Dagblaðið Vísir - DV - 25.03.2014, Blaðsíða 15

Vikublað 25.–27. mars 2014 Fréttir Viðskipti 15
Ó
lafur Johnson, skólastjóri
og eigandi Menntaskólans
Hraðbrautar, tók sér sex
milljóna króna arð út úr
móðurfélagi skólans í fyrra
jafnvel þótt skólinn væri ekki starf­
andi. Þá lánaði hann einnig sextán
milljónir króna út úr félaginu til
„tengdra aðila“. Þetta kemur fram í
ársreikningi Menntaskólans Hrað­
brautar fyrir árið 2012 sem skilað
var til ársreikningaskrár ríkisskatt­
stjóra á seinni helmingi síðasta árs.
Ólafur Johnson hefur greint frá
því á heimasíðu Hraðbrautar að
hann hyggist opna skólann aftur
en honum var lokað eftir skólaárið
2011–2012 vegna þess að Alþingi,
nánar tiltekið menntamálanefnd,
vildi ekki halda áfram að veita fjár­
munum til skólans. Upp hafði kom­
ist að Ólafur hafði tekið sér 177
milljóna króna í arð út úr rekstrar­
félagi skólans og lánað háar fjár­
hæðir út úr honum, meðal annars
til fasteignaverkefnis á vegum Nýsis
hf. í Skotlandi. Ríkisendurskoðun
vann svarta skýrslu um starfsemi
Hraðbrautar á síðasta kjörtímabili
og byggðist sú ákvörðun Alþingis
að hætta fjárveitingum til skólans
meðal annars á henni.
Skuldaði menntamála-
ráðuneytinu
Samkvæmt upplýsingum frá
menntamálaráðuneytinu er opnun
skólans á nýjan leik ekki gerð í sam­
vinnu við ráðuneytið. Hraðbraut
skuldaði íslenska ríkinu 190 millj­
ónir króna vegna þess að skólinn
fékk of mikið greitt frá ríkisvaldinu
miðað við fjölda nemenda við skól­
ann. Því má segja að peningarnir
hafi runnið frá ríkinu, inn í Hrað­
braut og þaðan út til eiganda skól­
ans. Þegar ný ríkisstjórn tók við
völdum í fyrra hafði Hraðbraut ekki
endurgreitt íslenska ríkinu þessa
fjármuni. Í fjölmiðlum á sínum tíma
var sagt frá því að Hraðbraut hefði
greitt 65 milljónir króna til baka til
ríkisins af þessari skuld.
Samkvæmt orðsendingu sem
Ólafur Johnson sendi frá sér á Face­
book í vikunni þá verður Hraðbraut
nú rekinn án fjárstuðnings frá ríkinu
enda hefur menntamálaráðuneytið
ekki viljað semja við skólann að
nýju: „Menntaskólinn Hraðbraut
verður rekinn án fjárstuðnings rík­
isins en ráðherra hefur hafnað því
að gera þjónustusamning við skól­
ann vegna fjárhags ríkissjóðs. Ekki
er hægt að bíða með að hefja skóla­
starf þar til fjárhagur ríkisins batnar
enda er áhuginn á skólanum mik­
ill. Það þýðir að skólagjöld verða að
standa undir rekstri skólans. Skóla­
gjöld hækka því mikið og verða
kr. 890.000 á hverju skólaári (tvær
annir).“
Fjárfesti í eigin félagi
Samkvæmt ársreikningi Hraðbraut­
ar ehf. á félagið eignir upp á rúmar
40 milljónir króna. Þar af eru rúm­
lega 16 milljónir króna kröfur á
tengda aðila.
Á móti þessum eignum eru
skuldir upp á rúmlega 21 milljón
króna. Eiginfjárstaða félagsins er
því jákvæð upp á rúmlega 20 millj­
ónir króna. Félagið er því borgunar­
aðili fyrir að minnsta kosti hluta
skulda sinna við íslenska ríkið.
Eignir félagsins lækkuðu um
rúmlega 40 milljónir króna á milli
áranna 2011 og 2012. Helsta ástæð­
an fyrir þessu er fjárfesting upp
á rúmlega 30 milljónir króna í
eignarhaldsfélaginu Sveinn ehf. á
árinu 2012 en það félag hét áður
Gagn ehf. og er í eigu Ólafs Hauks
Johnson. Það félag tók þátt í fjár­
festingarverkefni Nýsis í Skotlandi
sem áður var nefnt.
Ólafur notar því enn Hraðbraut
til að taka sér arð út úr félaginu og
lána fjármuni þess til félaga sem
honum tengjast. Á sama tíma ligg­
ur fyrir að félagið skuldar ríkinu
fjármuni sem ekkert í ársreikning­
um félagsins bendir til að félagið
hafi greitt þrátt fyrir að geta það að
hluta. n
Ingi Freyr Vilhjálmsson
ingi@dv.is
„Ráðherra hefur
hafnað því að
gera þjónustusamning
við skólann.
Ólafur tók sér sex
milljóna arð í fyrra
n Ætlar að opna Hraðbraut aftur n Skuldar ríkinu meira en hundrað milljónir
Arðgreiðsla og lán
Ólafur Johnson ætlar að
opna Hraðbraut aftur án
fjármagns frá ríkinu. Hann
tók sex milljóna arð út úr
móðurfélagi skólans í fyrra
og lánaði fé út úr því.
Frestur Árna Páls-laganna að renna út
Frumvarp kynnt sem framlengir frestinn um fjögur ár
V
iðskiptavinir lánafyrirtækja
sem hyggja á málarekstur
vegna leiðréttinga á lána­
samningum hafa frest til 16.
júní í sumar til þess að stefna viðkom­
andi fyrirtæki. Þá rennur út sá frestur
sem lánþegar hafa, en það er vegna
fyrningarreglu í lögum sem kennd
eru við Árna Pál Árnason, formann
Samfylkingarinnar. Á þessum degi,
árið 2010, voru samningar Lýsingar
fyrst dæmdir ólöglegir og því mið­
aðist dagsetning fyrningarfrests við
hann.
Frumvarp um breytingu á þess­
um lögum var lagt fram af efnahags­
og viðskiptanefnd hinn 18. mars síð­
astliðinn, en aðeins 17 dagar eru eftir
af þinginu og því ekki langur tími til
stefnu ef samþykkja á lögin. Í frum­
varpinu segir að fyrningarfresturinn
skuli vera átta ár, og muni því gilda
til 16. júní 2018. Í greinargerð frum­
varpsins segir meðal annars að Hæsti­
réttur hafi komist að þeirri niður­
stöðu að áttundi kafli laga um vexti og
verðtryggingu veitti ekki heimild til
að tengja fjárskuldbindingar í íslensk­
um krónum við gengi erlendra gjald­
miðla. „Í kjölfar þeirrar niðurstöðu
reis réttarágreiningur sem vart á sér
hliðstæðu á íslenskum fjármálamark­
aði og ekki hefur enn verið að fullu til
lykta leiddur.“
Þeir sem ætla að stefna slíkum fyr­
irtækjum þurfa því að hafa hraðan
á, en lögfræðingur sem DV ræddi
við sagði að þótt krafan þyrfti að
vera lögð fram í síðasta lagi hinn 16.
júní, þá þýddi lítið að leita til lög­
fræðings þann dag. Því þyrfti fólk
að koma sér að verki sem allra fyrst,
en undirbúningur slíkra mála tekur
mislangan tíma. „Því fyrr því betra,
það þýðir ekki að koma á fyrsta degi.
Það þarf að útbúa stefnu, sem er það
eina sem slítur þennan fyrningar­
frest, ef lögin standa óbreytt,“ segir
lögfræðingurinn. n
rognvaldur@dv.is
Að renna út Fyrningar-
frestur í Árna Páls-lögun-
um miðast við 16. júní 2014.
Laun hækkuðu
milli ára
Samkvæmt nýjustu tölum frá
Hagstofunni hækkuðu laun
um 5,7 prósent á milli áranna
2012 og 2013, en ársmeðal­
tal vísitölu launa sýnir þetta.
Laun á almennum vinnumark­
aði hækkuðu um 6,1 prósent að
meðaltali, en laun opinberra
starfsmanna um 4,9 prósent.
Á almennum vinnumarkaði
hækkuðu laun skrifstofufólks
mest á milli ára, um 7,5 prósent
en laun iðnaðarmanna hækk­
uðu minnst, um 5,3 prósent. Í
heild hækkuðu laun mest í fjár­
málaþjónustu, vátryggingar­
starfsemi og hjá lífeyrissjóð­
um en minnst í iðnaði. Vísitala
launa endurspeglar þróun
reglulegra laun og er gefin út í
hverjum ársfjórðungi.
Allir fá
Auroracoin
Nýjum, íslenskum, rafrænum
gjaldmiðli var dreift til allra Ís­
lendinga á miðnætti á mánu­
daginn síðastliðinn. Gjald­
miðillinn kallast Auroracoin,
en hann er byggður á Bitcoin­
gjaldmiðlinum sem hefur verið
í stöðugri sókn á síðustu árum.
Ólíkt Bitcoin, fá allir Íslendingar
gjaldmiðilinn gefins ákveðna
upphæð en þurfa síðan að verða
sér úti um gjaldmiðilinn með
kaupum og sölu eða með því
að vinna sér inn fyrir honum.
Upphæðin verður 31,8 AUR, en
markaðsvirði upphæðarinnar
var tæpar 40 þúsund krónur á
mánudag.
MP banki
selur Lykil
Fjármögnunarfyrirtækið Lýs­
ing hefur keypt rekstur Lyk­
ils hf., sem var eignaleigusvið
MP banka. Lykill hefur, líkt og
Lýsing, boðið bílasamninga,
bílalán og kaupleigusamn­
inga til fjármögnunar atvinnu­
tækja. Þeirri starfsemi verður
haldið áfram undir merkjum
Lykils og viðskiptavinir fyrir­
tækisins munu ekki verða varir
við breytingar. Í tilkynningu frá
MP banka segir að salan á Lykli
sé liður í því að skerpa á sér­
hæfðri bankaþjónustu og um
leið einfalda skipulag bankans
og auka áherslu á kjarnastarf­
semi. Samningar um kaupin
voru undirritaðir á föstudaginn
síðastliðinn og kaupin hafa nú
gengið í gegn.