Dagblaðið Vísir - DV - 10.12.2012, Síða 6

ERLENDU LÁNIN AÐ
SLIGA AUÐBJÖRGU
6 Fréttir 10. desember 2012 Mánudagur
600 milljónir
með betri
skattskilum
Ýmislegt forvitnilegt er að finna
í fjárlagafrumvarpinu sem nú er
til umræðu á Alþingi. Þannig má
nefna að ríkissjóður hyggst auka
tekjur sínar á næsta ári um 500
til 600 milljónir króna með hert-
um aðgerðum skattyfirvalda og
aukinni hörku innheimtumanna
ríkissjóðs.
„Stefnt er að því að fjármála- og
efnahagsráðherra leggi fram að-
gerðaráætlun um bætt skattskil í
samræmi við fram komna þings-
ályktunartillögu í samráði við þær
stofnanir sem málið varðar jafn-
framt því sem leitað verði viðhorfa
frá hagsmunaaðilum á sem flest-
um sviðum,“ segir í fjárlagafrum-
varpi Katrínar Júlíusdóttur, fjár-
mála- og efnahagsráðherra.
Þá er jafnframt fallið frá fyrir-
huguðum niðurskurði á fjárheim-
ildum hjá embætti ríkisskattstjóra
og skattrannsóknastjóra að hluta.
„Þá er lagt til í þessu frumvarpi
að lagagrunnur að baki hlutverki
tollstjóra sem samræmingar- og
eftirlitsaðila gagnvart öðrum inn-
heimtumönnum ríkissjóðs verði
styrktur til að auka líkur á því
að settum markmiðum við bætt
skattskil, þar með talið greiðslu
skatta, verði náð,“ segir jafnframt í
fjárlagafrumvarpinu.
DV sendi fyrirspurn til ráðherr-
ans og óskaði eftir frekari útlistun
á þessu markmiði stjórnvalda.
„Líkt og fram kemur í frumvarp-
inu um ráðstafanir í ríkisfjármál-
um stendur til að leggja fram að-
gerðaráætlun um bætt skattskil.
Gera má ráð fyrir að sú vinna fari
af stað í kjölfar samþykktar frum-
varpsins,“ segir í svari frá fjármála-
og efnahagsráðuneytinu. Þannig
virðist ráðuneytið ekki geta útskýrt
frekar að svo komnu máli þessar
hertu aðgerðir til að bæta skattskil
landsmanna.
as@dv.is
n Sjávarútvegsfyrirtækið Auðbjörg í Þorlákshöfn segir upp 30 starfsmönnum
S
jávarútvegsfyrirtækið Auð-
björg í Þorlákshöfn sagði
upp nærri 30 manns nú um
mánaðamótin. Hefur fyrir-
tækið sett línubátinn Arnarberg
ÁR-150 á sölu og þar með missti
14 manna áhöfn bátsins vinnuna.
Togbáturinn Skálafell ÁR-50 hefur
líka verið settur á sölu. Þá munu
13 starfsmenn í landsvinnslu missa
vinnuna um næstu mánaðamót
þegar uppsögnunum verður að
fullu lokið. Fækkar starfsmönnum
þar með úr 70 í 45. Útgerðarfyrir-
tækið hyggst áfram gera út línubát-
inn Arnar ÁR-55 og Ársæl ÁR-66 en
hann veiðir bæði humar og bolfisk.
Félagið á sér langa sögu en Einar
Sigurðsson, framkvæmdastjóri þess,
stofnaði það fyrir um 40 árum.
Ármann Einarsson, útgerðar-
stjóri Auðbjargar, og sonur Einars
lét hafa eftir sér í fréttablaðinu DFS
á Selfossi á miðvikudaginn að þess-
ar aðgerðir væru óumflýjanlegar
þar sem „allt sé að fara til andskot-
ans í sjávarútvegi“ líkt og hann orð-
aði það. „Þorpinu hér í Þorlákshöfn
er smátt og smátt að blæða út vegna
ástandsins,“ sagði Ármann. „Ég hef
bara ekki áhuga á því að svara þér og
tala ekki við DV. Það er bara þannig,“
sagði Ármann þegar DV hafði sam-
band við hann til að ræða um
rekstur Auðbjargar. Þess skal getið
að Ármann situr í varastjórn Lands-
sambands íslenskra útvegsmanna.
Forsvarsmenn Auðbjargar eru
ekki þeir fyrstu sem telja að erfið-
leika sína í rekstri megi rekja til veiði-
gjaldsins sem nú er lagt á útgerðar-
fyrirtæki landsins. Stjórnendur
útgerðarfyrirtækisins Ögurvíkur til-
kynntu um það í nóvember að fyr-
irtækið hefði neyðst til að segja upp
öllum 70 sjómönnum sínum. 20
þeirra yrðu ekki endurráðnir þar
sem Ögurvík hygðist selja annan
frystistogara sinn. Hjörtur Gíslason,
útgerðarstjóri Ögurvíkur, tjáði fjöl-
miðlum að ein helsta ástæða erfið-
leika í rekstri væri nýtilkomið veiði-
gjald. Tengsl Hjartar eru sterk við
LÍÚ, líkt og Ármanns, útgerðarstjóra
Auðbjargar, en Hjörtur situr í stjórn
LÍÚ.
DV greindi síðan frá því að flestir
þeir viðmælendur sem blaðið ræddi
við virtust sammála um að Ögur-
vík hefði verið illa rekið á undan-
förnum árum. Það hefði legið fyrir
árum saman að það væri fyrirtæk-
inu fyrir bestu að fækka skipum sín-
um. Ögurvík bókfærir einungis lít-
inn hluta af kvóta sínum og greindi
DV frá því að ef fyrirtækið yrði selt
myndu eigendur hagnast um 10 til
14 milljarða króna þegar búið væri
að draga skuldir frá eignum félags-
ins.
Stórtækir í gjaldeyrisbraski
Þegar ársreikningar Auðbjargar á
síðustu árum eru skoðaðir má sjá að
félagið hefur tekið þátt í ýmsum fjár-
festingum sem eiga lítið sammerkt
með sjávarútvegi. Þannig kemur
fram í ársreikningi félagsins árið
2011 að félagið sé með 330 milljónir
króna í eignastýringu hjá Kaupþingi.
Árið 2007 átti félagið rúmlega 30
milljónir króna í útibúi Kaupþings í
Lúxemborg en árið 2011 var sú upp-
hæð komin niður í tæpar sjö millj-
ónir króna.
Það sem virðist hins vegar
erfiðast í rekstri Auðbjargar eru er-
lend lán og gjaldmiðlasamningar
sem félagið gerði. Þannig hafa er-
lend lán félagsins hjá Landsbank-
anum og Arion banka hækkað úr
rúmlega milljarði króna árið 2007
í tvo milljarða króna árið 2011. Svo
virðist sem félagið hafi ekki fengið
neina leiðréttingu á erlendum lán-
um sínum líkt og flest íslensk fyrir-
tæki hafa fengið hjá sínum við-
skiptabönkum.
„Við keyptum auðvitað þrjú út-
gerðarfyrirtæki og við áttum ekki
fyrir þeim og tókum lán. Svo hækk-
uðu þessi lán auðvitað um helm-
ing eftir hrun,“ segir Einar Sigurðs-
son, framkvæmdastjóri Auðbjargar
í viðtali við DV. Hann segir að fé-
lagið hafi tapað peningum á fram-
virkum samningum en segir að enn
liggi ekki ljóst fyrir hversu mikið
tapið verði á endanum. Það sé hins
vegar ekki rétt að félagið hafi verið
í hlutabréfakaupum eða slíku. Við-
skipti félagsins við útibú Kaupþings
í Lúxemborg benda þó til annars.
Þriðjungur tekna í vaxtakostnað
Þá hafa skammtímaskuldir eða
gjaldmiðlasamningur sem félagið
gerði við Landsbankann árið 2007
í japönskum jenum hækkað úr 50
milljónum króna það ár í yfir 200
milljónir króna og þannig meira
en fjórfaldast. Þá hafði skuld vegna
samnings við Kaupþing upp á tæp-
ar 400 milljónir króna í svissnesk-
um frönkum hækkað í 900 milljón-
ir króna árið 2011. Svo virðist sem
félagið hafi átt í deilum við Lands-
bankann vegna gjaldmiðlasamn-
inga og hefur bankinn höfðað mál
á hendur félaginu. Verður það
dómtekið í Héraðsdómi Reykjavík-
ur þann 20. desember. Varðandi
þetta atriði segir Einar að fyrirtæki
hans eigi ekki í neinum deilum við
Landsbankann. „Við létum kanna
hvort lánið væri í lagi eða ekki,“ seg-
ir hann.
Félagið greiddi um 300 milljón-
ir króna í fjármagnskostnað árið
2011 sem nemur um 30 prósent-
um af tekjum félagsins sem námu
um einum milljarði króna. Að eyða
nærri þriðjungi tekna sinna í vaxta-
kostnað hlýtur að teljast afar hátt
hlutfall og má segja að slíkt sé óger-
legt til langs tíma fyrir flest fyrirtæki
sama í hvaða geira þau starfa.
Sala kvóta gæti skilað 1.200
milljóna hagnaði
Auðbjörg ehf. ræður yfir um 1.640
þorskígildistonnum sem félagið
bókfærir á tæplega 700 milljón-
ir króna. Þannig virðast erlend lán
félagsins, sem nú standa í tveim-
ur milljörðum króna, einungis að
litlu leyti hafa verið notuð til kvóta-
kaupa. Ef miðað er við að hægt væri
að selja þann kvóta á 2.000 krónur
kílóið væri raunverulegt virði hans
um 3,3 milljarðar króna. Eigið fé
Auðbjargar er í dag neikvætt upp á
1.400 milljónir króna. Ef eignir fé-
lagsins yrðu seldar og kvótinn seld-
ur myndu eigendur sjávarútvegs-
fyrirtækisins í Þorlákshöfn standa
uppi með um 1.200 milljóna króna
hagnað. Þess skal getið að Ármann
situr í varastjórn LÍÚ. n
Annas Sigmundsson
blaðamaður skrifar as@dv.is
„Við keyptum auð-
vitað þrjú útgerðar-
fyrirtæki og við áttum ekki
fyrir þeim og tókum lán.
„Allt að fara til andskotans“ Ármann
Einarsson sagði að erfiðleikarnir væru vegna
veiðigjaldsins. Auðbjörg stóð hins vegar í
ýmsum fjárfestingum sem eiga lítið sam-
merkt með sjávarútvegi.
Á sölu Línubáturinn Arnarberg ÁR-150 hefur verið settur á sölu. Við það missa 14 vinnuna.
Auðbjörg Einar Sigurðsson,
framkvæmdastjóri, stofnaði
Auðbjörgu fyrir 40 árum.
Efnahagsreikningur
Auðbjargar 2011
n Eignir 1.688
n Skuldir 3.075
n Eigið fé 1.390
n Bókfærður kvóti 691
n Raunverulegt virði eigna Auðbjargar
n Eignir 4.297
n Skuldir 3.075
n Eigið fé 1.222
n Kvóti 2.000 kr. * 1.640 tonn 3,3
milljarðar
n Ef félagið yrði selt myndu eigendur Landsfram-
leiðsla jókst um
tvö prósent
Landsframleiðsla jókst um tvö
prósent að raungildi á fyrstu
níu mánuðum ársins miðað við
fyrstu mánuði ársins árið 2011
samkvæmt tölum sem Hagstofa
Íslands birti á föstudag. Á sama
tíma jukust þjóðarútgjöld um 3,7
prósent, einkaneysla um 3,2 pró-
sent og fjárfesting um 14,3 pró-
sent. Samneysla dróst hins vegar
saman um 1,1 prósent. Útflutning-
ur jókst um þrjú prósent en inn-
flutningur nokkru meira, eða um
6,6 prósent fyrir sama tímabil.
Landsframleiðsla á 3. ársfjórð-
ungi 2012 jókst um 2,1 prósent frá
sama ársfjórðungi fyrra árs.