Dagblaðið Vísir - DV - 24.08.2011, Blaðsíða 25

Sport | 25Miðvikudagur 24. ágúst 2011
Enn selur Arsenal
n Arsenal samþykkti í gær, þriðju-
dag, kauptilboð Manchester City í
Frakkann snjalla Samir Nasri. Þetta
staðfesti félagið á vefsíðu sinni.
Þrálátur orðrómur hefur verið uppi
um að leikmaðurinn gengi til liðs
við City áður en félagaskiptaglugg-
anum yrði lokað um mánaðamótin.
Arsene Wenger, knattspyrnustjóri
Arsenal, þverskallaðist við væntan-
legum málalyktum en ljóst hefur
verið að Nasri vildi burt frá félaginu.
Á sunnudaginn sagði Wenger:
„Hann er ánægður hér og er ekki
á leiðinni burt eins og er.“ Arsenal
hefur nú selt tvo lykilmenn liðsins
til City en varnarmaðurinn Gaël
Clichy gekk til liðs við Manchester
liðið á dögunum. Þá er skemmst
að minnast þess að Arsenal seldi
Barcelona Cesc Fabregas fyrir
skemmstu.
Rándýrir leikmenn
n Kaup Manchester City á Samir
Nasri eru að sögn Roberto Manch-
ini síðasta púslið í leikmannahóp
félagsins. Samkvæmt vefsíðunni
transfermarket.co.uk saman-
stendur leikmannahópurinn af 29
leikmönnum. Fjölmargir þeirra
hafa verið keyptir til félagsins fyrir
háar upphæðir. Heildarmarkaðs-
virði leikmannanna 29 er hvorki
meira né minna en 75,6 milljarð-
ar íslenska króna. Það er meira en
markaðsvirði leikmanna Manches-
ter United sem nemur 66,5 millj-
örðum íslenskra króna. Þess má til
gamans geta að heildarvirði leik-
mannahóps Norwich City er 4,7
milljarðar króna.
Tíu milljarða maðurinn
n Kamerúnski framherjinn Samuel
Eto’o mun ganga til liðs við rúss-
neska félagið Anzhi Makhachkala
frá Inter Milan að lokinni læknis-
skoðun sem fram á að fara í dag,
miðvikudag. Eto’o verður launa-
hæsti knattspyrnumaður verald-
ar þegar hann skrifar undir. Anzhi
mun greiða Inter rúmlega 4,1 millj-
arð króna fyrir framherjann knáa en
ítalskir fjölmiðlar segja að hann fái
rúmlega 3,3 milljarða í árslaun hjá
nýja félaginu eftir skatta. Hinn þrí-
tugi Eto’o fær þriggja ára samning
hjá Anzhi og mun því þéna rétt tæp-
lega 10 milljarða króna á samnings-
tímanum sem, þrátt fyrir allt sem
þekkist í ofurlaunaheimi fótboltans,
er fáheyrt.
Molar
n Ný kynslóð tekur við á Old Trafford n Miðvörður United var ekki fæddur
þegar Ryan Giggs sló í gegn n 22 ára meðalaldur í mögulegu byrjunarliði
Undrabörn
Sir Alex
David De Gea
fæddur 7. nóvember 1990
Javier Hernandez
fæddur 1. júní 1988
Danny Welbeck
fæddur 26. nóvember 1990
Rafael da Silva
fæddur 9. júlí 1990
Phil Jones
fæddur 21. febrúar 1992
Chris Smalling
fæddur 22. nóvember 1989
Fabio da Silva
fæddur 9. júlí 1990
Luís Nani
fæddur 17. nóvember 1986
Tom Cleverley
fæddur 12. ágúst 1989
Anderson
fæddur 13. apríl 1988
Ashley Young
fæddur 9. júlí 1985
Meðalaldur: 22,2 ár
Þ
að dettur víst engum fram-
ar í hug að slengja því
framan í Sir Alex Ferguson
að hann geti ekki unnið
titla með eintóma krakka í
byrjunarliði sínu. „Þú vinnur ekk-
ert með krökkum,“ sagði Alan Han-
sen svo eftirminnilega þegar unga
gullkynslóðin á Old Trafford, með
David Beckahm, Neville-bræður,
Nicky Butt, Ryan Giggs, Paul Scho-
les og fleiri, var að stíga sín fyrstu
spor. Nú þegar þessir menn eru
flestir komnir á aldur, virðist Sir
Alex ætla að leika sama leikinn aft-
ur.
Evra langelstur
Manchester United átti frábæran
leik gegn Tottenham á mánudags-
kvöldið þegar liðið vann afar sann-
færandi 3–0 sigur á Lundúnaliðinu.
Það væri svo sem ekki í frásögur
færandi, nema þegar byrjunarlið
United í leiknum er skoðað nánar.
Langelsti leikmaðurinn í byrjunar-
liðinu var hinn þrítugi bakvörður
Patrice Evra. Næst á eftir honum
komu ensku landsliðsmennirnir
Ashley Young og Wayne Rooney,
sem báðir eru fæddir árið 1985. Yo-
ung varð 26 ára í júlí en Rooney er
enn 25 ára.
Spænski markvörðurinn David
de Gea er enn vægast sagt ungur
að árum. Hann er fæddur þann 7.
nóvember 1990 og var því um það
bil þriggja vikna gamalt kornabarn
þegar Ryan Giggs skrifaði undir
sinn fyrsta atvinnumannssamning
á Old Trafford 29. nóvember sama
ár.
Giggs orðin stjarna þegar Jones
fæddist
Meiðsli turnanna tveggja í varnar-
línu Manchester United, Rio Ferd-
inand og Nemanja Vidic, hafa gert
að verkum að Ferguson þarf að
setja traust sitt á tvo unga miðverði.
Annar þeirra heitir Phil Jones og er
fæddur í 21. febrúar 1992. Þremur
mánuðum eftir fæðingu Jones var
Ryan Giggs valinn efnilegasti leik-
maður ensku úrvalsdeildarinnar.
Jones ber ekki ungan aldur með
sér heldur stjórnar hann vörninni
af feiknalegu öryggi. Hinn mið-
vörðurinn var Jonny Evans, sem er
fæddur árið 1988 og er því 23 ára,
en á samt að baki þrjú tímabil með
aðalliði United. Í hægri bakverðin-
um var svo hinn ungi Chris Small-
ing sem er fæddur 22. nóvember
1989 og er því enn gjaldgengur
með U-21 liði Englendinga.
Fullþroskuð karldýr þrátt
fyrir ungan aldur
Ekki er hægt að segja að miðju- og
kantmenn hjá Manchester United í
leiknum á móti Tottenham hafi ver-
ið að sligast úr elli. Portúgalinn Luís
Nani er fæddur 17. nóvember árið
1986 og fagnar því 25 ára afmæli
sínu í vetur.
Á miðjunni var Brassinn And-
erson sem er fæddur 13. apríl árið
1988 og er því rétt farinn að teljast
til fullorðinna. Við hlið hans var
ungstirnið Tom Cleverley, sem hef-
ur byrjað inni á í báðum leikjum í
deildinni og í leiknum um Sam-
félagsskjöldinn. Hann hefur átt
feiknalega góða leiki á miðjunni hjá
Manchester United og þrátt fyrir að
vera nýorðinn 22 ára hefur hann
slegið hinn reynslumikla Michael
Carrick út úr liðinu.
Við hlið Rooney í framlínunni
var hinn tvítugi Daniel Nii Tac-
kie Mensah Welbeck, betur þekkt-
ur sem Danny Welbeck. Hann er
fæddur og uppalinn í Manches-
ter-borg og er því sérstaklega vin-
sæll hjá stuðningsmönnum liðsins.
Hann gekk til liðs við Manchester
United árið 2005, þá 15 ára.
Enn yngra lið mögulegt
Jafnvel þó meðalaldurinn hafi ekki
verið hár í byrjunarliðinu á móti
Tottenham, þá hefði Sir Alex auð-
veldlega getað stillt upp byrjunar-
liði þar sem meðalaldurinn væri
enn lægri. Í leiknum á móti Tot-
tenham voru nefnilega ekki hinir
21 árs gömlu tvíburabræður Fabio
og Rafel da Silva. Þá var mexí-
kóska stjarnan Javíer Hernandez
ekki í byrjunarliðinu. Á meðfylgj-
andi mynd má sjá mögulegt byrj-
unarlið Manchester United, skipað
eintómum unggæðingum. Ekkert
pláss er fyrir stórstjörnur á borð
við Wayne Rooney, Ryan Giggs, Rio
Ferdinand, Nemanja Vidic, Micha-
el Carrick, Michael Owen og Di-
mitar Berbatov.
Valgeir Örn Ragnarsson
blaðamaður skrifar valgeir@dv.is