Dagblaðið Vísir - DV - 05.11.2012, Blaðsíða 13

Erlent 13Mánudagur 5. nóvember 2012
n Bandaríkjamenn ganga til kosninga á þriðjudaginn n Dregið hefur úr sóknarþunga Mitt Romney
Obama með yfirhöndina
Óljóst: Ohio, Flórída,
Colorado, Iowa, Virginía,
New Hampshire.
Líklega Obama: Nevada,
Wisconsin, Michigan og Pennsylvaníu.
Líklega Romney:
Norður-Karólína og Arizona.
Ríkin sem ráða
úrslitum
n Einbeita sér að þeim ríkjum þar sem minnstu munar
n Sigur í Ohio er afar
þýðingarmikill
Í
flestum ríkjum Bandaríkjanna er
niðurstaða kosninganna á þriðju-
daginn þegar ljós. Til að mynda er
nær öruggt að Barack Obama fari
með sigur af hólmi í ríkjum á borð
við Kaliforníu og New York á meðan
Mitt Romney getur reitt sig á Texas og
Georgíu. Á síðustu mánuðum hefur
kosningabaráttan því nær eingöngu
snúið að þeim ríkjum þar sem mjótt
er á mununum. Þar keppast fram-
boðin nú við að verja síðustu dollur-
unum sem allra best auk þess sem
frambjóðendurnir tveir og makar
þeirra fljúga nær viðstöðulaust á
milli ríkjanna þar sem minnstu mun-
ar.
Af þessum ríkjum eru flestir kjör-
menn í Flórída (29) og Ohio (18). Eins
og sakir standa er líklegt að Romney
vinni í Flórída en Obama taki Ohio.
Flestir sérfræðingar eru á sama máli
um að sigri Obama í Ohio muni hann
búa áfram í Hvíta húsinu næstu fjög-
ur árin. Því er baráttan einstaklega
hörð þar á bæ en þess má geta að í
síðustu tólf forsetakosningum hefur
sigurvegarinn í Ohio alltaf unnið á
landsvísu. Önnur ríki þar sem staðan
er óljós eru Colorado (9), Iowa (6),
Virginía (13), New Hampshire (4)
og Norður-Karólína (15). Í því síð-
astnefnda má segja með nokkurri
vissu að Romney hafi yfirhöndina
en í hinum ríkjunum er líklegt að
Obama standi ögn betur.
Um helgina heimsótti Obama
heil sjö ríki. Varði hann mestum
tíma í Ohio, Flórída og Colorado
á meðan Romney beindi spjótum
sínum helst að Ohio og Iowa.
Í Bandaríkjunum er forseti kosinn í
óbeinum kosningum. Heildarmagn
atkvæða ræður ekki úrslitum heldur kýs
hvert ríki kjörmenn sem koma saman og
velja nýjan forseta en fjöldi kjörmanna
frá hverju ríki ræðst af íbúafjölda.
Kjörmönnum hvers ríkis er ekki úthlutað
í hlutfalli við atkvæðatölur í ríkinu heldur
hlýtur sá frambjóðandi sem fær þar flest
atkvæði alla kjörmenn viðkomandi ríkis.
Fjöldi kjörmanna í hinum ýmsu ríkjum er
nokkurn veginn í samræmi við kjósenda-
fjöldann en þó svolítið skekktur minni
ríkjum í hag.
Kjörmennirnir eru samtals 538 og því þarf
frambjóðandi að fá að minnsta kosti 270
kjörmenn til að sigra. Fái báðir frambjóð-
endur 269 kjörmenn
velur fulltrúadeild
Bandaríkjaþings
forseta og öldunga-
deildin varaforseta.
Þar sem útlit er
fyrir að repúblikanar
verði með meirihluta í fulltrúadeildinni og
demókratar í öldungadeildinni þýðir það
að öllum líkindum að Mitt Romney yrði
valinn forseti og Joe Biden varaforseti. Sú
staða hefur þó aldrei komið upp.
Kjörmannakerfið er og hefur alltaf verið
afar umdeilt í Bandaríkjunum. Á síðustu
tveimur öldum hafa verið lagðar fram
mörg hundruð lagabreytingartillögur
er varða breytingar á kjörmannakerfinu
og samkvæmt skoðanakönnunum vill
meirihluti landsmanna láta afnema
kerfið.
Hvor verður til vara?
Joe Biden, sitjandi varaforseti Banda-
ríkjanna, og Paul Ryan, varaforsetaefni
Repúblikanaflokksins,
áttust við í snörpum
kappræðum í
október. Ryan er
tæplega 27 árum
yngri en Biden.
Þurfa 270 kjörmenn
201 52 79 26 180
Öruggir Líklegir Óákveðnir Líklegir Öruggir
Í góðri stöðu Barack Obama er talinn
líklegur til að bera sigurorð af Mitt
Romney í kosningunum á
þriðjudaginn. Þó hef-
ur verið á brattann
að sækja fyrir
forsetann og
ljóst er að hinn
glæsilegi sigur
haustið 2008
verður ekki
leikinn eftir.