Dagblaðið Vísir - DV - 24.05.2013, Qupperneq 8

Bærinn dæmdur
Vestmannaeyjabær var í Héraðs-
dómi Suðurlands á miðvikudag
dæmdur til að greiða Jóhannesi
Þór Sigurðssyni 3,1 milljón króna í
skaðabætur fyrir skemmdir í kjöl-
far uppgraftar gosminja í Vest-
mannaeyjum. Einnig fær félagið
Blámann ehf. 184 þúsund krónur í
skaðabætur.
Deilan snérist um skemmdir á
fasteign við enda Nýjabæjarbraut-
ar í Vestmannaeyjum og tveimur
bifreiðum Jóhannesar. Mikið
fok varð af uppgraftarsvæðinu
og olli það verulegum skemmd-
um bæði á húsinu og á bílunum.
Bærinn þarf að standa straum
af kostnaði Jóhannesar vegna
málarekstursins, alls 2,8 milljónir
króna. Kostnaður bæjarins – að
frádregnum eigin málskostnaði –
er því ríflega sex milljónir króna.
Teknir fyrir
hraðakstur
Lögreglan á höfuðborgarsvæðinu
stöðvaði bifreið þeirra Sigmundar
Davíðs Gunnlaugssonar, for-
manns Framsóknarflokksins og
verðandi forsætisráðherra, og
Jóhannesar Þórs Skúlasonar, að-
stoðarmann hans, í Mosfellsdaln-
um um klukkan tvö á miðvikudag.
Voru þeir Sigmundur og Jóhannes
Þór á leið frá Laugavatni þar sem
þeir höfðu kynnt nýja ríkisstjórn.
Jóhannes Þór ók bílnum en Sig-
mundur Davíð sat í farþegasætinu
og talaði í símann.
„Lögreglan að standa sig vel,
stressaður aðstoðarmaður orðinn
of seinn á fund fékk tiltal og sekt
fyrir of þungan bensínfót í Mos-
fellsdalnum, 106Km/klst,“ skrif-
aði Jóhannes Þór á Facebook-síðu
sína í kjölfar þessa.
Kennsl borin
á líkið
Maðurinn sem fannst látinn í
Kaldbaksvík á Ströndum að kveldi
17. maí hét Gunnar Gunnarsson.
Gunnar var fæddur 1962 en þann
12. desember 2012 mun Gunnar
Gunnarsson hafa fallið útbyrð-
is af Múlabergi SI-22, djúpt út af
Húnaflóa.
Lögreglunni barst tilkynning
um líkfund í Kaldbaksvík þann
17. maí síðastliðinn en það voru
ferðamenn sem gengu fram á það.
Lögreglan fór þá þegar á vett-
vang. Vettvangur var rannsakað-
ur og líkið flutt til rannsóknar hjá
kennslanefnd embættis ríkislög-
reglustjóra. Niðurstöður þeirrar
rannsóknar eru ótvíræðar.
Í
árshlutareikningi Ríkisútvarps-
ins sem nýlega var birtur kom
fram að RÚV hefði greitt 11,4
milljónir króna vegna starfsloka
starfsmanna. Er um að ræða
tímabilið frá september 2012 til loka
febrúar á þessu ári. „Stærsti hluti
þessa kostnaðar tengist starfslokum
Sigrúnar Stefánsdóttur, fyrrverandi
dagskrárstjóra,“ segir Páll Magnús-
son, útvarpsstjóri í samtali við DV.
Margrét Marteinsdóttir var síð-
an ráðin dagskrárstjóri útvarps og
Skarphéðinn Guðmundsson dag-
skrárstjóri sjónvarps en hann hafði
verið dagskrárstjóri Stöðvar 2.
Uppsögn Sigrúnar kom nokkuð
á óvart enda var talið að hún nyti
velvildar Páls Magnússonar og væri
handgengin honum. Sigrún sjálf lét
hafa eftir sér, þegar hún hætti á RÚV
í október í fyrra, að hún hefði sagt
upp starfi sínu sem dagskrárstjóri.
Á þeim tíma vildi hún þó lítið tjá sig
um það hvort einhver átök hefðu átt
sér stað sem urðu þess valdandi að
hún ákvað að hætta.
Páll segist ekki hafa rekið
Sigrúnu
Heimildarmaður sem DV ræddi við
fullyrti að Sigrúnu hafi verið sagt
upp störfum á RÚV öfugt við það
sem hún hefur sjálf sagt. Páll segir
að þetta sé hins vegar ekki rétt.
„Það er rangt að henni hafi verið
sagt upp störfum. Hún var dagkrár-
stjóri yfir bæði útvarpi og sjónvarpi
en var upphaflega einungis yfir út-
varpi. Síðan var tekin ákvörðun um
að aðskilja þessi svið aftur. Sigrúnu
var síðan boðið að halda áfram sem
dagskrárstjóri útvarps og að nýr að-
ili yrði ráðinn yfir sjónvarpinu. Það
þáði hún ekki og ákvað þess í stað að
láta af störfum,“ segir Páll.
Hann áréttar að Sigrún hafi ekki
fengið neinn starfslokasamning
umfram það sem hún átti rétt á.
„Inni í þessum starfslokakostnaði
Sigrúnar var allt uppsafnað orlof, frí
og önnur leyfi. Það er síðan gert upp
með einum samningi við starfslok.
Þetta var engin „gyllt fallhlíf“ eins
og stundum er sagt um starfsloka-
samninga,“ segir Páll. Vísar hann
þar til orðatiltækis sem á ensku kall-
ast „golden parachute“ sem oft er
notað yfir stóra starfslokasamninga
sem gerðir eru við forstjóra, þá sér-
staklega í Bandaríkjunum. Hann
áréttar að engir samningar séu í
boði hjá RÚV um einhvers konar of-
urlaun sumra við starfslok.
Skrifaði undir þagnareið
„Ég skrifaði undir sameiginlegan
samning við Pál Magnússon um að
hvorki hann né ég myndum ræða á
opinberum vettvangi um þennan
starfslokasamning né tildrög þess
að ég hætti. Ég ætla að halda mig við
það samkomulag þó Páll hafi brot-
ið sitt,“ segir Sigrún í samtali við DV.
Samkvæmt tekjublaði DV frá árinu
2012 var Sigrún með 923 þúsund
krónur í tekjur á mánuði árið 2011.
Páll sagði að stærsti hluti af 11,4
milljóna króna kostnaði við starfs-
lok starfsmanna sem fram kom í
síðasta árshlutauppgjöri hafi verið
vegna starfsloka Sigrúnar. Ef miðað
væri við að það væru um 80 prósent
af þeirri upphæð má telja líklegt
að Sigrún hafi fengið greidd um 10
mánaða laun vegna starfsloka eða
um níu milljónir króna. Þó er erfitt
að fullyrða um það þar sem hvorki
hún né Páll vilja gefa nákvæmlega
upp hversu marga mánuði Sigrún
fékk greidda við starflok.
Sigrún er 66 ára og átti því líklega
ekki eftir mörg ár hjá RÚV þar til hún
færi á eftirlaun. Hún hóf störf á RÚV
árið 1975 og starfaði þar frá þeim
tíma með hléum. Hún var ráðin
dagskrárstjóri árið 2005 og hafði því
gegnt því starfi í um sjö ár þegar hún
ákvað að hætta. Sigrún er með dokt-
orspróf í fjölmiðlafræði og kom að
kennslu á því sviði um árabil hjá Há-
skóla Íslands.
Engir óeðlilegir
starfslokasamningar
Þegar Páll er spurður um aðra starfs-
menn sem hætt hafa störfum hjá
RÚV á undanförnum árum segir
hann það sama gilda um alla. RÚV
geri ekki neina starfslokasamn-
inga umfram það sem áður hafi
verið samið um. Það vakti nokkra
athygli í upphafi árs 2012 þegar
Hjörtur Hjartarson var rekinn af
RÚV. Ástæðan var mál sem kom
upp á milli hans og Eddu Sifjar Páls-
dóttur, dóttur Páls. Stuttu síðar var
Hjörtur síðan ráðinn á íþróttadeild
Stöðvar 2 þar sem hann starfar í dag.
Páll segir að Hjörtur hafi ekki fengið
greitt neitt við starfslok sín umfram
réttindi. Það sé þó oft mismunandi
hvort starfsmenn vinni áfram þar til
uppsagnafrestur rennur út eða hætti
samstundis. Bæði Sigrún Stefáns-
dóttir og Hjörtur Hjartarson hættu
þegar störfum.
Í lok árs 2012 var greint frá því
að Þórhallur Gunnarsson, sem þá
starfaði sem dagskrárgerðarmaður
á RÚV, hefði verið ráðinn yfirmað-
ur dagskrárdeildar Saga Film. Hann
var um tíma dagskrárstjóri á RÚV
og var ritstjóri Kastljóss frá 2005 til
2010. Í vetur hafði hann umsjón
með þættinum Djöflaeyjunni og
þætti með úrvali úr spjallþáttunum
Á tali hjá Hemma Gunn. Páll segir
að eftir að Þórhallur réð sig til Saga
Film hafi hann samfara því lokið
þeim verkefnum sem hann kom þá
að hjá RÚV. Hann hafi verið á laun-
um þar til nýlega hjá RÚV. Um Þór-
hall gildi það sama og aðra – engar
greiðslur umfram lög og samnings-
bundin réttindi. n
n RÚV greiddi 11,4 milljónir vegna starfsloka n Stærsti hlutinn til Sigrúnar
Neitar að tjá
sig um starfslok
Skrifaði undir þagnareið Dr.
Sigrún Stefánsdóttir, fyrrverandi
dagskrárstjóri á RÚV, segist hafa
skrifað undir samkomulag um að
tjá sig ekki um starfslok sín á RÚV
sem gengið var frá á síðasta ári.
Annas Sigmundsson
blaðamaður skrifar annas@dv.is
Engir ofurlaunasamningar Páll Magnússon, útvarpsstjóri RÚV, segir að engir starfs-
menn hafi fengið „gullna fallhlíf“ eða einhvers konar ofurlaunasamninga við starfslok.
8 Fréttir 24.–26. maí 2013 Helgarblað