Dagblaðið Vísir - DV - 05.11.2012, Blaðsíða 8
Bílaverkstæði
Varahlutaverslun
Smurstöð
Dekkjaverkstæði
Bremsur,
spindilkúlur,
stýrisendar,
o.fl., o.fl.
Allar gerðir
bætiefna fyrir
vél, drif
og gírkassa
www.bilaattan.is
Allt á einum stað
n Heilsuræktarstöðin Hress safnar fyrir móður sem á syni sem eiga erfið verkefni framundan
H
ann fæddist með sjúkdóm og
svo hefur hann farið versn-
andi með árunum. Bæði
nýrun eru nú hætt að starfa og
hann þarf að notast við kviðskilunar-
vél, segir Katrín Lilja Gunnarsdótt-
ir um son sinn Sævar Inga, 17 ára,
en nýru hans eru óstarfhæf og bíð-
ur hann eftir gjafanýra. Yngri sonur
Katrínar, Adam Ingi 8 ára, er dverg-
vaxinn og þarf að gangast undir
stóra aðgerð í mánuðinum.
Kviðskilun 5 sinnum á
sólarhring
Heilsuræktarstöðin Hress á Dalsvegi
í Hafnarfirði hélt á laugardaginn
svokallaða Hressleika 2012 til styrkt-
ar fjölskyldu Katrínar Lilju, en þetta
er í fjórða skiptið sem heilsuræktar-
stöðin heldur slíka leika til styrktar
góðu málefni í Hafnarfirði.
Hressleikarnir að þessu sinni
voru til styrktar Katrínu Lilju
Gunnarsdóttur og drengjunum
hennar tveimur sem báðir munu
glíma við erfið verkefni í framtíðinni.
Katrín býr ein með sonum sínum
tveimur í Hafnarfirði en Sævar Ingi
þarf að fara í kviðskilun fimm sinn-
um á sólarhring. Hann hefur verið
í kviðskilun í rúmt ár og mun þurfa
á henni að halda þar til að hann fær
nýtt nýra. „Hann útskrifaðist núna
á föstudaginn af spítalanum en þá
hafði hann legið þar inni í um átta
vikur samfellt. Við vorum búin að
reyna úrskrift tvisvar áður, annað
skiptið tókst okkur að vera heima í
fjóra daga, en í hitt skiptið náðum
við bara sex klukkutímum. Hann
útskrifaðist um daginn en var lagð-
ur aftur inn um kvöldið. Þannig að
við krossum bara putta núna í von
um að hann geti verið lengur heima.
Við gátum valið hvort að hann færi
í kviðskilun eða blóðskilun en okkur
var ráðlagt að velja kviðskilun því að
þá erum við svolítið frjálsari og get-
um verið meira heima, en blóðskil-
un fer alveg fram á sjúkrahúsi.“
Þrír boðist til að gefa nýra
Katrín Lilja segir misjafnt hversu
lengi einstaklingar þurfi að bíða eft-
ir að fá nýra. Slík aðgerð krefjist mik-
ils undirbúnings og það fylgi henni
mikil ábyrgð. „Það er mikilvægt að
hann sé sjálfur alveg tilbúinn því það
er svo mikið í húfi. Það þarf að sýna
mikla ábyrgð því það er svo auðvelt
að skemma þetta.“
Þrír einstaklingar hafa boðist til
að gefa Sævari Inga nýra, en þeir
eiga eftir að gangast undir læknis-
rannsóknir til þess að meta hvort
þeir sjálfir séu nógu heilsuhraust-
ir til þess að lifa með eitt nýra. „Það
eru þrjú sem hafa boðið sig fram til
þess að gefa honum og það er búið
að staðfesta að þau nýru passa. En
það á eftir að rannsaka fólkið sjálft,
hvort það sé nógu hraust til að gefa
nýra þannig að þetta er bara í ferli.
Hann er búinn að vera það mikið
veikur að við höfum ekkert verið að
ræða þetta mikið við hann, en við
erum svona að vonast til að þetta
geti orðið á næsta ári.“
Erfið aðgerð
Katrín Lilja segir yngri son sinn,
Adam Inga, vera hressan og sprækan
dreng þrátt fyrir fötlun sína. Frank
Höybye er faðir Adams Inga en hann
er einnig dvergvaxinn. Adam Ingi
þarf að gangast undir stóra og erf-
iða aðgerð á næstunni sem verður
til þess að hann mun þurfa að not-
ast við hjólastól í nokkra mánuði í
kjölfarið. „Hann fer 19. nóvember í
stóra aðgerð þar sem brotið verður
upp stórt bein og lögun þess lagfærð.
Það er gert því það er hætta á að
mjaðmakúlurnar fari út úr mjaðma-
skálunum og því þarf að breyta um
lögun á þeim til þess að koma í veg
fyrir það. Hann má ekki stíga í fæt-
urna í sex vikur eftir aðgerðina og
þarf því að vera í hjólastól í um þrjá
mánuði. Síðan tekur við sjúkraþjálf-
un og æfingar.“
Katrín Lilja er einstæð og vegna
aðstæðna fjölskyldunnar hefur hún
ekki tök á að vinna úti. „Ég get ekk-
ert unnið þar sem þetta er alveg full
vinna. Pabbi Adams er okkur þó mik-
ill stuðningur þannig að ég er ekkert
alveg ein í þessu. Þegar ég hef verið
mikið með Sævari Inga á spítalanum
hefur Frank verið mikið með Adam
og eins tekur hann fullan þátt í öllu
sem viðkemur aðgerðinni og slíku.“
Hún segist afar þakklát Hress fyrir
stuðninginn sem hún segir að muni
koma fjölskyldunni mjög vel.
Færri komust að en vildu
Linda Björk Hilmarsdóttir, fram-
kvæmdarstjóri Hress, segir að stöðin
hafi óskað eftir ábendingum á Face-
book-síðu sinni um verðugt mál-
efni til að styrkja og þar hafi borist
ábending um aðstæður Katrínar
Lilju. „Við fengum ábendingu frá
konu sem er vinkona Katrínar Lilju
á Facebook og hafði tekið eftir og
dáðst að jákvæðni hennar í öllum
erfiðleikunum. Ég skoðaði þetta
betur og komst þá fljótt að því að
hún Katrín er alveg ofboðslega heil-
steypt og frábær manneskja og á svo
sannarlega skilið að fá þennan pen-
ingastyrk frá okkur.“
Hressleikarnir fara þannig fram
að átta sex manna lið skrá sig til
leiks þar sem æft er í 15 mínútur í
senn á mismunandi stöðvum. Hver
og einn borgar 2.000 krónur til að
fá að taka þátt en allir starfsmenn
heilsuræktarinnar gefa sína vinnu
þann daginn. Það seldist upp á við-
burðinn í ár og færri komust að en
vildu. „Við gefum öll vinnuna okk-
ar þennan dag og það mega allir
mæta í vinnuna sem vilja. Öll laun
sem koma inn þennan dag renna í
söfnunina. Þetta er mjög skemmti-
legt og yndislegt sjá hvað allir eru
jákvæðir og tilbúnir til að leggja sitt
af mörkum.“
Linda Björk segist ekki vita
hversu mikið hefði safnast þar sem
ennþá væri verið að telja og taka á
móti frjálsum framlögum. Takmark-
ið hefði verið að safna um 600.000
þúsund krónum og hún vonast til
að takmarkið hafi náðst.
Hress hefur stofnað söfnunar-
reikning fyrir Katrínu Lilju og syni
hennar, Adam og Sævar. Þeir sem
vilja styrkja fjölskylduna geta lagt
inn á eftirfarandi reikning: 135-05-
71304, kt. 540497-2149. n
Synirnir þurfa hjálp
Hanna Ólafsdóttir
blaðamaður skrifar hanna@dv.is
„Hann út-
skrifaðist
núna á föstu-
daginn var af
spítalanum en þá
hafði hann legið
þar inni í um átta
vikur samfellt.
Mæðgin Katrín Lilja
Gunnars dóttir ásamt yngri
syni sínum, Adam Inga.
Kemur sér vel Linda Björk Hilmarsdóttir, framkvæmdarstjóri Heilsuræktarstöðvarinnar
Hress, afhendir Katrínu Lilju árskort í stöðina, en Katrín var leyst út með gjöfum ásamt því
að fá peningastyrk sem safnaðist á viðburðinum.
8 Fréttir 5. nóvember 2012 Mánudagur