Dagblaðið Vísir - DV - 01.08.2012, Blaðsíða 22
OPNAR SÝNINGU Í LOKA
E
ftir að hafa haldið
heimili í Lúxemborg
í á sjöunda ár ákváðu
Guðrún Benedikta El-
íasdóttir listakona og
Kristján Gíslason eiginmaður
hennar að halda heim á leið.
Breyttir fjölskylduhagir vógu
þar þyngst, en börn þeirra eru
uppkomin og búsett á Íslandi
auk þess sem Rúna, eins og
Guðrún er kölluð, og Kristján
urðu þeirrar hamingju aðnjót-
andi að eignast barnabarn fyr-
ir skömmu og hugnast ekki að
vera langdvölum fjarri ástvin-
um sínum. Í Lúxemborg starf-
aði Kristján í fjármálageiran-
um en Rúna sinnti listsköpun
af miklum móð, en Rúna út-
skrifaðist með B.Ed-gráðu frá
Myndlista- og handíðaskólan-
um árið 1987.
Óhætt er að segja að hjón-
in snúi heim með stæl, eins
og sagt er, því tvær myndlist-
arsýningar munu varða heim-
komu þeirra. Önnur sýningin,
Umbreyting, verður haldin á
Café Loka við Lokastíg og verð-
ur opnuð í dag, miðvikudaginn
1. ágúst, klukkan 17:30, og hin,
Umbreytingar/Transitions
verður sett upp síðdegis sama
dag í Kex Hostel, en formleg
opnun þeirrar sýningar verð-
ur 10. ágúst klukkan 22:00
með fulltingi hljómsveitar-
innar Fræbbblanna. Á Menn-
ingarnótt verður Rúna á sýn-
ingu sinni á Café Loka, milli
klukkan 14 og 16.
Um þessar mundir er Rúna
að auki með eina opna sýningu
í Innsbruck í Austurríki og verk
hennar má einnig berja augum
í galleríum í Lúxemborg.
Þéttriðið net listamanna
„Mesti munurinn liggur í að-
gengi að listasýningum um
gjörvalla Evrópu,“ segir Rúna
aðspurð um muninn á því að
vera starfandi listamaður á Ís-
landi annars vegar og í Lúxem-
borg hins vegar. „Það er ein-
falt mál að sækja um aðkomu
að listasýningum á meginlandi
Evrópu, síðan fyllir maður bíl-
inn með verkunum og ekur
af stað, í stað þess að búa um
verkin í flutningagám eða í
flugfrakt, fylla út tollaskýrslu,
pappíra og allt sem slíku fylgir.“
Annað sem Rúna nefnir til
sögunnar eru lista messur þar
sem kemur saman fjöldi lista-
manna og kynnir list sína. „Slík-
ar messur eru tíðar erlendis og
á þeim gefst listamönnum ekki
aðeins tækifæri til að kynna list
sína, heldur einnig að mynda
tengsl við aðra listamenn. Þau
tengsl kunna í framhaldinu að
opna dyr að sýningum í öðr-
um Evrópulöndum, sýningum
sem aftur leggja grunn að nýj-
um kynnum og tengslum sem
að lokum mynda þéttriðið net
listamanna,“ segir Rúna.
Aska úr Eyjafjallajökli
Uppistaða sýninganna tveggja
er afrakstur síðustu tveggja ára,
segir Rúna. Verkin eru af svipuð-
um toga, en stærri verkin verða á
sýningunni sem haldin er á Kex
Hostel, og eru unnin með að-
ferð sem nefnist „Patine au vin
+ cendres de volcan“. Aðferðin
byggir, í grófum dráttum, á
notkun mjólkur, eggja, hvítvíns,
sykurs og ösku úr Eyjafjallajökli í
bindiefnið og litum bætt saman
við. „Enda höfðu franskar kon-
ur á orði á art-metz listamessu í
Frakklandi að þetta líktist meira
kökuuppskrift en einhverju
öðru,“ segir Rúna og hlær.
Verkin skírskota til Íslands
og að sögn Rúnu er ástæða
þess ekki flókin. „Ég hef upp-
lifað að því lengur sem ég var
fjarri Íslandi þeim mun ís-
lenskari urðu verkin mín og
áhrif að heiman sterkari í verk-
unum; einhver hughrif og
minningar sem dormað hafa í
huga mér vakna og taka á sig
mynd; einhvers konar söknuð-
ur, kannski,“ segir Rúna og
bætir hlæjandi við: „Eins gott
að flytja heim áður en ég fer að
mála eingöngu íslenska fossa
eða eitthvað viðlíka.“
Kristján hendir orð Rúnu á
lofti: „Þetta er staðreynd. Við
höfum hitt fjölda útlendinga
sem sýnt hafa okkur ljósmynd-
ir frá Íslandi og geta vart orða
bundist yfir því landslagi og
sérkennum sem við erum jafn-
vel hætt að sjá. Eftir langa dvöl
fjarri Íslandi þá nánast varð
maður klökkur við að skoða
þessar myndir.“
Orðin Lúxari
Glöggt er gests augað, er
stundum sagt og Rúna undir-
strikar orð Kristjáns: „Árið
2010 tókum við þátt í lista-
messu – art-metz 2010 í Frakk-
landi – og vorum þar með bás,
en þess utan urðum við nán-
ast eins og sendifulltrúar, eða
ferðaskrifstofufólk fyrir Ís-
lands hönd; auglýstum landið
og spiluðum tónlist Sigur Rós-
ar og þar fram eftir götunum.“
Þess má til gamans geta að á
þeirri sýningu var sérstaklega
til þess tekið að Rúna væri eini
listamaðurinn frá Lúxemborg.
„Allt í einu var ég orðin Lúxari,“
segir Rúna óræð á svip.
Rúna hefur orðið þess
heiðurs aðnjótandi að taka þátt
í tveimur sýningum á vegum
Cercle Artistique de Luxem-
bourg, CAL, – samtaka lista-
manna af ýmsum toga sem
hafa verið við lýði allar götur frá
stofnun þeirra árið 1893. Síð-
an 1896 hafa samtökin haldið
árlega sýningu, Salon de CAL,
og þykir afar eftirsóknarvert
að fá inni á henni. Átta manna
nefnd skipuð listamönnum, list-
fræðingum og gagnrýnendum
frá fjórum löndum metur, svo
fyllsta hlutleysis sé gætt, um-
sóknir til þátttöku á sýningum
Salon de CAL.
Rúna tók þátt í sýningu
Salon de CAL árið 2010 og
einni í fyrra og hyggst sækja
um á næstu sýningu á þeirra
vegum. „Það er ekki aðeins
heiður að fá inni á sýning-
um Salon de CAL, heldur er
málum þannig háttað að eftir
að hafa tekið þátt í sýningum
Salon de CAL þrisvar sinn-
um þá verður maður fullgild-
ur meðlimur samtakanna, og
því til mikils að vinna,“ segir
Rúna.
kolbeinn@dv.is
Byggir á ást-
um ömmu
sinnar
Klingivals er fyrsta bók-
in í samnefndum þríleik
dönsku skáldkonunnar
Jane Aamund og er komin
út á vegum Urðar bókafé-
lags. Jane Aamund er einn
þekktasti rithöfundur Dana
nú um stundir. Hún hefur
skrifað fjölda skáldsagna og
sækir efnivið sinn í litríka og
ævintýralega sögu fjölskyldu
sinnar. Í bókinni Klingivals
byggir Jane á ástum ömmu
sinnar, Júlíönu Jensen. Saga
Jane var færð á hvíta tjaldið
árið 1999 og var leikstýrt af
Hans Kristensen.
Brenner og
Ritter í Gall-
erí Dverg
Sýningin Mapping 10
minutes eftir þýsku lista-
mennina Susanna Brenner
og Felix Ritter markar 10 ára
starfsafmæli sýningarrýmis-
ins Gallerí Dvergs.
Hún er aðeins opin í tvo
daga auk opnunardagsins 3.
ágúst; laugardag og sunnu-
dag 4. og 5. ágúst kl. 18.00–
20.00
Listamennirnir verða
viðstaddir opnun sýningar-
innar.
Sigríður
syngur Kurt
Weill
Í dag, miðvikudaginn
1. ágúst, syngur söngkonan
góðkunna Sigríður Thor-
lacius dagskrá með lögum
þýska tónskáldsins Kurts
Weill á Café Rosenberg. Með
henni leikur kvartett skip-
aður Kristjáni Karli Braga-
syni píanó leikara, Grími
Helgasyni klarinettuleik-
ara, Hafdísi Vigfúsdóttur
flautuleikara og Ástu Maríu
Kjartansdóttur sellóleikara.
Tónleikarnir eru forsmekk-
urinn að því sem boðið verð-
ur upp á á tónlistarhátíðinni
Bergmál á Dalvík sem haldin
verður í þriðja sinn dag-
ana 6.–9. ágúst. Tónleikarn-
ir á Café Rosenberg hefjast
klukkan 21 og er aðgangs-
eyrir 2.000 krónur. Frekari
upplýsingar um Tónlistarhá-
tíðina Bergmál má finna á
bergmal.com.
„Enda höfðu
franskar kon-
ur á orði á art-metz
listamessu í Frakk-
landi að þetta líktist
meira kökuuppskrift
en einhverju öðru.
n Rúna á heimleið eftir sex ára dvöl í Lúx n Opnar tvær sýningar
22 Menning 1. ágúst 2012 Miðvikudagur
Grjót úr hlíðum Grábrókar Malað grjót verður að efnivið í list Rúnu.
Guðrún Benedikta Elí-
asdóttir Er flutt aftur til Íslands
eftir sex ára dvöl í Lúxemborg.
Mynd EyÞór árnAsOn
Impact gigantesque Náttúruöflin eru Rúnu hugleikin.