Dagblaðið Vísir - DV - 25.03.2014, Blaðsíða 30

30 Menning Vikublað 25.–27. mars 2014
Vönduð hátíð
A
lþjóðleg Barnakvikmynda-
hátíð í Reykjavík opn-
aði formlega á fimmtudag
við mikinn fögnuð grímu-
klæddra barna sem fjöl-
menntu í Bíó Paradís. Færri komust
að en vildu á opnunarmynd hátíðar-
innar, ofurhetjumyndina Antboy, en
börnin gengu fyrir og fóru þónokkrir
foreldrar fram og fengu sér kaffisopa
með framkvæmdastjóra Bíó Paradís-
ar, Hrönn Sveinsdóttur.
Börnin gæddu sér á poppi og
horfðu á töfraatriði Lalla töframanns
áður en sýning hófst. Mörg þeirra voru
klædd sem ofurhetjur og einhverjir
fullorðnir klæddu sig upp fyrir hátíð-
ina til að gleðja ungviðið. Vigdís Finn-
bogadóttir, verndari hátíðarinnar, hélt
stutta tölu um hátíðina og reistu börn-
in sig við í sætunum, þegar hún sagði
þeim að hún hefði einu sinni verið for-
seti. „En hún er bara stelpa,“ sagði lítill
gestur stundarhátt og minnti þannig
á að þótt staða kvenna hafi þótt góð
um tíma, gleymast góðir sigrar. Vigdís
minnti börnin á að góðar myndir eru
byggðar á góðum sögum, ekkert of-
beldi þurfi til að skreyta þær.
Hátíðin er hin metnaðarfyllsta.
Hrönn Sveinsdóttir segist stefna á að
halda hátíðina á hverju ári. Í ár voru
talsettar tvær myndir, Andri og Edda
verða bestu vinir, fyrir börn þriggja
ára og eldri auk opnunarmyndarinn-
ar Antboy sem vakti þvílíka hrifningu
meðal bíógesta. Ljóst er að með há-
tíðinni fá yngstu bíógestirnir gæða-
myndefni til að horfa á sem annars
stendur ekki til boða.
Dagskrá helgarinnar var lífleg.
Sveppi og Villi lásu yfir sína uppá-
haldsmynd, Grallarana (The Goon-
ies), á sunnudaginn. Næstu helgi fá
unglingar eitthvað fyrir sinn snúð.
Þá verður boðið upp á hryllings-
myndaþema fyrir unglinga laugar-
daginn 29. mars. „Sem er stranglega
bönnuð innan 15 ára,“ segir Hrönn frá.
Gullmolar hátíðarinnar
Auk opnunarmyndarinnar Antboy
er úrval gæðakvikmynda fyrir börn
mikið á hátíðinni. Helst ber að nefna
teiknimyndina Dagur krákanna eða
Day of the Crows, Edda og Andri
verða vinir, sem er fyrir yngstu áhorf-
endurna, og Klara og leyndarmál
bjarndýranna.
Dagur krákanna er stórbrotin
teiknimynd um dreng sem elst upp í
hjarta skógarins. Þar sem einu mann-
legu samskiptin eru við einsetu-
manninn föður hans hefur dreng-
urinn þróað með sér hæfileika til að
sjá og fylgja leiðbeiningum andanna
sem búa í skóginum. Þegar faðir hans
verður fyrir slysi neyðist drengurinn
til að leita út fyrir skóginn og þá hefj-
ast ævintýrin fyrir alvöru. Myndin er
tilnefnd til áhorfendaverðlauna há-
tíðarinnar og er frumsýning 25. mars.
Klara og leyndarmál bjarndýranna
fjallar um þrettán ára stúlku sem býr
við rætur svissnesku Alpanna ásamt
móður sinni og stjúpföður. Fljótlega
áttar hún sig á að það liggur bölvun
yfir sveitabænum vegna verka forfeðr-
anna en til að aflétta henni þarf Clara
að koma á sáttum á milli manna og
náttúru. Myndin er tilnefnd til áhorf-
endaverðlauna hátíðarinnar. Myndin
vann áhorfendaverðlaun á Alþjóðlegu
Barnakvikmyndahátíðinni Buster í
Danmörku og hefur auk þess unnið til
fjölda verðlauna, m.a. á Giffoni kvik-
myndahátíð, Alþjóðlegu Barnakvik-
myndahátíðinni í Montreal og Kvik-
myndahátíðinni í Tallinn.
Fagnaðarefni
Það er sérstakt fagnaðarefni að tvær
mynda hátíðarinnar hafi verið sér-
staklega talsettar. Talsetning Ant-
boy var sérlega vönduð enda hlaut
hinn ungi Ágúst Örn Wigum til-
nefningu til Edduverðlaunanna
2014 fyrir frammistöðu sína. Hin
myndin, Andri og Edda verða bestu
vinir, er tilvalin fyrir yngstu áhorf-
endurna og fjallar um þau Andra og
Eddu og tuskudýrin þeirra.
Myndin var tilnefnd sem besta
barnamyndin á hinum norsku
Amanda-verðlaunum og var auk
þess tilnefnd sem besta barna-
myndin á kvikmyndahátíðinni í
Tallinn. n
Kristjana Guðbrandsdóttir
kristjana@dv.is
Gleði á bíóhátíð barna Gestir mættu margir í ofurhetjubúningi.
Verndari hátíðarinnar Vigdís minnti
börnin á að góðar myndir eru byggðar á
góðum sögum, ekkert ofbeldi þurfi til að
skreyta þær.
Tilvalin fyrir yngstu
áhorfendurna Andri og
Edda verða bestu vinir
Mikið úrval Á kvikmyndahátíðinni er afar fjölbreytt val kvikmynda. Bæði fyrir börn og
unglinga. Á laugardaginn verður sérstakt hryllingsmyndakvöld og bannaður aðgangur yngri
en fimmtán ára.
Vegleg
opnunarhátíð
Tjarnarbíó heldur veglega opn-
unarhátíð laugardaginn 29. mars,
frá klukkan 19–24.00, þar sem
listahópurinn Vinnslan mun sjá
um sýningarstjórnun.
Um er að ræða stóra samsýn-
ingu 25 listamanna – og verður líf
og list í öllum krókum og kimum
hússins. Meðal þess sem boðið er
upp á er sýnishorn af nýju verki
VaVaVoom theatre í samstarfi við
Bedroom Community, Vinnslan
sýnir stuttmyndina sína ROF, Ás-
dís Sif Gunnarsdóttir vídeólista-
maður frumflytur efni af glænýrri
ljóðaplötu sinni, Steinunn Ketils-
dóttir sýnir dansverk og þá flytur
Pétur Ben nýtt efni.
Borgarljóð í
fókus
Fókus, félag áhugaljósmyndara,
sýnir um þessar mundir ljós-
myndir í Borgarbókasafni,
Tryggvagötu 15. Sýningin ber
heitið Borgarljóð í fókus.
Félagsmenn í Fókus völdu
sér ljóð á Ljóðakorti Reykjavík-
ur. Á Ljóðakorti Reykjavíkur er að
finna ljóð sem ort hafa verið um
hverfi, staði, hús, garða, atburði
og fleira í Reykjavíkurborg.
Ljóðakortið er unnið af Borg-
arbókasafni Reykjavíkur og hægt
er að nálgast það á heimasíðu
safnsins: www.borgarbokasafn.is
„Skáldið
og biskups-
dóttirin“
Óperusöngkonan Alexandra
Chernyshova og leikkonan Guð-
rún Ásmundsdóttir setja upp
óperuna Skáldið og biskups-
dóttirin, byggða á ævi og ljóðum
Hallgríms Péturssonar. Óper-
an verður sýnd í Hallgrímskirkju
í Saurbæ í Hvalfirði. Vinnan
við óperuna hefur tekið þrjú ár.
Óperan er samin og sett upp sem
leikverk í fullri lengd, sungin á ís-
lensku, fyrir kammerhljómsveit,
einsöngvara og kór.
Tilgangur og markmið ver-
kefnisins er að koma sögu á
framfæri á afmælisári Hallgríms
Péturssonar og því er verkið sýnt
á þeim
stað sem hann starfaði og
unnið með heimafólki.
Auk þess að semja tónlist í
óperuna þá kemur Alexandra til
með að syngja eitt af aðalhlut-
verkunum ásamt Kristjáni Jó-
hannssyni. Óperan verður frum-
flutt 11. apríl næstkomandi.
Skipsbrot Ferjunnar
N
ýjasta verk Kristínar Marju
Baldvinsdóttur, Ferjan, var
frumsýnt á Litla sviðinu í Borg-
arleikhúsinu síðasta föstudags-
kvöld. Leiksýningin segir sögu fimm
íslenskra kvenna og þriggja karla, sem
neyðast til að fara með gömlum, ryðg-
uðum dalli til Íslands frá Evrópu þegar
flugsamgöngur liggja niðri vegna eld-
goss. Konunum er troðið í lítinn klefa
á meðan karlarnir hafa það náðugt á
barnum í skipinu, þar sem þeir syngja
og drekka. Fljótlega fara konurnar að
verða þreyttar á þessu og vilja frekar
vera uppi að skemmta sér en að húka
í klefanum sínum. Í verkinu er dökkur
undirtónn þar sem deilt er á hlutverk
karla og kvenna í samfélaginu. Ádeilan
birtist oft í skoplegum aðstæðum og
margoft skellihlógu áhorfendur. Katla
María Þorgeirsdóttir bar af í sínu hlut-
verki og naut sín í að túlka húmorinn
sem felst í verkinu. Hins vegar skilaði
sér hinn dökki undirtónn aldrei fylli-
lega og áhorfandinn kemst aldrei al-
mennilega að því hvers vegna hann er
til staðar. Enginn veit hver stýrir skip-
inu, áhöfnin virðist stórfurðuleg en
aldrei kemur það almennilega fram
hvers vegna. Áhorfandinn er skilinn
eftir í lausu lofti og lítill kraftur er í lok-
in eftir hina skrautlegu atburðarás sem
á sér stað um borð.
Leikmyndin, lýsing og önnur um-
gjörð verksins er til fyrirmyndar.
Hönnuður leikmyndarinnar, Vytaut-
as Narbutas, á hrós skilið fyrir útfær-
slu á vaggi og veltu bátsins. Leikararn-
ir hafa þurft að æfa sig vel í að ganga
um sviðið, sem greinilega var krefjandi
en gerðu það án nokkurra vandræða.
Sýningin nýtur sín vel í þessum litla sal
og leikarahópurinn stendur sig ágæt-
lega. Hlutverkin eru þó ekki sérstak-
lega krefjandi og karlhlutverkin í sýn-
ingunni þá sérstaklega. Við kynnumst
þeirra persónum lítið og það er þá
helst Guðjón Davíð, Gói, sem fær að
taka stutta spretti. Meira hefði mátt
gera úr þeim og samtölin hefðu mátt
vera miklu dýpri. n
Stjórnlaust Enginn veit
hver stýrir skipinu og það
kemur aldrei fram í sýn-
ingunni. Mynd GríMur BjarnaSon
Ferjan
Höfundur: Kristín Marja Baldursdóttir
Leikstjórn: Kristín Eysteinsdóttir
Leikmynd: Vytautas Narbutas
Búningar: Stefanía Adolfsdóttir
Tónlist: Hallur Ingólfsson
Lýsing: Þórður Orri Pétursson
Hljóð: Baldvin Magnússon
Leikgervi: Árdís Bjarnþórsdóttir
Leikarar: Hildur Berglind Arndal, Katla
Margrét Þorgeirsdóttir, Halldór Gylfason,
Guðjón Davíð Karlsson, Hilmar Guðjónsson,
Birgitta Birgisdóttir, Anna Kristín Arngríms-
dóttir, Elva Ósk Ólafsdóttir
Sýnt í Borgarleikhúsinu
rögnvaldur Már Helgason
rognvaldur@dv.is
Dómur