Dagblaðið Vísir - DV - 16.02.2011, Blaðsíða 26

26 | Fólk 16. febrúar 2011 Miðvikudagur
Sölvi Tryggvason deilir við fræga á Facebook:
„SORRÝ AÐ ÉG SKULI VERA TIL“
Nýleg skrif Sölva Tryggvasonar,
pistlahöfundar og þáttarstjórnanda,
fara fyrir brjóstið á lesendum hans
ef marka má Facebook-síðu hans þar
sem fram fara líflegar rökræður um
innihald þeirra. Innihald pistlanna
er gagnrýnt harðlega og Sölvi bregst
viðkvæmur við.
Pistillinn sem mesta athygli fær
virðist vera skrifaður í vörn fyrir sölu-
háa höfunda eins og Egil Gillz Ein-
arsson og í honum stendur orðrétt:
„Það að ungt afkastamikið fólk sem
ekki nennir að velta sér upp úr leið-
indum alla daga skuli lenda í að-
kasti frá landsþekktum rithöfund-
um og listamönnum er ekkert annað
en staðfesting á minnimáttarkennd
þeirra sem þannig koma fram.“
Viðbrögðin létu ekki á sér standa.
Illugi Jökulsson spurði Sölva hvort
fólk hlyti ekki að hafa leyfi til að hafa
ekki gaman af Gillz án þess að vera
skammað fyrir að vera gallsúrir fýlu-
púkar og með honum fylkja sér í lið
Þorfinnur Ómarsson, fyrrverandi rit-
stjóri Eyjunnar, og fleiri.
Sölvi telur til að stór hópur hafi
trompast við tilhugsunina um að Eg-
ill Einarsson fengi inngöngu í Rithöf-
undasambandið þó að hann upp-
fyllti öll skilyrði og bætir hörundssár
við að hans eigin ritstjóri, Kristján B.
Jónasson, hafi hrósað honum í hás-
tert einslega en þori því ekki innan
um félaga sína í rithöfundastétt.
Bergsteinn Sigurðsson, blaða-
maður á Fréttablaðinu, segir pist-
ilinn eina allsherjar fordómavilpu.
Sölvi biður hann bara að hætta að
lesa pistlana og Bergsteinn bið-
ur hann bara að hætta að skrifa þá.
Sölvi segir þá: „Þetta er frjálst land,
ég hef frelsi til að skrifa og þú hefur
frelsi til að sleppa því að lesa. Sorrý
að ég skuli vera til.“
Eftir þessa rimmu skrifaði Sölvi
annan pistil þar sem hann gerir
menningarlæsi sínu skil. Sölvi tel-
ur upp þær bækur sem hann hefur
lesið: „Ég hef lesið allar bækur Dos-
toyevskys, Gabriel Garcia Marqúez,
Knut Hamsun og mikið eftir Tolstoy.
Ég elska þessar bókmenntir.“ Og
í lok pistilsins sendir hann helstu
gagnrýnendum sínum tóninn: „p.s.
Bergsteinn (Sigurðsson), Kristján B
(Jónasson), Illugi (Jökulsson), Egill
(Helgason), Hallgrímur (Helgason),
Eiríkur Örn, ég efast ekki um að þið
eruð allir toppmenn með gott hjarta.
Og reyndar veit ég það. Lífið er of
stutt til að vera í fýlu.“ 
Viðkvæmur@Facebook
Sölvi Tryggvason stendur í
stríði við menningarvita og
sárnar gagnrýni á pistla sína.
Björn Jörundur
kynnir Edduna
Tónlistar- og sjómaðurinn Björn
Jörundur Friðbjörnsson verður
kynnir á Edduverðlaunahátíðinni
sem haldin verður í Íslensku óperunni
næstkomandi laugardag. Í samtali við
Vísi segist Björn vera að leggja drög að
því hvernig kynnir hann ætli að vera.
Björn tekur við kyndlinum frá Baltasar
Kormáki sem var kynnir á hátíðinni í
fyrra og þótti mjög pólitískur. Björn
segist þó ekki ætla að
feta í fótspor hans
að því leytinu
til. Björn hefur
undanfarnar vikur
unnið að tónleik
hljómsveitar sinnar
Ný danskrar sem
sýndur er í Borg-
arleikhúsinu.
Sjálfur
hefur Björn
Jörundur
fengið
Edduverð-
laun, það
var fyrir leik
í kvikmynd-
inni Englum
alheimsins.
Nældi í nýja
manninn
Akranesmærin Guðrún Dögg
Rúnarsdóttir, fegurðardrottning
Íslands 2009, og nýjasti leikmaður
ÍA, Bretinn Mark Doninger, eru komin í
samband. Hin tvítuga Guðrún Dögg var
í sambandi með landsliðsmanninum
Gylfa Þór Sigurðssyni en upp úr því
slitnaði síðastliðið sumar. Doninger
er 21 árs Breti, uppalinn í Newcastle.
Hann æfði og spilaði með Skagaliðinu
í janúarmánuði og var verðlaunaður
með samningi í byrjun febrúar.
Doninger gerði aðeins eins árs samning
við ÍA en hann mun leika með liðinu í 1.
deildinni á komandi leiktíð.
É
g er eins og barn að bíða eftir jólunum,“ seg-
ir söng- og leikkonan Selma Björnsdóttir en
ævilangur draumur hennar rætist þegar hún
fer á tónleika með kántrígoðsögninni Dolly
Parton þann 7. september í Lundúnum. „Ég hef ver-
ið mikill aðdáandi frá því að ég var sjö ára gömul og
systir mín eignaðist kassettu með henni,“ segir Selma
sem gaf einmitt út kántríplötu um jólin, Alla leið til
Texas, þar sem hún söng meðal annars lög eftir Dolly.
„Ég elska hvað hún er blátt áfram, einlæg og
óhrædd við að vera hún sjálf á allan mögulegan hátt,“
heldur Selma áfram en Dolly hefur alltaf verið þekkt
fyrir að fara sínar eigin leiðir og ekki síst hvað útlit
varðar. Mikill barmur söngkonunnar fíngerðu hefur
til að mynda vakið mikla athygli í gegnum árin. „En
fyrst og fremst finnst mér hún frábær tónlistarmaður.
Hún semur flott lög og texta og hefur úrvals kántrí-
rödd. Svo er hún þeim einstaka hæfileika gædd að
geta spilað á gítar með risa gervineglur. Það er örugg-
lega sjaldgæfur hæfileiki.“
Tónleikarnir verða haldnir, líkt og fyrr sagði, í
Lundúnum þann 7. september. Nánar tiltekið í O2-
höllinni sem er ein allra glæsilegasta tónleikahöll
heims. Hún tekur 23.000 manns í sæti og eru þá ekki
taldir með þeir miðar sem seldir eru í stæði. Það
verður því ekki amalegt fyrir Selmu að berja átrúnað-
argoðið augum á þessum vettvangi.
Selma verður í góðra vina hópi á tónleikunum
og vonast hún til að enn fleiri bætist
við. „Ég fer með Björk Eiðsdótt-
ur, vinkonu minni, Nönnu
Kristínu Magnúsdótt-
ur, Maríu Hebu Þor-
kelsdóttur og Birnu
Björns, systur minni,
og vonandi bæt-
ast fleiri vinkonur
í hópinn. Við ætl-
um að undirbúa
okkur vel fyrir tón-
leikana og taka sér-
stakt Dolly-kvöld
þar sem við mun-
um hlusta á drottn-
inguna og skiptast á
skoðunum.“
Selma segist eiga nokk-
ur uppáhaldslög með Dolly
en hún söng einmitt tvö þeirra
inn á plötuna Alla leið til Texas. „Það
eru lögin Little Sparrow, sem útleggst Litla dúfa í ís-
lenskri þýðingu Jónasar Friðriks Guðnasonar og líka
Coat of Many Colours sem kallast Litskrúðuga káp-
an í þýðingu Ólafs Teits Guðnasonar. Svo elska ég líka
perlur eins og Jolene og Nine to Five og hreinlega allt
þar á milli.“
að sjá Dollyn Aðdáandi frá sjö ára aldri n Hrífst af ein-lægni og ákveðni Dolly n Söng lög eftir Dolly á
kántríplötunni sinni
DRAUMUR
Selma Björnsdóttir Getur
ekki beðið eftir því að sjá Dolly.
Dolly Parton Selma hefur
verið aðdáandi frá sjö ára aldri.