Dagblaðið Vísir - DV - 18.05.2012, Qupperneq 52

52 Stjórnmál 18.–20. maí 2012 Helgarblað
H
neykslismál hafa
löngum verið við­
loðandi heim stjórn­
málanna. Ekki er þar
með sagt að stjórn­
málamenn í meira mæli en aðr­
ir „lendi“ í hneykslismálum, en
þeir eru, eðli starfs síns sam­
kvæmt, opinberar persónur og
því berskjaldaðri en margur
annar hvað uppljóstranir varðar.
Hvað fólk telur til hneykslis
er eflaust æði misjafnt. Sumir
myndu telja hneyksli að þing­
maður stígi ölvaður í ræðustól
á Alþingi, aðrir að dæmdur af­
brotamaður eigi afturkvæmt á
Alþingi. Víst má til sanns veg­
ar færa að hneykslismálin geta
verið öllu alvarlegri en framan­
greind dæmi, til dæmis þegar
um er að ræða fjölþreifni hátt­
settra stjórnmálamanna. Slíkt
þykir ekki góð latína í landi
hinna frjálsu og hugrökku,
Bandaríkjunum, ekki einu sinni
þó um sé að ræða fullt sam­
þykki þeirra aðila sem bendl­
ast við slíkt. Frakkar líta hliðar­
spor sinna stjórnmálamanna
ekki jafnalvarlegum augum og
Bandaríkjamenn þó þeim, að
sjálfsögðu, hugnist ekki kyn­
ferðislegt ofbeldi af hálfu nokk­
urs manns.
Mikið kvennagull – eða
hvað?
Newt Gingrich heitir bandarísk­
ur stjórnmálamaður sem nýlega
naut nokkurrar umfjöllunar
vegna áhuga síns á forsetaemb­
ætti Bandaríkjanna. Gingrich
vonaðist til að hljóta tilnefningu
Repúblikanaflokksins en sá að
hann hefði ekki erindi sem erf­
iði.
Hvað sem þeim draum hans
líður þá hafa „einkamál“ hans
vakið einhverja eftirtekt, enda
virðist sem hann kalli ekki allt
ömmu sína hvað kvennamál
varðar og væri án efa kallað­
ur dækja (e. slut) ef hann væri
kvenmaður.
Í hnotskurn var málum svo
háttað hjá Newt Gingrich að á
meðan hann var enn í hjóna­
bandi með eiginkonu sinni
númer tvö, Marianne Ginther,
(sem reyndar var hjákona hans
meðan hann var kvæntur eig­
inkonu númer 1, Jackie Batt­
ley) hóf hann ástarævintýri með
starfskonu bandaríska þings­
ins, Callistu Bisek. Callista Bi­
sek varð síðan eiginkona hans
númer 3.
Að sögn Marianne fór Ging­
rich fram á skilnað eftir að hún
vísaði á bug þeirri hugmynd
hans að þau byggju við opið
hjónaband.
Lygamörður með meiru
Lærlingur í Hvíta húsinu, Mon­
ica Lewinsky, komst að því að
Bill Clinton, forseti Bandaríkj­
anna og einn valdamesti mað­
ur heims á þeim tíma, 1998, var
ekki allur þar sem hann var séð­
ur. Monica fullyrti á þeim tíma
að hún hefði í allnokkur skipti á
árunum 1995 til 1997 tekið þátt
í kynferðislegum athöfnum með
forsetanum fláráða.
Fláráða segi ég því hann nýtti
öll þau meðul sem hann hafði
yfir að ráða til að vísa þeim full­
yrðingum á bug og þannig gera
Monicu ótrúverðuga.
En málið vatt upp á sig og
brátt var Bill Clinton flækt­
ur í eigin lygavef líkt og fluga í
köngulóarvef.
Að sögn Monicu hafði ver­
ið um að ræða hinar ýmsu
kynferðislegu athafnir aðrar en
beint samræði og blönduðust
vindlahylki inn í þessar safaríku
umræður sem tröllriðu heims­
byggðinni.
Bill Clinton var ákærður fyr­
ir að hafa borið ljúgvitni um
málið, en var síðan sýknaður
af þeim ákærum. Monica Lew­
insky hefur hin síðari ár reynt af
fremsta megni að forðast sviðs­
ljósið.
Ástarævintýri herra
alheims
Sumum kann að finnast sem
hjónaband Arnolds Schwarzen­
egger, leikara og fyrrverandi
ríkisstjóra Kaliforníu, og Mariu
Shriver hafi enst ótrúlega lengi
miðað við þær sviptingar sem
virðast einkenna hjúskaparmál
þar vestur frá.
Í aldarfjórðung voru
skötuhjúin gift og ekki virtist
sem þar bæri skugga á. En ekki
er allt sem sýnist. Arnold hafði
nefnilega leikið tveimur skjöld­
um til langs tíma – verið úlfur í
sauðargæru og ekki haft fyrir því
að leita bráðar of langt frá gren­
inu.
Um mitt síðasta ár ljóstraði
Los Angeles Times því upp að
Arnold hefði eignast son utan
hjónabands um fjórtán árum
áður og móðirin væri eng­
in önnur en Mildred Patricia
„Patty“ Baena.
Margir hváðu eflaust þeg­
ar nafn ástkonunnar var gert
opinbert, enda ekki um frægð­
arkvendi að ræða heldur heim­
ilishjálp Arnolds og Mariu til 20
ára. Arnold hafði keypt handa
Patty fjögurra herbergja hús
með sundlaug árið 2010. Að
sögn Patty var hún bara ein af
mörgum og hefur leikkonan
Birgitte Nielsen, fyrrverandi frú
Stallone, upplýst að hafa átt ást­
arævintýri með honum eftir að
samband hans og Mariu Shri­
ver hófst. Unnið er að skilnaði
þeirra um þessar mundir.
Svipur, búr og ýmisleg
annað
Það getur verið mikið áhættu­
spil að sækjast eftir opin­
beru embætti eða vel launaðri
stöðu í henni Ameríku – og
reyndar víðar eins og dæmin
hafa sannað. Jack heitir maður
nokkur Ryan. Árið 2004 lang­
aði Jack mikið til að fá sér sæti
í öldungadeildinni fyrir Illin­
ois, enda sætið ekki upptekið.
Á lokasprettinum var það eng­
inn annar en núverandi for­
seti Bandaríkjanna, Barack
Obama, sem slóst við Jack um
hituna.
Í kjölfarinu var skilnað­
ur hans og leikkonunnar Jeri
Ryan sem höfðu látið gott heita
árið 1999. En í heimullegum
skilnaðarskjölum var ýmislegt
fróðlegt að sjá – að einhverra
mati – og á meðal annarra fór
Chicago Tribune fram á að
skjölin yrðu gerð opinber. Um
síðir var hluti þeirra opinber­
aður þvert á vilja Jeri og Jack
og í ljós kom ýmislegt sem ekki
telst til framdráttar verðandi
öldungadeildarþingmanni.
Í skjölunum var haft eftir
Jeri að Jack hefði farið þess á
leit að hún viðhefði kynferðis­
legar athafnir í kynlífsklúbb­
um í New York, New Orleans
og París – í klúbbum sem Jeri
sagði vera „afkáralega klúbba
með búrum og svipum og öðr­
um tækjum hangandi niður úr
loftinu“.
Ryan dró sig út úr kapp­
hlaupinu um hið auða sæti fyr­
ir Illinois í öldungadeildinni
bandarísku.
Ó Donna
Hér fyrr meir söng mexíkósk/
bandaríski söngvarinn Richie
Valens ástaróð til sinnar heitt­
elskuðu; Ó Donna. Richie Val­
ens kemur reyndar ekki frekar
við sögu hér, en Donna nokkur
mun hins vegar koma lítillega
við sögu.
Árið 1987 virtist sem demó­
kratinn Gary Hart stæði með
pálmann í höndunum í slagn­
um um forsetaembættið í
Bandaríkjunum í það minnsta
hvað Demókrataflokkinn varð­
aði. Fljótlega eftir að Hart til­
kynnti um framboð sitt fengu
sögusagnir um framhjáhald af
hans hálfu vængi.
Gary Hart henti gaman að
sögusögnunum og sagði að
fréttamenn myndu fljótt verða
leiðir á að leita að einhverju
sem ekki væri.
Fréttamennirnir tóku
áskoruninni og eins og við var
að búast hnutu þeir fyrr en
varði um sönnunargögn um
ótryggð Harts.
Þann 5. maí fékk blaðið
Miami Herald í hendurnar
ljósmynd af Gary Hart og ljós­
hærðri konu sem ekki var eig­
inkona hans. Fylgdi myndinni
sú fregn að Hart hefði eytt nótt­
inni í félagsskap konunnar um
borð í snekkju sem hét því við­
eigandi nafni Monkey Busi­
ness, sem gæti útlagst Apaspil
á okkar ylhýra.
Hver veit nema Hart hafi
andvarpað: „Ó Donna,“ þeg­
ar upp um hann komst. Hart
varðist hetjulega og ákvað að
láta ekki deigan síga fyrr en
hann hafði beðið afhroð í for­
kosningunum í New Hamp­
shire í mars 1988.
Heimildir: msn.com,
wikipedia og fleiri miðlar.
Flærð og fjölþreifni
„ … í klúbbum
sem Jeri sagði
vera „afkáralega
klúbba með búrum
og svipum og öðrum
tækjum hangandi
niður úr loftinu“.
n Ófáir stjórnmálamenn hafa flækst í hneykslismál n Flest tengjast hvílubrögðum
Newt Gingrich og eiginkona númer 3 Gingrich var ekki við eina fjölina felldur, svo ekki sé meira sagt.
Lærlingurinn og forsetinn árið 1995 Tími Monicu Lewinsky í návist
Bills Clinton varð henni dýrkeypt lexía.
Leitaði ekki langt frá greninu Arnold Schwarzenegger greip til heim-
ilishjálparinnar Patty í harðindum.
Vildi eitthvað annað en eiginkonan Jack Ryan og eiginkonan Jeri litu
kynlíf ekki sömu augum.
Ó Donna Gary Hart fór flatt á því í forsetaslagnum 1988 að láta grípa sig
glóðvolgan með ungri blómarós, Donnu Rice.