Dagblaðið Vísir - DV - 18.03.2011, Síða 2

2 | Fréttir 18.–20. mars 2011 Helgarblað
Lektor í lögreglu-
rannsókn
Jón Snorri
Snorrason,
lektor í viðskipta-
fræði við Háskóla
Íslands og fyrrver-
andi umsjónar-
maður með MBA-
námi í skólanum,
var stjórnarformaður og einn af eig-
endum iðnfyrirtækisins Sigurplasts
í Mosfellsbæ sem er til rannsóknar
hjá lögreglunni vegna gruns um að
stórfelld lögbrot hafi verið framin í
starfsemi þess. Líkt og DV greindi
frá á föstudaginn leikur grunur á að
skattalagabrot, skilasvik, umboðs-
svik og fjárdráttur séu meðal þeirra
brota sem hafi átt sér stað í rekstr-
inum. Efnahagsbrotadeild ríkislög-
reglustjóra og lögreglan á höfuðborg-
arsvæðinu hafa Sigurplastsmálið til
rannsóknar.
Íslensk hetja
í Bosníu
Vilborgu Ís-
leifsdóttur
Bickel hlotnaðist
sá heiður síðustu
helgi að hljóta
Elisabeth Norgall-
verðlaunin. Verð-
launin eru veitt
konum sem hafa unnið ötullega að því
að auka veg og virðingu kvenna um
víða veröld. Vilborg hefur unnið virð-
ingarvert starf við að bæta hag kvenna
í Bosníu í næstum tvo áratugi, eða
allt síðan átök hófust á Balkanskaga
árið 1992. Vilborg er búsett í Wiesba-
den í Þýskalandi. Þegar fréttir bárust
af voðaverkum í Bosníu, allt frá 1992,
ákvað hún að eitthvað þyrfti að gera.
Hún tók þátt í félagsskap kvenna sem
kallaði sig „Svartklæddu konurnar“
sem dreifði upplýsingabæklingum til
íbúa Wiesbaden um ástandið.
Með 13 milljónir á
mánuði
Forstjóri
stoðtækja-
framleiðandans
Össurar, Jón Sig-
urðsson, var með
tæpar 13 milljónir
króna á mánuði á
fyrra. Þetta kemur
fram í nýlegum ársreikningi almenn-
ingshlutafélagsins. Heildarlaun Jóns,
sem fær greitt í bandarískum doll-
urum, námu rúmlega 1,34 milljónum
dollara í fyrra samkvæmt ársreikn-
ingnum. Þetta gera heildarlaun í ís-
lenskum krónum upp á tæplega 156
milljónir. Laun Jóns hækkuðu um
nærri helming á milli áranna 2009
og 2010 en í hitteðfyrra fékk hann
924 þúsund dollara í árslaun. Mis-
munurinn á milli ára er því nærri 420
þúsund dollarar, eða nærri 50 millj-
ónir króna.
Fréttir vikunnar í DV
1 2 3
Fjölþrepa
bakbrettið
• Teygir á hrygg og bakvöðvum
• Minnkar vöðvaspennu
• Linar bakverki
• Bætir líkamsstöðu
• Auðvelt í notkun
Opið virka daga kl. 9 -18 og á laugardögum kl. 11 - 16
Verð: 7.950 kr.
Stórhöfða 25 • Sími 569 3100 • eirberg.is
Fátækir barnakarlar fá síður krabba-
mein í blöðruhálskirtilinn en þeir
karlar sem lifa við góð kjör og eiga
fá eða engin börn. Til þess að fyrir-
byggja þennan illvíga sjúkdóm ættu
karlmenn að forðast hvers konar
„óeðlileg kynæsandi áhrif,“ svo sem
af æsandi myndum, kvikmyndum
og bókum nema þau leiði til fullnæg-
ingar skömmu síðar. Þessar mjög
svo afgerandi leiðbeiningar til karl-
manna koma fram í greininni Pros-
tata sem birtist í tímaritinu Úrval
tímaritsgreina í samþjöppuðu formi
í maí árið1949.
Í greininni er fjallað um blöðru-
hálskirtilinn, hættuna á krabbameini
og hvernig megi fyrirbyggja hana.
Fram kemur að verði karlmaður kyn-
ferðislega æstur þá sendi hann skila-
boð til blöðruhálskirtilsins um að
búa sig undir að gefa frá sér vökva.
Fái hann ekki fullnægingu fljótlega
eftir það geti þessi ónotaði vökvi í
kirtlafrumunum safnast upp og ver-
ið hin ákjósanlegasta gróðrarstía fyr-
ir bakteríur. Ígerðir geti lokast inni,
dauðir vefir safnast fyrir, sem síðan
geti stuðlað að æxlismyndun.
Leiðbeiningar sem eldast illa
Jafnvel þó ekki sé mælt með óþarfa
kynæsingu, þá er bindindi á kyn-
ferðissviðinu ekki til bóta sam-
kvæmt greinarhöfundi. „Þvert á
móti er reynsla fyrir því að pros-
tata geti hlotizt af því að menn hafa
skyndilega hætt að lifa kynferðislífi,
til dæmis ekkjumenn,“ segir í grein-
inni.
Í tilefni af átaksmánuðinum
Mottumars þar sem reynt er að vekja
karlmenn til vitundar um hættuna
af krabbameini, er vert að rifja upp
þessi heilræði og athuga hvort þau
hafi staðist tímans tönn. DV fékk
Ragnheiði Alfreðsdóttur, hjúkrunar-
fræðing hjá Krabbameinsfélaginu,
til þess að gefa sitt álit á þessum
leiðbeiningum. Aðspurð um hvort
þekkt tengsl séu á milli blöðruháls-
kirtilskrabbameins og þess að menn
hætti að stunda kynlíf, svarar Ragn-
heiður: „Þessi hugmynd var uppi en
rannsóknir sýndu ekkert í þessa átt
og því hefur ekki verið haldið áfram.
En það er rétt að þessu var haldið á
lofti.“
Skemmtileg pæling
En er það virkilega svo að kynæs-
ing sem ekki leiðir til fullnæging-
ar geti verið krabbameinsvaldandi,
líkt og haldið var fram í greininni
frá fimmta áratugnum? Ragnheiður
hlær við þegar blaðamaður les upp
leiðbeiningarnar úr greininni fyr-
ir hana. „Þetta er mjög skemmtileg
pæling en það eru engar rannsóknir
sem benda neitt til þess og kynlíf er
sannarlega talið gott fyrir ónæmis-
kerfið almennt. Að sýkingar valdi
blöðruhálskirtilskrabbameini – þær
pælingar hafa líka verið í gangi en
það hefur ekki verið hægt að sanna
það eins og til dæmis með legháls-
krabbamein.“
Því var einnig haldið fram að
blöðruhálskirtilskrabbamein væri
tíðara hjá þeim sem lifa við góð kjör
og eiga fá börn heldur en hjá þeim
sem eru fátækari og eiga mörg börn.
„Nei, þetta stenst ekki,“ segir Ragn-
heiður. „Það hafa ekki komið fram
rannsóknir á þessum tengslum.
Þetta er rosalega skemmtilegt því nú
vitum við til dæmis varðandi brjósta-
krabbameinið að ef konur eiga börn
fyrir 18 ára aldur eða eiga fleiri börn
þá eru þær í minni áhættu.“
Hvenær eiga karlmenn svo að
koma í skoðun?
Þó sumar ráðleggingar um krabba-
mein hafi elst illa þá hafa aðrar og
betri komið í staðinn. Aðspurð um
hvenær karlmenn eigi að koma í
skoðun vegna blöðruhálskirtils-
krabbameins, svarar Ragnheiður:
„Því eldri sem karlmaður verður
því meiri líkur eru á að það þróist
krabbameinsfrumur í blöðruháls-
kirtlinum sem gera viðkomandi
aldrei neitt mein, en ef þeir fá ein-
kenni þá eiga þeir alltaf að leita til
læknis. Því fyrr sem maður greinist
þá aukast líkurnar á að hægt sé að
koma í veg fyrir þetta.“
Ragnheiður nefnir þekkta áhættu-
þætti af blöðruhálskirtilskrabba-
meini: „Það er alltaf að koma betur og
betur í ljós að ofþyngd og offita stuðl-
ar að krabbameini og hreyfing hjálp-
ar okkur að vinna gegn krabbameini.
Svo er talað um lýkópen-hollustuefni
sem er að finna í tómötum. Annar
mikilvægur þáttur er erfðirnar. Þegar
fólk er í fermingarveislu eða afmælis-
veislu og heyrir talað um blöðruháls-
kirtilskrabbamein, þá á það að leggja
við hlustir um hvort einhverjir ná-
tengdir hafi fengið meinið og þá þarf
maður að vera meira vakandi,“ segir
Ragnheiður.
n Í grein frá 1949 var kynæsing sem ekki leiddi til fullnægingar sögð krabbameinsvaldandi
n Fátækir karlar sem eiga börn fá síður meinið en vel stæðir barnlausir karlar, segir í grein-
inni n Hjúkrunarfræðingur segir leiðbeiningarnar ekki standast tímans tönn
Fá fátækir feður
síður krabbamein?
Valgeir Örn Ragnarsson
blaðamaður skrifar valgeir@dv.is
„Þessi hugmynd var
uppi en rannsóknir
sýndu ekkert í þessa átt.
Mottumars Átaksmán-
uður Krabbameinsfélagsins
stendur yfir. Ráðleggingar til
karla varðandi krabbamein
hafa tekið miklum breyt-
ingum undanfarna áratugi.
Mynd róbert reyniSSon
Hamfarirnar í Japan:
Íslendingar
hvattir til að
yfirgefa Tókíó
Utanríkisráðuneytið hefur beint
þeim tilmælum til Íslendinga sem
staddir eru í Tókíó eða á svæð-
inu fyrir norðan borgina að yfir-
gefa landið eða flytja sig sunnar.
Þá ræður ráðuneytið Íslendingum
frá ónauðsynlegum ferðalögum til
Japans. Mikil óvissa ríkir í landinu
í kjölfar jarðskjálftans sem reið yfir
norðurhluta landsins síðastliðinn
föstudag. Óvissan snýr ekki síst að
kjarnorkuverinu í Fukushima en
geislavirk efni hafa lekið frá því eftir
flóðbylgjuna sem reið yfir í kjölfar
skjálftans.
Borgaraþjónustan mun eftir at-
vikum liðsinna fólki við skipulag
ferða en í öllu falli er fólk beðið um
að láta vita um allar breytingar á
högum sínum. Ráðuneytið ráðlegg-
ur fólki að fylgjast áfram með leið-
beiningum japanskra stjórnvalda og
ferðaleiðbeiningum annarra ríkja,
sérstaklega norrænu ríkjanna.
Í kjölfar hamfaranna í Japan ríkir
enn óvissuástand á ákveðnum svæð-
um og viðvarandi jarðskjálftahætta,
auk þess sem truflanir hafa orðið á
samgöngum, birgðaflutningum og
í raforkukerfi. Í öryggisskyni er ís-
lenskum ríkisborgurum eindregið
ráðlagt að fara ekki inn á svæði sem
er nær Fukushima-kjarnorkuverinu
en 80 kílómetrar. Utan þess svæðis
er ekki talið að um beina heilsufars-
ógn sé að ræða en um nánari upp-
lýsingar er bent á upplýsingar frá
Geislavörnum ríkisins á vefnum
gr.is.
Hægt er að ná sambandi við
borgaraþjónustu utanríkisráðuneyt-
isins í síma 545-9900 eða með því að
senda tölvupóst á netfangið help@
mfa.is
Björgólfur kýs
ekki um Icesave
Björgólfur Thor Björgólfsson ætlar
ekki að greiða atkvæði í þjóðar-
atkvæðagreiðslunni um Icesave.
Björgólfur Thor var stærsti hlut-
hafinn í Landsbankanum ásamt
föður sínum, Björgólfi Guð-
mundssyni. Björgólfur sagði við
Stöð 2 á fimmtudag að hann
ætlaði ekki að taka þátt í þjóðar-
atkvæðagreiðslunni þar sem hann
hefði ekki tekið þátt í kosningum
hér á landi í mörg ár. Þá sagðist
hann telja að eignir Landsbank-
ans dygðu að fullu fyrir Icesave.