Dagblaðið Vísir - DV - 24.05.2013, Blaðsíða 14

R
íkisstjórn Sigmundar Dav-
íðs Gunnlaugssonar er fyrir
margra hluta sakir merkileg.
Enginn þeirra sem nú setj-
ast á ráðherrastól hafa gegnt
ráðherraembætti áður. Sá sem hef-
ur lengsta þingreynslu í stjórninni
er Bjarni Benediktsson, hann hefur
setið á þingi í um áratug. Einn ráð-
herra hefur ekki áður setið á þingi
það er Hanna Birna Kristjánsdótt-
ir. Sá yngsti í stjórninni er forsætis-
ráðherrann, Sigmundur Davíð, 38
ára en sá elsti er Kristján Þór, 55 ára.
Meðalaldurinn er rúm 45 ár. Ráð-
herrarnir eru líka flestir vel mennt-
aðir, hafa allir háskólamenntun þótt
ekki hafi þeir allir lokið prófi. Þegar
litið er yfir feril ráðherranna má
glögglega sjá að kynslóðaskipti eru
að verða í íslenskum stjórnmálum.
DV skoðaði feril allra ráðherranna.
johanna@dv.is
solrun@dv.is
Ný kyNslóð tekur völdiN
n Ríkisstjórn Sigmundar Davíðs
Á
hugamál Eyglóar eru matur
og stjórnmál. Hún vakti
mikla athygli um áramótin
þegar hún tilkynnti að hún
ætlaði að elda fyrir minna
en 30 þúsund á viku út árið. Þegar
Eyjafréttir spurðu hana að því í að-
draganda kosninganna 2007 hverju
þyrfti að breyta í íslensku samfé-
lagi sagði hún að skilja þyrfti á milli
framkvæmdavalds og löggjafar-
valds með þeim hætti að ráðherr-
ar væru ekki líka þingmenn. Þá
sagðist hún ætla að leggja áherslu
á að bæta hag landsbyggðarinn-
ar, lengja fæðingarorlof, gjald-
frjálsan leikskóla og að eign þjóðar-
innar á auðlindum verði tryggður
með ákvæði í stjórnarskrá. Eygló
kom nokkuð óvænt á þing árið
2008 þegar Guðni Ágústsson sagði
af sér þingmennsku. Eygló bjó í
Vestmannaeyjum. Hún lauk stúd-
entsprófi frá Fjölbrautaskólanum í
Vestmannaeyjum og hélt þaðan til
náms við Háskólann í Stokkhólmi
þaðan sem hún lauk Fil.kand-
prófi í Listasögu. Hún lagði stund
á framhaldsnám í viðskiptafræði.
Eygló hafði starfað sem fram-
kvæmdastjóri Þorsks á þurru landi
í sjö ár en hætti um leið og hún
settist á þing. Áður hafði hún starf-
að hjá ýmsum fyrirtækjum. Eygló
hefur í gegnum tíðina verið öflug-
ur lausapenni, haldið úti blogg-
síðu og verið fastur dálkahöfund-
ur í Bændablaðinu. Hún hefur setið
í ýmsum ráðum og nefndum fyrir
hönd flokksins í Vestmannaeyjabæ
og sinnt trúnaðarstörfum. Hún sett-
ist í miðstjórn Framsóknarflokksins
2003 og hefur verið ritari flokksins
frá 2009. Hún skipaði fjórða sætið
á lista flokksins í Suðurkjördæmi í
kosningunum 2007 og annað sætið
2009. Á síðasta kjörtímabili sat hún
sem þingmaður þess kjördæmis en
flutti sig yfir í Suðvesturkjördæmi
í kosningunum í vor og var í efsta
sæti á lista flokksins þar.
H
ann er heilsteyptur ná-
ungi, einbeittur og skipu-
lagður það sem ég þekki
til. Hann er vanur póli-
tíkus. Það sem einkennir
hann helst að mínu mati er traust
og trúnaður. Svo er hann vinnu-
samur og harðduglegur. Hann gerir
það sem hann á að gera, segir Þor-
leifur Karl Eggertsson, for maður
kjördæmaráðs Framsóknarflokks-
ins í Norðvesturkjördæmi og sam-
starfsmaður Gunnars Braga í
rúman áratug.
Gunnar Bragi er fæddur og
uppalinn á Sauðárkróki og hefur
lengst af búið þar. Þeir sem þekkja
hann segja hann eðalskagfirðing.
Gunnar Bragi lauk stúdentsprófi frá
Fjölbrautaskólanum á Sauðár króki
og lagði síðar stund á atvinnulífsfé-
lagsfræði við Háskóla Íslands.
Gunnar Bragi hefur unnið marg-
vísleg störf, var verkamaður á yngri
árum, ritstjóri héraðsfréttablaðs,
sölu- og verslunarstjóri og að-
stoðarmaður Páls Péturssonar fé-
lagsmálaráðherra um tveggja ára
skeið. Hann var um tíma sölu-
og markaðsstjóri Kaupfélags
Skagafjarðar og framkvæmdastjóri
Árbæjarveitinga. Gunnar Bragi hef-
ur gegnt fjölda trúnaðarstarfa fyr-
ir Framsóknarflokkinn. Hans póli-
tíski ferill hófst þegar hann varð
formaður Ungra framsóknarmanna
í Skagafirði og frá þeim tíma hefur
hann gegnt fjölda trúnaðarstarfa
fyrir flokkinn. Hann sat í sveitar-
stjórn Skagafjarðar þangað til hann
var kosinn á Alþingi 2009. Hann
var kosinn formaður þingflokks-
ins þegar hann settist á þing auk
þess sem hann hefur setið í þremur
fastanefndum þingsins.
Reyndur stjórnmála-
maður úr Skagafirði
n Gunnar Bragi Sveinsson er utanríkisráðherra
Hefur áhuga á mat og stjórnmálum
n Eygló Harðardóttir er félagsmálaráðherra
R
agnheiður Elín hefur verið
einn skörulegast þingmaður
Sjálfstæðismanna frá því hún
var kosin á þing. Í viðtali við
Morgunblaðið fyrir nokkrum
árum var hún spurð hvers vegna hún
væri í pólitík og svaraði því til að það
væri sambland af pólitískri hugsjón
og meðfæddri afskiptasemi. Þetta
væri leiðin til að hafa áhrif á sam-
félagið og hún vildi taka þátt í því. Í
sama viðtali uppljóstraði hún því að
hennar helstu áhugamál væru úti-
vist, gönguferðir, línuskautar, lestur
og samvera með fjölskyldunni.
Ragnheiður Elín er borinn og barn-
fæddur Keflvíkingur. Hún varð stúd-
ent frá Kvennaskólanum í Reykjavík
og stjórnmálafræðingur frá Háskóla
Íslands. Hún er með masterspróf í al-
þjóðasamskiptum frá Bandaríkjun-
um. Hún hefur mestallan sinn starfs-
feril starfað á opinberum vettvangi.
Hún var starfsmaður Útflutnings-
ráðs Íslands, aðstoðarviðskiptafull-
trúi og viðskiptafulltrúi. Ragnheiður
Elín vakti athygli þegar hún var að-
stoðarmaður Geirs H. Haarde, fyrst
í fjármálaráðuneytinu, þá í utanrík-
isráðuneytinu og loks í forsætisráðu-
neytinu. Á þeim tíma sat hún í fjöl-
mörgum opin berum nefndum. Hún
tók sæti á þingi fyrir Suðvesturkjör-
dæmi 2007 en hefur verið þingmað-
ur Suðurkjördæmis frá 2009. Hún
var formaður þingflokks Sjálfstæðis-
flokksins í tvö ár, frá 2010 til 2012 er
Illugi Gunnarsson tók við. Ragn-
heiður Elín var ósátt við að vera sett
af og lýsti miklum vonbrigðum með
ákvörðunina. Við sama tækifæri lýsti
hún því yfir að hún teldi sjálfgefið
að hún kæmi til álita sem ráðherra
kæmist Sjálfstæðis flokkurinn í ríkis-
stjórn. Nú hefur sú ósk ræst.
Leið til að hafa
áhrif á samfélagið
n Ragnheiður Elín Árnadóttir er iðnaðar- og viðskiptaráðherra Fyrirliggjandi verkefni
Langtímastefnumótun í ferðaþjónustu
á Íslandi er nauðsynleg með tilliti til
uppbyggingar innviða, markaðssetn­
ingar landsins og sköpunar verðmætra
starfa í greininni. Fallið verður frá
áformum fyrri ríkisstjórnar um hækkun
virðisaukaskatts á ferðaþjónustu. Ríkis­
stjórnin mun eins og kostur er stuðla
að því að nýting hugsanlegra olíu­ og
gasauðlinda geti hafist sem fyrst, finnist
þær í vinnanlegu magni. Í því skyni
mun hún ráðast í undirbúningsvinnu
meðal annars á sviði samgöngumála,
umhverfisverndar ásamt því að stofna
sérstakt ríkisolíufélag.
Úr stjórnarsáttmála ríkisstjórnarinnar
Fyrirliggjandi verkefni
„Gert verður hlé á aðildarviðræðum
Íslands við Evrópusambandið og úttekt
gerð á stöðu viðræðnanna. Ekki verður
haldið lengra í aðildarviðræðum nema
að undangenginni þjóðaratkvæða­
greiðslu. Ríkisstjórnin mun vinna
að því að Ísland verði leiðandi afl á
norðurslóðum og virkur þátttakandi í
vestnorrænu starfi.“
Úr stjórnarsáttmála ríkisstjórnarinnar
Fyrirliggjandi verkefni
Ríkisstjórnin mun með markvissum
aðgerðum taka á skuldavanda ís­
lenskra heimila sem er til komin vegna
ófyrirsjáanlegra höfuðstólshækkunar
verðtryggðra lána. Grunnviðviðmiðið
er að ná fram leiðréttingu vegna verð­
bólguskots áranna 2007 til 2010 en í
því augnamiði má beita bæði beinni
niðurfærslu höfuðstóls og skattaleg­
um aðgerðum. Ríkisstjórnin heldur
þeim möguleika opnum að stofna
sérstakan leiðréttingasjóð til að ná
markmiðum sínum.
Úr stjórnarsáttmála ríkisstjórnarinnar
14 Fréttir 24.–26. maí 2013 Helgarblað
Eygló Harðardóttir
Þingmaður frá: 2008
Aldur: 40 ára
Maki: Sigurður E. Vilhelmsson
Börn: Tvö
Mynd: PRESSPHotoS
Gunnar Bragi Sveinsson
Þingmaður frá: 2009
Aldur: 45 ára
Maki: Elva Björk Guðmundsdóttir
Börn: Þrír synir og tveir stjúpsynir
Ragnheiður
Elín Árnadóttir
Þingmaður frá: 2007
Aldur: 45 ára
Maki: Guðjón Ingi Guðjónsson
Börn: Tvö og tvö stjúpbörn
ný ríkisstjórn Er skipuð ungum en efnilegum ráðherrum.