Dagblaðið Vísir - DV - 08.04.2011, Side 42

42 | Nærmynd 8.–10. apríl 2011 Helgarblað
Sveinn Andri Sveinsson lögfræð­
ingur hefur varið marga hættuleg­
ustu menn landsins fyrir dómi og tel­
ur marga þeirra til vina sinna. Hann
reyndi fyrir sér í stjórnmálum á sín­
um tíma en með afar lélegum árangri.
Á skammvinnum stjórnmálaferli var
hann ósköp venjulegur fjölskyldufað­
ir í þykkari kantinum. Löngu seinna
skildi hann við eiginkonuna, fór í rækt­
ina, og fékk viðurnefnið stjörnulög­
fræðingur. Hann gekk inn í nýtt hlut­
verk kyntáknsins. Sveinn Andri hefur
ævinlega verið umdeildur og gjarn­
an vakið upp hörð viðbrögð með um­
mælum sínum. Í vikunni kom hann
svo flestum í opna skjöldu þegar hann
upplýsti að hann ætti í ástarsambandi
við 21 árs fyrirsætu. Þar með eignað­
ist hann tengdaföður sem er þremur
árum yngri en hann.
Ræðismaður sem talar hollensku
Sveinn Andri gekk í Menntaskólann
í Reykjavík áður en hann lauk lög­
fræðiprófi frá lagadeild Háskóla Ís­
lands. Hann lauk svo einnig prófi í
hollensku fyrir útlendinga frá hol­
lenska háskólanum Universiteit te
Leiden. Samhliða háskólanámi var
hann blaðamaður á Morgunblaðinu
í ritstjórnartíð Matthíasar Johannes­
sen og Styrmis Gunnarssonar. Hann
er í dag meðeigandi Lögfræðistofu
Reykjavíkur en hann hefur tekið að sér
ýmis verkefni sem hafa vakið mikla at­
hygli fjölmiðla og almennings.
Sveinn Andri hefur komið víða við
en hann hefur tekið upp málstað ým­
issa einstaklinga – og þjóða. Hann er
til að mynda ræðismaður Indónesíu
hér á landi og segist hann vinna að því
að örva viðskipti landsins við Ísland.
„Hef ég verið í því að koma saman ís­
lenskum og indónesískum viðskipta­
mönnum; bæði á sviði jarðvarma og
sjávarútvegs og kom ég mikið að und­
irbúningi tveggja ráðherra úr indó­
nesísku ríkisstjórninni; orkumálaráð­
herrans og sjávarútvegsráðherrans,“
sagði hann í samtali við DV í fyrra um
hlutverk sitt sem ræðismaður. Hann
er þar í hópi fólks á borð við Jóhönnu
Vigdísi Hjaltadóttur, þingfréttaritara
RÚV og ræðismanns Sviss, og Stef­
án Sigurð Guðjónsson, forstjóra John
Lindsay og ræðismanns Bangladess.
Þegar Sveinn Andri var skipaður ræð­
ismaður var ástæðan sögð að hann
hefði þekkingu og reynslu af lagaum­
hverfi í Asíu.
Endasleppur stjórnmálaferill
Strax á háskólaárunum beitti Sveinn
Andri sér í stjórnmálum en hann tók
meðal annars þátt í starfi Vöku, félagi
lýðræðissinnaðra stúdenta við há­
skólann, og gegndi fyrir félagið ýms­
um trúnaðarstörfum. Þá tók hann
einnig þátt í starfi Heimdallar, félags
ungra sjálfstæðismanna í Reykjavík,
sem og í starfi Sambands ungra sjálf­
stæðismanna. Sveinn Andri gekk
svo skrefinu lengra þegar hann fór
í framboð fyrir Sjálfstæðisflokkinn
fyrir borgarstjórnarkosningar árið
1990 þegar Davíð Oddsson, fyrrver­
andi borgarstjóri, forsætisráðherra og
seðlabankastjóri, vann stórsigur með
flokknum í borginni.
Sveinn Andri settist eftir kosning­
arnar í sæti stjórnarformanns Strætis­
vagna Reykjavíkur. Sem stjórnarfor­
maður Strætó stýrði hann fyrirtækinu
í gegnum mjög umdeildar breyting­
ar sem urðu að helsta deiluefni kjör­
tímabilsins. Það brambolt aflaði hon­
um lítilla vinsælda. Ekki er þó hægt að
slá því föstu þó að líklegt þyki að vand­
ræðin hjá Strætó hafi komið í veg fyrir
að hann næði brautargengi í prófkjöri
sjálfstæðismanna fyrir næstu kosning­
ar á eftir, árið 1994. Í þeim kosningum
vann Reykjavíkurlistinn, sameiginlegt
framboð miðju­ og vinstriflokkanna
í borginni, sigur og komst í hreinan
meirihluta. Þetta markaði endalok
stjórnmálaferils hans.
Sveinn Andri hefur þó ekki yfirgef­
ið Sjálfstæðisflokkinn og er hann enn
þann dag í dag yfirlýstur stuðnings­
maður flokksins. Hann hefur þó geng­
ið þvert á skoðanir Davíðs Oddssonar,
sem leiddi flokkinn í borgarstjórnartíð
Sveins, í ýmsum veigamiklum málum
eins og málefnum sem tengjast Evr­
ópusambandinu og Icesave. Hann
er einn öflugasti stuðningsmað­
ur Guðlaugs Þórs Þórðarsonar al­
þingismanns og hefur lýst sjálf­
um sér sem „fótgönguliða“ hans.
Andstæðingar Guðlaugs innan
flokks og utan hafa jafnframt orðið
fjendur Sveins. Þeirra á meðal eru
Bjarni Benediktsson formaður og
Illugi Gunnarsson alþingismað­
ur sem bar sigurorð af Guðlaugi
í hatrammri prófkjörsbaráttu um
efsta sætið í Reykjavík.
Metnaðarfullur knattspyrnu-
félagsformaður
Sveinn Andri er mikill knatt­
spyrnuaðdáandi og stuðnings­
maður enska úrvalsdeildarknatt­
spyrnuliðsins Manchester United.
Hann hefur beitt sér í íslenskri knatt­
spyrnu en hann tók sæti í stjórn Knatt­
spyrnufélagsins Fram árið 1991 og
varð formaður félagsins á tímabilinu
1994 til 2000 en hann er gallharð­
ur stuðningsmaður félagsins og hef­
ur kallað það „Safamýrarstórveldið“.
Á formannstíma sínum í Fram gerði
hann nokkrar breytingar en meðal
þeirra var stofnun einkahlutafélags í
kringum meistaraflokk liðsins í knatt­
spyrnu karla. Hlutafélagið var stofnað
með góðri eiginfjárstöðu en það var
komið í miklar skuldir á afskaplega
skömmum tíma. Þá setti hann líka til
hliðar hugmyndir fyrirrennara síns í
formannsstóli félagsins um að færa
starfsemi félagsins úr Safamýrinni
austar í borgina. Meðal þeirra hug­
mynda sem Sveinn Andri hafði um
svæði félagsins í Safamýrinni var að
selja hluta lóðarinnar undir verslun­
armiðstöð þar sem hægt væri að hafa
knattspyrnuleikvang á þakinu. Versl­
unarmiðstöðin Kringlan stendur á
móti svæði Fram í Safamýrinni.
Ekki vinsæll alls staðar
Þó að Sveinn Andri eigi sér fjölda
aðdáenda, eins og Facebook­síða
hans sýnir glöggt, er hann umdeild­
ur. Hann hefur til að mynda nokkr­
um sinnum verið dæmdur brotlegur
gagnvart siðareglum lögmanna. „Ég
gerði þau mistök að fá Svein Andra
Sveinsson til að verja mig. Maður­
inn er ekki beint sá liprasti í sam­
skiptum, erfitt að ná í hann og hann
er sjaldnast tilbúinn eða með hlutina
á hreinu,“ segir óánægður skjólstæð­
ingur á bloggsíðu sem sett var upp í
þeim tilgangi að segja „sannleikann“
um Svein Andra sem lögmann. Á síð­
unni hefur verið tekin saman athyglis­
verð tölfræði sem sýnir glöggt að mál
sem Sveinn Andri hefur farið með fyr­
ir dóm hafa í stærstum hluta tilvika
tapast. Það gæti þó hugsanlega verið
vegna þess hversu mörg opinber mál
hann tekur að sér en mörg þeirra eru
ekki líkleg til að vinnast fyrir dómstól­
um.
Meðal þess sem kvartað hefur ver­
ið undan Sveini Andra af skjólstæð­
ingum hans er hversu erfitt sé að ná
í hann og óundirbúinn málflutn­
ingur. „Frávísun. Verð í sambandi,“
sagði hann meðal annars í SMS­skila­
boðum sem fyrrverandi skjólstæðing­
ur hans segist hafa fengið frá honum.
Sveinn segist hins vegar ekki hafa haft
samband við hann. Eftir réttan hálfan
mánuð hafi skjólstæðingurinn ítrek­
að reynt að ná sambandi við Svein og
í það eina skipti sem það hafi tekist
hafi hann sagst vera að skoða málið.
Svo langan tíma hafi tekið fyrir Svein
Andra að skoða málið að tveggja vikna
kærufrestur á úrskurði héraðsdóms
rann út.
Sveinn Andri hefur þó sagt í viðtali
við DV að hann sé í góðu sambandi
við skjólstæðinga sína. Aðspurður
um þá þekktu glæpamenn sem hann
hefur varið, eins og Jón Trausta Lúth­
ersson, fyrrverandi leiðtoga mótor­
hjólaklúbbsins Fáfnis, sagði hann ein­
faldlega að margir þeirra væru góðir
vinir hans. „Margir af þessum „saka­
mönnum“ eru mjög góðir vinir mín­
ir sem ég hitti reglulega.
Lykilatriðið er að verjandi
líti ekki á sig eins og hann
sé hafinn yfir sakborning­
inn. Ég kem fram við fólk
af virðingu og það kann
að meta það. Ég les ekki
yfir mönnum,“ sagði hann
í viðtalinu.
Grái fiðringurinn?
Sveinn Andri er fjögurra
barna faðir en hann eign­
aðist öll börnin með fyrr­
verandi eiginkonu sinni
Erlu Árnadóttur. Henni var
Sveinn Andri kvæntur í 14
ár en þau bjuggu saman í 17
ár. Eftir skilnaðinn grennt­
ist hann mikið. Þybbni fjöl­
skyldumaðurinn breyttist í
vöðvastæltan fola. Hann varð meira
áberandi í skemmtanalífi borgarinn­
ar og keypti sér hvítan sportbíl. Sveinn
varð áberandi í samkvæmislífinu og
kvennamál hans voru mikið rædd.
Stjörnulögmaðurinn á hvíta sport­
bílnum uppskar í senn aðdáun og
samúð þeirra sem fylgdust með um­
breytingunni.
Í vikunni tilkynnti hann svo að
hann eigi í ástarsambandi við fyrir­
sætuna Kristrúnu Ösp Barkardóttur
sem lengi var í tygjum við fótbolta­
kappann Dwight Yorke, en Kristrún
Ösp er 27 árum yngri en Sveinn Andri.
Mikill áhugi fjölmiðla á sambandi
þeirra tveggja hefur komið Sveini
Andra í opna skjöldu en á Facebook
setti hann inn eftirfarandi færslu: „er
hissa á áhuga fjölmiðla á sambandi
okkar Kristrúnar Aspar en það hlýt­
ur að vera vera út af henni en ekki
mér [hjarta]. Þakka góðar kveðj­
ur í dag.“
Í viðtali við DV sagði
Sveinn Andri að hann
hefði leitað til læknis
FjölskylduFaðirinn
sem fékk sér sportbíl
n Sveinn Andri Sveinsson skildi við konuna og léttist
n Opinberaði samband sitt við fyrirsætuna Kristrúnu Ösp
Barkardóttur í vikunni n Fór flatt á fjárfestingum í Decode
Aðalsteinn Kjartansson
blaðamaður skrifar adalsteinn@dv.is
Sexí-spinning Meðal þeirrar hreyfingar sem Sveinn Andri hefur sótt sér er sexí-spinning. MynD SKjáSKOt AF FAcEBOOK
Grár fiðringur? Sveinn Andri skildi við eiginkonu sína, fór að hugsa um útlitið og er núna í sam-
bandi með 27 árum yngri stúlku.