Dagblaðið Vísir - DV - 01.04.2014, Blaðsíða 26

Vikublað 1.–3. apríl 201426 Lífsstíll
„Brjóstagjöf einkamál móður og barns“
Samkvæmt Alþjóðaheilbrigðismálastofnuninni
(WHO) eiga konur að hafa nýfædd börn sín á brjósti
í sex mánuði og halda brjóstagjöf áfram með fram
annarri fæðu alla vega að tveggja ára aldri. Samt sem
áður segja mæður sem kjósa að hafa börn sín svo lengi
á brjósti að þær finni fyrir fordómum. Mæðurnar segja
að þótt viðhorfið í samfélaginu gagnvart brjóstagjöf
sé jákvæðara í dag en áður sé enn langt í land.
indiana@dv.is
B
rjóstagjöf á að vera einka-
mál móður og barns,“ seg-
ir Anna Þorleifsdóttir,
tveggja barna móðir sem
var með yngri dóttur sína á brjósti
í rúm tvö ár. „Eldri stelpan stækk-
aði svo ört að mér tókst ekki að
halda í við hana. Hún var því bara
á brjósti í hálft ár. Það voru vissu-
lega vonbrigði en þá hafði ég ekki
kynnt mér brjóstagjöf jafn vel og
með seinna barnið.“
Anna setti sér það takmark að
vera í eitt ár með yngra barnið
á brjósti. „Þá gekk brjóstagjöf-
in mun betur. Stelpan var samt
alltaf léleg að borða og var orðin
mjög létt á tímabili. Ég hélt samt
alltaf brjóstagjöfinni áfram,“ seg-
ir hún og bætir við að ótrúlegasta
fólk hafi haft skoðun á brjósta-
gjöfinni. „Ég var oft spurð hvort
ég væri virkilega með hana á
brjósti og hvort hún væri ekki
löngu farin að borða mat. Þegar
hún var sem léttust var mér ráð-
lagt af heilbrigðisstarfsfólki að
hætta að gefa henni brjóst svo
hún færi að borða en það hvarfl-
aði ekki að mér. Brjóstagjöfin
gekk vel, hún var hamingjusöm
og greip sjaldnast umgangspest-
ir og mér fannst hún hraustari
en margir jafnaldrar hennar. Ég
skrifaði það algjörlega á brjósta-
gjöfina.“n
V
ið erum að reyna að hætta,“
segir Sigrún Heiða Péturs-
dóttir, fjögurra barna móðir
á Sauðárkróki, en Sigrún
Heiða er með rúmlega þriggja ára
son á brjósti.
Faldi brjóstagjöfina
Sigrún Heiða eignaðist fyrsta barnið
þegar hún var 19 ára en drengurinn
var á brjósti í rúm tvö ár. „Ég fór í
þvílíkar felur með þetta enda mikið
tabú á þessum tíma. Ég laug þegar
ég var spurð hvort hann væri enn að
totta. Það var hrikalega leiðinlegt en
vanþekkingin var svo mikil.“
Sigrún Heiða segist ekki hafa
ákveðið fyrir fram að hafa soninn
svo lengi á brjósti. „Ég var mikið ein,
hafði ekki mömmu eða vinkonur í
kring, og þetta þróaðist bara svona.
Svo hætti hann sjálfur en þannig
finnst mér að þetta eigi að virka.“
Sigrún segir fordóma gagnvart
brjóstagjöf hafa minnkað síðan hún
eignaðist sitt fyrsta barn. „Ég finn
aðallega fyrir fordómum hjá eldra
fólki. Þeim finnst út í hött að ég sé
enn með strákinn á brjósti. Kon-
um á mínum aldri finnst þetta hins
vegar bara besta mál og segja mér
hvað ég sé dugleg.“
Stuttur tími
Hún segir börnin fjögur ekki hafa
verið háðari henni en gengur og ger-
ist þrátt fyrir langa brjóstagjöf allra
barnanna. „Ég á þrjár stráka og eina
stelpu og það var aðallega stelp-
an sem var sérstaklega háð mér. Ég
man að þegar hún var að smella í
tveggja ára þá fór ég til útlanda í sex
daga og var alveg viss um að hún
vildi ekki drekka þegar ég kæmi
til baka. Þegar ég kom heim um
nóttina skreið ég upp í rúm til henn-
ar og þegar hún fann að ég var kom-
in stökk hún strax á mig. Mér fannst
það voðalega notalegt enda var ég
ekki tilbúin til að hætta. Kannski
eru börnin háðari manni fyrir vikið
en það er þá allt í lagi. Þetta er svo
stuttur tími og þetta líður svo hratt.
Maður á bara að njóta þess.“
Ófrísk með barn á brjósti
Þegar Sigrún var ófrísk af yngsta
barninu sínu var hún enn með það
næstyngsta á brjósti. „Þá fékk ég til
dæmis að heyra að ég yrði að hætta
því mjólkið þyrfti tíma til að ná sér
á strik aftur. Ég hætti hins vegar af
því að mér fannst það óþægilegt
vegna bumbunnar. Það var ekkert
mál,“ segir hún en bætir aðspurð við
að hún gefi yngsta stráknum brjóst
aðallega heima fyrir. „Ég er enn þá
að fela þetta upp að vissu marki. Ég
nenni bara ekki að hlusta á eldra fólk
skammast. Þetta er það fyrsta sem
hann vill gera þegar hann kemur af
leikskólanum, að súpa er svo mikil
huggun. Ég mjólka líka svo rosalega
vel. Ef ég væri kýr væri ég örugglega
afurðahæst í öllum Skagafirðinum,“
segir hún hlæjandi að lokum. n
Skrifa hreystina
á brjóstagjöfina
Eldra fólk
með fordóma„Konum á mínum
aldri finnst þetta
hins vegar bara besta
mál og segja mér hvað
ég sé dugleg
Enn á brjósti Sigrún
Heiða er með rúmlega
þriggja ára gamlan
son sinn á brjósti.
Einkamál móður og barns
Anna Þorleifsdóttir var með yngri
dótturina á brjósti í rúm tvö ár.
Svarið við spurningu dagsins
Fylgiskar - Suðurlandsbraut 10, 108 Rvk - Nýbýlavegi 4, 200 Kóp - Sími 533 1300 - fylgiskar.is
tilbúnar í pottinn heima
Fiskisúpur í Fylgiskum
Verð 1.790 kr/ltr
Súpan kemur í fötu en skinum er pakkað sér.
Eldunaraðferð þegar heim er komið: Súpan er hituð upp að suðu, skinum er jafnað
út milli súpudiska eða settur í pottinn um leið og súpan er borin fram.
Hvað þarftu mikið?
Súpa sem aðalréttur – 0,5 ltr/mann
Súpa sem forréttur – 0,25 ltr/mann
Mánudaga - föstudaga 10.30 - 18.30
Laugardaga frá 11.00-16.00 (Kópavogur)