Dagblaðið Vísir - DV - 20.08.2012, Page 6

Lauguðu Timur í glitögnum
n Róttækir kynvillingar heimsóttu prest
B
leiki hnefinn heimsótti Rúss­
nesku rétttrúnaðarkirkjuna á
laugardag og þar áttu fulltrúar
hans að eigin sögn góða stund
með presti kirkjunnar, séra Timur
Zolotuskiy. Bleiki hnefinn er aðgerða­
hópur róttækra kynvillinga.
Fluttu þeir honum regnboga­
boðorðið, lauguðu hann glitögnum,
frelsuðu hann til ástar og umburðar­
lyndis í garð allra, óháð kynhneigð
og kynvitund, en myndband af gjörn­
ingnum má skoða á DV.is. Með athöfn­
inni vildi Bleiki hnefinn ræða við séra
Timur um umdeilda auglýsingu sem
hann lét birta í Fréttablaðinu um síð­
ustu helgi, á baráttudegi hinsegin
fólks. Timur Zolotuskiy lét sjálfur birta
auglýsingu gegn „kynvillu“ í Frétta­
blaðinu en að hans sögn ber kirkjan
ekki ábyrgð á því. Timur sagðist hafa
gert þetta undir nafnleynd vegna þess
að honum þætti óviðeigandi að setja
nafn sitt undir „orð guðs“.
Auglýsingin birtist sama dag og
gleðigangan var farin um miðborg
Reykjavíkur en í henni stóð meðal
annars: „Hvorki munu saurlífismenn
né skurðgoðadýrkendur, hórkarl­
ar né kynvillingar, þjófar né ásælnir,
drykkjumenn, lastmálir né ræningj­
ar Guðs ríki erfa.“ Er þetta tilvitnun í
þýðingu á Kórintubréfi úr Biblíunni
og hefur auglýsingin verið mjög gagn­
rýnd og þykir hafa flutt mjög haturs­
fullan boðskap.
Bleiki hnefinn segir að Timur hafi
tekið boðskap og skilaboðum þeirra
mjög vel og segir að fastlega sé búist
við því að ummæli hans í garð hinseg­
in fólks verði framvegis mun vinsam­
legri en verið hefur.
Skilaboðin sem Timur voru send
voru eftirfarandi: „Í nafni ástarinn­
ar tilkynnist það, séra Timur, að þú
ert endurfæddur til þjónustu frið­
ar, virðingar og ástúðar handa öllum
einstaklingum, óháð kynhneigð eða
kynvitundar.“ 
(e. „In the name of love we
pronounce you, prior Timothy, re­
born in the service of peace, respect
and affection for all individuals,
irrespective of sexual orientation or
gender identity.“)
astasigrun@dv.is
6 Fréttir 20. ágúst 2012 Mánudagur
Gekk óvenju vel
Ég verð að segja að það hafi bara
gengið mjög vel,“ segir Guð­
mundur Birgir Halldórsson, við­
burðastjórnandi Menningar­
nætur um hátíðina. Um 50.000
manns voru í miðbænum síðdegis
á laugardag en samkvæmt lög­
reglunni á höfuðborgarsvæðinu
voru þar 80.000 um kvöldið.
„Eftir því sem ég hef heyrt hef­
ur gengið vel hjá öllum. Mikil já­
kvæðni í gangi og veðrið skemmdi
nú ekki fyrir,“ segir Guðmundur.
Hann segir að aðstandendur há­
tíðarinnar hafi lagt áherslu á að
fólk notaði strætó svo að betra að­
gengi væri fyrir alla aðila, svo sem
lögreglu og sjúkralið.
Hann segir að reynt hafi verið
að dreifa atriðunum um daginn.
„Mér fannst það framan af degi
gaman að sjá hvernig fólk var
dreift um svæðið. Persónulega
mundi ég áætla að fólk hafi ver­
ið lengur í bænum en á undan­
förnum árum, komið fyrr og verið
lengur í bænum. Það er mín tilf­
inning.“
„Það eru flestir sammála því að
þetta hafi verið óvenju vel heppnuð
Menningarnótt. Mér finnst margir
hafa sagt að það hafi líka verið
óvenju jákvæð stemning hjá öllum í
bænum,“ segir Guðmundur.
Varð fyrir árás
innbrotsþjófs
Húsráðandi í Reykjanesbæ
vaknaði við að karlmaður var
að brjóta glugga í útihurð á
húsi hans og komst þannig inn
á laugardagskvöld. Húsráð­
andinn gekk á hljóðið og mætti
manninum í anddyrinu. 
Innbrotsþjófurinn tók sig
þá til og réðst á húsráðanda og
voru nokkur átök þeirra í milli,
en svo flúði innbrotsþjófur­
inn af vettvangi. Lögreglan á
Suðurnesjum leitar hans nú. Þá
réðust þrír karlmenn á mann
í Hafnargötu í Reykjanesbæ á
laugardagskvöld. Þeir létu högg
og spörk dynja á manninum
sem var í slæmu ásigkomulagi
þegar lögreglu bar að garði.
Hann er þó ekki alvarlega slas­
aður, en þremenningarnir gistu
fangageymslur og biðu yfir­
heyrslu á sunnudagsmorgun.
Frelsaður Séra Timur Zolotuskiy var frelsaður til ástar og umburðarlyndis í garð allra.
Keyrði á hóp
af kindum
Bifreið var ekið á fimm kindur
á Snæfellsvegi í Kolbeinsstaða­
hreppi um klukkan 11 á laugar­
dagskvöld. Fjórar þeirra drápust
við áreksturinn en þá fimmtu
þurfti að aflífa á staðnum.
Samkvæmt upplýsingum frá
lögreglunni á Borgarnesi gaf öku­
maðurinn sig fram fljótlega eftir
atvikið. Aðkoman var ljót en eftir­
málar verða líklega engir af slys­
inu. „Sums staðar er bannað að
vera með rollur við vegi og sums
staðar ekki, og ef svo vill til að hún
hleypur fyrir þig og þú keyrir á
hana þá er engin sekt eða eitthvað
álíka fyrir því,“ sagði varðstjóri lög­
reglunnar í samtali við DV.
B
ílaleigufyrirtæki njóta sér­
stakra fríðinda þegar bif­
reiðar þeirra eru fluttar til
landsins. Vörugjald á bíla­
leigubifreiðar er allt að fimm
sinnum lægra en á aðra bíla og í sér­
stökum undanþáguflokki. Sambæri­
leg undanþága gildir um leigubíla og
bifreiðar til ökukennslu og líkflutn­
inga. Til að fá undanþáguna þurfa
bílaleigufyrirtækin að mæta því skil­
yrði að næstu 15 mánuði eftir ný­
skráningu bifreiðar sé hún nýtt til
bílaleigu eins og lög kveða á um.
„Eins og reglurnar eru núna getur
hver sem er stofnað bílaleigu, keypt
fimm bíla á undanþágu frá vöru­
gjöldunum, átt þá í 15 mánuði, rúll­
að þeim á einhverjum samningum
og selt þá síðan,“ segir Gunnar Val­
ur Sveinsson, verkefnastjóri Sam­
taka ferðaþjónustunnar. Hann seg­
ist þó ekki vita til þess að neinn hafi
misnotað reglurnar með þessum
hætti. „Við höfum samt hvatt til þess
að lög og reglur um bílaleigur verði
endurskoðaðar með það að mark­
miði að gera reksturinn öruggari
fyrir kúnnann, staðbundið eftirlit
verði meira og bílaleigufyrirtæki fyr­
ir ferðamenn þurfi að byrja með ein­
hvern ákveðinn fjölda bíla,“ segir
hann.
Samkrull sölu og leigu
Hlutfall bílaleigubíla í innflutn­
ingi á nýjum ökutækjum hefur ver­
ið óvenjuhátt síðustu ár. Algengast
er að bílaleigufyrirtæki selji bíla á
haustin eftir að sumarvertíðinni lýk­
ur en samkvæmt heimildum DV er
sala á bílum ein helsta tekjulind bíla­
leigufyrirtækja. „Bílarnir koma inn á
lágu verði. Svo fara þeir á markað 15
mánuðum síðar, seldir á fullu verði
og bílaleigurnar stinga mismuninum
í vasann sem þær fengu eftirgefinn
frá ríkinu,“ segir Stefán Ásgrímsson,
ritstjóri FÍB­blaðsins.
Mikil tengsl eru milli þeirra fyr­
irtækja sem annast bílaleigu og
bílasölu hér á landi, en oft eru
eigendurnir þeir sömu. Bílaleigan
Sixt er í eigu Bílabúðar Benna og
Dollar Thrifty er í eigu Brimborgar.
Bílaleiga Akureyrar annast einnig
bílasölu og er með umboð á Akur­
eyri fyrir Heklu, Bernhard og Öskju.
Dregið hefur úr þessum tengslum
eftir hrun, en áður voru bílaleigurnar
Avis, ALP og Budget tengdar Ingvari
Helgasyni hf auk þess sem Magnús
Kristinsson var bæði eigandi bílaleig­
unnar Hertz og Toyota­umboðsins.
Lög frá Geir Haarde
Lækkun vörugjalds á bifreiðar má
rekja til ársins 2000. Frumkvæði að
lagabreytingunni kom frá Samtökum
ferðaþjónustunnar en Geir H. Haar­
de sem þá var fjármálaráðherra beitti
sér fyrir henni. Yfirlýst markmið
lagabreytingarinnar var að gera bíla­
leigum kleift að bjóða fjölbreyttara
úrval fólksbifreiða á lægra verði til
leigu fyrir erlenda ferðamenn. Stefán
Ásgrímsson efast um að markmiðið
hafi náðst að fullu: „Réttlætingin fyr­
ir lækkuninni var sú að bílaleigufyr­
irtæki á Íslandi væru svo dýr að þau
væru hreinlega hamlandi fyrir ferða­
mannaiðnaðinn. En ég sé ekki að
þetta hafi mikið breyst. Víðast hvar í
Evrópu er miklu ódýrara að taka bíl á
leigu en hér.“
Minna forskot
Sambærilegar undanþágur frá vöru­
gjöldum eru ekki veittar víða á Norð­
urlöndunum. Gunnar Valur telur þó
undanþáguna nauðsynlega. „Árs­
tíðasveiflan er miklu meiri hér en
annars staðar og því er rekstrarum­
hverfið erfiðara. Þessi undanþága er
náttúrlega forsenda þess að bílarnir
séu endurnýjaðir,“ segir hann. „Fjár­
bindingin í nýjum bílum er svo mikil
að fyrirtækin þurfa á þessu að halda
til að geta veitt góða þjónustu og
haldið verðinu ásættanlegu.“
Vörugjöld á bifreiðar miðast við
skráða losun koltvísýrings hvers öku­
tækis og er losunin mæld í grömm­
um á hvern ekinn kílómetra. „Koltví­
sýringslosun bíla fer minnkandi með
árunum. Því minni sem losunin er,
því minni verða vörugjöldin og for­
skot bílaleigufyrirtækja á almenn­
ing,“ segir Gunnar.
Bílaleigufyrirtæki
njóta sérkjara
n Fimmfalt lægri vörugjöld n „Stinga mismuninum í vasann“
„Eins og reglurnar
eru núna getur hver
sem er stofnað bílaleigu,
keypt fimm bíla á undan-
þágu frá vörugjöldunum,
átt þá í 15 mánuði, rúllað
þeim á einhverjum samn-
ingum og selt þá síðan.
Jóhann Páll Jóhannsson
blaðamaður skrifar johannp@dv.is
Gunnar Valur Verkefnastjóri Samtaka
ferðaþjónustunnar telur undanþáguna
nauðsynlega.
Stefán Ásgrímsson Ritstjóri FÍB-
blaðsins efast um að undanþágan hafi
skilað tilætluðum árangri fyrir neytendur.
Bílasala Ein
helsta tekjulind
bílaleigufyrir-
tækja.