Dagblaðið Vísir - DV - 14.01.2014, Síða 19

Skrýtið 19Vikublað 14.–16. janúar 2014
S
umir hafa haldið því fram
að manneskjan deyi tvisvar.
Í fyrra skiptið þegar hún fer
yfir móðuna miklu og aftur
þegar einhver nefnir nafn
hennar í síðasta skiptið. Mann-
eskjan hefur ætíð reynt að svara því
hvað verður um hana eftir dauðann
og verður þeirri spurningu eflaust
ekki svarað í þessari grein. Í staðinn
fylgja hér nokkrir molar um dauð-
ann og málefni tengd honum. n
Svona er dauðinn
n Hundrað milljarðar manna hafa látið lífið á jörðinni n Rithönd lækna banvæn
 Fyrsta jarðarförin Talið er að sú athöfn að jarða þá látnu megi rekja 350 þúsund
ár aftur í tímann. Í Atepurca á Spáni fundust steingervingar af 27 Homo Heidelbergensis, dýra
af mannætt, sem eru talin hugsanlegir forfeður Neanderdalsmanna og nútímamannsins.
 Ensím og bakteríur éta þig Þremur dögum eftir þú ferð yfir
móðuna miklu byrja ensímin sem eitt sinn meltu fæðuna þína að éta þig. Rofnar
frumur verða að fæðu fyrir bakteríuflóruna í þörmunum sem gefa frá sér gas sem
belgir út líkamann og verður til þess að augun bólgna út.
 Hundrað milljarðar Um 7,2 milljarðar
manna lifa á þessari jörð í dag en talið er að um hundrað
milljarðar manna hafi látið lífið frá því að hinn viti borni
maður gekk fyrst á þessari jörðu fyrir um 50 þúsund árum.
 150.000 deyja á afmælinu þínu Afmælið
þitt er oftast nær einn skemmtilegasti dagur ársins
fyrir þig en það á þó ekki við um þá 150 þúsund
einstaklinga sem eiga eftir að láta lífið á
meðan þú fagnar afmælisdeginum. 1,78
lætur lífið á hverri sekúndu, 107 á hverri
mínutu, 6.390 á hverjum klukkutíma,
153 þúsund á hverjum degi, 56 milljónir
á hverju ári og 3,9 milljarðar á meðal
mannsævi, eða á 70 árum.
 Rithönd lækna banvæn
Slæm rithönd lækna er sögð verða um sjö
þúsund manns að bana á ári hverju. Þetta
kom fram í skýrslu bandarísku samtak-
anna Academies of Science ś Institute
of Medicine árið 2006. Er þetta rakið til
þess að lyfja- og hjúkrunarfræðingar skilja
ekki rithönd lækna þegar þeir mæla fyrir
ráðlögðum skammti lyfja fyrir sjúklinga sína
sem hefur orsakað mistök við lyfjagjöf sem
leiðir til dauða sjúklinga.
 Öflugt rándýr Í skýrslu sem birtist í Marine Policy í fyrra kom fram að mannfólkið
slátri um það bil hundrað milljónum hákarla á ári hverju. Á móti kemur að um 12 manns
missa lífið á hverju ári í hákarlaárás.
 Að deyja úr hlátri Hefur þér
einhvern tímann fundist þú vera að deyja úr
hlátri? Þú þarft svo sem ekki að hafa miklar
áhyggjur. Slíkur dauðdagi er afar sjaldgæfur
og þá oftast nær af völdum hjartaáfalls eða
súrefnisskorts. Sagan af gríska heimspek-
ingnum Chrysippus sem er sagður hafa dáið
úr hlátri eftir að hafa séð asna éta fíkjur er
þekkt. Nokkur önnur dæmi eru þekkt, til að
mynda taílenski íssalinn Damnonen Saeum
sem er sagður hafa dáið úr hlátri í svefni
árið 2003, þá 52 ára að aldri. Eiginkona hans
náði ekki að vekja hann og er hann sagður
hafa misst andann tveimur mínútum eftir
að hláturskastið hófst. Talið er að hann
hafi annaðhvort látist úr hjartabilun eða
einfaldlega kafnað.
 Ein á 90 sekúndna fresti Á hverju
ári látast 350 þúsund konur af völdum meðgöngu
eða barnsburðar. Það er ein kona á 90 sekúndna
fresti. „Við missum ekki þessar konur út af sjúk-
dómum sem við getum ekki læknað. Við missum
þær því samfélögin hafa ekki tekið þá ákvörðun
að þeirra líf sé þess virði að bjarga,“ sagði Mahmoud
Fathalla, fyrrverandi forseti alþjóðlegra samtaka
fæðinga- og kvensjúkdómalækna, um þetta málefni.
 35 milljónir á hverri
mínútu Að jafnaði deyja 35
milljónir fruma í líkama þínum á
hverri mínútu. Á heilum sólarhring
eru nokkur skekkjumörk eða um 50
til 70 milljarðar fruma í fullorðnum
einstaklingi og 20 til 30 millj-
arðar í börnum.