Dagblaðið Vísir - DV - 09.03.2011, Blaðsíða 8

8 | Fréttir 9. mars 2011 Miðvikudagur
Endurnærir og hreinsar ristilinn
allir dásama OXYTARM
Í boði eru 60-150 töflu skammtar
30+
Betr i apotekin og Maður l i fandi www.sologhei lsa. is
OXYTARM
Sól og
heilsa ehf
=
Losnið við hættulega
kviðfitu og komið maganum
í lag með því að nota náttúrulyfin
Oxytarm og 30 days saman120 töflu skammtur
days
detox
Guðmundur Jónsson, oftast kallað-
ur Guðmundur í Byrginu, og Annþór
Karlsson sitja nú saman í lágmarks-
öryggisfangelsinu Bitru. Guðmund-
ur og Annþór voru áður vistmenn í
öryggisfangelsinu Litla-Hrauni þar
sem þeir sátu af sér sína dóma. Báðir
voru þeir færðir að Bitru eftir að hafa
sýnt góða hegðun á Hrauninu. Sam-
kvæmt heimildum DV hafa þeir báð-
ir sýnt mjög góða hegðun á þeim tíma
sem þeir hafa setið inni. Annþór hefur
lýst því yfir að hann sé breyttur mað-
ur og að hann hafi snúið við blaðinu.
Guðmundur hefur komið sér vel fyrir í
fangelsinu og sér meðal annars um að
elda ofan í bæði fanga og fangaverði.
Lítið eftirlit
Öryggiseftirlit á fangelsinu að Bitru er í
lágmarki og er það aðeins ætlað föng-
um sem hafa sýnt góða hegðun. Fang-
arnir fá að ganga frjálsir um svæðið og
eru engar öryggisgirðingar eða múrar
umhverfis fangelsið. Þá hafa þeir einn-
ig nokkuð greiðan aðgang að síma og
heimsóknir vandamanna eru leyfðar
um helgar. Fangelsið er skilgreint sem
opið fangelsi þar sem menn sem ekki
eru taldir hættulegir fá að vera. Þeir
Guðmundur og Annþór hafa því aug-
ljóslega sýnt góða hegðun þann tíma
sem þeir voru vistaðir á Litla-Hrauni.
Enn er nokkuð í að Annþór sleppi
úr fangelsinu en hann hlaut fjögurra
ára fangelsisdóm. Talsvert styttra er
eftir af dómi Guðmundar sem ætti að
losna í sumar. Brot Guðmundar vöktu
mikla athygli og var ítarlega fjallað um
mál hans í fjölmiðlum en hann braut
kynferðislega gegn skjólstæðing-
um sínum. Annþór er einn þekktasti
handrukkari landsins og situr inni fyr-
ir stórfellt fíkniefnamisferli.
Var talinn hættulegur
Ljóst er að Annþór hefur róast á þeim
tíma sem hann hefur eytt í fangelsi en
hann komst í fréttirnar árið 2008 þeg-
ar hann braut öryggisgler í glugga á
annarri hæð lögreglustöðvarinnar við
Hverfisgötu og stökk niður. Lögreglan
lýsti eftir Annþóri sem þá sætti gæslu-
varðhaldi grunaður um stórfellt fíkni-
efnasmygl þar sem 4,6 kíló af amfeta-
míni og nærri 600 grömm af kókaíni
voru flutt til landsins frá Þýskalandi
með UPS-hraðsendingu. Annþór var
svo dæmdur fyrir smyglið nokkrum
mánuðum síðar og gert að sitja af sér
fjögurra ára fangelsisvist þrátt fyrir að
hafa staðfastlega neitað sök við aðal-
meðferð á málinu. Síðan hafa liðið tvö
ár. Þegar Annþór strauk úr gæsluvarð-
haldi var lýst eftir honum í fjölmiðlum
og var hann þá talinn hættulegur.
Situr af sér þriggja ára dóm
Mál Guðmundar er líklega frægara
en mál Annþórs en Guðmundur var
dæmdur fyrir umboðssvik, fjárdrátt,
skattalaga- og bókhaldsbrot í tengsl-
um við rekstur Byrgisins og kynferð-
islega misnotkun á skjólstæðingum
sínum. Guðmundur rak meðferðar-
heimlið Byrgið þar sem hann tók á
móti fólki sem hafði átt við eiturlyfja-
fíkn að stríða. Myndband af Guð-
mundi í kynlífsleikjum með einum
skjólstæðinga sinna lak á netið og fór
eins og eldur í sinu um netið og var
það kveikjan að því að fleiri konur
stigu fram sem sögðu farir sínar ekki
sléttar af samskiptum sínum við Guð-
mund. Guðmundur hlaut þriggja ára
fangelsis dóm fyrir kynferðislega mis-
notkun og níu mánaða fangelsisdóm
fyrir umboðssvik, fjárdrátt, skatta-
laga- og bókhaldsbrot. Guðmundur á
samkvæmt reglum rétt á að sækja um
vistun á Vernd síðustu fjóra mánuði
afplánunar sinnar en DV hefur ekki
heimildir fyrir því hvort hann hafi sótt
um það úrræði.
Guðmundur eldar
mat fyrir Annþór
n Guðmundur í Byrginu og Annþór komnir í opið fangelsi n Lítið eftirlit
er með föngum í opnu fangelsi n Guðmundur losnar úr fangelsi í sumar„Guðmundur hefur
komið sér vel fyrir
í fangelsinu og sér meðal
annars um að elda ofan
í bæði fanga og fanga-
verði.
Breyttur maður Annþór Karlsson
hefur hegðað sér vel í fangelsinu og hefur
fengið vist á Bitru þar sem öryggisgæsla
er í lágmarki. MYND BJÖRN BLÖNDAL
Guðmundur í Byrginu Situr af sér þriggja ára
fangelsisvist í fangelsinu Bitru.
MYND GUÐMUNDUR VIGFÚSSON
Íslandsmet slegið í eldsneytisverði eftir hækkanir á þriðjudag:
Verst fyrir þá sem minnst hafa
„Þetta er voðalega erfitt að hafa þetta
svona. Þetta kemur alverst út fyrir
þá sem hafa minnst á milli hand-
anna,“ segir Runólfur Ólafsson,
framkvæmdastjóri FÍB. Verð á elds-
neyti hækkaði á þriðjudag um fimm
krónur á lítra. Olíufélögin Shell, Olís
og N1 riðu á vaðið og kostar lítrinn
af bensíni nú 231 krónu í sjálfsaf-
greiðslu en lítrinn af dísilolíu 236,8
krónur. Með þjónustu er verðið öllu
hærra og kostar lítrinn af dísil olíu
með þjónustu nú 242,8 krónur. Run-
ólfur segir brýnt að yfirvöld grípi
strax til aðgerða en bendir þó á að
ekki sé hægt að rekja hækkunina til
aukinnar álagningar olíufélaganna.
Verðhækkunina megi rekja til hækk-
andi heimsmarkaðsverðs og skatta-
hækkana sem tóku gildi um áramót.
Runólfur fundaði með efnahags-
og skattanefnd Alþingis á mánudag
þar sem farið var yfir stöðuna. Búið
er að skipa nefnd á vegum fjármála-
ráðuneytisins sem mun skoða málið.
Runólfur segist binda vonir við störf
nefndarinnar en bendir á að ekki
þurfi að skoða málið frekar. Grípa
þurfi til aðgerða og það strax.
„Fólk þarf að koma börnum sín-
um á leikskóla og það eru svæði á
höfuðborgarsvæðinu þar sem er ekki
einu sinni tenging við almennings-
samgöngur. Á sama tíma og þess-
ir hlutir eru að ganga yfir þá eru yf-
irvöld á höfuðborgarsvæðinu að
draga úr almenningsvagnaþjón-
ustu. Í samanburði við þær þjóðir
sem við erum stundum að bera okk-
ur saman við þá er þjónusta á sviði
almenningssamgangna miklu lak-
ari, kannski eðli málsins samkvæmt
þar sem við erum bara 318 þúsund
hræður á þessu landi,“ segir Runólf-
ur. Hann bendir á að tal um að menn
geti farið að snúa sér að rafbílum eða
metanbílum sé ekki tímabært. Það sé
hins vegar spennandi kostur til fram-
tíðar en ekki eitthvað sem er að ger-
ast í núinu. einar@dv.is
Íslandsmet Runólfur segir brýnt að gripið
verði til aðgerða til að stemma stigu við
hækkandi eldsneytisverði.
Aðalsteinn Kjartansson
blaðamaður skrifar adalsteinn@dv.is
Landsdómur:
Úrskurðar um
pósta Geirs
Landsdómur mun á næstunni kveða
upp úrskurð um hvort saksóknari
Alþingis, Sigríður Friðjónsdóttir, fái
afhenta tölvupósta Geirs H. Haarde,
fyrrverandi forsætisráðherra. Tölvu-
póstar Geirs eru taldir geta varpað
ljósi á þá meintu vanrækslu í starfi
sem meirihluti Alþingis ákvað að
ákæra Geir fyrir í fyrra. Geir var eini
ráðherrann úr ríkisstjórn Sjálfstæð-
isflokksins og Samfylkingarinnar
sem þá var ákærður fyrir meinta
vanrækslu í starfi sínu fyrir banka-
hrunið 2008.
Landsdómur tók málið fyrir á
þriðjudaginn en það var söguleg
stund í þeim skilningi að dómurinn
hefur ekki komið saman áður. Andri
Árnason, lögmaður Geirs H. Haarde,
sagði fyrir að hann teldi að fella ætti
málið niður. Til vara gerði Andri þá
kröfu að saksóknari Alþingis fengi
tölvupóstana ekki afhenta.
Tölvupóstur Geirs H. Haarde hef-
ur komist í umræðuna eftir hrunið
en í bók Guðna Th. Jóhannessonar
sagnfræðings um hrunið er vitnað
í tölvupósta sem Ingibjörg Sólrún
Gísladóttir, þáverandi utanríkisráð-
herra, sendi honum í október 2008
– í hruninu. Þar gagnrýndi Ingibjörg
Davíð Oddsson seðlabankastjóra
harðlega og gerði kröfu um að hann
hætti í starfi:
„Það er mín skoðun að eng-
inn einstaklingur geti verið stærri
en viðfangsefnið sem hann er að
fást við. Ég tel að DO sé ekki réttur
maður á réttum stað á réttum tíma.
Hann verði að fara. Það skipti veru-
legu máli fyrir stöðu mála á Íslandi
í nútíð og til framtíðar að okkur tak-
ist að vinna okkur saman sem einn
maður út úr þessu ölduróti og við í
Samfylkingunni munum ekki sætta
okkur við það að DO sitji við stjóra
og útdeili skensi og skömmum. Þess
vegna verður hann að fara.“
Ýmislegt hnýsilegt gæti því kom-
ið upp úr kafinu ef saksóknari fengi
aðgang að tölvupóstum Geirs og má
ætla að tölvupóstarnir gætu aðstoð-
að saksóknarann í málarekstrinum
gegn Geir H. Haarde.
Ekki liggur fyrir hvenær lands-
dómur mun kveða upp úrskurð sinn
í málinu.
ingi@dv.is