Dagblaðið Vísir - DV - 01.04.2014, Blaðsíða 6

Vikublað 1.–3. apríl 20146 Fréttir
Fæst í apótekum, heilsubúðum, Krónunni og Celsus, Ægisíðu 121
Algjört orku- og næringarskot
„ Með því að taka Lifestream Spirulina og AstaZan
eykst krafturinn yfir daginn í vinnunni og æfingar
seinni part dags eru ekkert mál. Vöðvarnir eru
fljótari að ná sér eftir æfingar. Það að taka auka
Spirulina sem er lífrænt fjölvítamín, fyrir leik
er algjört orku- og næringarskot. Spirulina er
líka frábær vörn gegn kvefi og flensum.“
Steinunn Erla Sigurgeirsdóttir
leikskólakennari og landsliðskona í íshokkí.
lífræn bætiefni fyrir alla - heilsa til framtíðar
TREYSTI Á
LIFESTREAM
BÆTIEFNIN!
Apótek, heilsubúðir, Krónan, Hagkaup, Viðir, N ttó og Fríhöfnin.
„Ég hafði enga
aðkomu að því “
Illugi Gunnarsson spurður um álit ríkislögmanns á áminningu Hrafnhildar Ástu Þorvaldsdóttur
Þ
að er nokkuð langt í það að
ég fari að tjá mig um full-
yrðingar nafnlausra „heim-
ildarmanna“,“ segir Illugi
Gunnarsson menntamála-
ráðherra spurður um hvort hann hafi
rætt við Sigurð Inga Jóhannsson um
áminninguna sem Hrafnhildur Ásta
Þorvaldsdóttir fékk í starfi sínu í um-
hverfisráðuneytinu áður en hún var
afturkölluð. DV hefur heimildir fyr-
ir þessu innan úr stjórnkerfinu og
var frétt um málið sögð í helgarblað-
inu í síðustu viku. Þegar sú frétt var
prentuð aðfaranótt síðasta föstudags
hafði Illugi ekki svarað spurningum
blaðsins um málið.
Illugi segir hins vegar að hann hafi
ekki haft neina aðkomu að því hvern-
ig áminningin var afturkölluð en að
hann telji að Sigurður Ingi hafi tek-
ið rétta ákvörðun þegar hann aftur-
kallaði áminninguna. „En eins og þú
veist þá var málið alfarið innan ráðu-
neytis Sigurðar Inga, á ábyrgð hans
alfarið og ég hafði enga aðkomu að
því hvernig hann hélt á þessu máli.
Mitt mat er reyndar að hann hafi gert
rétt í því að leita til ríkislögmanns og
í framhaldinu tekið rétta ákvörðun.“
Athygli vekur að Illugi játar því
hvorki né neitar að hafa rætt áminn-
inguna við Sigurð Inga áður en hann
afturkallaði hana.
Forsenda ráðningarinnar
Afturköllun áminningarinnar var
forsenda fyrir því að Hrafnhildur Ásta
gæti fengið starf framkvæmdastjóra
Lánasjóðs íslenskra námsmanna. Ill-
ugi skipaði hana í starfið í október á
síðasta ári. Hrafnhildur Ásta er ná-
frænka Davíðs Oddssonar, fyrrver-
andi forsætisráðherra og ritstjóra
Morgunblaðsins.
Stjórn LÍN skilaði tillögu til Illuga
Gunnarssonar með nöfnum þriggja
umsækjenda sem hún mat hæfasta.
Nafn Hrafnhildar Ástu var á þeim
lista en stjórnin taldi að annar um-
sækjandi um starfið, Kristín Egils-
dóttir, væri hæfust og orðaði það mat
sitt með skýrum hætti í tillögunni til
Illuga.
Athygli vekur að í tillögu stjórn-
arinnar kemur ekki fram að búið
hafi verið að afturkalla áminninguna
þegar Illugi fékk hana inn á sitt borð.
Illugi komst svo að annarri niður-
stöðu en stjórn LÍN og var Hrafnhild-
ur Ásta ráðin í starfið en ekki Krist-
ín. Líkt og DV hefur fjallað um óskaði
Kristín eftir rökstuðningi mennta-
málaráðuneytisins fyrir ráðningu
Hrafnhildar Ástu og ákvað hún í kjöl-
farið að leita réttar síns í málinu.
Kynnti sér álit ríkislögmanns
Í viðtali við DV í síðustu viku sagði
Illugi að álit sem embætti ríkislög-
manns vann um áminninguna sem
Hrafnhildur Ásta fékk í starfi vegna
samskiptaörðugleika hefði skipt máli
þegar áminningin var afturkölluð.
DV hefur gert tilraunir til að fá þetta
álit, bæði frá umhverfisráðuneytinu
og eins frá ríkislögmanni sjálfum.
Þær tilraunir hafa ekki borið árang-
ur. Inntakið í álitinu var, samkvæmt
þeim samtölum sem DV hefur átt, að
líklega yrði íslenska ríkið bótaskylt út
af áminningunni ef Hrafnhildur Ásta
hefði leitað réttar síns vegna hennar.
Illugi segir í svari við fyrirspurn
DV að hann hafi kynnt sér álit ríkis-
lögmanns um áminninguna en hann
má skilja sem svo að þetta hafi gerst
eftir að hún var afturkölluð. „Það er
rétt að ég hef kynnt mér álit ríkislög-
manns á málinu, enda er það áhuga-
verð lesning. Fullyrðing þín um að
ég hljóti að hafa gert það áður en
áminning var afturkölluð er röng og
úr lausu lofti gripin.“
Illugi var hins vegar ekki sammála
því að það stæði hugsanlega utan
við starfsskyldur hans sem mennta-
málaráðherra að kynna sér álit
ríkis lögmanns á áminningum sem
starfsmenn annarra ráðuneyta hafa
fengið. „Mér finnst þessi nálgun þín
á hugtakinu „starfsskyldur ráðherra“
áhugaverð. Skil ég fullyrðingu þína
rétt þannig að það sé þitt mat að það
falli einhvern veginn fyrir utan starfs-
skyldu ráðherra að kynna sér um-
sækjendur sem sækja um starf sem
ráðuneyti það sem hann fer með hef-
ur auglýst laust til umsóknar, nema
að hann hafi áður fengið til sín tillögu
frá ráðgefandi/umsagnar aðila? Er
það skoðun þín að ráðningarferlið sé
ekki komið „inn á borð“ til ráðherra
fyrr en ráðgefandi aðili hefur lokið yf-
irferð sinni?“ n
Ingi Freyr Vilhjálmsson
ingi@dv.is
„Það er rétt að ég
hef kynnt mér álit
ríkislögmanns á málinu.
Kallaði eftir álitinu Sigurður Ingi
Jóhannsson umhverfisráðherra kallaði eftir
álitinu um áminninguna.
Kynnti sér álitið Illugi kynnti
sér álit ríkislögmanns á áminningu
Hrafnhildar Ástu og telur að Sig-
urður Ingi Jóhannsson hafi staðið
rétt að málinu. Mynd SIGtryGGur ArI
Eldur á
Eyrarbakka
Slökkvilið, sjúkralið og lög-
regla voru kölluð að íbúðarhúsi
á Eyrarbakka rétt fyrir klukk-
an ellefu á mánudagsmorgun
vegna elds sem kom þar upp.
Talsverður reykur var innandyra
þegar viðbragðsaðilar komu
á staðinn. Slökkviliðið réði
niðurlögum eldsins og var hús-
ið reykræst í kjölfarið. Húsið var
mannlaust þegar eldurinn kom
upp en talið er að kviknað hafi í
út frá þvottavél.
Samþykkja
verkfalls-
aðgerðir
Þrjú af aðildarfélögum BSRB sem
eiga félagsmenn sem starfa hjá
Isavia ohf. hafa samþykkt boð-
aðar verkfallsaðgerðir. Félögin
sem um ræðir eru Landssam-
band slökkviliðs- og sjúkra-
flutningamanna, Félag flug-
málastarfsmanna ríkisins og
SFR-stéttarfélag í almannaþjón-
ustu.
Þetta kemur fram í tilkynn-
ingu sem BSRB sendi frá sér á
mánudag. Þar kemur fram að 88
prósent sögðu já, en níu prósent
nei. Auðir og ógildir seðlar voru
þrjú prósent. Af þessu er ljóst að
gripið verður til verkfallsaðgerða
hinn 8. apríl næstkomandi, hafi
samningar ekki náðst fyrir þann
tíma.
Á tímabilinu 8. til 25. apr-
íl munu allir félagsmenn félag-
anna hjá Isavia leggja niður störf
í fimm klukkustundir, frá klukkan
4.00 til klukkan 9.00. Þetta verður
gert þriðjudaginn 8. apríl, mið-
vikudaginn 23. apríl og föstu-
daginn 25. apríl. Klukkan 4 hinn
30. apríl hefst allsherjarverkfall
allra félagsmanna félaganna hjá
Isavia sem mun standa þar til
annað verður ákveðið.
Kostaði 1,7 milljónir
Ferð Gunnars Braga Sveinssonar utanríkisráðherra til Úkraínu
K
ostnaður við ferð Gunnars
Braga Sveinssonar utanríkis-
ráðherra til Úkraínu hinn 21.
til 23. mars var tæplega 1,7
milljónir króna. Ferða- og dvalar-
kostnaður utanríkisráðherrans var
rétt rúmar 400 þúsund krónur en
rúmar 1,2 milljónir voru greidd-
ar fyrir föruneyti ráðherrans. Fjór-
ir starfsmenn voru með í för: Sunna
Marteinsdóttir, aðstoðarmaður
ráðherrans, Urður Gunnarsdóttir,
fjölmiðlafulltrúi utanríkisráðu-
neytisins, og tveir starfsmenn al-
þjóða- og öryggisskrifstofu ráðu-
neytisins. Þá borgaði ráðuneytið
66.157 krónur fyrir hádegisverð
með fulltrúum frjálsra félagasam-
taka og túlkaþjónustu.
Kostnaðurinn við ferðina er ekki
mikill í samanburði við aðrar ferð-
ir ráðherrans á kjörtímabilinu en
ráðuneytið hefur mest greitt 3,75
milljónir fyrir ferð Gunnars Braga og
fjögurra fylgdarmanna til New York á
allsherjarþing Sameinuðu þjóðanna
í september í fyrra.
Mikið var fjallað um heimsókn-
ina í íslenskum fjölmiðlum en Heim-
ir Már Pétursson fréttamaður og Val-
garður Gíslason myndatökumaður
voru með í för á vegum 365 miðla
og Björn Malmquist fréttamaður og
Freyr Arnarson tökumaður á vegum
RÚV. Samkvæmt upplýsingum frá
ráðuneytinu tók það hins vegar ekki
þátt í kostnaði fjölmiðlamanna.
Í Úkraínu fundaði Gunnar Bragi
meðal annars með Andrii Des-
hchytisa, utanríkisráðherra landsins,
fulltrúa seðlabankans, stjórnarand-
stöðunnar, mannréttindasamtaka
og hitti starfsmenn Öryggis- og sam-
vinnustofnunar Evrópu. n
kristjan@dv.is
Vel skjalfest Ferð Gunnars Braga til Úkra-
ínu var vel skjalfest, bæði í fjölmiðlum og á
Instagram-svæði utanríkisráðuneytisins.