Dagblaðið Vísir - DV - 25.03.2014, Blaðsíða 20

Útgáfufélag: DV ehf. • Stjórnarformaður: Þorsteinn Guðnason • Ritstjóri: Reynir Traustason • Aðstoðarritstjóri: Ingibjörg Dögg Kjartansdóttir Ritstjórnarfulltrúi: Ingi
Freyr Vilhjálmsson • Umsjónarmaður innblaðs: Viktoría Hermannsdóttir • Umsjónarmaður helgarblaðs: Kristjana Guðbrandsdóttir • Framkvæmdastjóri
og vefstjóri DV.is: Jón Trausti Reynisson • Sölu- og markaðsstjóri: Heiða B. Heiðarsdóttir • Umbrot: DV ehf. • Prentun: Landsprent • Dreifing: Árvakur
Heimilisfang
Tryggvagötu 11
Hafnarhvoli, 2. hæð
101 Reykjavík
FRéttASkot
512 70 70FR jál S t, ó Háð DAg b l Að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
AðAlnÚmeR
RitStjóRn
áSkRiFtARSími
AUglýSingAR
Sandkorn
20 Umræða Vikublað 25.–27. mars 2014
Bíða af sér Sigmund Davíð
R
íkisstjórnarsamstarf Sjálfstæð-
isflokksins og Framsóknar-
flokksins er orðið nokkuð
stirt í kjölfarið á umdeildustu
ákvörðun stjórnarinnar hingað til
á kjörtímabilinu. Á yfirborðinu er
allt auðvitað eins og það á að vera
en ekkert of djúpt undir því kraum-
ar óánægjan. Ríkisstjórnin bjóst lík-
lega ekki við því að boðuð ákvörðun
hennar um að slíta aðildarviðræð-
um við Evrópusambandið án þess
að boða til þjóðaratkvæðagreiðslu
myndi hafa slík áhrif. Frumkvæð-
ið að þeirri ákvörðun var komin frá
Framsóknarflokknum, sem er ein-
arðari í afstöðu sinni gegn Evrópu-
sambandinu en Sjálfstæðisflokk-
urinn.
Hvað Sjálfstæðisflokkurinn fær í
staðinn fyrir að láta undan þessum
vilja Framsóknarflokksins liggur ekki
fyrir en líklegt má telja að forsvars-
menn nagi sig nú í handarbökin
fyrir að hafa gert það. Vonandi, fyr-
ir Sjálfstæðisflokkinn, er ávinningur
flokksins fyrir stuðninginn við Fram-
sóknarflokkinn mikill því nægu hefur
flokkurinn tapað. Innanflokksátökin
hafa verið þannig síðustu vikurnar
að nota má orðið sögulegt til að lýsa
þeim. Þorsteinn Pálsson, þessi prúði
og orðvari maður, talaði um „stærstu
svik“ íslenskra stjórnmála og það
var alls ekki einhugur um málið inn-
an þingflokksins og hvað þá meðal
óbreyttra flokksmanna sem margir
eru alþjóða- og ESB-sinnar. Fylgistap
flokksins er hins vegar ekki í sam-
ræmi við þessa ólgu inni í flokknum
og er í raun ekki sýnilegt.
Hvert er agnið sem Framsókn
notaði til að teyma Sjálfstæðisflokk-
inn út í þessa vegferð? Gaman væri
að vita hvernig Sigmundur Davíð
Gunnlaugsson og Bjarni Benedikts-
son hafa samið um þessar lyktir. Einn
hugsanlegur möguleiki sem nefnd-
ur hefur verið er að Bjarni taki við
forsætisráðuneytinu á miðju kjör-
tímabilinu. Sá möguleiki er alls ekki
fjarlægur þegar litið er til þess að
fylgi Sjálfstæðisflokksins í skoðana-
könnunum er nærri tvöfalt meira en
Framsóknarflokksins – Sjálfstæðis-
flokkurinn með um 26 til 30 prósent
en Framsókn 13 til 15.
Þegar við bætist að forsvarsmenn
Sjálfstæðisflokksins eru orðnir leiðir
á því að vinna með Sigmundi Dav-
íð sökum þess að hann þykir ekki
vera sá iðnasti eða mikill verkstjóri,
auk þess sem hann er talsvert fjar-
verandi. Þá er komin upp staða sem
orðin er nokkuð þrúgandi. Sigmund-
ur Davíð tilkynnti Bjarna Benedikts-
syni til að mynda ekki fyrr en á síð-
ustu stundu að hann væri á leiðinni
til útlanda í frí í fimm daga í þar síð-
ustu viku og vakti þetta háttalag
furðu í herbúðum sjálfstæðismanna.
Bara þessi staðreynd segir meira en
mörg orð um það hversu lítil og slæ-
leg tengsl eru á milli formannanna
þótt brosin og ylurinn sem streymdi
á milli þeirra við myndun ríkisstjórn-
arinnar verði sjálfsagt lengi í minn-
um höfð. Ákvörðun Sigmundar Dav-
íðs um fríið virðist hafa verið tekin í
skyndi, jafnvel þótt mikið mæði á rík-
isstjórninni að reyna að ljúka mörg-
um málum fyrir þinglok. Hvaða
leiðtogi stekkur í frí þegar allt er á
suðupunkti?
Enginn ríkisstjórnarfundur var
á þriðjudeginum þar á eftir, með-
al annars vegna fjarveru Sigmundar
Davíðs, sem mun vera mótfallinn því
að stjórnin fundi þegar hann er fjar-
verandi. Bjarni myndi þá gegna starfi
forsætisráðherra í fjarveru hans.
Sigmundur Davíð vill víst ekki að
þessi staða komi upp, af einhverjum
ástæðum, og því fundar ríkisstjórnin
ekki á meðan. Bara nú í mars hefur
þessi staða komið upp tvisvar sinn-
um en í fyrra skiptið fór Sigmundur í
boðsferð til Kanada með Icelandair. Í
þessum skilningi heldur Sigmundur
Davíð ríkisstjórninni í vissri gíslingu.
Þingmenn og ráðamenn Sjálfstæðis-
flokksins ræða um þessa stöðu sín á
milli og eins við aðra en spurningin
er sú hvað sé til ráðs.
Á síðustu vikum hefur sú um-
ræða vitanlega komið upp meðal
þeirra sem velta fyrir sér stöðunni
að Sjálfstæðisflokkurinn segi skilið
við Framsókn og myndi nýja stjórn
með Samfylkingunni og Bjartri fram-
tíð. Ólíklegt er að svo verði; til þess
hefur einfaldlega of margt gerst á
kjörtímabilinu sem gerir þessum
flokkum ókleift að vinna saman, sér-
staklega án þess að boðað verði til
kosninga. Hvað yrði þá um spurn-
inguna um Evrópusambandið og
áframhaldandi aðildarviðræður?
Sjálfstæðisflokkurinn hefur tekið of
mörg skref í áttina frá Evrópusam-
bandinu og áframhaldandi viðræð-
um til að geta unnið með þessum
tveimur flokkum.
Egg Sjálfstæðisflokksins og Fram-
sóknar eru, því miður sennilega fyr-
ir Sjálfstæðisflokkinn, búin að bland-
ast of mikið saman í sömu körfunni.
Flokkurinn ber nú ekki bara samá-
byrgð með Framsóknarflokknum á
stórkostlega vafasömum og hugsan-
lega ólöglegum skuldaleiðréttingum
heldur líka „stærstu svikum“ stjórn-
málasögunnar að mati fyrrverandi
formanns flokksins.
Nýjar kosningar eru líka ólíklegar
því vilji flokkanna tveggja til valds-
ins er of mikill. Forsvarsmenn Fram-
sóknarflokksins vita sem er að árang-
ur þeirra í síðustu kosningum mun
ekki endurtaka sig — til þess hafa
þeir lofað of miklu og svikið of marga
— enda mælist fylgi flokksins nú
nærri helmingi minna en í síðustu
kosningum. Sjálfstæðisflokkurinn
veit sem er að þeim mun lengra sem
líður á kjörtímabilið og fylgið kvarn-
ast af Framsóknarflokknum verð-
ur staða sjálfstæðismanna gagnvart
framsóknarmönnum sterkari.
Forsvarsmenn Sjálfstæðisflokks-
ins munu því líklega bara velja
þann kost í þessari erfiðu stöðu.
Ríkisstjórnin er hálfhöfuðlaus og
Sigmundur Davíð var að koma
síþreyttur, þokukenndur og væni-
sjúkur úr sólinni á Flórída en það
er allt í lagi: Sjálfstæðisflokkurinn
fer með völdin og Framsóknarflokk-
urinn mun gera allt til að ríghalda
þeim því hann er nánast dæmdur til
stjórnarandstöðu eftir næstu kosn-
ingar. Sjálfstæðisflokkurinn mun lík-
lega gera það sem mikill meirihluti
þjóðarinnar gerir nú: Hann bíður af
sér Sigmund Davíð. n
Óðinn rak Elínu
Elín Hirst, alþingismaður og fyrr-
verandi fréttastjóri, er ein þeirra
sem blöskraði að Óðinn Jónsson,
fréttastjóri Ríkisútvarpsins, skyldi
sjálfur lesa frétt um eigin upp-
sögn. Elín var undir lok frétta-
mannaferils síns undirmaður
Óðins sem rak hana miskunnar-
laust á sínum tíma. Þótti sú að-
gerð harkaleg og óvægin. Elín á
því örugglega slæmar minningar
frá vistinni undir Óðni.
Björn að baki
Björn Ingi Hrafnsson, útgefandi
Pressunnar, er dugnaðarforkur og
heldur úti vef sínum af myndar-
skap. Undanfarið
hafa menn tekið
eftir því að hann
leggur mikið upp
úr því að verja
sína gömlu flokks-
bræður í Fram-
sókn. Þannig varði
hann skyndilega fjarvist Sigmund-
ar Davíðs Gunnlaugssonar forsætis-
ráðherra sem fór til útlanda án
þess að láta kóng eða prest vita.
Útlistaði að stjórnmálamenn
þyrftu frí eins og annað fólk.
Þarna er Björn að baki Simba.
Völd Mikaels
Miklar starfsmannabreytingar
hafa verið hjá fjölmiðlafyrir-
tækinu 365 eftir komu Mikaels
Torfasonar til fyr-
irtækisins sem
aðalritstjóra. Fyr-
ir nokkru sagði
fréttastjóri Vísis,
Kristján Hjálmars-
son, upp störfum
af persónuleg-
um ástæðum. Ari Edwald, forstjóri
365, hringdi hins vegar í Kristján
á föstudegi og bað hann að hugsa
sig betur um þá um helgina. Á
mánudeginum þar á eftir þegar
Kristján mætti til vinnu var Mika-
el hins vegar búinn að ráða ann-
an mann í fréttastjórastarfið. Svo
virðist sem samskipti forstjórans
og aðalritstjórans séu ekki betri
en þetta og spyrja menn sig nú að
því hver stjórni innan 365.
Ari á efri hæðinni
Staða Ara Edwalds, forstjóra 365,
innan fyrirtækisins hefur veikst
umtalsvert. Til marks um það
hefur skrifstofa
hans verið færð
um eina hæð, af
fjórðu hæð og
upp á þá fimmtu,
til sölu- og mark-
aðsdeilda 365, í
höfuðstöðvunum
í Skaftahlíð. Jón Ásgeir Jóhannes-
son og aðrir helstu stjórnendur
365 eru áfram á fjórðu hæðinni.
Hermt er að nú sé staðan sú að
mikilvægar ákvarðanir séu ekki
endilega bornar undir Ara lengur.
Sem kunnugt er á Ari nokkurra
prósenta hlut í 365 og hleyp-
ur virði hans á nokkur hundruð
milljónum króna. Erfitt gæti því
verið fyrir 365 að fá nýjan for-
stjóra inn.
Ég hef alltaf gengið með
leiklistina í maganum
Ragnheiður Ragnarsdóttir ræðir um leiklistardraumana – DV
Hún vildi skilnað
Guðmundur Franklín Jónsson ræðir um skilnaðinn – DV
Við erum búin að stimpla
okkur inn sem bókaþjóð
Steinunn Sigurðardóttir ræðir um nýja skáldsögu sína – DV
Ingi Freyr Vilhjálmsson
ingi@dv.is
Leiðari
H
inn 19. mars gáfu íslensk
stjórnvöld út viðvörun um
þá áhættu sem fylgir sýndar-
fé (e. virtual currencies) svo
sem Auroracoin og Bitcoin. Tilefni
viðvörunar nú er fyrirhuguð út-
hlutun sýndarfjárins Aurauracoin
til Íslendinga á vegum aðila sem
vinnur undir dulnefninu Baldur
Friggjar Óðinsson.
Stjórnvöld fjölmargra landa hafa
séð tilefni til að upplýsa almenning
um þá áhættu sem felst í kaupum,
varðveislu eða viðskiptum með
sýndarfé. Notendur eru ekki varð-
ir gegn tapi á sýndarfé, til dæmis
ef „markaðstorg“ sem skiptir eða
varðveitir sýndarfé bregst skyldum
sínum, greiðsla misferst eða kemst
í hendur óviðkomandi aðila.
Hvorki Bitcoin né Auroracoin
eru viðurkenndur lögeyrir eða
gjaldmiðill í skilningi íslenskra
laga. Hér á landi má aðeins Seðla-
banki gefa út gjaldmiðil sem get-
ur gengið manna á milli í stað
peningaseðla og löglegrar mynt-
ar. Talsmenn Auroracoin fara ekki
leynt með þann ásetning sinn að
Auroracoin eigi að koma í stað ís-
lenskra króna í viðskiptum en
það væri einmitt brot á lögum um
Seðlabanka.
Stjórnvöld í ESB og fjölmörg-
um löndum standa frammi fyr-
ir því verkefni að ákveða laga-
lega stöðu sýndarfjár, þar á meðal
hvernig skuli greiða skatta af við-
skiptum með sýndarfé. Líklega
munu notendur þurfa að greiða
annaðhvort virðisaukaskatt eða
fjármagnstekjuskatt af viðskipt-
um með sýndarfé. Það myndi leiða
til mikillar rýrnunar á verðmæti
sýndarfjárins.
Sýndarfé gefur vissa nafn-
leynd og hefur því verið notað sem
greiðslumáti í ólöglegum viðskipt-
um á netinu. Verði sett lög gegn
sýndarfé mun það leiða til verð-
falls.
Jafnvel þótt ekki væri yfirvof-
andi skattaleg eða lagaleg óvissa
um sýndarfé, þá er margt annað
sem veldur óvissu um sýndarfé.
Verðgildi sýndarfjár hefur sveifl-
ast gríðarlega. Eftir að hafa hækk-
að í verði um hundruð prósenta
á nokkrum mánuðum, þar til það
náði hámarki í desember síðast-
liðnum, hefur Bitcoin helminga-
st í verði á nokkrum mánuðum.
Enginn gjaldmiðill hefur verið eins
óstöðugur og Bitcoin á þessum
tíma.
Svo má líka nefna tap þeirra fjöl-
mörgu sem áttu Bitcoin hjá Mt. Gox
sem var stærsti Bitcoin-miðlari
heims þegar hann fór skyndilega í
þrot. Talið er að tölvuhakkarar hafi
náð að brjótast inn í Mt. Gox og
ræna 850.000 Bitcoinum sem þar
voru geymd og metin voru á tugi
milljarða króna.
Eins og þessi dæmi sýna þá er
óvarlegt að treysta á sýndarfé. Lík-
lega verða sett lög um sýndar-
fé og skattskyldu þess og þá er lík-
legt að verðmæti sýndarfjár falli
hratt. Gengi sýndarfjár hefur verið
mjög óstöðugt. Það hefur sveiflast
um hundruð prósenta undanfarna
mánuði. Miðlarar fyrir sýndarfé
hafa ekki staðist árásir hakkara.
Viðvörun stjórnvalda um áhættu
sýndarfjár er því ekki af tilefnis-
lausu. n
Varað við sýndarfé„Eins og þessi
dæmi sýna þá
er óvarlegt að treysta á
sýndarfé.
Frosti Sigurjónsson
þingmaður Framsóknarflokks
Kjallari