Dagblaðið Vísir - DV - 28.11.2012, Blaðsíða 6

S
amkvæmt heimildum
DV er Landsbankinn í
viðræðum við Daníel Frey
Atlason, auglýsingamann
og eiganda vefsíðunnar
Live Project, um kaup á nærri 5.000
fermetra húsnæði bankans við
Laugaveg 77. Er ætlunin að breyta
húsnæðinu í hótel sem samkvæmt
heimildum DV gengur undir nafn­
inu Niceland. Bankinn auglýsti hús­
næðið til sölu í byrjun apríl á þessu
ári. Því má segja að sala á því hafi
dregist töluvert. Húsnæðið er í eigu
Landsbankans en það hýsir útibú
bankans auk starfsemi kortafyrir­
tækisins Valitor.
Þegar DV hafði samband við
Daníel játaði hann að hafa sýnt
eigninni áhuga. „Staðan er þannig
núna að ég vil sem allra minnst
tjá mig um það,“ sagði Daníel hins
vegar. Ekki væri tímabært að segja
nánar frá þessu.
Talið er að tilboð Daníels í fast­
eignina hljóði upp á 900 milljónir
króna. Framkvæmdakostnaður við
að breyta húsnæðinu í hótel verði
varla undir 500 milljónum króna.
Því er um að ræða fjárfestingu upp á
um 1.500 milljónir króna. Þeir sem
DV ræddi við telja ólíklegt að Dan­
íel hafi sjálfur fjárhagslega burði
til að standa í þessari fjárfestingu.
Einungis til þess að kaupa fasteign­
ina sjálfa þurfi líklega að koma með
um 250 milljónir króna í eigin fé.
Gerði tilboð í eignina í vor
Samkvæmt heimildum DV gerði
Daníel tilboð í eignina í vor þegar
hún var auglýst. Hann hafi hins
vegar ekki getað sýnt fram á nægjan­
lega mikið eigið fé þegar á reyndi.
Frá þeim tíma hefur hann reynt að
finna fjárfesta til þess að taka þátt í
þessu verkefni með sér. Ætlun Dan­
íels sé að breyta húsnæðinu í lúxus­
hótel undir nafninu Niceland, sem
verði mjög dýrt í framkvæmd. Sum­
um fjárfestum hafi fundist hug­
myndir hans óraunhæfar.
Viðmælandi úr fjármálageir­
anum sem DV ræddi við seg­
ir marga ósátta við það hvernig
Landsbankinn hefur staðið að
sölunni á Laugavegi 77. Þeir sem
hafi lýst áhuga á því að kaupa eign­
ina hafi fengið á tilfinninguna að
bankinn hafi viljað halda sig við þá
hugmynd að breyta húsnæðinu í
hótel. Einn starfsmaður fjármála­
fyrirtækis sem DV ræddi við segir að
nú nýlega hafi fjárfestir vilja kaupa
húsnæðið en halda því í óbreyttri
mynd. Landsbankinn hafi ekki sýnt
þeirri hugmynd mikinn áhuga.
Eitt af því sem einnig hefur verið
nefnt er byggingaréttur fyrir aftan
húsnæðið en eins og kunnugt er er
þar í dag risastórt bílastæði í dag.
Sagði einn heimildarmaður DV að
þar væri hægt að bæta við allt að sjö
þúsund fermetra húsnæði.
Þá fullyrðir einn heimildarmaður
DV að Daníel hafi átt að standa skil
á greiðslu vegna kaupanna fyrir
um þremur mánuðum. Hann hafi
síðan fengið framlengingu til næstu
mánaðamóta. Margir fjárfestar hafi
áhuga á því að kaupa fasteignina og
þá sérstaklega á því verði sem nú er
fullyrt að Daníel hafi boðið.
DV sendi Landsbankanum fyrir­
spurn vegna málsins. Í svari frá
Kristjáni Kristjánssyni, upplýsinga­
fulltrúa Landsbankans, segir að
ekki sé enn búið að ganga frá sölu
eignarinnar. „Við erum í viðræðum
við einn aðila sem stendur,“ segir
hann. Hins vegar vildi bankinn ekki
upplýsa hver sá aðili er.
Þekktur auglýsingamaður
Daníel er einna þekktastur fyrir
störf sín í auglýsingabransanum.
Hann starfaði hjá auglýsingafyr­
irtækinu Jónsson & Le´macks en
sagði upp störfum þar um síðustu
áramót. Þá ákváðu hann og Hörður
Kristbjörnsson, samstarfsmaður
hans hjá Jónsson & Le´macks að
einbeita sér alfarið að vefsíðunni
Live Project sem er rauntíma­ og
myndbrotasíða.
Fyrirtæki Daníels leigir í dag hús­
næði að Hverfisgötu 18a en sú fast­
eign er í eigu Hverfiseigna ehf. en
eigandi þess er Ingibjörg S. Pálma­
dóttir. Heimildarmaður DV fullyrðir
að Daníel hafi reynt að fá Ingibjörgu
til þess að taka þátt í því með sér að
breyta Laugavegi 77 í hótel. Þetta
hefur hins vegar hvorki fengist stað­
fest frá Daníel né Ingibjörgu sjálfri.
DV hefur áður sagt frá því að Ingi­
björg hafi skoðað Laugaveg 77 með
það í huga að breyta húsnæðinu í
hótel.
Ingibjörg þekkir hótelbransann
vel enda hefur hún verið eigandi
101 hótels á Hverfisgötu í mörg ár.
Þess skal getið að Daníel er sjálfur
ekki alls ókunnugur hótelbrans­
anum. Á heimasíðu Hótel Egilsen
í Stykkishólmi, sem er í eigu Grétu
Sigurðardóttur, móður Hreiðars
Más Sigurðssonar, fyrrverandi for­
stjóra Kaupþings, kemur fram að
Daníel hafi komið að hönnun hót­
elsins. Fróðlegt verður að sjá hver
örlög Laugavegs 77 verða en líkt
og áður kom fram hafa margir sýnt
þessari eign áhuga. n
Hrafn hætti ekki fyrr en í júlí
n Starfaði í marga mánuði eftir að hafa hætt sem framkvæmdastjóri
H
rafn Magnússon, fyrrverandi
framkvæmdastjóri Landssam­
taka lífeyrissjóða, lét ekki af
störfum hjá samtökunum fyrr
en í lok júlí. Hann hætti sem fram­
kvæmdastjóri samtakanna í byrjun
ágúst á síðasta ári eftir 36 ára starf.
Samið var sérstaklega við Hrafn um að
starfa áfram á vegum samtakanna eftir
að hann hætti sem framkvæmdastjóri.
Þetta kemur fram í svari samtakanna
við fyrirspurn DV um starfslok og
starfslokagreiðslur til Hrafns.
Í febrúar árið 2011 tilkynnti sjóð­
urinn að Hrafn hygðist láta af störf­
um sem framkvæmdastjóri í kjöl­
far aðalfundar samtakanna sem átti
að fara fram í maí sama ár. Í tilkynn­
ingunni þá kom fram að Hrafn hygðist
hætta fyrr en að hann hefði orðið við
ósk stjórnar landssamtakanna um að
fresta því vegna hruns fjármálakerfis­
ins í október 2008.
„Eftir þetta langan starfsferil þótti
afar mikilvægt að fá að njóta starfs­
krafta hans áfram að ákveðnu marki.
Því var samið við hann um að verða
nýjum framkvæmdastjóra innan
handar næstu mánuði auk þess sem
honum voru falin ákveðin sérverk­
efni,“ segir Þórey S. Þórðardóttir, nú­
verandi framkvæmdastjóri Landssam­
taka lífeyrissjóða í svarinu. Hún segir
að verkefnin hafi meðal annars snúið
að gerð umsagna og ritunar sögu sam­
takanna.
Þórey segir að Hrafn hafi verið í
fullu starfi hjá samtökunum til og með
31. mars síðastliðinn en frá þeim tíma
í hálfu starfi til 31. júlí. „Á framan­
greindu tímabili tók Hrafn jafnframt
áunnið orlof,“ segir hún og bætir við
að Hrafn hafi ekki fengið neinar auka­
greiðslur umfram vinnuframlag hans í
þágu samtakanna. n adalsteinn@dv.is
n Sagður hafa gert 900 milljóna króna tilboð í Laugaveg 77
NICELAND HÓTEL
AÐ LAUGAVEGI 77
Annas Sigmundsson
blaðamaður skrifar as@dv.is
6 Fréttir 28. nóvember 2012 Miðvikudagur
Niceland Daníel
Freyr Atlason er
sagður hafa gert
900 milljóna
króna tilboð í
Laugaveg 77
MyNd: 365
Ingibjörg sögð áhugasöm Hermt er
að Ingibjörg S. Pálmadóttir athafnakona
hafi sýnt áhuga á að taka þátt í að breyta
Laugavegi 77 í hótel.
Starfaði lengi Tilkynnt var um fyrirhuguð
starfslok Hrafns í febrúar árið 2011 en hann
hætti ekki hjá sjóðnum fyrr en ári síðar.
Ekki á leið
til Hollands
„Nei, ég hef ekki skipulagt flutn­
inga til Hollands,“ segir Sóley
Tómasdóttir, borgarfulltrúi
Vinstri­grænna, í samtali við DV.is
á þriðjudag en Eyjan greindi frá
því í Orðinu á götunni að Sóley
væri á leið með fjölskylduna til
Hollands að loknu kjörtímabilinu.
Eyjan sagði búferlaflutningana
samkomulag milli Sóleyjar og
eigin manns hennar. Sóley þver­
tekur fyrir þetta og bendir á að
margsinnis hafi komið fram, með­
al annars á Beinni línu DV.is fyrr
á árinu, að hún ætli sér að hætta
afskiptum af borgarpólitíkinni eft­
ir kjörtímabilið. Sóley kveðst ósátt
við getgátur um fjölskyldulíf sitt.
„Mér finnst með hreinum ólík­
indum að blaðamenn hafi ekkert
betra að gera en geta sér til um
mína fjölskylduhagi og fyrirætl­
anir.“
Hættur hjá
Landsbjörg
Guðmundur Örn Jóhannsson,
framkvæmdastjóri Landsbjargar,
er endanlega hættur hjá samtök­
unum. Guðmundur fór í leyfi frá
störfum eftir að umfjöllun DV um
viðskipti hans komst í hámæli.
Hörður Már Harðarson, for­
maður Slysavarnafélagsins, segir
að ekkert athugavert hafi verið við
störf Guðmundar hjá Landsbjörg,
en að leiðir hafi þurft að skilja.
Guðmundur sagði sjálfur upp
stuttu eftir að málið kom upp, og
verður horft til þess að ráða ein­
hvern í stöðuna innan Lands­
bjargar. „Við auglýsum ekki held­
ur horfum inn á við í okkar raðir,
það er nokkuð ljóst,“ var haft
eftir Herði Má í Fréttablaðinu á
þriðjudag.
Mannleg mistök
Það voru að öllum líkindum mann­
leg mistök sem urðu þess valdandi
að fiskibáturinn Jónína Brynja, frá
Bolungarvík, strandaði við Straum­
nes á mánudagskvöld. Tveir skip­
verjar voru um borð og komust
heilir á húfi úr ógöngunum. Bátur­
inn, sem var glænýr, er hins vegar
gjörónýtur. Málið er nú í rannsókn
hjá lögreglunni.
Björgunarskip og ­bátar
Slysavarnafélagsins Landsbjargar
á Vestfjörðum fóru á staðinn
ásamt þyrlu Landhelgisgæslunnar.
Björgunarsveitir komu að skip­
verjunum heilum á húfi í fjörunni
þar sem þeir voru í flotgöllum.
Þeir voru komnir um borð í þyrlu
Landhelgisgæslunnar rétt fyrir níu
á mánudagskvöld.