Dagblaðið Vísir - DV - 09.03.2011, Blaðsíða 16

16 | Erlent 9. mars 2011 Miðvikudagur
Bresk hjúkrunarkona reyndi fyrir sér í fylgdarþjónustu:
Hjúkrunarfræðingur í vændi
Emma Marsden, 35 ára gömul hjúkr-
unarkona frá Wales, á á hættu að
missa stöðu sína sem hjúkrunar-
fræðingur eftir að upp komst um
vafasama aukavinnu sem hún tók
sér fyrir hendur á meðan hún var í
veikindaleyfi árið 2008. Marsden,
sem er þriggja barna móðir, ákvað
að reyna fyrir sér sem fylgdarkona
á meðan hún tók sér tveggja mán-
aða veikindaleyfi. Sem fylgdarkona
bauð hún upp á kynlíf með karl-
mönnum, konum og pörum. Aug-
lýsti Marsden þjónustu sína á vef-
síðum eins og Welsh Dreamgirls,
Rainbow Mist Five, South-Wales Bi-
sexual Escorts og Escort Pages. Upp
komst um aukabúgrein Marsden
þegar Samtökum hjúkrunarfræðinga
og ljósmæðra í Bretlandi barst nafn-
laus ábending, en þar var einnig að
finna skjáskot af umræddum síðum
þar sem Marsden bauð fram þjón-
ustu sína.
Salim Hafejee tjáði sig fyrir hönd
Samtaka hjúkrunarfræðinga. „Í ljós
kom að hún hafði veitt umrædda
þjónustu. Þegar við höfðum fyrst
samband við hana sagðist hún ein-
ungis hafa verið að kanna framtíðar-
möguleika á nýju starfi, ef hún myndi
ekki snúa aftur til hjúkrunarstarfa.
Okkar gögn benda hins vegar til þess
að hún hafi fengið greitt fyrir fylgdar-
þjónustu.“
Marsden hafði starfað sem hjúkr-
unarfræðingur undanfarin 10 ár þeg-
ar ásakanir um aukabúgrein henn-
ar komu fram. Hún starfaði síðast á
Whitchurch-geðsjúkrahúsinu í Card-
iff í Wales. Um leið og hún komst að
því að verið væri að rannsaka henn-
ar hagi á meðan veikindaleyfi henn-
ar stóð, ákvað hún að segja upp störf-
um. „Til að byrja með sagði hún að
hún væri bara að kanna nýja mögu-
leika. Ég held að hún hafi aldrei lit-
ið á málið jafn alvarlegum augum og
við,“ sagði Sarah Evans, starfsmanna-
stjóri á Whitchurch-sjúkrahúsinu.
Hjúkrunarfræðingur að störfum Myndin er úr myndasafni.
Barack Obama, forseti Banda-
ríkjanna, hefur nú staðfest algeran
viðsnúning í stefnu sinni gagnvart
fangabúðunum í Guantanamo-flóa.
Margir muna eftir því, í aðdraganda
forsetakosninga í Bandaríkjun-
um árið 2008, þegar Obama lofaði
því að fangabúðunum yrði lokað.
Mannréttindasamtök hafa keppst
við að fordæma búðirnar, en þar er
föngum haldið án dóms og laga svo
mánuðum eða árum skiptir. Fyrsta
dag Obama í embætti forseta gaf
hann út yfirlýsingu þess efnis, að
herréttarhöld í Guantanamo yrðu
ekki haldin aftur og að búðunum
yrði lokað innan eins árs. Þetta var
í janúar árið 2009. Ekki aðeins eru
búðirnar opnar ennþá, heldur hefur
Obama nú aflétt banni við herrétt-
arhöldum – sem munu nú fara fram
að nýju.
Pyntingar og mannréttindabrot
Þess eru fjölmörg dæmi að pynt-
ingar hafi viðgengist í Guantanamo
sem og önnur alvarleg mannrétt-
indabrot. Það var þess vegna sem
Obama sagðist vera staðráðinn í að
loka fangabúðunum í kosningabar-
áttu sinni. Hann bannaði herréttar-
höld sem haldin voru við búðirnar,
og vildi í staðinn að grunaðir hryðju-
verkamenn yrðu sóttir til saka inn-
an Bandaríkjanna í hefðbundnum
borgaralegum réttarhöldum. Þetta
fór fyrir brjóstið á fjölmörgum rep-
úblikönum en nú virðist Obama
hafa kiknað undan þrýstingi þeirra.
Obama sagði að þrátt fyrir að her-
réttarhöld yrðu nú leyfð á nýjan leik,
þá myndu borgaraleg réttarhöld
ennþá vera í aðalhlutverki. „Ég tel
bandaríska réttarkerfið vera lykil-
vopn gegn al-Kaída og bandamönn-
um þess,“ sagði forsetinn.
„Kaldhæðnin gæti ekki verið
meira áberandi“
Mannréttindasamtök hafa fordæmt
ákvörðun Obama. Wells Dixon er
lögfræðingur samtakanna CCR,
Centre for Constitutional Rights.
„Kaldhæðnin gæti ekki verið meira
áberandi,“ sagði Dixon. „Þegar hann
[Obama] tók við embætti sagði
hann að það væri þjóðaröryggismál
að loka Guantanamo-búðunum,
en þrátt fyrir það er hann nú orð-
inn fyrsti forsetinn sem hefur tryggt
stefnu um ótakmarkaða fangavist
í búðunum. Það er verið að skapa
skrifræðislegan glundroða sem mun
ekki ná fram nokkrum framförum
á löggjöfinni um fangabúðirnar, en
engu að síður tryggja að þær verði
opnar um óákveðinn tíma.“
Ættingjar fórnarlamba vilja loka
Fangabúðunum í Guantanamo
var komið á koppinn til að geyma
og yfirheyra grunaða hryðjuverka-
menn sem tengdust árásinni á Tví-
buraturnanna í New York, þann 11.
september árið 2001. Nokkrir ætt-
ingjar fórnarlamba árásanna hafa
stigið fram og tjáð sig um ákvörðun
Obama. Einn þeirra er Colleen Kelly,
en hún missti bróður sinn Nill Kelly
sem starfaði í Tvíburaturnunum.
Kelly segir að mikilvægt sé að vernda
alla fyrir hryðjuverkum, ekki að-
eins Bandaríkjamenn. „Það er mik-
ið af mjög hættulegu fólki sem er í
haldi í Guantanamo, ég held að allir
átti sig á því. En mér finnst sorglegt
að Bandaríkin nýti ekki tækifærið til
að sýna fram á skilvirkni borgara-
legra réttarhalda. Síðan 11. septem-
ber hafa 170 hryðjuverkamenn verið
dæmdir í borgaralegum réttarhöld-
um á bandarískri grund. Það hlýtur
að gefa til kynna að kerfið virki.“
Um þessar mundir eru 172 í haldi
í fangabúðunum, þar af eru aðeins
40 sem bíða réttarhalda – hvort held-
ur borgaralegra eða herréttarhalda.
n Barack Obama, forseti Bandaríkjanna, hefur gengið á bak orða sinna
n Lofaði að loka Guantanamo-fangabúðunum en nú er ljóst að þær verða
opnar um óákveðinn tíma n Hefur gefið grænt ljós á herréttarhöld á nýjan leik
ÁFRAM
OPIÐ Í
GUANTANAMO
Björn Teitsson
blaðamaður skrifar bjorn@dv.is
Mótmælt fyrir utan Hvíta húsið Mótmælendur klæddu sig í fangagalla og settu poka
yfir höfuðið, eins og tíðkast í Guantanamo.
Barack Obama Lofaði
að loka Guantanamo-
fangabúðunum en hefur
svikið það loforð.
NATO íhugar
flugbann yfir
Líbíu
Fulltrúar aðildarríkja Atlantshafs-
bandalagsins hófu á þriðjudag
sólar hringseftirlit með öllum flug-
vélum sem fljúga yfir Líbíu. Á sama
tíma lögðu Bretar og Frakkar fram
nýja tillögu til öryggisráðs Samein-
uðu þjóðanna um að flugbanni yfir
Líbíu verði framfylgt. Muammar al-
Gaddafi, leiðtogi Líbíu, hefur farið
mikinn á síðustu dögum í baráttu
sinni gegn lýðræðissinnum í land-
inu. Hefur Gaddafi yfir að ráða mun
öflugri vopnum en lýðræðissinn-
ar, meðal annars herþotum líbíska
hersins – sem hafa látið sprengjum
rigna yfir byltingarmenn. Fréttir
hafa einnig borist af því að Gaddafi
hafi tekið af lífi rúmlega 30 herþotu-
flugmenn sem neituðu að varpa
sprengjum á eigin þjóð.
Konunglegar
pönnukökur
Fátt er huggulegra en nýbakað-
ar pönnukökur. Bretar fagna til að
mynda sprengidegi með því að
sprengja sig út af pönnukökum, í
stað þess að gæða sér á saltkjöti og
baunasúpu – eins og tíðkast hér á Ís-
landi. Vilhjálmur prins, ásamt verð-
andi eiginkonu sinni Kate Middle-
ton, fagnaði sprengidegi í Belfast á
Norður-Írlandi með því að spreyta
sig á pönnukökubakstri fyrir fram-
an fagnandi mannfjölda. Nú er alls
óvíst hvort pönnukaka prinsins hafi
bragðast vel, en matargagnrýnend-
ur í Bretlandi hafa lýst yfir áhyggjum
sínum á sífellt minni hæfni Breta til
að búa til pönnsur. Matvöruverslun-
in Tesco seldi til að mynda 15 millj-
ónir pakka af tilbúnu pönnuköku-
degi fyrir sprengidag og ljóst að það
er mörgum um of að blanda saman
eggjum, mjólk og hveiti.
Chirac fær
gálgafrest
DV sagði frá því á mánudag að rétt-
arhöld yfir Jacques Chirac, fyrrver-
andi forseta Frakklands, væru í þann
mund að hefjast. Nú er ljóst að for-
setinn fyrrverandi, sem hefur verið
sakaður um að draga sér almannafé
í tíð sinni sem borgarstjóri Parísar,
fær gálgafrest þangað til í júní hið
minnsta. Erfitt hefur reynst að sækja
málið gegn Chirac, meðal annars
vegna þess að hann naut friðhelgi
lengi vel sem forseti. Ákærurnar
gegn honum eru tvær og hefur lög-
fræðingi Chiracs nú tekist að sann-
færa dómstóla um að það standist
ekki stjórnarskrá að sameina ákær-
urnar í eina. Því verður réttarhöld-
unum frestað.