Dagblaðið Vísir - DV - 22.03.2013, Síða 13

„Það er ömurlegt
að vera hérna“
Fréttir 13Helgarblað 22.–24. mars 2013
liðin frá hruninu. Þegar nýr ritstjóri
með um og yfir 1,5 milljónir króna í
laun á mánuði er ráðinn upp að hlið
núverandi ritstjóra sem er álíka hátt
launaður þá verða starfsmenn hugsi
yfir stöðu sinni.
Ari hæstánægður
Ari Edwald, forstjóri 365, telur hins
vegar að breytingarnar á 365 muni
verða til góðs til lengri tíma litið og
bendir á að Ólafur sé sáttur við þær.
„Ég held að þessar breytingar verði til
góðs fyrir blaðið og ég tel mig þegar
sjá merki þess.“ Ari segir að þeir hafi
ráðið Mikael Torfason til starfa til að
„efla og styrkja ritstjórnina“ og reyna
að auka lestur Fréttablaðsins, líkt
og hann gerði á Fréttatímanum. „Ég
held að það sé ekki slæmt að ein­
hver endurnýjun eigi sér stað á slík­
um fjölmiðli sem Fréttablaðið er. Það
var að sjálfsögðu rætt við Ólaf áður en
þessar breytingar áttu sér stað. Hann
hefur tekið þessum breytingum vel
og er ánægður með þær,“ segir Ari og
bætir því aðspurður við að hann vilji
að Ólafur og Mikael ritstýri blaðinu
saman til framtíðar.
Ari segir að hann sé nú þegar byrj­
aður að sjá jákvæðar breytingar á
blaðinu eftir að Mikael tók við því og
að hann upplifi ekki að starfsfólk 365
sé óánægt. „Já, ég er sáttur við þær
og ég veit ekki annað en fólk sé til­
tölulega sátt við þetta. Það er góður
andi í fyrirtækinu. Ef það er einhver
mælikvarði á ánægju starfsfólksins þá
get ég bent á það að við héldum ný­
lega árshátíð sem var sú mesta sótta
hjá okkur hingað til. Það mættu
um 500 manns með mökum.
Miðað við þetta er starfs­
ánægjan gríðarlega góð.“
Þessi túlkun Ara
rímar ekki við það
sem heimildir
DV innan 365
herma, líkt og
getið er hér að
framan. Þvert
á móti virðist
vera megn
óánægja
innan fyrir­
tækisins.
Kom inn með
látum
Mikael Torfason
hóf störf á Frétta­
blaðinu með látum.
Starfsmennirnir höfðu
heyrt ávæning af því að
ráða ætti Mikael til starfa.
Einn þeirra segir: „Við vor­
um búin að heyra slúðrið. Í
hádeginu fréttist þetta á rit­
stjórnina án þess að Ólafur og
Steinunn vissu nokkuð. Hann
var svo boðaður á fund
hjá Ara og hluti af
hópnum lá á rúðunni að fylgjast með.
Klukkan hálf þrjú gargaði einhver úr
glugganum að Mikael væri kominn í
hús. Klukkan þrjú komu þeir þrír af
fundinum.“
Eitt það fyrsta sem gerðist eftir að
Mikael var kynntur til leiks á starfs­
mannafundi var að hann tók yfir skrif­
stofu Steinunnar Stefánsdóttur að­
stoðarritstjóra. Steinunni var tilkynnt
að hún ætti að flytja
tímabundið
inn á
n Mikil ólga innan 365 vegna afskipta Jóns Ásgeirs n Flótti frá Fréttablaðinu eftir ráðningu Mikaels
Steinunn Stefánsdóttir, aðstoðarritstjóri Frétta-
blaðsins, sagði starfi sínu lausu daginn eftir að Mikael Torfason
var ráðinn ritstjóri við hlið Ólafs Stephensen. Í Morgunútvarpi
Rásar 2 skömmu síðar sagðist hún hafa upplifað það þannig
að sér hefði verið ýtt til hliðar. „Ég upplifði það þannig já.
Einhverjir aðrir munu segja nei, en það er mín upplifun,“ sagði
hún. „Þegar verkefnin eru að mestu tekin af manni, þá finnst mér
það já.“ Steinunn sem starfað hafði hjá Fréttablaðinu í tólf ár sagðist
hafa tekið ákvörðunina um að hætta strax sama dag og Mikael kom inn í
fyrirtækið.
Þórður Snær Júlíusson, fyrrverandi viðskiptastjóri
Fréttablaðsins, sagði starfi sínu lausu á svipuðum tíma og
Steinunn. Þórður stýrði Markaðnum ásamt því að vera leiðar-
ahöfundur og einn nánasti samstarfsmaður Ólafs Stephensen,
ritstjóra blaðsins. Eftir því sem DV kemst næst er hann hættur
störfum og vinnur því ekki uppsagnarfrestinn. Þórður mun hafa
haft hug á því að hætta á Fréttablaðinu, að eigin sögn, áður en
Mikael Torfason tók við sem ritstjóri.
Skömmu áður en fréttir bárust af uppsögn Þórðar deildi hann frétt Vísis
af brotthvarfi Steinunnar á Facebook-síðu sinni. Við fréttina skrifaði hann:
„Litlir karlar halda áfram að vera litlir karlar“ og vísaði þar með í pistil
kollega síns Magnúsar Halldórssonar sem bar nafnið Litli karlinn. Umræddur
pistill markaði upphafið af hræringunum innan fyrirtækisins sem óvíst er
hvort sé lokið.
Magnús Halldórsson, viðskiptafréttastjóri Stöðvar
2 og Vísis, sagði upp störfum hjá fyrirtækinu nokkrum dögum
síðar. Hann og Þórður réðu sig sem teymi til 365 fyrir um einu og
hálfu ári með þá hugmynd að leiðarljósi að samræma viðskipta-
fréttir miðla fyrirtækisins. Magnús er nú hættur störfum líkt og
Þórður og Steinunn.
Kolbrún Pálína Helgadóttir, ritstjóri Lífsins,
fylgirits Fréttablaðsins, staðfesti í samtali við DV að hún hefði
sagt upp hjá 365. Samkvæmt heimildum DV eru ástæður upp-
sagnarinnar meðal annars breytingarnar sem hafa átt sér innan
fyrirtækisins. Kolbrún Pálína hefur gegnt starfinu frá því í janúar
í fyrra ásamt Ellý Ármannsdóttur. Hún kemur til með að vinna út
uppsagnarfrestinn og hættir störfum í lok júní.
Tinna Rós Steinsdóttir, blaðamaður á innblaði
Fréttablaðsins og bakþankahöfundur, var búin að fá annað
starf áður en hræringarnar hófust en sagði upp í vikunni.
Samkvæmt heimildum DV hættir hún fyrr en til stóð vegna
breytinganna.
Kristín Anna Björnsdóttir, sem starfað hefur í níu ár sem
umbrotsmaður hjá framleiðsludeild blaðsins, er, samkvæmt heimildum DV,
einnig að hætta vegna breytinganna.
Erla Hlynsdóttir, fréttamaður á Stöð 2, hefur einnig
sagt starfi sínu lausu á fréttastofunni. Að hennar sögn
tengist uppsögnin þó ekki hræringunum innan fyrirtækis-
ins. Hún mun hefja störf hjá Fréttatímanum í næstu viku.
Birgir Þór Harðarson umbrotsmaður hverfur einnig á
braut á næstunni líkt og kollegi hans Kristín Anna.
Magnús Þorlákur Lúðvíksson, blaða-
maður á Fréttablaðinu, er í hópi þeirra sem yfirgefa
blaðið á næstu mánuðum. Eftir því sem DV kemst er
hann á leið í nám.
Þórunn Elísabet Bogadóttir blaðamaður
mun yfirgefa Fréttablaðið í sumar, en samkvæmt
heimildum kom sú ákvörðun til áður en Mikael var
ráðinn ritstjóri. Þórunn birti frétt Vísis af brotthvarfi
Steinunnar á Facebook-síðu sinni, líkt og kollegi
hennar Þórður. Við fréttina skrifaði hún:
„Ýmislegt gæti bætt það oft fína
blað sem ég starfa hjá. Að missa
Steinunni Stefánsdóttur þaðan er
ekki eitt af því.“ Þá fagnaði hún einnig pistli
Magnúsar og birti hann á síðunni sinni.
Hún skrifaði að slíkar umræður
væru svo sannarlega af hinu
góða.
solrun@dv.is
Þau flýja 365
Þau hætta líka
„Það eru
margir sem
annaðhvort eru að
hætta eða myndu
helst vilja það
„Það er góður
andi í fyrirtækinu
Hófst með
litla karlinum
Atburðarásin
sem leitt hefur
til þess að nú er
fólksflótti frá
365, fjölmiðla-
fyrirtæki Jóns
Ásgeirs, hófst
með gagnrýn-
um pistli, Litla
karlinum, sem
skrifaður var um
Jón Ásgeir.
Hæstánægður Ari Edwald,
forstjóri 365, segist vera hæst-
ánægður með breytingarnar sem
gerðar hafa verið á Fréttablaðinu.