Dagblaðið Vísir - DV - 05.11.2012, Blaðsíða 23

Fólk 23Mánudagur 5. nóvember 2012
Engin dramadrottning
n Lára Rúnarsdóttir spilar með fjölskyldunni
É
g viðurkenni alveg að ég var svolítið
stressuð. Það er alltaf spennandi
að sjá hvernig fólk tekur nýju efni
og hvernig hljómsveitinni geng­
ur að koma því frá sér. En sem betur fer
er þetta rosalega gott band þar sem all­
ir eru með sitt á hreinu, segir tónlistar­
konan Lára Rúnarsdóttir sem tók virkan
þátt á Airwaves­tónlistarhátíðinni þar
sem hún frumflutti efni nýju plötunnar
sinnar, Moment, sem kom út á dögun­
um.
Á plötunni sýnir Lára á sér myrkari
og jafnvel djarfari hliðar. „Platan er
melódísk en dekkri en hinar og hljóð­
heimurinn sömuleiðis. Ég hef alltaf ver­
ið svolítið myrk en síðan ég gaf út síð­
ustu plötu hef ég verið að vinna í sjálfri
mér og kryfja þessa dökku hlið og leyfa
henni að vera til. Ég er hætt að forðast
að vera svona dramatísk eins og ég er,“
segir hún en bætir við að hún sé samt
engin dramadrottning. „Alls ekki. Ég er
bara tilfinningarík. Ég er ekkert að skella
hurðum og öskra á manninn minn.
Dramatíkin brýst eingöngu fram í tón­
listinni. Mér finnst ég vera búin að finna
mig í tónlistinni. Ég er að gera þetta frá
hjartanu og meina hvert orð. Ég er ekk­
ert að kasta til hendinni, þetta er allt út­
hugsað.“
Í hljómsveitinni sem spilar með
Láru er bæði að finna manninn henn­
ar, Arnar Þór, og systur hennar, Margréti
sem og kærasta systur hennar, Birki
Rafn. Margrét og Birkir mynda auk þess
saman sveitina Foreign Mona. „Systir
mín syngur bakraddir hjá mér og mað­
urinn hennar spilar á gítar. Þau kynnt­
ust í gegnum bandið og eru nú að gera
plötu saman. Maðurinn minn spilar svo
á trommur og gamall fjölskylduvinur á
bassa. Mér finnst ótrúlega gott að hafa
þetta svona innan fjölskyldunnar. Þetta
er endalaus virðing, ást og vinátta sem
er svo ótrúlega mikils virði. Sumir halda
að svona tengsl séu ávísun á drama en
það er alls ekki þannig. Þetta verður
bara allt miklu þægilegra,“ segir Lára en
viðurkennir aðspurð að samband þeirra
systra hafi ekki alltaf verið svo gott. „Hún
er fimm árum yngri en ég en við höfum
samt aldrei rifist og sambandið verð­
ur alltaf betra og betra á milli okkar. Við
erum líka svo hrikalega líkar og eigum
sömu áhugamál. Við skiljum hvor aðra;
erum líkir karakterar.“ n
n Danshópurinn Rebel ætlar sér að ná enn lengra í Dans dans dans en í fyrra
Á
kveðni okkar og vilji varð til
þess að við settum okkur í
samband við rétta fólkið. Við
erum mjög dugleg að koma
okkur á framfæri og hafa sam­
band við réttu aðilana. Þetta var
alveg hrikalega gaman. Höllin var
troðfull og sveitt og skemmtileg
stemming, segir Olga Unnars dóttir
dansari um þá lífsreynslu að hafa
hitað upp fyrir rapparann Busta
Rhymes.
Olga og danshópurinn hennar,
Rebel, taka þátt í dansþættinum
Dans dans dans. Hópurinn keppti
líka í fyrra og komst í úrslit. „Við
erum staðráðin í að gera betur í ár,“
segir Olga en Rebel samanstendur
af sex dönsurum á aldrinum 21 til
25 ára. Olga segir nýja atriðið meira
í ætt við nútímadans. „Andrúms­
loftið er líka dularfyllra. Spennan
er öðruvísi. Við viljum hafa skýrari
sögu sem hittir betur í hjartastað
hjá því fólki sem horfir á RÚV. Við
erum náttúrulega reynslunni ríkari
frá því í fyrra og notum þá reynslu
til að komast enn lengra. Helga
Ásta semur aðallega fyrir hópinn í
ár en það er líka mikil samvinna í
hópnum við að fá mynd á endan­
lega útkomu.“
Hún segir samkeppnina í ár
mjög harða. „Hópurinn er rosalega
sterkur í ár og ennþá sterkari en í
fyrra. Það er fjöldi flottra einstak­
linga en við höfum smá sérstöðu
því við erum blandaður hópur af
stelpum og strákum. En þetta verð­
ur hörð samkeppni.“
Olga segir samstarf innan Rebel
ganga vel enda séu meðlimir hóps­
ins vinir utan dansins. „Við erum
öll bestu vinir og eigum vel saman
þótt við komum úr ólíkum áttum.
Við erum bara eins og fjölskylda
enda saman upp á hvern einasta
dag. Við skemmtum okkur saman
og pössum að halda léttleikanum
innan hópsins. Þetta er ekki bara
vinna.“
Aðspurð segir hún sigur í keppn­
inni myndi breyta miklu fyrir hóp­
inn. „Það er ekkert grín að vera
dansflokkur á Íslandi. Verðlauna­
féð myndi styrkja okkur. Þá gætum
við sett fjármagn í að gera enn
flottari atriði. Hjá okkur snýst þetta
fyrst og fremst um að skemmta og
koma fram. Við erum með háleit
markmið og langar að fara utan og
sýna þar. Ef okkur gengur vel í Dans
dans dans ætlar hópurinn til Los
Angeles og taka þátt í dansfesti­
vali þar sem bestu danshöfundar
og dansarar taka þátt. Það er okkar
markmið, að fara út og sýna okkar
sérstöðu. Dansheimurinn er svo
stór í Los Angeles.“ n
indiana@dv.is
Samkeppnin enn harðari
Tilfinningarík Lára segist
búa til tónlist frá hjartanu
og meina hvert orð.
Rebel Hópurinn hitaði
upp fyrir rapparann
Busta Rhymes þegar
hann heimsótti landið.
Olga Olgu og félaga í
Rebel langar að reyna
fyrir sér í Los Angeles.
Mynd PRessPHOtOz
Stormur
kom í
stormi
Orri Páll Dýrason, trommuleikari
hljómsveitarinnar Sigur Rósar og
Lukka Sigurðardóttir eiginkona hans
eignuðust sitt annað barn saman á
föstudaginn en fyrir á Orri eitt barn.
Drengurinn hafði látið bíða eftir sér
en settur komudagur hans í heim­
inn var síðastliðinn mánudag. Lík­
lega hefur drengurinn sem hafði
þremur mánuðum fyrir fæðingu
sína hlotið nafnið Jón Stormur, verið
að bíða eftir storminum sem geisaði
um allt land á fæðingardegi hans.
Orri gerði sér svo lítið fyrir og spil­
aði fyrir troðfullri Laugardalshöll á
sunnudaginn en það var endapunkt­
ur vel heppnaðrar Iceland Airwaves­
hátíðar. Hljómsveitin hefur ekki spil­
að á hátíðinni í ellefu ár og því var
mikil spenna fyrir tónleikunum.