Dagblaðið Vísir - DV - 05.12.2012, Síða 10

J
ón Ásgeir Jóhannesson, fjárfest-
ir og fyrrverandi aðaleigandi
Baugs, stýrir Iceland-keðjunni
á Íslandi á bak við tjöldin. Þetta
kemur fram í tölvupósti frá Jóni
Ásgeiri til starfsmanns Iceland-búð-
anna, Guðrúnar Þórsdóttur, eigin-
konu föður hans sem var annar stjórn-
armanna rekstrarfélags Iceland, og
Einars Þórs Sverrissonar lögmanns,
sem dagsettir eru 5. og 6. október síð-
astliðinn.
Í allri umfjöllun um Iceland-keðj-
una er faðir Jóns Ásgeirs, Jóhannes
Jónsson, sagður vera eigandi Iceland-
keðjunnar og hefur Jón Ásgeir ekki
verið bendlaður við verslanirnar op-
inberlega með beinum hætti. Meðal
annars sagði Jóhannes á Beinni línu
DV að Jón Ásgeir kæmi ekki að rekstri
Iceland: „Jón kemur ekki að rekstri
Iceland.“ Ein af ástæðum þessa er
meðal annars líklega sú að Jón Ásgeir
er sennilega einn umdeildasti við-
skiptamaður landsins og hafa viðskipti
honum tengd verið til rannsóknar hjá
sérstökum saksóknara. Þetta virðist
ekki vera rétt ef marka má tölvupóst-
samskipti sem benda til þess að Jón
Ásgeir stýri Iceland-keðjunni.
Í tölvupóstunum ræðir Jón Ásgeir
um hlutafjáraukningu Iceland-keðj-
unnar sem gengið var frá í nóvember
en þá komu eigendur bresku Iceland-
keðjunnar með 160 milljónir króna
sem lagðar voru inn í reksturinn hér
á landi. Malcolm Walker, eigandi og
forstjóri Iceland í Bretlandi, hefur gef-
ið það út að þátttaka Iceland í hluta-
fjáraukningunni hafi verið „greiði“ við
fjölskyldu Jóhannesar og Jóns Ásgeirs.
„Við gerum allt sem við getum til að
styðja fjölskylduna,“ sagði Walker í við-
tali við Stöð 2 þegar hlutafjáraukningin
hafði verið gerð opinber.
Var með krosslagða fingur
Í tölvupóstunum kemur skýrt fram
að Jón Ásgeir stýrði hlutafjáraukn-
ingu keðjunnar og var hann í þeim
að gefa skipanir um hvernig að henni
skyldi staðið. Meðal þess sem Jón Ás-
geir sagði í tölvupóstunum var að von-
andi bærust 160 milljónir króna frá
eigendum Iceland þann 10. nóvem-
ber síðastliðinn og að hann væri með
„krosslagða fingur“ í þeirri von að fjár-
munirnir myndu berast, líkt og fram
kemur hér á eftir.
Annað atriði sem Jón Ásgeir ræddi
í tölvupóstunum var að breyta þyrfti
samþykktum Iceland-keðjunnar á Ís-
landi til að gera ráð fyrir hinum nýju
hluthöfum. Fól hann Einari Sverris-
syni að gera þetta: „Breytingar á
samþykktum sem Einar þarf að koma
inn á mánudag. Sjá fylgiskjal. Sendi
einnig reikning v kostnaðar sem
Apogee lagði út fyrir opnun. Sam-
tals er þá bókfærður stofnkostnað-
ur 120.2 milljón. Með þessu þarf ekki
að taka Reiti inn í reikn með neinum
hætti. Eftir breytingar á samþykktum
er hlutafé félagsins A og B bréf 141.3
milljónir. Við bætist síðan 160 milljón-
ir (fingers crossed 10 nóvember). Þetta
þarf að færa inn fyrir mánudag ath.
13.6 milljónir komu inn í dag sem loka
greiðsla frá Apogee vegna B bréfa.“
Þarna er Jón Ásgeir að gefa
starfsmönnum sínum og sam-
starfsmönnum fyrirmæli um hvern-
ig beri að haga málum út af hlutafjár-
aukningunni og greina frá því hverju
hún muni breyta fyrir Iceland á Ís-
landi.
Eiga harma að hefna
Iceland-keðjan opnaði verslun í Engi-
hjalla fyrr á árinu og opnaði í síð-
ustu viku nýja verslun úti á Granda
í vesturbæ Reykjavíkur, í næsta ná-
grenni við helstu samkeppnisaðila
sína, Bónus og Krónuna. Ljóst er að
Iceland-keðja þeirra feðga, sem áður
voru alltaf kenndir við Baug, ætlar sér
stóra hluti á matvöru markaðnum á
Íslandi. Segja má að opnun verslun-
arinnar á Granda, sem er á móti Bón-
us og Krónunni, sé bein áskorun við
smásöluveldin Haga og Norvik sem
eiga og reka Bónus og Krónuna. Þá
liggur einnig fyrir að Iceland-keðjan
hefur tryggt sér verslunarsamninga
við bandaríska aðila og mun bjóða
upp á margar af þeim vörum sem
Kostur, verslun Jóns Geralds Sullen-
berger, býður upp á, meðal annars frá
vörumerkinu Kirkland. Iceland-keðj-
an færir því út kvíarnar af krafti. Jón
Ásgeir og Jón Gerald hafa deilt um
árabil vegna viðskipta sem þeir áttu í
fyrir meira en áratug sem voru hluti af
einum anga Baugsmálsins.
Jóhannes og Jón Ásgeir stofnuðu
Bónus árið 1989 og unnu um tíma
sjálfir í versluninni. Bónus óx hratt
og bættust fleiri verslanir við með ár-
unum. Vöxtur Bónuss gerði feðgun-
um kleift að kaupa fleiri verslanir og
úr varð smásölurisinn Hagar. Um síð-
ustu aldmót var orðið ljóst að feðgarn-
ir höfðu byggt upp stórveldi í íslensk-
um smásölurekstri. Feðgarnir töpuðu
svo yfirráðum yfir Högum og Bónus
í kjölfar bankahrunsins en þá hafði
eignarhaldsfélag þeirra, Baugur, far-
ið í skuldsetta útrás til annarra landa,
feðgarnir höfðu fjárfest í Glitni og fleira
í þeim dúr. Síðan þeir töpuðu Högum
hafa feðgarnir ávallt sagt að á þeim
hafi verið brotið og hafa þeir borið sig
aumlega enda var Bónus þeirra af-
kvæmi og hugarfóstur.
Nú hafa þeir snúið til baka og ætla
sér stóra markaðshlutdeild á matvöru-
markaðnum á Íslandi. Ljóst er af tölvu-
póstunum að Jón Ásgeir stýrir versl-
anakeðjunni hér á landi, í það minnsta
fjármögnun hennar þó ekki sé rætt
um beina aðkomu hans að daglegum
rekstri í póstunum.
Bann við fjárfestingum
Í tölvupóstum Jóns Ásgeirs undirstrik-
ar hann að Iceland á Íslandi megi ekki
fara út í neinar fjárfestingar í október
áður en hlutafé bresku Iceland-keðj-
unnar berist til landsins. Þeim tilmæl-
um er væntanlega beint til Ragnars og
Guðrúnar, starfsmanna Iceland. „Þeir
(eigendur breska Iceland, innsk. blm.)
leggja mikla áherslu á að engar fjár-
festingar verði gerðar nema með þeir
gó í okt þetta er eðlileg krafa þar sem
þeir munu ekki getað skoðað bók-
haldið í okt áður en þeir leggja pening
inn. Ekki má skrifa undir neina samn-
inga sem skuldbindur félagið umfram
eðlileg viðskitpi … Þetta hér að ofan
snýr að Iceland fjárfestingunni,“ sagði
Jón Ásgeir í tölvupóstinum. Jón Ásge-
ir var því að banna forsvarsmönnum
Iceland að fjárfesta í október.
Þá er í tölvupóstunum yfir lit yfir
rekstrarkostnað Iceland-keðjunnar,
meðal annars yfirlit yfir verðmat á
birgðum keðjunnar og yfirlit yfir leig-
usamninga félagsins. Á þeim tíma
sem Jón Ásgeir sendi tölvupóstana
voru birgðir Iceland í Engihjalla verð-
metnar á 84 milljónir króna auk þess
sem fyrirtækið átti birgðir í Vatna- og
Sundagörðum fyrir samtals 39 millj-
ónir króna.
Eitt það síðasta sem Jón Ásgeir
sagði í tölvupóstunum, þann 6.
október 2012, var að leggja þyrfti fram
1,5 milljónir í hlutafé Iceland-keðj-
unnar á Íslandi þannig að hlutafé fé-
lagsins myndi stemma við það sem
hann hefði sagt Iceland-mönnum. „Ég
legg inn á reikn á mánudag 1.5 milljón
þá stemmir þetta við það sem ég hef
sett fram gagnvart Iceland mönnum.“
Jón Ásgeir svarar ekki
DV sendi Jóni Ásgeir spurningu í tölvu-
pósti um aðkomu hans að Iceland-
keðjunni. Jón Ásgeir svaraði ekki fyrir-
spurn DV. n
Jón Ásgeir stýrir
iceland-keðJunni
10 Fréttir 5. desember 2012 Miðvikudagur
Ingi Freyr Vilhjálmsson
fréttastjóri skrifar ingi@dv.is
n Tölvupóstar Jóns Ásgeirs um hlutafjáraukningu Iceland-keðjunnar„Við bætist
síðan
160 milljónir
(fingers crossed
10 nóvember)
Skipulagði hlutafjáraukninguna
Jón Ásgeir Jóhannesson skipulagði hluta-
fjáraukningu Iceland- keðjunnar, líkt og
tölvupóstar frá honum sýna.
Iceland í Kópavogi Jón Ásgeir hefur hingað til ekki verið bendlaður við verslanirnar
opinberlega með beinum hætti.