Dagblaðið Vísir - DV - 24.08.2011, Blaðsíða 4

4 | Fréttir 24. ágúst 2011 MIðvikudagur
S
igling á vegum stjórnenda
Hörpu sem haldin var fyrir
arkitekta, valda starfsmenn
og erlenda blaðamenn á
Menningarnótt um síð-
astliðna helgi kostaði 990 þúsund
krónur. Þetta kemur fram í skrif-
legu svari frá Steinunni Birnu Ragn-
arsdóttur, tónlistarstjóra hússins,
við fyrirspurn DV. „Leigan á bátn-
um kostaði kr. 400.000. Veitingarn-
ar kostuðu samtals um 490 þúsund
krónur m/vsk. Annar kostnaður
kr 100.000,“ segir í svarinu. Stein-
unn Birna staðfestir að Totus ehf.,
eignarhaldsfélag sem stofnað var
utan um eignarhald, fjármögnun og
rekstur tónlistar- og ráðstefnuhúss-
ins, hafi staðið straum af kostnað-
inum. Eigandi þess félags er Reykja-
víkurborg og íslenska ríkið.
Kínverskir loftfimleikamenn
Steinunn Birna segir að ekki hafi ver-
ið haldið nákvæmlega utan um það
hverjir af þeirra sem voru á boðslista
vegna siglingarinnar hafi mætt. Seg-
ir hún að um það bil 100 manns hafi
verið í siglingunni. „Tilgangurinn var
að gefa þessum hópi sem unnið hefur
að hönnun og byggingu Hörpu ásamt
erlendum fjölmiðlamönnum kost á
að skoða húsið frá sjó og taka mynd-
ir. Siglingin var hluti af kynningarpró-
grammi sem sett var upp fyrir erlenda
fjölmiðla, en mikilvægt þótti að nýta
vel þá athygli sem erlendu fjölmiðl-
arnir sýndu vígslu glerhjúpsins,“ segir
Steinunn Birna. Íslenskum fjölmiðl-
um var ekki boðið að taka þátt í þess-
ari kynningardagskrá.
Þeir sem voru á gestalista fyrir sigl-
inguna, auk Ólafs Elíassonar, stjórn-
enda hússins og fulltrúa hönnuða og
arkitekta hússins, voru fulltrúar Faxa-
flóahafna, Menningarnætur, Reykja-
víkurborgar og Menntamálaráðu-
neytisins. Fulltrúum Beijingborgar,
höfuðborgar Kína, var einnig boðið
en þeir sendu kínverska loftfimleika-
menn sem einnig skemmtu gestum
og gangandi í Reykjavík á Menningar-
nótt. Gestir frá Færeyjum voru einnig
í skipinu en þeir sendu listamenn til
landsins vegna Menningarnætur.
Hráslagaleg sigling
Í samtali við Pressuna á mánudag
sagði Steinunn Birna að siglingin
hefði verið örstutt og hráslagaleg. Í
svari við fyrirspurn DV um helgina,
þar sem Steinunn Birna var beðin
að staðfesta að siglingin hefði átt sér
stað, sagði hún að siglingin hefði tek-
ið 30 mínútur. Heimildir DV herma
þó að hún hafi verið aðeins lengri
en sjónarvottar segja siglinguna hafa
verið glæsilega og að nóg hafi verið
af veitingum og víni.
„Stór hluti hópsins í bátnum var
hönnuðir sem hafa unnið árum
saman að verkefninu og eru nú að
skila því af sér. Einnig voru fulltrúar
erlendra ríkja sem hafa lagt til við-
burði inn í vígslu hússins og á Menn-
ingarnótt. Allt þetta fólk var hér á
eigin kostnað og var þetta eina hófið
sem Harpa bauð til,“ segir Steinunn
Birna. Hún bendir einnig á að engar
móttökur voru í Hörpu í tilefni vígsl-
unnar.
Nætursiglingin
kostaði milljón
n Miðnætursigling í boði stjórnenda Hörpu kostaði milljón n Kínverskir loftfimleikamenn
meðal gesta í siglingunni n Siglingin örstutt og hráslagaleg, sagði tónlistarstjórinn
Aðalsteinn Kjartansson
blaðamaður skrifar adalsteinn@dv.is
„Siglingin var hluti
af kynningarpró-
grammi sem sett var upp
fyrir erlenda fjölmiðla.
Kostnaður
Veitingar: 490.000 kr.
Sigling: 400.000 kr.
Annað: 100.000 kr
Samtals: 990.000 kr.
Miðnætursigling Menningarnætursigling
stjórnenda Hörpu kostaði 990 þúsund krónur.
Steinunn Birna sagði í samtali við Pressuna
að siglingin hefði verið örstutt og hráslagaleg.
Móðir kærði son sinn til lögreglu fyrir þjófnað:
Sýknaður af því að ræna móður sína
Fimmtugur maður var á þriðjudag
sýknaður í Héraðsdómi Reykjavík-
ur af ákæru um fjárdrátt, en honum
var gefið að sök að hafa án heimildar
millifært 2,7 milljónir af bankareikn-
ingi móður sinnar. Maðurinn var
prókúruhafi á reikningnum en móð-
ir hans hafði búið lengi erlendis og
sá hann um að greiða reikninga fyr-
ir hana. Dómurinn komst að þeirri
niðurstöðu að ósannað væri að hann
hefði millifært peninginn í leyfis-
leysi og auðgunarskyni en dómurinn
var byggður á afdráttarlausri neitun
mannsins og framburði vitna.
Maðurinn hélt því fram að um
væri að ræða fyrirframgreiddan arf
og hann hefði millifært peninginn
með fullu samþykki móður sinnar.
Í samtali við DV eftir að dómur
féll sagði móðirin að ekkert sam-
þykki hafi verið fyrir slíku og sonur
hennar hefði einungis haft leyfi til
þess að borga þá reikninga sem
ekki færu inn á heimabanka henn-
ar. Hún vildi meina að sonur hennar
væri í hefndarhug gegn sér en hann
ólst upp hjá föðurafa sínum eftir að
móðir hans flutti til útlanda í von
um betri atvinnutækifæri en buðust
í smábænum þar sem þau bjuggu á
sínum tíma.
„Hann er búinn að segja þetta
vera lán, hann er búinn að segja
þetta vera fyrirframgreiddan arf.
Hann hafði umboð til að borga
reikninga en að taka út svona háa
fjárhæð er ekki að borga reikninga
og það er ekkert sett í staðinn,“ seg-
ir móðirin sem segist hafa treyst á
að nota þennan pening til að fram-
fleyta sér á efri árum. „Ég hef rétt efni
á að framfleyta sjálfri mér, ég er ekki í
þeirri stöðu að geta borgað einhverj-
um fyrirframgreiddan arf. Þar að
auki á ég tvö önnur börn sem ættu þá
líka að fá fyrirframgreiddan arf, ekki
bara hann.“ Hún ásakar líka bankann
sem hún var í viðskiptum við um að
hafa ekki athugað málið betur þegar
svo há fjárhæð var tekin út af reikn-
ingi hennar. „Mér finnst ekki eðlilegt
að svona geti átt sér stað.“
hanna@dv.is
Fjölskyldudeila Maður var sýknaður af að hafa millifært í leyfisleysi 2,7 milljónir af
bankareikningi móður sinnar.
Sendu RÚV
hamingjuóskir
Stjórn Blaðamannafélags Íslands
hefur sent fréttastofu RÚV ham-
ingjuóskir í tilefni af tilnefningu
fréttastofunnar til Emmy-verðlauna.
Í yfirlýsingu frá stjórn félagsins segir:
„Stjórn BÍ óskar fréttastofu RÚV til
hamingju með þá miklu viðurkenn-
ingu sem fólgin er í því fyrir frétta-
menn og fréttamyndatökumenn
fréttastofunnar að fréttaflutningur af
eldgosinu í Eyjafjallajökli hafi verið
tilnefndur til Emmy-verðlauna. Það
er glæsilegur árangur af starfi frétta-
og fréttamyndatökumanna frétta-
stofunnar um árabil, en fréttaflutn-
ingur fréttastofunnar var einnig
verðlaunaður af EBU, samtökum
evrópskra útvarps- og sjónvarps-
stöðva, síðastliðið haust.“
Í yfirlýsingunni segir jafnframt að
tilnefningin sé sérstaklega gleðileg
viðurkenning fyrir fréttamyndatöku-
menn, en þeir þurfi oft að leggja á
sig mikla erfiðleika og jafnvel leggja
sig í hættu til að geta sýnt sjónvarps-
áhorfendum sem best myndir af
fréttnæmum atburðum.
Tekin ölvuð
á reiðhjóli
Kona um fimmtugt var stöðvuð
í miðborginni um helgina en sú
var á reiðhjóli og þótti lögreglu-
mönnum aksturslagið heldur
einkennilegt, að því er segir í til-
kynningu frá lögreglunni á höf-
uðborgarsvæðinu. Konan var afar
ósátt með þessi afskipti, hreytti út
úr sér fúkyrðum og hrækti á lag-
anna verði. Hún var látin blása í
áfengismæli en niðurstaðan stað-
festi grunsemdir lögreglu um að
konan væri með öllu ófær um að
vera á reiðhjóli í þessu ástandi.
Hún var því næst flutt á lögreglu-
stöð en síðan sleppt fljótlega úr
haldi þegar hún hafði róast og
sýnt þótti að hún færi sér ekki að
voða. Fór konan þá sína leið fót-
gangandi.
Makríll í
vinnslu
91% af veiddum makríl hér á landi
fer til vinnslu, en aðeins um 9% fara
til bræðslu. Þetta kemur fram í töl-
um sem Fiskistofa hefur tekið saman
að ósk Jóns Bjarnasonar, sjávar-
útvegs- og landbúnaðarráðherra.
Í yfirliti Fiskistofu kemur fram að
eftirlit með veiðum, vigtun og skrán-
ingu makríls hefur gengið vel. Eftir-
lit með löndunum svokallaðra upp-
sjávarskipa hefur náð til helmings
allra landana. Að auki hefur verið
fylgst sérstaklega með makríllönd-
unum annarra skipa og fylgst með
veiðum og vinnslu þeirra skipa sem
vinna afla um borð. Af um 150 þús-
und tonna heildaraflamarki Íslands
á árinu 2011 voru 99 þúsund tonn
komin að landi 10. ágúst.