin.is - www.murbudin.is
– Afslátt eða gott verð?
Niðurföll og rennur
í baðherbergi
Reykjavík - Reykjanesbæ
Akureyri - Húsavík
Vestmannaeyjum - Flúðum
evidrain
Mikið úrval
margar stærðir
MAX 30 cm
12.900
MASSIVE 60 cm
36.900AQUA 35 cm11.900
Undirskriftasöfnun í súginn:
Vefsíðu til
stuðnings
Icesave var
eytt
„Eina svarið sem ég fékk frá þeim
var bara: Sorry, it happens,“ segir
Róbert Breiðfjörð Jóhannesson
sem stóð fyrir undirskriftasöfnun
til stuðnings nýjum Icesave-samn-
ingi. Undirskriftalistanum, sem
var hýstur á vefnum weebly.com,
var eytt fyrirvaralaust á mánudags-
kvöld.
„Það var einhver sem hafði sam-
band við Weebly og sagði að þessi
vefsíða væri að safna saman ólög-
legum gögnum. Þeir eyddu henni
fyrirvaralaust án þess að hafa sam-
band við mig,“ segir Róbert en um
1.500 manns höfðu skrifað nafn sitt
og kennitölu á listann. Róbert hafði
samband við forsvarsmenn Weebly
á mánudagskvöld þegar hann tók
eftir því að síðan var horfin.
Aðspurður hvort hann hafi
fengið skýringar á því hver þessi
meintu ólöglegu gögn hefðu verið
segir hann: „Ég fékk það svar að
þeir hefðu kannað málið eftir þessa
tilkynningu og séð að síðan var að
safna nöfnum og einhverjum núm-
erum. Þar af leiðandi töldu þeir að
þetta væri einhver spam-síða og
eyddu henni. Þetta er óafturkræft
og öll gögn eru horfin.“
Róbert segir að hann hafi ekki
lagt út í neinn kostnað við að opna
síðuna og því ekki orðið fyrir nein-
um fjárhagslegum skaða. Hann hafi
staðið einn að baki undirskrifta-
söfnuninni og viljað sýna fram á að
það væru tvær hliðar á málinu. Það
væri líka til hópur fólks sem vildi
staðfesta nýjan samning.
Aðspurður hvort hann ætli sér
að fara aftur af stað með undir-
skriftasöfnunina segir Róbert að
hann nenni því varla úr þessu.
Kemur
til greina
Oddný segir að
sanngjarnasta
leiðin sé að
hækka útsvar
borgarbúa.
Frystiskipafloti landsmanna fleygir
árlega þorskhausum í hafið sem
annars gætu skapað um einn millj-
arð króna í útflutningsverðmæti. Á
fiskveiðiárinu frá september 2008 til
ágústloka 2009 komu aðeins 8 af 21
frystiskipi með hausa af þorskafla
sínum að landi. Einungis þrjú komu
með meira en helminginn af áætl-
uðu magni að landi miðað við gefn-
ar forsendur í skýrslu Matís um bætta
nýtingu sjávarafla, en hún var gerð
fyrir sjávarútvegsráðherra í fyrra.
Í skýrslunni er gengið út frá því að
þorskhausar, sem falla til við vinnslu
um borð í skipunum, hafi á um-
ræddu fiskveiðiári numið liðlega 9
þúsund tonnum. Hins vegar skiluðu
sér að landi aðeins 567 tonn, eða að-
eins um 6,2 prósent af heildarþyngd-
inni. Mismunurinn nam 8.566 tonn-
um.
Milljarða sóun
Skýrsluhöfundarnir, Sjöfn Sigurgísla-
dóttir, Sveinn Margeirsson, Sigurjón
Arason og Jónas R. Viðarsson, telja
að með því að koma með umrædd
8.566 tonn til vinnslu hefði mátt auka
aflaverðmæti um rúmar 300 milljón-
ir króna samtals og útflutningsverð-
mæti um að minnsta kosti 930 millj-
ónir króna.
Sama er uppi á teningnum varð-
andi afskurð við flakavinnslu, en þar
telja skýrsluhöfundar að með góðu
móti hefði mátt auka útflutnings-
verðmæti um 250 milljónir króna
með því að koma með afskurðinn
að landi og nýta hann fremur en að
henda honum. Þá er eftir að telja
beinagarða, slóg, hrogn og ekki síst
lifur, en allt hefur þetta verið fremur
illa nýtt.
Nýting batnar
„Ýmsar ástæður liggja að baki þeirri
staðreynd að nýting afla af frystiskip-
um er lakari en í landvinnslu, en þó
má ljóst vera að sóknarfæri séu fólg-
in í að auka nýtingu hjá frystitogara-
flotanum,“ segir í skýrslunni. „Einnig
ætti að vera unnt að koma með meira
af öðrum auka afurðum í land en nú
er gert, til dæmis afskurð, marning,
hryggi, lifur, hrogn, svil og fleira,“ seg-
ir enn fremur.
Þrátt fyrir þetta segir í skýrslunni
að mikið hafi áunnist varðandi nýt-
ingu í landvinnslu á undanförnum
misserum. Nýtingin hafi batnað mest
við vinnslu á þorskafurðum en nýt-
ing á aukaafurðum í vinnslu á öðr-
um tegundum hafi ekki náð að fylgja
þeirri þróun eftir, enda eftir mestu að
slægjast í þorskinum.
„Ánægjuleg þróun hefur til dæm-
is orðið á síðustu þremur árum í nið-
ursuðu á lifur, sem hefur tvöfaldast
í magni frá árinu 2006. Mikið magn
af fiski er flutt út óunnið í gámum á
ári hverju, en hátt fiskverð á mörk-
uðunum í Bretlandi og Þýskalandi
gerir það að verkum að útgerðar-
menn sjá sér ekki hag í að selja fisk-
inn til vinnslu innanlands. Mögulegt
væri að auka útflutningsverðmæti að
minnsta kosti hluta þessa afla með
því að vinna hann hérlendis,“ segir
jafnframt í skýrslunni.
Milljarður í sjóinn
n Frystitogarar koma aðeins með 6 prósent af þorskhausum að landi n Milljarður í
útflutningsverðmæti fer forgörðum n Nýting batnar hægt og bítandi þrátt fyrir þetta„Hins vegar skiluðu
sér að landi aðeins
567 tonn, eða aðeins um
6,2 prósent af heildar-
þyngdinni. Mismunurinn
nam 8.566 tonnum.
Jóhann Hauksson
blaðamaður skrifar johann@dv.is
Mögulegt verðmæti þorskhausa
Mögulegt magn af hausum (tonn) 9.133
Raunverulegt magn af hausum landað (tonn) 567
Mism. á reiknuðu og raunmagni (tonn) 8.566
Aflaverðmæti á kg ($0,3) 39
Mögulegt aukið aflaverðmæti (milljónir kr.) 334
22% vinnslunýting í landi (tonn) 1.885
Afurðaverðmæti á kg ($3,8) 494
Mögulegt aukið útflutningsverðmæti (þús. kr) 930.953
Matís 2010
Mikil verðmæti fara forgörðum Beina-
görðum, hausum, slógi, lifur og hrognum er fleygt
fyrir upphæðir sem geta numið milljörðum króna
í útflutningstekjur ár hvert. MyNd SteFáN KarlSSoN